शारदामातृसप्तकम् Shri Sharadamatrisaptakam

ध्यायेत्सदाहृदय पद्मसुखासनस्थांसच्चिन्मयीं सकलधर्मसमन्वयां ताम् ।श्रीरामकृष्णचरितामृत पुण्यपूरांश्रीशारदां त्रिजगतां जननीं शरण्याम् ॥ १॥

dhyāyetsadāhṛdaya padmasukhāsanasthāṃsaccinmayīṃ sakaladharmasamanvayāṃ tām |śrīrāmakṛṣṇacaritāmṛta puṇyapūrāṃśrīśāradāṃ trijagatāṃ jananīṃ śaraṇyām || 1||

शुभ्रज्योतिर्मयीं देवीमात्मबुद्धिप्रकाशिनीम् ।शिवां शिवकरीं सत्यज्ञानानन्दातिलक्षणाम् ॥ २॥

śubhrajyotirmayīṃ devīmātmabuddhiprakāśinīm |śivāṃ śivakarīṃ satyajñānānandātilakṣaṇām || 2||

रामकृष्णमहाभावां विवेकानन्ददायिनीम् ।प्रसन्नवदनां देवीं शारदां प्रणतोऽस्म्यहम् ॥ ३॥

rāmakṛṣṇamahābhāvāṃ vivekānandadāyinīm |prasannavadanāṃ devīṃ śāradāṃ praṇato'smyaham || 3||

नित्यशुद्धा च या देवी पराभक्तिस्वरूपिणी ।अप्रमेयप्रभावात् या संसारार्णवतारिणी ॥ ४॥

nityaśuddhā ca yā devī parābhaktisvarūpiṇī |aprameyaprabhāvāt yā saṃsārārṇavatāriṇī || 4||

ज्ञानविज्ञान सम्पूर्णा प्रत्यक्चैतन्य रूपिणी ।अभया वरदा वीर्यश्रद्धाभक्तिवरप्रदा ॥ ५॥

jñānavijñāna sampūrṇā pratyakcaitanya rūpiṇī |abhayā varadā vīryaśraddhābhaktivarapradā || 5||

अमृता परमानन्दानित्यमुक्तिप्रदायिनी ।अपारकरुणापूर्णा मातृदेवी जगन्मयी ॥ ६॥

amṛtā paramānandānityamuktipradāyinī |apārakaruṇāpūrṇā mātṛdevī jaganmayī || 6||

रामकृष्णपराशक्तिः पराविद्या महेश्वरी ।माता वसतु नश्चित्ते शारदा सर्वमङ्गला ॥ ७॥

rāmakṛṣṇaparāśaktiḥ parāvidyā maheśvarī |mātā vasatu naścitte śāradā sarvamaṅgalā || 7||

इति शम् ॥इति श्रीशारदामातृसप्तकं सम्पूर्णम् ।

iti śam ||iti śrīśāradāmātṛsaptakaṃ sampūrṇam |