यमुनाष्टकम् ४ Shriyamunashtakam 4

यया तमीशवंशजः समापितो बृहद्धनंमरुच्चलञ्जलप्रभूतवीचिविप्लुषां मिषात् ।तदङ्घ्रिकञ्जभक्तियुक्तया सुदत्तमार्गयाकलौ कलिन्दनन्दिनी कृपाकुलं करोतु नः ॥ १॥

yayā tamīśavaṃśajaḥ samāpito bṛhaddhanaṃmaruccalañjalaprabhūtavīcivipluṣāṃ miṣāt |tadaṅghrikañjabhaktiyuktayā sudattamārgayākalau kalindanandinī kṛpākulaṃ karotu naḥ || 1||

यदम्बुपानमात्रतोऽतिभक्तियुक्तचेतसांकृतैनसामहो निजस्वभावतः कृपायुता ।प्रधाव्य धर्मराजतो महद्भयं निवर्त्य साकलौ कलिन्दनन्दिनी कृपाकुलं करोतु नः ॥ २॥

yadambupānamātrato'tibhaktiyuktacetasāṃkṛtainasāmaho nijasvabhāvataḥ kṛpāyutā |pradhāvya dharmarājato mahadbhayaṃ nivartya sākalau kalindanandinī kṛpākulaṃ karotu naḥ || 2||

यदीयनीरकेलितो दधार नन्दनन्दनःसमस्तसुन्दरीजने स्वभावमद्भुतं मुदा ।परस्परावलोकनं विवर्धयन् सुदृष्टितःकलौ कलिन्दनन्दिनी कृपाकुलं करोतु नः ॥ ३॥

yadīyanīrakelito dadhāra nandanandanaḥsamastasundarījane svabhāvamadbhutaṃ mudā |parasparāvalokanaṃ vivardhayan sudṛṣṭitaḥkalau kalindanandinī kṛpākulaṃ karotu naḥ || 3||

यदङ्घ्रिफुल्लपङ्कजेऽवनप्रभावतः सदासमस्तभक्तसङ्ग्रहं पुनाति सा जगत्त्रयम् ।गिरीशधारिसङ्गमप्रबोधसत्सुखासदंकलौ कलिन्दनन्दिनी कृपाकुलं करोतु नः ॥ ४॥

yadaṅghriphullapaṅkaje'vanaprabhāvataḥ sadāsamastabhaktasaṅgrahaṃ punāti sā jagattrayam |girīśadhārisaṅgamaprabodhasatsukhāsadaṃkalau kalindanandinī kṛpākulaṃ karotu naḥ || 4||

यथाऽऽपदश्च दूरतो ज्वलन्ति सम्पदः सदावसन्ति नन्दनन्दने दृढा रतिश्च जायते ।महाष्टसिद्धिदाऽप्यशेषघोरपापसङ्क्षयःकलौ कलिन्दनन्दिनी कृपाकुलं करोतु नः ॥ ५॥

yathā''padaśca dūrato jvalanti sampadaḥ sadāvasanti nandanandane dṛḍhā ratiśca jāyate |mahāṣṭasiddhidā'pyaśeṣaghorapāpasaṅkṣayaḥkalau kalindanandinī kṛpākulaṃ karotu naḥ || 5||

यदङ्कतो विनिःसृतस्य पापिनोऽपि शोभयाजगत्त्रयं विमोहितं तदीयकान्तियुक्तया ।प्रफुल्लसारसा प्रभूतरुद्रदेवसंस्तुताकलौ कलिन्दनन्दिनी कृपाकुलं करोतु नः ॥ ६॥

yadaṅkato viniḥsṛtasya pāpino'pi śobhayājagattrayaṃ vimohitaṃ tadīyakāntiyuktayā |praphullasārasā prabhūtarudradevasaṃstutākalau kalindanandinī kṛpākulaṃ karotu naḥ || 6||

यदीयभक्तसेवने कृते हरिः प्रसन्नतामवाप गोपिकापतिः समस्तकामदायिनी ।तदम्बुमध्यखेलनप्रभूतभावलज्जितःकलौ कलिन्दनन्दिनी कृपाकुलं करोतु नः ॥ ७॥

yadīyabhaktasevane kṛte hariḥ prasannatāmavāpa gopikāpatiḥ samastakāmadāyinī |tadambumadhyakhelanaprabhūtabhāvalajjitaḥkalau kalindanandinī kṛpākulaṃ karotu naḥ || 7||

यदन्तिकस्थवालुकाः प्रयान्ति यत्र भूतलेगृहे गृहे वसन्त्यसौ हरिस्तदन्वगश्च सा ।यदा तदा सदैव तत्र भक्तवृन्दवन्दिताकलौ कलिन्दनन्दिनी कृपाकुलं करोतु नः ॥ ७॥

yadantikasthavālukāḥ prayānti yatra bhūtalegṛhe gṛhe vasantyasau haristadanvagaśca sā |yadā tadā sadaiva tatra bhaktavṛndavanditākalau kalindanandinī kṛpākulaṃ karotu naḥ || 7||

हरिप्रिये तवाऽष्टकं सदा पठेत्स शुद्धधीर्य एव गोकुलाधिपस्य लेढि सङ्गमं शुभम् ।पुनः प्रयाति तत्सुखं तटस्थरासमण्डलस्थितास्त्रिभङ्गिमोहनं दधाति तद्विचेष्टितम् ॥ ८॥

haripriye tavā'ṣṭakaṃ sadā paṭhetsa śuddhadhīrya eva gokulādhipasya leḍhi saṅgamaṃ śubham |punaḥ prayāti tatsukhaṃ taṭastharāsamaṇḍalasthitāstribhaṅgimohanaṃ dadhāti tadviceṣṭitam || 8||

इति श्रीरघुनाथजीकृतं यमुनाष्टकं समाप्तम् ।

iti śrīraghunāthajīkṛtaṃ yamunāṣṭakaṃ samāptam |