लोकनाथप्रभुवराष्टकम् Shri Lokanathaprabhuvarashtakam

यः कृष्णचैतन्यकृपैकवित्तस्तत्प्रेमहेमाभरणाढ्यचित्तः ।निपत्य भूमौ सततं नमामस्तं लोकनाथं प्रभुमाश्रयामः ॥ १॥

yaḥ kṛṣṇacaitanyakṛpaikavittastatpremahemābharaṇāḍhyacittaḥ |nipatya bhūmau satataṃ namāmastaṃ lokanāthaṃ prabhumāśrayāmaḥ || 1||

यो लब्धवृन्दावननित्यवासःपरिस्फुरत्कृष्णविलासरासः ।स्वाचारचर्यसतताविरामस्तं लोकनाथं प्रभुमाश्रयामः ॥ २॥

yo labdhavṛndāvananityavāsaḥparisphuratkṛṣṇavilāsarāsaḥ |svācāracaryasatatāvirāmastaṃ lokanāthaṃ prabhumāśrayāmaḥ || 2||

सदोल्लसद्भागवतानुरक्त्यायः कृष्णराधाश्रवणादिभक्त्या ।अयातयामीकृतसर्वयामस्तं लोकनाथं प्रभुमाश्रयामः ॥ ३॥

sadollasadbhāgavatānuraktyāyaḥ kṛṣṇarādhāśravaṇādibhaktyā |ayātayāmīkṛtasarvayāmastaṃ lokanāthaṃ prabhumāśrayāmaḥ || 3||

वृन्दावनाधीशपदाब्जसेवास्वादेऽनुमज्जन्ति न हन्त के वा ।यस्तेष्वपि श्लाघातमोऽभिरामस्तं लोकनाथं प्रभुमाश्रयामः ॥ ४॥

vṛndāvanādhīśapadābjasevāsvāde'numajjanti na hanta ke vā |yasteṣvapi ślāghātamo'bhirāmastaṃ lokanāthaṃ prabhumāśrayāmaḥ || 4||

यः कृष्णलीलारस एव लोकान्अनुन्मुखान्वीक्ष्य बिभर्ति शोकान् ।स्वयं तदास्वादनमात्रकामस्तं लोकनाथं प्रभुमाश्रयामः ॥ ५॥

yaḥ kṛṣṇalīlārasa eva lokānanunmukhānvīkṣya bibharti śokān |svayaṃ tadāsvādanamātrakāmastaṃ lokanāthaṃ prabhumāśrayāmaḥ || 5||

कृपाबलं यस्य विवेद कश्चित्नरोत्तमो नाम महान्विपश्चित् ।यस्य प्रथीयान्विषयोपरामस्तं लोकनाथं प्रभुमाश्रयामः ॥ ६॥

kṛpābalaṃ yasya viveda kaścitnarottamo nāma mahānvipaścit |yasya prathīyānviṣayoparāmastaṃ lokanāthaṃ prabhumāśrayāmaḥ || 6||

रागानुगावर्त्मनि यत्प्रसादाद्विशन्त्याविज्ञा अपि निर्विषादाः ।जने कृतागस्यपि यस्त्ववामस्तं लोकनाथं प्रभुमाश्रयामः ॥ ७॥

rāgānugāvartmani yatprasādādviśantyāvijñā api nirviṣādāḥ |jane kṛtāgasyapi yastvavāmastaṃ lokanāthaṃ prabhumāśrayāmaḥ || 7||

यद्दासदासानुदासदासाःवय्हं भवामः फलिताभिलाषाः ।यदीयतायां सहसा विशामस्तं लोकनाथं प्रभुमाश्रयामः ॥ ८॥

yaddāsadāsānudāsadāsāḥvayhaṃ bhavāmaḥ phalitābhilāṣāḥ |yadīyatāyāṃ sahasā viśāmastaṃ lokanāthaṃ prabhumāśrayāmaḥ || 8||

श्रीलोकनाथाष्टकमत्युदारंभक्त्या पठेद्यः पुरुषार्थसारम् ।स मञ्जुलालीपदवीं प्रपद्यश्रीराधिकां सेवत एव सद्यः ॥ ९॥

śrīlokanāthāṣṭakamatyudāraṃbhaktyā paṭhedyaḥ puruṣārthasāram |sa mañjulālīpadavīṃ prapadyaśrīrādhikāṃ sevata eva sadyaḥ || 9||

सोऽयं श्रीलोकनाथः स्फुरतु पुरुकृपारश्मिभिः स्वैः समुद्यन्उद्धृत्योद्धृत्य यो नः प्रचुरतमतमः कूपतो दीपिताभिः ।दृग्भिः स्वप्रेमवीथ्या दिशमदिशदहो यां श्रिता दिव्यलीलारत्नाढ्यं विन्दमाना वयमपि निभृतं श्रीलगोवर्धनं स्मः ॥ १०॥

so'yaṃ śrīlokanāthaḥ sphuratu purukṛpāraśmibhiḥ svaiḥ samudyanuddhṛtyoddhṛtya yo naḥ pracuratamatamaḥ kūpato dīpitābhiḥ |dṛgbhiḥ svapremavīthyā diśamadiśadaho yāṃ śritā divyalīlāratnāḍhyaṃ vindamānā vayamapi nibhṛtaṃ śrīlagovardhanaṃ smaḥ || 10||

इति श्रीमद्विश्वनाथचक्रवर्तिविरचितंश्रीश्रीलोकनाथप्रभुवराष्टकं सम्पूर्णम् ॥

iti śrīmadviśvanāthacakravartiviracitaṃśrīśrīlokanāthaprabhuvarāṣṭakaṃ sampūrṇam ||