त्यागराजस्तवः Shri Tyagaraja Stavah 06 26

नीलकन्धर भाललोचन बालचन्द्रशिरोमणेकालकाल कपालमाल हिमालयाचलजापते ।शूलहस्त नमूल शङ्कर मूलयोगिवरस्तुतत्यागराज दयानिधे कमलापुरीश्वर पाहि माम् ॥ १॥

nīlakandhara bhālalocana bālacandraśiromaṇekālakāla kapālamāla himālayācalajāpate |śūlahasta namūla śaṅkara mūlayogivarastutatyāgarāja dayānidhe kamalāpurīśvara pāhi mām || 1||

हारकुण्डलमौलिकङ्कणकिङ्किणीकृतपन्नगभूतिगात्र कुबेरमित्र कलत्रपुत्रसमावृत ।नारदादिमुनीन्द्रसन्नुत नागचर्मकृताम्बरत्यागराज दयानिधे कमलापुरीश्वर पाहि माम् ॥ २॥

hārakuṇḍalamaulikaṅkaṇakiṅkiṇīkṛtapannagabhūtigātra kuberamitra kalatraputrasamāvṛta |nāradādimunīndrasannuta nāgacarmakṛtāmbaratyāgarāja dayānidhe kamalāpurīśvara pāhi mām || 2||

भूतनाथ परान्तकातुलभुक्तिमुक्तिसुखप्रदशीतलामलमन्दमारुतसेव्यदिव्यकलेवर ।लोकनायक पाकशासनशोकवारणकारणत्यागराज दयानिधे कमलापुरीश्वर पाहि माम् ॥ ३॥

bhūtanātha parāntakātulabhuktimuktisukhapradaśītalāmalamandamārutasevyadivyakalevara |lokanāyaka pākaśāsanaśokavāraṇakāraṇatyāgarāja dayānidhe kamalāpurīśvara pāhi mām || 3||

शुद्धमञ्जु लतालकाहलशङ्खदिव्यवरप्रियनृत्तगीतरसज्ञ नित्यसुगन्धिगौरशरीर भो ।चारुहास सुरादिपूजित पूजनीयपदाम्बुजत्यागराज दयानिधे कमलापुरीश्वर पाहि माम् ॥ ४॥

śuddhamañju latālakāhalaśaṅkhadivyavarapriyanṛttagītarasajña nityasugandhigauraśarīra bho |cāruhāsa surādipūjita pūjanīyapadāmbujatyāgarāja dayānidhe kamalāpurīśvara pāhi mām || 4||

सर्पराजविभूषणाव्यय चित्सभेश सदाशिवनन्दिभृङ्गिगणेशवन्दितसुन्दराङ्घ्रिसरोरुह ।वेदशेखर सर्वसुग्रहनामरूप दयाकरत्यागराज दयानिधे कमलापुरीश्वर पाहि माम् ॥ ५॥

sarparājavibhūṣaṇāvyaya citsabheśa sadāśivanandibhṛṅgigaṇeśavanditasundarāṅghrisaroruha |vedaśekhara sarvasugrahanāmarūpa dayākaratyāgarāja dayānidhe kamalāpurīśvara pāhi mām || 5||

सारमोहमहान्धकारदिवाकराखिलभुक्तिदचैकनायक पादपङ्कजसङ्गिचित्तजनामृत ।पापतूलहुताशनाखिलकोपवन्मुनिपूजितत्यागराज दयानिधे कमलापुरीश्वर पाहि माम् ॥ ६॥

sāramohamahāndhakāradivākarākhilabhuktidacaikanāyaka pādapaṅkajasaṅgicittajanāmṛta |pāpatūlahutāśanākhilakopavanmunipūjitatyāgarāja dayānidhe kamalāpurīśvara pāhi mām || 6||

पङ्कजासनसूत वेदतुरङ्ग मेरुशरासनभानुचन्द्ररथाङ्ग भूरथ शेषशायिशिलीमुख ।मन्दहासशिलीमुख त्रिपुराम्बुधेर्बडबानलत्यागराज दयानिधे कमलापुरीश्वर पाहि माम् ॥ ७॥

paṅkajāsanasūta vedaturaṅga meruśarāsanabhānucandrarathāṅga bhūratha śeṣaśāyiśilīmukha |mandahāsaśilīmukha tripurāmbudherbaḍabānalatyāgarāja dayānidhe kamalāpurīśvara pāhi mām || 7||

दिव्यरत्नमयासनस्थितमेरुतुल्यमहारथछत्रचामर बर्हिबर्हसमूह दिव्यशिखामणे ।नित्य शुद्ध महावृषध्वज निर्विकल्प निरञ्जनत्यागराज दयानिधे कमलापुरीश्वर पाहि माम् ॥ ८॥

divyaratnamayāsanasthitamerutulyamahārathachatracāmara barhibarhasamūha divyaśikhāmaṇe |nitya śuddha mahāvṛṣadhvaja nirvikalpa nirañjanatyāgarāja dayānidhe kamalāpurīśvara pāhi mām || 8||

सर्वलोकविमोहनास्पद तत्पदार्थ वियत्पतेशक्तिविग्रह युक्त्यदीन सुवर्णवर्ण विभूतिमन् ।पापकेतुदिवाकराक्ष परात्परामितकीर्तिमन्त्यागराज दयानिधे कमलापुरीश्वर पाहि माम् ॥ ९॥

sarvalokavimohanāspada tatpadārtha viyatpateśaktivigraha yuktyadīna suvarṇavarṇa vibhūtiman |pāpaketudivākarākṣa parātparāmitakīrtimantyāgarāja dayānidhe kamalāpurīśvara pāhi mām || 9||

तात मत्कृतपापवारण दक्षयज्ञभयङ्करदारुकावनतापसाधिपसुन्दरीजनमोहक ।व्याघ्रपादपतञ्जलिस्तुतिसान्द्रसादृशशैलजत्यागराज दयानिधे कमलापुरीश्वर पाहि माम् ॥ १०॥

tāta matkṛtapāpavāraṇa dakṣayajñabhayaṅkaradārukāvanatāpasādhipasundarījanamohaka |vyāghrapādapatañjalistutisāndrasādṛśaśailajatyāgarāja dayānidhe kamalāpurīśvara pāhi mām || 10||

॥ इति श्रीत्यागराजस्तवः सम्पूर्णः ॥

|| iti śrītyāgarājastavaḥ sampūrṇaḥ ||