मदनगोपालाष्टकम् Shri Madanagopalashtakam

मृदुतलारुण्यजितरुचिरदरदप्रभंकुलिशकञ्जारिदरकलसझषचिह्नितम् ।हृदि ममाधाय निजचरणसरसीरुहंमदनगोपाल ! निजसदनमनु रक्ष माम् ॥ १॥

mṛdutalāruṇyajitaruciradaradaprabhaṃkuliśakañjāridarakalasajhaṣacihnitam |hṛdi mamādhāya nijacaraṇasarasīruhaṃmadanagopāla ! nijasadanamanu rakṣa mām || 1||

मुखरमञ्जीरनखशिशिरकिऋणावलीविमलमालाभिरनुपदमुदितकान्तिभिः ।श्रवणनेत्रश्वसनपथसुखद नाथ हेमदनगोपाल ! निजसदनमनु रक्ष माम् ॥ २॥

mukharamañjīranakhaśiśirakiṛṇāvalīvimalamālābhiranupadamuditakāntibhiḥ |śravaṇanetraśvasanapathasukhada nātha hemadanagopāla ! nijasadanamanu rakṣa mām || 2||

मणिमयोष्णीषदरकुटिलिमणिलोचनोच्चलनचातुर्यचितलवणिमणिगण्डयोः ।कनकताटङ्करुचिमधुरिमणि मज्जयन्मदनगोपाल ! निजसदनमनु रक्ष माम् ॥ ३॥

maṇimayoṣṇīṣadarakuṭilimaṇilocanoccalanacāturyacitalavaṇimaṇigaṇḍayoḥ |kanakatāṭaṅkarucimadhurimaṇi majjayanmadanagopāla ! nijasadanamanu rakṣa mām || 3||

अधरशोणिम्नि दरहसितसितिमार्चितेविजितमाणिक्यरदकिरणगणमण्डिते ।निहितवंशीक जनदुरवगमलील हेमदनगोपाल ! निजसदनमनु रक्ष माम् ॥ ४॥

adharaśoṇimni darahasitasitimārcitevijitamāṇikyaradakiraṇagaṇamaṇḍite |nihitavaṃśīka janaduravagamalīla hemadanagopāla ! nijasadanamanu rakṣa mām || 4||

पदकहारालिपदकटकनटकिङ्किणीवलय ताटङ्कमुखनिखिलमणिभूषणैः ।कलितनव्याभ निजतनुरुचिभूषितैर्मदनगोपाल ! निजसदनमनु रक्ष माम् ॥ ५॥

padakahārālipadakaṭakanaṭakiṅkiṇīvalaya tāṭaṅkamukhanikhilamaṇibhūṣaṇaiḥ |kalitanavyābha nijatanurucibhūṣitairmadanagopāla ! nijasadanamanu rakṣa mām || 5||

उडुपकोटीकदनवदनरुचिपल्लवैर्मदनकोटीमथननखरकरकन्दलैः ।द्युतरुकोटीसदनसदयनयनेक्षणैर्मदनगोपाल ! निजसदनमनु रक्ष माम् ॥ ६॥

uḍupakoṭīkadanavadanarucipallavairmadanakoṭīmathananakharakarakandalaiḥ |dyutarukoṭīsadanasadayanayanekṣaṇairmadanagopāla ! nijasadanamanu rakṣa mām || 6||

कृतनराकारभवमुखविबुधसेवित !द्युतिसुधासार ! पुरुकरुण ! कमपि क्षितौ ।प्रकटयन् प्रेमभरमधिकृतसनातनंमदनगोपाल ! निजसदनमनु रक्ष माम् ॥ ७॥

kṛtanarākārabhavamukhavibudhasevita !dyutisudhāsāra ! purukaruṇa ! kamapi kṣitau |prakaṭayan premabharamadhikṛtasanātanaṃmadanagopāla ! nijasadanamanu rakṣa mām || 7||

तरणिजातीरभुवि तरणिकरवारकप्रियकषण्डास्थमणिसदनमहितस्थिते !ललितया सार्धमनुपदरमित ! राधयामदनगोपाल ! निजसदनमनु रक्ष माम् ॥ ८॥

taraṇijātīrabhuvi taraṇikaravārakapriyakaṣaṇḍāsthamaṇisadanamahitasthite !lalitayā sārdhamanupadaramita ! rādhayāmadanagopāla ! nijasadanamanu rakṣa mām || 8||

मदनगोपाल ! तव सरसमिदमष्टकंपठति यः सायमतिसरलमतिराशु तम् ।स्वचरणाम्भोजरतिरससरसि मज्जयन्मदनगोपाल ! निजसदनमनु रक्ष माम् ॥ ९॥

madanagopāla ! tava sarasamidamaṣṭakaṃpaṭhati yaḥ sāyamatisaralamatirāśu tam |svacaraṇāmbhojaratirasasarasi majjayanmadanagopāla ! nijasadanamanu rakṣa mām || 9||

इति श्रीविश्वनाथचक्रवर्तिठक्कुरविरचितस्तवामृतलहर्यांश्रीमदनगोपालाष्टकं सम्पूर्णम् ।

iti śrīviśvanāthacakravartiṭhakkuraviracitastavāmṛtalaharyāṃśrīmadanagopālāṣṭakaṃ sampūrṇam |