शारदादेवीनवकम् १ Shri Sharada Devi Navakam

श्री शारदेश्वरि महेश्वरि मुक्तिदात्रियोगेश्वरार्चितपदे जगदेकवन्द्ये ।श्रीरामकृष्णवरशिष्य नते दयार्द्रेयाचेऽम्ब देवी ! चरणाश्रय भक्तिभिक्षाम् ॥ १॥

śrī śāradeśvari maheśvari muktidātriyogeśvarārcitapade jagadekavandye |śrīrāmakṛṣṇavaraśiṣya nate dayārdreyāce'mba devī ! caraṇāśraya bhaktibhikṣām || 1||

संसारदावानल दग्धचित्ताये चापि दीनाः कुजना भवन्तु ।स्मृत्वैकवारं तव पुण्यनामअहोऽद्भुतं भागवता भवन्ति ॥ २॥

saṃsāradāvānala dagdhacittāye cāpi dīnāḥ kujanā bhavantu |smṛtvaikavāraṃ tava puṇyanāmaaho'dbhutaṃ bhāgavatā bhavanti || 2||

भो मानवाः ! शृणुत कुत्र वृथा भ्रमन्तःसंसारघोरमरुभूमि मरीचिकाभ्यः ।मातुः पदाम्बुजरुहमेव समाश्रयन्तआमुष्मिकैहिकफलं परमं लभध्वम् ॥ ३॥

bho mānavāḥ ! śṛṇuta kutra vṛthā bhramantaḥsaṃsāraghoramarubhūmi marīcikābhyaḥ |mātuḥ padāmbujaruhameva samāśrayantaāmuṣmikaihikaphalaṃ paramaṃ labhadhvam || 3||

मातरः सन्ति लोकेषु बह्व्यः कारुण्यमूर्तयः ।क्षुधार्तैरेव संसेव्या न हि मुक्तिप्रदा हि ताः ॥ ४॥

mātaraḥ santi lokeṣu bahvyaḥ kāruṇyamūrtayaḥ |kṣudhārtaireva saṃsevyā na hi muktipradā hi tāḥ || 4||

भुक्तिमुक्तिप्रदात्री तु त्वमेका भक्तवत्सले ।कुत्र वा तव वात्सल्य सादृश्यं परिदृश्यते ॥ ५॥

bhuktimuktipradātrī tu tvamekā bhaktavatsale |kutra vā tava vātsalya sādṛśyaṃ paridṛśyate || 5||

विद्यां न याचे, विभवं न याचेसिद्धिं न ऋद्धिं न वरं च जन्म ।परन्तु याचे, तव देवी पादपद्मेऽचलां भक्तिमहैतुकीं च ॥ ६॥

vidyāṃ na yāce, vibhavaṃ na yācesiddhiṃ na ṛddhiṃ na varaṃ ca janma |parantu yāce, tava devī pādapadme'calāṃ bhaktimahaitukīṃ ca || 6||

परहंसार्चिते देवि तस्य शिष्यैः सुसेविते ।अल्पयाप्यनया स्तुत्या प्रसन्ना भव सर्वदा ॥ ७॥

parahaṃsārcite devi tasya śiṣyaiḥ susevite |alpayāpyanayā stutyā prasannā bhava sarvadā || 7||

विदग्धानां विशिष्टैश्च स्तुतिः कृताप्यनेकशः ।प्रयासोऽयं कृतो देवि वृथा मा भूत् वार्पिताः ॥ ८॥

vidagdhānāṃ viśiṣṭaiśca stutiḥ kṛtāpyanekaśaḥ |prayāso'yaṃ kṛto devi vṛthā mā bhūt vārpitāḥ || 8||

विदितं मातरो लोके प्रनन्दन्ति विशेषतः ।अल्पार्थाभिश्च ऋज्वीभिः सरलाभिः शिशूक्तिभिः ॥ ९॥

viditaṃ mātaro loke pranandanti viśeṣataḥ |alpārthābhiśca ṛjvībhiḥ saralābhiḥ śiśūktibhiḥ || 9||

इति स्वामि अमृतानन्दविरचितं श्रीशारदानवकम् सम्पूर्णम् ।

iti svāmi amṛtānandaviracitaṃ śrīśāradānavakam sampūrṇam |