हनूमत्स्तोत्रम् १ Shri Hanumatstotram 1

अक्षादिराक्षसहरं दशकण्ठदर्पनिर्मूलनं रघुवराङ्घ्रिसरोजभक्तम् ।सीताऽविषह्यघनदुःखनिवारकं तंवायोः सुतं गिलितभानुमहं नमामि ॥ १॥

akṣādirākṣasaharaṃ daśakaṇṭhadarpanirmūlanaṃ raghuvarāṅghrisarojabhaktam |sītā'viṣahyaghanaduḥkhanivārakaṃ taṃvāyoḥ sutaṃ gilitabhānumahaṃ namāmi || 1||

मां पश्य पश्य दयया निजदृष्टिपातैःमां रक्ष रक्ष परितो रिपुदुःखपुञ्जात् ।वश्यं कुरु त्रिजगतां वसुधाधिपानांमे देहि देहि महतीं वसुधां श्रियं च ॥ २॥

māṃ paśya paśya dayayā nijadṛṣṭipātaiḥmāṃ rakṣa rakṣa parito ripuduḥkhapuñjāt |vaśyaṃ kuru trijagatāṃ vasudhādhipānāṃme dehi dehi mahatīṃ vasudhāṃ śriyaṃ ca || 2||

आपद्भ्यो रक्ष सर्वत्र आञ्जनेय नमोऽस्तु ते ।बन्धनं छेदयाभुक्तं कपिवर्य नमोऽस्तु ते ॥ ३॥

āpadbhyo rakṣa sarvatra āñjaneya namo'stu te |bandhanaṃ chedayābhuktaṃ kapivarya namo'stu te || 3||

देहि मे सम्पदो नित्यं त्रिलोचन नमोऽस्तु ते ।दुष्टरोगान् हन हन रामदूत नमोऽस्तु ते ॥ ४॥

dehi me sampado nityaṃ trilocana namo'stu te |duṣṭarogān hana hana rāmadūta namo'stu te || 4||

उच्चाटय रिपून् सर्वान् मोहनं कुरु भूभुजाम् ।विद्वेषिणो मारय त्वं त्रिमूर्त्यात्मक सर्वदा ॥ ५॥

uccāṭaya ripūn sarvān mohanaṃ kuru bhūbhujām |vidveṣiṇo māraya tvaṃ trimūrtyātmaka sarvadā || 5||

सञ्जीवपर्वतोद्धार मम दुःखं निवारय ।घोरानुपद्रवान् सर्वान् नाशयाक्षासुरान्तक ॥ ६॥

sañjīvaparvatoddhāra mama duḥkhaṃ nivāraya |ghorānupadravān sarvān nāśayākṣāsurāntaka || 6||

एवं स्तुत्वा हनुमन्तं नरः श्रद्धासमन्वितः ।पुत्रपौत्रादिसहितः सर्वान् कामानवाप्नुयात् ॥ ७॥

evaṃ stutvā hanumantaṃ naraḥ śraddhāsamanvitaḥ |putrapautrādisahitaḥ sarvān kāmānavāpnuyāt || 7||

मर्कटेश महोत्साह सर्वशोकविनाशक ।शत्रून् संहर मां रक्ष श्रियं दत्वा च मां भर ॥ ८॥

markaṭeśa mahotsāha sarvaśokavināśaka |śatrūn saṃhara māṃ rakṣa śriyaṃ datvā ca māṃ bhara || 8||