प्रेमधामदेवस्तोत्रम् Shri Shri Prema Dhama Deva Stotram

देवसिद्धमुक्तयुक्तभक्तवृन्दवन्दितंपापतापदावदाहदग्धदुःखखण्डितम् ।कृष्णनामसीधुधामधन्यदानसागरंप्रेमधामदेवमेव नौमि गौरसुन्दरम् ॥ १॥

devasiddhamuktayuktabhaktavṛndavanditaṃpāpatāpadāvadāhadagdhaduḥkhakhaṇḍitam |kṛṣṇanāmasīdhudhāmadhanyadānasāgaraṃpremadhāmadevameva naumi gaurasundaram || 1||

स्वर्णकोटिदर्पणाभदेहवर्णगौरवंपद्मपारिजातगन्धवन्दिताङ्गसौरभम् ।कोटिकाममूर्च्छिताङ्घ्रिरूपरासरङ्गरंप्रेमधामदेवमेव नौमि गौरसुन्दरम् ॥ २॥

svarṇakoṭidarpaṇābhadehavarṇagauravaṃpadmapārijātagandhavanditāṅgasaurabham |koṭikāmamūrcchitāṅghrirūparāsaraṅgaraṃpremadhāmadevameva naumi gaurasundaram || 2||

प्रेमनामदानजन्यपञ्चतत्त्वकात्मकंसाङ्गदिव्यपार्षदास्त्रवैभवावतारकम् ।श्यामगौरनामगाननृत्यमत्तनागरंप्रेमधामदेवमेव नौमि गौरसुन्दरम् ॥ ३॥

premanāmadānajanyapañcatattvakātmakaṃsāṅgadivyapārṣadāstravaibhavāvatārakam |śyāmagauranāmagānanṛtyamattanāgaraṃpremadhāmadevameva naumi gaurasundaram || 3||

शान्तिपुर्यधीशकल्यधर्मदुःखदुःसहंजीवदुःखहानभक्तसौख्यदानविग्रहम् ।कल्यघौघनाशकृष्णनामसीधुसञ्चरंप्रेमधामदेवमेव नौमि गौरसुन्दरम् ॥ ४॥

śāntipuryadhīśakalyadharmaduḥkhaduḥsahaṃjīvaduḥkhahānabhaktasaukhyadānavigraham |kalyaghaughanāśakṛṣṇanāmasīdhusañcaraṃpremadhāmadevameva naumi gaurasundaram || 4||

द्वीपनव्यगाङ्गबङ्गजन्मकर्मदर्शितंश्रीनिवासवासधन्यनामरासहर्षितम् ।श्री हरिप्रियेशपूज्यधीशचीपुरन्दरंप्रेमधामदेवमेव नौमि गौरसुन्दरम् ॥ ५॥

dvīpanavyagāṅgabaṅgajanmakarmadarśitaṃśrīnivāsavāsadhanyanāmarāsaharṣitam |śrī haripriyeśapūjyadhīśacīpurandaraṃpremadhāmadevameva naumi gaurasundaram || 5||

श्री शचीदुलालबाल्यबालसङ्गचन्चलंआकुमारसर्वशास्त्रदक्षतर्कमङ्गलम् ।छात्रसङ्गरङ्गदिग्जिगीषुदर्पसंहरंप्रेमधामदेवमेव नौमि गौरसुन्दरम् ॥ ६॥

śrī śacīdulālabālyabālasaṅgacancalaṃākumārasarvaśāstradakṣatarkamaṅgalam |chātrasaṅgaraṅgadigjigīṣudarpasaṃharaṃpremadhāmadevameva naumi gaurasundaram || 6||

वर्ज्यपात्रसारमेयसर्पसङ्गखेलनंस्कन्धवाहिचौरतीर्थविप्रचित्रलीलनम् ।कृष्णनाममात्रबाल्यकोपशान्ति सौकरंप्रेमधामदेवमेव नौमि गौरसुन्दरम् ॥ ७॥

varjyapātrasārameyasarpasaṅgakhelanaṃskandhavāhicauratīrthavipracitralīlanam |kṛṣṇanāmamātrabālyakopaśānti saukaraṃpremadhāmadevameva naumi gaurasundaram || 7||

स्नानगाङ्गवारिबालसङ्गरङ्गखेलनंबालिकादिपारिहास्यभङ्गिबाल्यलीलनम् ।कूततर्कछात्रशिक्षकादिवादतत्परंप्रेमधामदेवमेव नौमि गौरसुन्दरम् ॥ ८॥

snānagāṅgavāribālasaṅgaraṅgakhelanaṃbālikādipārihāsyabhaṅgibālyalīlanam |kūtatarkachātraśikṣakādivādatatparaṃpremadhāmadevameva naumi gaurasundaram || 8||

श्री निमैपण्डितेतिनामदेशवन्दितंनव्यतर्कदक्षलक्षदम्भिदम्भखण्डितम् ।स्थापितार्थखण्डखण्डखण्डितार्थसम्भरंप्रेमधामदेवमेव नौमि गौरसुन्दरम् ॥ ९॥

śrī nimaipaṇḍitetināmadeśavanditaṃnavyatarkadakṣalakṣadambhidambhakhaṇḍitam |sthāpitārthakhaṇḍakhaṇḍakhaṇḍitārthasambharaṃpremadhāmadevameva naumi gaurasundaram || 9||

श्लोकगाङ्गवन्दनार्थदिग्जिगीषुभाषितंव्यत्यलङ्कृतादिदोषतर्कितार्थदूषितम् ।ध्वस्तयुक्तिरुद्धबुद्धिदत्तधीमदादरंप्रेमधामदेवमेव नौमि गौरसुन्दरम् ॥ १०॥

ślokagāṅgavandanārthadigjigīṣubhāṣitaṃvyatyalaṅkṛtādidoṣatarkitārthadūṣitam |dhvastayuktiruddhabuddhidattadhīmadādaraṃpremadhāmadevameva naumi gaurasundaram || 10||

सूत्रवृत्तिटिप्पनीष्टसूक्ष्मवाचनाद्भुतंधातुमात्रकृष्णशक्तिसर्वविश्वसम्भृतम् ।रुद्धबुद्धिपण्डितौघनान्ययुक्तिनिर्धरंप्रेमधामदेवमेव नौमि गौरसुन्दरम् ॥ ११॥

sūtravṛttiṭippanīṣṭasūkṣmavācanādbhutaṃdhātumātrakṛṣṇaśaktisarvaviśvasambhṛtam |ruddhabuddhipaṇḍitaughanānyayuktinirdharaṃpremadhāmadevameva naumi gaurasundaram || 11||

कृष्णदृष्टिपातहेतुशव्दकार्थयोजनंस्फोटवादशृङ्खलैकभित्तिकृष्णबीक्षणम् ।स्थूलसूक्ष्ममूललक्ष्यकृष्णसौख्यसम्भरंप्रेमधामदेवमेव नौमि गौरसुन्दरम् ॥ १२॥

kṛṣṇadṛṣṭipātahetuśavdakārthayojanaṃsphoṭavādaśṛṅkhalaikabhittikṛṣṇabīkṣaṇam |sthūlasūkṣmamūlalakṣyakṛṣṇasaukhyasambharaṃpremadhāmadevameva naumi gaurasundaram || 12||

प्रेमरङ्गपाठभङ्गछात्रकाकुकातरंछात्रसङ्गहस्ततालकीर्तनाद्यसञ्चरम् ।कृष्णनामसीधुसिन्धुमग्नदिक्चराचरंप्रेमधामदेवमेव नौमि गौरसुन्दरम् ॥ १३॥

premaraṅgapāṭhabhaṅgachātrakākukātaraṃchātrasaṅgahastatālakīrtanādyasañcaram |kṛṣṇanāmasīdhusindhumagnadikcarācaraṃpremadhāmadevameva naumi gaurasundaram || 13||

आर्यधर्मपाललब्धदीक्षकृष्णकीर्तनंलक्षलक्षभक्तगीतवाद्यदिव्यनर्तनम् ।धर्मकर्मनाशदस्युदुष्टदुष्कृटोद्धरंप्रेमधामदेवमेव नौमि गौरसुन्दरम् ॥ १४॥

āryadharmapālalabdhadīkṣakṛṣṇakīrtanaṃlakṣalakṣabhaktagītavādyadivyanartanam |dharmakarmanāśadasyuduṣṭaduṣkṛṭoddharaṃpremadhāmadevameva naumi gaurasundaram || 14||

म्लेच्छराजनामबाधभक्तभीतिभञ्जनंलक्षलक्षदीपनैशकोटिकण्ठकीर्तनम् ।श्रीमृदङ्गतालवाद्यनृत्यकाजिनिस्तरंप्रेमधामदेवमेव नौमि गौरसुन्दरम् ॥ १५॥

mleccharājanāmabādhabhaktabhītibhañjanaṃlakṣalakṣadīpanaiśakoṭikaṇṭhakīrtanam |śrīmṛdaṅgatālavādyanṛtyakājinistaraṃpremadhāmadevameva naumi gaurasundaram || 15||

लक्षलोचनाश्रुवर्षहर्षकेशकर्तनंकोटिकण्ठकृष्णकीर्तनाध्यदण्डधारनम् ।न्यासिवेशसर्वदेशहाहुताशकातरंप्रेमधामदेवमेव नौमि गौरसुन्दरम् ॥ १६॥

lakṣalocanāśruvarṣaharṣakeśakartanaṃkoṭikaṇṭhakṛṣṇakīrtanādhyadaṇḍadhāranam |nyāsiveśasarvadeśahāhutāśakātaraṃpremadhāmadevameva naumi gaurasundaram || 16||

श्रीयतीशभक्तवेशराढदेशचारनंकृष्णचैतन्याख्यकृष्णनामजीवतारनम् ।भावविभ्रमात्ममत्तधावमानभूधरंप्रेमधामदेवमेव नौमि गौरसुन्दरम् ॥ १७॥

śrīyatīśabhaktaveśarāḍhadeśacāranaṃkṛṣṇacaitanyākhyakṛṣṇanāmajīvatāranam |bhāvavibhramātmamattadhāvamānabhūdharaṃpremadhāmadevameva naumi gaurasundaram || 17||

श्रीगदाधरादिनित्यानन्दसङ्गवर्धनंअद्वयाख्यभक्तमुख्यवाञ्छितार्थसाधनम् ।क्षेत्रवाससाभिलाषमातृतोषतत्परंप्रेमधामदेवमेव नौमि गौरसुन्दरम् ॥ १८॥

śrīgadādharādinityānandasaṅgavardhanaṃadvayākhyabhaktamukhyavāñchitārthasādhanam |kṣetravāsasābhilāṣamātṛtoṣatatparaṃpremadhāmadevameva naumi gaurasundaram || 18||

न्यासिराजनीलशैलवाससार्वभौमपंदाक्षिनात्यतीर्थजातभक्तकल्पपादपम् ।राममेघरागभक्तिवृष्तिशक्तिसञ्चरंप्रेमधामदेवमेव नौमि गौरसुन्दरम् ॥ १९॥

nyāsirājanīlaśailavāsasārvabhaumapaṃdākṣinātyatīrthajātabhaktakalpapādapam |rāmamegharāgabhaktivṛṣtiśaktisañcaraṃpremadhāmadevameva naumi gaurasundaram || 19||

ध्वस्तसार्वभौमवादनव्यतर्कशाङ्करंध्वस्ततद्विवर्तवाददानवीयडम्वरम् ।दर्शितार्थसर्वशास्त्रकृष्णभक्तिमन्दिरंप्रेमधामदेवमेव नौमि गौरसुन्दरम् ॥ २०॥

dhvastasārvabhaumavādanavyatarkaśāṅkaraṃdhvastatadvivartavādadānavīyaḍamvaram |darśitārthasarvaśāstrakṛṣṇabhaktimandiraṃpremadhāmadevameva naumi gaurasundaram || 20||

प्रेमधामदिव्यदीर्घदेहदेवनन्दितंहेमकञ्जपुञ्जनिन्दिकान्तिचन्द्रवन्दितम् ।नामगाननृत्यनव्यदिव्यभावमन्दिरंप्रेमधामदेवमेव नौमि गौरसुन्दरम् ॥ २१॥

premadhāmadivyadīrghadehadevananditaṃhemakañjapuñjanindikānticandravanditam |nāmagānanṛtyanavyadivyabhāvamandiraṃpremadhāmadevameva naumi gaurasundaram || 21||

कृष्णकृष्णकृष्णकृष्णकृष्णनामकीर्तनंरामरामगानरम्यदिव्यछन्दनर्तनम् ।यत्रतत्रकृष्णनामदानलोकनिस्तरंप्रेमधामदेवमेव नौमि गौरसुन्दरम् ॥ २२॥

kṛṣṇakṛṣṇakṛṣṇakṛṣṇakṛṣṇanāmakīrtanaṃrāmarāmagānaramyadivyachandanartanam |yatratatrakṛṣṇanāmadānalokanistaraṃpremadhāmadevameva naumi gaurasundaram || 22||

गोदवर्यवामतीररामानन्दसंवदंज्ञानकर्ममुक्तमर्मरागभक्तिसम्पदम् ।पारकीयकान्तकृष्णभावसेवनाकरंप्रेमधामदेवमेव नौमि गौरसुन्दरम् ॥ २३॥

godavaryavāmatīrarāmānandasaṃvadaṃjñānakarmamuktamarmarāgabhaktisampadam |pārakīyakāntakṛṣṇabhāvasevanākaraṃpremadhāmadevameva naumi gaurasundaram || 23||

दास्यसख्यवात्स्यकान्तसेवनोत्तरोत्तरंश्रेष्ठपारकीयराधिकाङ्घ्रिभक्तिसुन्दरम् ।श्रीव्रजस्वसिद्धदिव्यकामकृष्णतत्परंप्रेमधामदेवमेव नौमि गौरसुन्दरम् ॥ २४॥

dāsyasakhyavātsyakāntasevanottarottaraṃśreṣṭhapārakīyarādhikāṅghribhaktisundaram |śrīvrajasvasiddhadivyakāmakṛṣṇatatparaṃpremadhāmadevameva naumi gaurasundaram || 24||

शान्तमुक्तभृत्यतृप्तमित्रमत्तदर्शितंस्निग्धमुग्धशिष्टमिष्टसुष्ठकुण्ठहर्षितम् ।तन्त्रमुक्तवाम्यरागसर्वसेवनोत्तरंप्रेमधामदेवमेव नौमि गौरसुन्दरम् ॥ २५॥

śāntamuktabhṛtyatṛptamitramattadarśitaṃsnigdhamugdhaśiṣṭamiṣṭasuṣṭhakuṇṭhaharṣitam |tantramuktavāmyarāgasarvasevanottaraṃpremadhāmadevameva naumi gaurasundaram || 25||

आत्मनव्यतत्त्वदिव्यरायभाग्यदर्शितंश्यामगोपराधिकाप्तकोक्तगुप्तचेष्टितम् ।मुर्च्छिताङ्घ्रिरामरायबोधितात्मकिङ्करंप्रेमधामदेवमेव नौमि गौरसुन्दरम् ॥ २६॥

ātmanavyatattvadivyarāyabhāgyadarśitaṃśyāmagoparādhikāptakoktaguptaceṣṭitam |murcchitāṅghrirāmarāyabodhitātmakiṅkaraṃpremadhāmadevameva naumi gaurasundaram || 26||

नष्टकुष्ठकूर्मविप्ररूपभक्तितोषणम्आमदासविप्रमोहमुक्तभक्तपोषणम् ।कालकृष्णदासमुक्तभट्टथारिपिञ्जरंप्रेमधाम देवमेव नौमि गौरसुन्दरम् ॥ २७॥

naṣṭakuṣṭhakūrmaviprarūpabhaktitoṣaṇamāmadāsavipramohamuktabhaktapoṣaṇam |kālakṛṣṇadāsamuktabhaṭṭathāripiñjaraṃpremadhāma devameva naumi gaurasundaram || 27||

रङ्गनाथभट्टभक्तितुष्टभङ्गिभाशणंलक्ष्म्यगम्यकृष्णरासगोपिकैकपोषणम् ।लक्ष्म्यभीष्टकृष्णशीर्षसाध्यसाधनाकरंप्रेमधामदेवमेव नौमि गौरसुन्दरम् ॥ २८॥

raṅganāthabhaṭṭabhaktituṣṭabhaṅgibhāśaṇaṃlakṣmyagamyakṛṣṇarāsagopikaikapoṣaṇam |lakṣmyabhīṣṭakṛṣṇaśīrṣasādhyasādhanākaraṃpremadhāmadevameva naumi gaurasundaram || 28||

ब्रह्मसंहिताख्यकृष्णभक्तिशास्त्रदायकंकृष्णकर्णसीधुनामकृष्णकाव्यगायकम् ।श्रीप्रतापरुद्रराजशीर्षसेव्यमन्दिरंप्रेमधामदेवमेव नौमि गौरसुन्दरम् ॥ २९॥

brahmasaṃhitākhyakṛṣṇabhaktiśāstradāyakaṃkṛṣṇakarṇasīdhunāmakṛṣṇakāvyagāyakam |śrīpratāparudrarājaśīrṣasevyamandiraṃpremadhāmadevameva naumi gaurasundaram || 29||

श्रीरथाग्रभक्तगीतदिव्यनर्त्तनाद्भुतंयात्रिपात्रमित्ररुद्रराजहृच्चमत्कृतम् ।गुण्डिचागमादितत्त्वरूपकाव्यसञ्चरंप्रेमधामदेवमेव नौमि गौरसुन्दरम् ॥ ३०॥

śrīrathāgrabhaktagītadivyanarttanādbhutaṃyātripātramitrarudrarājahṛccamatkṛtam |guṇḍicāgamāditattvarūpakāvyasañcaraṃpremadhāmadevameva naumi gaurasundaram || 30||

प्रेममुग्धरुद्रराजशौर्यविर्यविक्रमंप्रार्थिताङ्घ्रिवर्जितान्यसर्वधर्मसङ्गमम् ।लुण्ठितप्रतापशीर्षपादधूलिधूसरंप्रेमधामदेवमेव नौमि गौरसुन्दरम् ॥ ३१॥

premamugdharudrarājaśauryaviryavikramaṃprārthitāṅghrivarjitānyasarvadharmasaṅgamam |luṇṭhitapratāpaśīrṣapādadhūlidhūsaraṃpremadhāmadevameva naumi gaurasundaram || 31||

दाक्षिनात्यसुप्रसिद्धपण्डितौघपूजितंश्रेष्ठराजराजपात्रशीर्षभक्तिभूषितम् ।देशमातृशेषदर्शनार्थिगौरगोचरंप्रेमधामदेवमेव नौमि गौरसुन्दरम् ॥ ३२॥

dākṣinātyasuprasiddhapaṇḍitaughapūjitaṃśreṣṭharājarājapātraśīrṣabhaktibhūṣitam |deśamātṛśeṣadarśanārthigauragocaraṃpremadhāmadevameva naumi gaurasundaram || 32||

गौरगर्विसर्वगौडगौरबार्थसज्जितंशाष्त्रशाष्त्रदक्षदुष्टनास्तिकादिलज्जितम् ।मुह्यमानमातृकादिदेहजीवसञ्चरंप्रेमधामदेवमेव नौमि गौरसुन्दरम् ॥ ३३॥

gauragarvisarvagauḍagaurabārthasajjitaṃśāṣtraśāṣtradakṣaduṣṭanāstikādilajjitam |muhyamānamātṛkādidehajīvasañcaraṃpremadhāmadevameva naumi gaurasundaram || 33||

न्यासपञ्चवर्षपूर्णजन्मभूमिदर्शनंकोटिकोटिलोकलुब्धमुग्धदृष्टिकर्षणम् ।कोटिकण्ठकृष्णनामघोषभेदिताम्बरंप्रेमधामदेवमेव नौमि गौरसुन्दरम् ॥ ३४॥

nyāsapañcavarṣapūrṇajanmabhūmidarśanaṃkoṭikoṭilokalubdhamugdhadṛṣṭikarṣaṇam |koṭikaṇṭhakṛṣṇanāmaghoṣabheditāmbaraṃpremadhāmadevameva naumi gaurasundaram || 34||

आर्तभक्तशोकशान्तितापिपापिपावनंलक्षकोटिलोकसङ्गकृष्णधामधावनम् ।रामकेलिसाग्रजातरूपकर्षणादरंप्रेमधामदेवमेव नौमि गौरसुन्दरम् ॥ ३५॥

ārtabhaktaśokaśāntitāpipāpipāvanaṃlakṣakoṭilokasaṅgakṛṣṇadhāmadhāvanam |rāmakelisāgrajātarūpakarṣaṇādaraṃpremadhāmadevameva naumi gaurasundaram || 35||

व्याघ्रवारणैनवन्यजन्तुकृष्णगायकंप्रेमनृत्यभावमत्तझाडखण्डनायकम् ।दुर्गवन्यमार्गभट्टमात्रसङ्गसौकरंप्रेमधामदेवमेव नौमि गौरसुन्दरम् ॥ ३६॥

vyāghravāraṇainavanyajantukṛṣṇagāyakaṃpremanṛtyabhāvamattajhāḍakhaṇḍanāyakam |durgavanyamārgabhaṭṭamātrasaṅgasaukaraṃpremadhāmadevameva naumi gaurasundaram || 36||

गाङ्गयामुनादिबिन्दुमाधवादिमाननंमाथुरार्त्तचित्तयामुनाग्रभागधावनम् ।स्मारितव्रजातितीव्रविप्रलम्भकातरंप्रेमधामदेवमेव नौमि गौरसुन्दरम् ॥ ३७॥

gāṅgayāmunādibindumādhavādimānanaṃmāthurārttacittayāmunāgrabhāgadhāvanam |smāritavrajātitīvravipralambhakātaraṃpremadhāmadevameva naumi gaurasundaram || 37||

माधवेन्द्रविप्रलम्भमाथुरेष्टमाननंप्रेमधामदृष्टकामपूर्वकुञ्जकाननम् ।गोकुलादिगोष्ठगोपगोपिकाप्रियङ्करंप्रेमधामदेवमेव नौमि गौरसुन्दरम् ॥ ३८॥

mādhavendravipralambhamāthureṣṭamānanaṃpremadhāmadṛṣṭakāmapūrvakuñjakānanam |gokulādigoṣṭhagopagopikāpriyaṅkaraṃpremadhāmadevameva naumi gaurasundaram || 38||

प्रेमगुञ्जनालिपुञ्जपुष्पपुञ्जरञ्जितंगीतनृत्यदक्षपक्षिवृक्षलक्षवन्दितम् ।गोवृषादिनाददीप्तपूर्वमोदमेदुरंप्रेमधामदेवमेव नौमि गौरसुन्दरम् ॥ ३९॥

premaguñjanālipuñjapuṣpapuñjarañjitaṃgītanṛtyadakṣapakṣivṛkṣalakṣavanditam |govṛṣādinādadīptapūrvamodameduraṃpremadhāmadevameva naumi gaurasundaram || 39||

प्रेमबुद्धरुद्धबुद्धिमत्तनृत्यकीर्त्तनंप्लाविताश्रुकाञ्चनाङ्गवासचातुरङ्गनम् ।कृष्णकृष्णरावभावहास्यलास्यभास्वरंप्रेमधामदेवमेव नौमि गौरसुन्दरम् ॥ ४०॥

premabuddharuddhabuddhimattanṛtyakīrttanaṃplāvitāśrukāñcanāṅgavāsacāturaṅganam |kṛṣṇakṛṣṇarāvabhāvahāsyalāsyabhāsvaraṃpremadhāmadevameva naumi gaurasundaram || 40||

प्रेममुग्धनृत्यकीर्त्तनाकुलारिटान्तिकंस्नानधन्यवारिधान्यभूमिकुण्डदेशकम् ।प्रेमकुण्डराधिकाख्यशास्त्रवन्दनादरंप्रेमधामदेवमेव नौमि गौरसुन्दरम् ॥ ४१॥

premamugdhanṛtyakīrttanākulāriṭāntikaṃsnānadhanyavāridhānyabhūmikuṇḍadeśakam |premakuṇḍarādhikākhyaśāstravandanādaraṃpremadhāmadevameva naumi gaurasundaram || 41||

तिन्तिडीतलस्थयामुनोर्म्मिभावनाप्लुतंनिर्जनैकराधिकात्मभाववैभवावृतम् ।श्यामराधिकाप्तगौरतत्त्वभित्तिकाकरंप्रेमधामदेवमेव नौमि गौरसुन्दरम् ॥ ४२॥

tintiḍītalasthayāmunormmibhāvanāplutaṃnirjanaikarādhikātmabhāvavaibhavāvṛtam |śyāmarādhikāptagauratattvabhittikākaraṃpremadhāmadevameva naumi gaurasundaram || 42||

शारिकाशुकोक्तिकौतुकाढ्यलास्यलापितंराधिकाव्यतीतकामदेवकाममोहितम् ।प्रेमवश्यकृष्णभावभक्तहृच्चमत्करंप्रेमधामदेवमेव नौमि गौरसुन्दरम् ॥ ४३॥

śārikāśukoktikautukāḍhyalāsyalāpitaṃrādhikāvyatītakāmadevakāmamohitam |premavaśyakṛṣṇabhāvabhaktahṛccamatkaraṃpremadhāmadevameva naumi gaurasundaram || 43||

श्रीप्रयागधामरूपरागभक्तिसञ्चरंश्रीसनातनादिकाशिभक्तिशिक्षणादरम् ।वैष्णवानुरोधभेदनिर्विशेषपञ्जरंप्रेमधामदेवमेव नौमि गौरसुन्दरम् ॥ ४४॥

śrīprayāgadhāmarūparāgabhaktisañcaraṃśrīsanātanādikāśibhaktiśikṣaṇādaram |vaiṣṇavānurodhabhedanirviśeṣapañjaraṃpremadhāmadevameva naumi gaurasundaram || 44||

न्यासिलक्षनायकप्रकाशानन्दतारकंन्यासिराशिकाशिवासिकृष्णनामपारकम् ।व्यासनारदादिदत्तवेदधीधुरन्धरंप्रेमधामदेवमेव नौमि गौरसुन्दरम् ॥ ४५॥

nyāsilakṣanāyakaprakāśānandatārakaṃnyāsirāśikāśivāsikṛṣṇanāmapārakam |vyāsanāradādidattavedadhīdhurandharaṃpremadhāmadevameva naumi gaurasundaram || 45||

ब्रह्मसूत्रभाष्यकृष्णनारदोपदेशकंश्लोकतुर्यभाषणान्तकृष्णसम्प्रकाशकम् ।शब्दवर्त्तनान्तहेतुनामजीवनिस्तरंप्रेमधामदेवमेव नौमि गौरसुन्दरम् ॥ ४६॥

brahmasūtrabhāṣyakṛṣṇanāradopadeśakaṃślokaturyabhāṣaṇāntakṛṣṇasamprakāśakam |śabdavarttanāntahetunāmajīvanistaraṃpremadhāmadevameva naumi gaurasundaram || 46||

आत्मरामवाचनादिनिर्विशेषखण्डनंश्रौतवाक्यसार्थकैकचिद्विलासमण्डनम् ।दिव्यकृष्णविग्रहादिगौणबुद्धिधिक्करंप्रेमधामदेवमेव नौमि गौरसुन्दरम् ॥ ४७॥

ātmarāmavācanādinirviśeṣakhaṇḍanaṃśrautavākyasārthakaikacidvilāsamaṇḍanam |divyakṛṣṇavigrahādigauṇabuddhidhikkaraṃpremadhāmadevameva naumi gaurasundaram || 47||

ब्रह्मपारमात्म्यलक्षणाद्वयैकवाचनंश्रीव्रजस्वसिद्धनन्दलीलनन्दनन्दनम् ।श्रीरसस्वरूपरासलीलगोपसुन्दरंप्रेमधामदेवमेव नौमि गौरसुन्दरम् ॥ ४८॥

brahmapāramātmyalakṣaṇādvayaikavācanaṃśrīvrajasvasiddhanandalīlanandanandanam |śrīrasasvarūparāsalīlagopasundaraṃpremadhāmadevameva naumi gaurasundaram || 48||

राधिकाविनोदमात्रतत्त्वलक्षणान्वयंसाधुसङ्गकृष्णनामसाधनैकनिश्चयम् ।प्रेमसेवनैकमात्रसाध्यकृष्णतत्परंप्रेमधामदेवमेव नौमि गौरसुन्दरम् ॥ ४९॥

rādhikāvinodamātratattvalakṣaṇānvayaṃsādhusaṅgakṛṣṇanāmasādhanaikaniścayam |premasevanaikamātrasādhyakṛṣṇatatparaṃpremadhāmadevameva naumi gaurasundaram || 49||

आत्मरामवाचनैकषष्टिकार्थदर्शितंरुद्रसंख्यशब्दजातयद्यदर्थसम्भृतम् ।सर्वसर्वयुक्ततत्तदर्थभुरिदाकरंप्रेमधामदेवमेव नौमि गौरसुन्दरम् ॥ ५०॥

ātmarāmavācanaikaṣaṣṭikārthadarśitaṃrudrasaṃkhyaśabdajātayadyadarthasambhṛtam |sarvasarvayuktatattadarthabhuridākaraṃpremadhāmadevameva naumi gaurasundaram || 50||

श्री सनातनानुरूपजीवसम्प्रदायकंलुप्ततीर्थशुद्धभक्तिशास्त्रसुप्रचारकम् ।नीलशैलनाथपीठनैजकार्यसौकरंप्रेमधामदेवमेव नौमि गौरसुन्दरम् ॥ ५१॥

śrī sanātanānurūpajīvasampradāyakaṃluptatīrthaśuddhabhaktiśāstrasupracārakam |nīlaśailanāthapīṭhanaijakāryasaukaraṃpremadhāmadevameva naumi gaurasundaram || 51||

त्यागबाह्यभोगबुद्धितीव्रदण्डनिन्दनंरायशुद्धकृष्णकामसेवनाभिनन्दनम् ।रायरागसेवनोक्तभाग्यकोटिदुष्करंप्रेमधामदेवमेव नौमि गौरसुन्दरम् ॥ ५२॥

tyāgabāhyabhogabuddhitīvradaṇḍanindanaṃrāyaśuddhakṛṣṇakāmasevanābhinandanam |rāyarāgasevanoktabhāgyakoṭiduṣkaraṃpremadhāmadevameva naumi gaurasundaram || 52||

श्रीप्रयागभट्टवल्लभैकनिष्ठसेवनंनीलशैलभट्टदत्तरागमार्गराधनम् ।श्री गदाधरार्पिताधिकारमन्त्रमाधुरंप्रेमधामदेवमेव नौमि गौरसुन्दरम् ॥ ५३॥

śrīprayāgabhaṭṭavallabhaikaniṣṭhasevanaṃnīlaśailabhaṭṭadattarāgamārgarādhanam |śrī gadādharārpitādhikāramantramādhuraṃpremadhāmadevameva naumi gaurasundaram || 53||

श्रीस्वरूपरायसङ्गगाम्भिरान्त्यलीलनंद्वादशाब्दवह्निगर्भविप्रलम्भशीलनम् ।राधिकाधिरूढभावकान्तिकृष्णकुञ्जरंप्रेमधामदेवमेव नौमि गौरसुन्दरम् ॥ ५४॥

śrīsvarūparāyasaṅgagāmbhirāntyalīlanaṃdvādaśābdavahnigarbhavipralambhaśīlanam |rādhikādhirūḍhabhāvakāntikṛṣṇakuñjaraṃpremadhāmadevameva naumi gaurasundaram || 54||

श्रीस्वरूपकण्ठलग्नमाथुरप्रलापकंराधिकानुवेदनार्त्ततीव्रविप्रलम्भकम् ।स्वप्नवत्समाधिदृष्टदिव्यवर्णनातुरंप्रेमधामदेवमेव नौमि गौरसुन्दरम् ॥ ५५॥

śrīsvarūpakaṇṭhalagnamāthurapralāpakaṃrādhikānuvedanārttatīvravipralambhakam |svapnavatsamādhidṛṣṭadivyavarṇanāturaṃpremadhāmadevameva naumi gaurasundaram || 55||

सात्विकादिभावचिह्नदेहदिव्यसौष्ठवंकूर्मधर्मभिन्नसन्धिगात्रपुष्पपेलवम् ।ह्रस्वदीर्घपद्मगन्धरक्तपीतपाण्डुरंप्रेमधामदेवमेव नौमि गौरसुन्दरम् ॥ ५६॥

sātvikādibhāvacihnadehadivyasauṣṭhavaṃkūrmadharmabhinnasandhigātrapuṣpapelavam |hrasvadīrghapadmagandharaktapītapāṇḍuraṃpremadhāmadevameva naumi gaurasundaram || 56||

तीव्रविप्रलम्भमुग्धमन्दिराग्रधावितंकूर्मरूपदिव्यगन्धलुब्धधेनुवेष्टितम् ।वर्णितालिकूलकृष्णकेलिशैलकन्दरंप्रेमधामदेवमेव नौमि गौरसुन्दरम् ॥ ५७॥

tīvravipralambhamugdhamandirāgradhāvitaṃkūrmarūpadivyagandhalubdhadhenuveṣṭitam |varṇitālikūlakṛṣṇakeliśailakandaraṃpremadhāmadevameva naumi gaurasundaram || 57||

इन्दुसिन्धुनृत्यदीप्तकृष्णकेलिमोहितंऊर्मिशीर्षसुप्तदेहवातरङ्गवाहितम् ।यामुनालिकृष्णकेलिमग्नसौख्यसागरंप्रेमधामदेवमेव नौमि गौरसुन्दरम् ॥ ५८॥

indusindhunṛtyadīptakṛṣṇakelimohitaṃūrmiśīrṣasuptadehavātaraṅgavāhitam |yāmunālikṛṣṇakelimagnasaukhyasāgaraṃpremadhāmadevameva naumi gaurasundaram || 58||

रात्रिशेषसौम्यवेशशायितार्द्रसैकतंभिन्नसन्धिदीर्घदेहपेलवातिदैवतम् ।श्रान्तभक्तचक्रतीर्थहृष्टदृष्टिगोचरंप्रेमधामदेवमेव नौमि गौरसुन्दरम् ॥ ५९॥

rātriśeṣasaumyaveśaśāyitārdrasaikataṃbhinnasandhidīrghadehapelavātidaivatam |śrāntabhaktacakratīrthahṛṣṭadṛṣṭigocaraṃpremadhāmadevameva naumi gaurasundaram || 59||

आर्त्तभक्तकण्ठकृष्णनामकर्णहृद्गतंलग्नसन्धिसुष्ठुदेहसर्वपूर्वसम्मतम् ।अर्धबाह्यभावकृष्णकेलिवर्णनातुरंप्रेमधामदेवमेव नौमि गौरसुन्दरम् ॥ ६०॥

ārttabhaktakaṇṭhakṛṣṇanāmakarṇahṛdgataṃlagnasandhisuṣṭhudehasarvapūrvasammatam |ardhabāhyabhāvakṛṣṇakelivarṇanāturaṃpremadhāmadevameva naumi gaurasundaram || 60||

यामुनाम्बुकृष्णराधिकालिकेलिमण्डलंव्यक्तगुप्तदृप्ततृप्तभङ्गिमादनाकुलम् ।गूढदिव्यमर्ममोदमूर्च्छनाचमत्करंप्रेमधामदेवमेव नौमि गौरसुन्दरम् ॥ ६१॥

yāmunāmbukṛṣṇarādhikālikelimaṇḍalaṃvyaktaguptadṛptatṛptabhaṅgimādanākulam |gūḍhadivyamarmamodamūrcchanācamatkaraṃpremadhāmadevameva naumi gaurasundaram || 61||

आस्यघर्षणादिचाटकाद्रिसिन्धुलीलनंभक्तमर्मभेदितीव्रदुःखसौक्यखेलनम् ।अत्यचिन्त्यदिव्यवैभवाश्रितैकशङ्करंप्रेमधामदेवमेव नौमि गौरसुन्दरम् ॥ ६२॥

āsyagharṣaṇādicāṭakādrisindhulīlanaṃbhaktamarmabheditīvraduḥkhasaukyakhelanam |atyacintyadivyavaibhavāśritaikaśaṅkaraṃpremadhāmadevameva naumi gaurasundaram || 62||

श्रोत्रनेत्रगत्यतीतबोधरोधिताद्भुतंप्रेमलभ्यभावसिद्धचेतनाचमत्कृतम् ।ब्रह्मशम्भुवेदतन्त्रमृग्यसत्यसुन्दरंप्रेमधामदेवमेव नौमि गौरसुन्दरम् ॥ ६३॥

śrotranetragatyatītabodharodhitādbhutaṃpremalabhyabhāvasiddhacetanācamatkṛtam |brahmaśambhuvedatantramṛgyasatyasundaraṃpremadhāmadevameva naumi gaurasundaram || 63||

विप्रशूद्रविज्षमूर्खयावनादिनामदंवित्तविक्रमोच्चनीचसज्जनैकसम्पदम् ।स्त्रीपुमादिनिर्विवादसार्ववादिकोद्धरंप्रेमधामदेवमेव नौमि गौरसुन्दरम् ॥ ६४॥

vipraśūdravijṣamūrkhayāvanādināmadaṃvittavikramoccanīcasajjanaikasampadam |strīpumādinirvivādasārvavādikoddharaṃpremadhāmadevameva naumi gaurasundaram || 64||

सिन्धुसून्यवेदचन्द्रशाककुम्भपूर्णिमासान्ध्यचान्द्रकोपरागजातगौरचन्द्रमा ।स्नानदानकृष्णनामसङ्गतत्परात्परंप्रेमधामदेवमेव नौमि गौरसुन्दरम् ॥ ६५॥

sindhusūnyavedacandraśākakumbhapūrṇimāsāndhyacāndrakoparāgajātagauracandramā |snānadānakṛṣṇanāmasaṅgatatparātparaṃpremadhāmadevameva naumi gaurasundaram || 65||

आत्मसिद्धसावलीलपूर्णसौख्यलक्षणंस्वानुभावमत्तनृत्यकीर्त्तनात्मवण्टनम् ।अद्वयैकलक्ष्यपूर्णतत्त्वतत्परात्परंप्रेमधामदेवमेव नौमि गौरसुन्दरम् ॥ ६६॥

ātmasiddhasāvalīlapūrṇasaukhyalakṣaṇaṃsvānubhāvamattanṛtyakīrttanātmavaṇṭanam |advayaikalakṣyapūrṇatattvatatparātparaṃpremadhāmadevameva naumi gaurasundaram || 66||

श्रीपुरीश्वरानुकम्पिलब्धदीक्षदैवतंकेशवाख्यभारतीसकाशकेशरक्षितम् ।माधवानुधीकिशोरकृष्णसेवनादरंप्रेमधामदेवमेव नौमि गौरसुन्दरम् ॥ ६७॥

śrīpurīśvarānukampilabdhadīkṣadaivataṃkeśavākhyabhāratīsakāśakeśarakṣitam |mādhavānudhīkiśorakṛṣṇasevanādaraṃpremadhāmadevameva naumi gaurasundaram || 67||

सिन्धुबिन्दुवेदचन्द्रशाकफाल्गुनोदितंन्याससोमनेत्रवेदचन्द्रशाकबोधितम् ।वाणवाणवेदचन्द्रशाकलोचनान्तरंप्रेमधामदेवमेव नौमि गौरसुन्दरम् ॥ ६८॥

sindhubinduvedacandraśākaphālgunoditaṃnyāsasomanetravedacandraśākabodhitam |vāṇavāṇavedacandraśākalocanāntaraṃpremadhāmadevameva naumi gaurasundaram || 68||

श्रीस्वरूपरायसङ्गहर्षशेषघोषणंशिक्षणाष्टकाख्यकृष्णकीर्त्तनैकपोषणम् ।प्रेमनाममात्रविश्वजीवनैकसम्भरंप्रेमधामदेवमेव नौमिगौरसुन्दरम् ॥ ६९॥

śrīsvarūparāyasaṅgaharṣaśeṣaghoṣaṇaṃśikṣaṇāṣṭakākhyakṛṣṇakīrttanaikapoṣaṇam |premanāmamātraviśvajīvanaikasambharaṃpremadhāmadevameva naumigaurasundaram || 69||

प्रेम हेमदेव देहिदासरेष मन्यतांक्षम्यतां महापराधराशिरेषगण्यताम् ।रूपकिङ्करेषु रामानन्ददाससम्भरंप्रेमधामदेवमेव नौमि गौरसुन्दरम् ॥ ७०॥ ।

prema hemadeva dehidāsareṣa manyatāṃkṣamyatāṃ mahāparādharāśireṣagaṇyatām |rūpakiṅkareṣu rāmānandadāsasambharaṃpremadhāmadevameva naumi gaurasundaram || 70|| |

पञ्चमे शतगौराब्दे श्रीसिद्धान्तसरस्वतीश्रीधरः कोऽपि तच्छिष्यस्त्रिदण्डीनौतिसुन्दरम् ॥ ७१॥

pañcame śatagaurābde śrīsiddhāntasarasvatīśrīdharaḥ ko'pi tacchiṣyastridaṇḍīnautisundaram || 71||

सश्रद्धः सप्तदशकं प्रेमधामेतिनामकम् ।स्तवं कोऽपि पठन् गौरं राधाश्याममयं व्रजेत् ॥ ७२॥

saśraddhaḥ saptadaśakaṃ premadhāmetināmakam |stavaṃ ko'pi paṭhan gauraṃ rādhāśyāmamayaṃ vrajet || 72||

इति विष्णुपादश्रीलभक्तिरक्षकश्रीधरदेवगोस्वामिविरचितंश्रीश्रीप्रेमधामदेवस्तोत्रं सम्पूर्णम् ।

iti viṣṇupādaśrīlabhaktirakṣakaśrīdharadevagosvāmiviracitaṃśrīśrīpremadhāmadevastotraṃ sampūrṇam |