यमुनाविज्ञप्तिः Shriyamunavijnaptih

कृष्णां कृष्णसमां कृष्णरूपां कृष्णरसात्मिकाम् ।कृष्णलीलामृतजलां कृष्णसम्बन्धकारिणीम् ॥ १॥

kṛṣṇāṃ kṛṣṇasamāṃ kṛṣṇarūpāṃ kṛṣṇarasātmikām |kṛṣṇalīlāmṛtajalāṃ kṛṣṇasambandhakāriṇīm || 1||

कृष्णप्रियां कृष्णमुख्यरससङ्गमदायिनीम् ।कृष्णक्रीडाश्रयां कृष्णपदवीप्रापिकामपि ॥ २॥

kṛṣṇapriyāṃ kṛṣṇamukhyarasasaṅgamadāyinīm |kṛṣṇakrīḍāśrayāṃ kṛṣṇapadavīprāpikāmapi || 2||

कृष्णस्थितां कृष्णवासहृदयां कृष्णकामुकाम् ।कृष्णप्रियाप्रियां कृष्णस्थायिभावसमुद्भवाम् ॥ ३॥

kṛṣṇasthitāṃ kṛṣṇavāsahṛdayāṃ kṛṣṇakāmukām |kṛṣṇapriyāpriyāṃ kṛṣṇasthāyibhāvasamudbhavām || 3||

कृष्णैकमिलनस्थानभूतां कृष्णसुखार्थिनीम् ।कृष्णगोपीसहचरीं कृष्णसन्मानवर्धिनीम् ॥ ४॥

kṛṣṇaikamilanasthānabhūtāṃ kṛṣṇasukhārthinīm |kṛṣṇagopīsahacarīṃ kṛṣṇasanmānavardhinīm || 4||

कृष्णकार्यपरीं कृष्णलीलास्थलविशोधिकाम् ।कृष्णक्रीडाकुङ्कुमादियुतां कृष्णरसान्तराम् ॥ ५॥

kṛṣṇakāryaparīṃ kṛṣṇalīlāsthalaviśodhikām |kṛṣṇakrīḍākuṅkumādiyutāṃ kṛṣṇarasāntarām || 5||

कृष्णगोपीपूज्यदेवीं कृष्णव्रतफलप्रदाम् ।कृष्णलीलार्थमायान्तीं कृष्णनीरधिसङ्गताम् ॥ ६॥

kṛṣṇagopīpūjyadevīṃ kṛṣṇavrataphalapradām |kṛṣṇalīlārthamāyāntīṃ kṛṣṇanīradhisaṅgatām || 6||

कृष्णपादस्पर्शकामां कृष्णमानससंश्रिताम् ।कृष्णासक्तां कृष्णभक्तकृष्णप्रीतिप्रसाधिनीम् ॥ ७॥

kṛṣṇapādasparśakāmāṃ kṛṣṇamānasasaṃśritām |kṛṣṇāsaktāṃ kṛṣṇabhaktakṛṣṇaprītiprasādhinīm || 7||

कृष्णाङ्घ्रिरेणुबहुलां कृष्णसेवकसन्मुखाम् ।कृष्णभावाविरोधिस्वदासप्रकृतिनाशिनीम् ॥ ८॥

kṛṣṇāṅghrireṇubahulāṃ kṛṣṇasevakasanmukhām |kṛṣṇabhāvāvirodhisvadāsaprakṛtināśinīm || 8||

नमामि यमुनां कृष्णतुर्यप्रियतमामहम् ।निजाचार्यपदाम्भोजदासे भावं प्रयच्छतु ॥ ९॥

namāmi yamunāṃ kṛṣṇaturyapriyatamāmaham |nijācāryapadāmbhojadāse bhāvaṃ prayacchatu || 9||

इति श्रीहरिदासोदिता श्रीयमुनाविज्ञक्तिः समाप्ता ।

iti śrīharidāsoditā śrīyamunāvijñaktiḥ samāptā |