यमुनाष्टकम् ९ Shri Yamunashtakam 9

मातर्देवि कलिन्दभूधरसुते नीलाम्बुजश्यामलस्निग्धोद्यद्विमलोर्मिताण्डवधरे तुभ्यं नमस्कुर्महे ।त्वं तुर्याप्यसि यत्प्रिया मुररिपोस्तद्बाल्यतारुण्ययोर्लीलानामवधायिकान्यमहिषीवृन्देषु वन्द्याधिकम् ॥ १॥

mātardevi kalindabhūdharasute nīlāmbujaśyāmalasnigdhodyadvimalormitāṇḍavadhare tubhyaṃ namaskurmahe |tvaṃ turyāpyasi yatpriyā muraripostadbālyatāruṇyayorlīlānāmavadhāyikānyamahiṣīvṛndeṣu vandyādhikam || 1||

लोकान्यान्कलिकालकीलितमहादुष्कर्मकूटाङ्कितान्नेनिक्ते दिवमुत्पतिष्यति हि सा गीर्वाणकूलङ्कषा ।तन्मातस्त्वयि संसृतिप्रसृमरक्लेशाभिभूतं मनःस्वर्निःश्रेणिमुपेतुमर्कतनये श्रद्धां निबध्नाति नः ॥ २॥

lokānyānkalikālakīlitamahāduṣkarmakūṭāṅkitānnenikte divamutpatiṣyati hi sā gīrvāṇakūlaṅkaṣā |tanmātastvayi saṃsṛtiprasṛmarakleśābhibhūtaṃ manaḥsvarniḥśreṇimupetumarkatanaye śraddhāṃ nibadhnāti naḥ || 2||

सोन्नादं निपतन्कलिन्दशिखरप्रोत्तुङ्गशृङ्गान्तराद्गच्छन्प्राच्यमपनिधिं जननि सद्वारां प्रवाहस्तव ।मध्येमार्गमवाप्तभूरिविषयांस्तत्कालमुन्मार्जयन्दिश्यान्नः श्रियमुद्धुरां मरकतश्यामाभिरामद्युतिः ॥ ३॥

sonnādaṃ nipatankalindaśikharaprottuṅgaśṛṅgāntarādgacchanprācyamapanidhiṃ janani sadvārāṃ pravāhastava |madhyemārgamavāptabhūriviṣayāṃstatkālamunmārjayandiśyānnaḥ śriyamuddhurāṃ marakataśyāmābhirāmadyutiḥ || 3||

शय्योत्थायमजस्रमात्मसदनात्त्वां वीक्ष्य लक्ष्यां क्षणान्मातः प्रातरपोहयामि विततं दुष्पातकव्रातकम् ।सन्धीभूय समूलकाषमखिलं सङ्कष्य सत्कर्मणांकाण्डं द्राग् अपवर्गमार्गगमने येनार्गलीभूयते ॥ ४॥

śayyotthāyamajasramātmasadanāttvāṃ vīkṣya lakṣyāṃ kṣaṇānmātaḥ prātarapohayāmi vitataṃ duṣpātakavrātakam |sandhībhūya samūlakāṣamakhilaṃ saṅkaṣya satkarmaṇāṃkāṇḍaṃ drāg apavargamārgagamane yenārgalībhūyate || 4||

नावासं द्युसदां न पन्नगपुरं नान्याश्च भोगस्थलीःश्लाघेऽहं परमत्र किं तु विपुलाः श्रीभारतीया भुवः ।स्वेच्छाधावदुदग्रदुष्कलिकरिक्रीडाकृपाणायितायास्वेतास्तव वारिणां रविसुते चञ्च्वन्ति वीचिच्छटाः ॥ ५॥

nāvāsaṃ dyusadāṃ na pannagapuraṃ nānyāśca bhogasthalīḥślāghe'haṃ paramatra kiṃ tu vipulāḥ śrībhāratīyā bhuvaḥ |svecchādhāvadudagraduṣkalikarikrīḍākṛpāṇāyitāyāsvetāstava vāriṇāṃ ravisute cañcvanti vīcicchaṭāḥ || 5||

त्वत्कूले निवसन्वसन्न वृजिनव्यूहोऽभिपुण्वन्मुहुःपार्यपायमपायवारि मधुरं वारि ग्रहेशात्मजे ।दूरीकृत्य ऋणचयं सफलयन्जन्मात्मनो निर्भरानन्दास्वादनतत्परो गमयिता कालं कदायं जनः ॥ ६॥

tvatkūle nivasanvasanna vṛjinavyūho'bhipuṇvanmuhuḥpāryapāyamapāyavāri madhuraṃ vāri graheśātmaje |dūrīkṛtya ṛṇacayaṃ saphalayanjanmātmano nirbharānandāsvādanatatparo gamayitā kālaṃ kadāyaṃ janaḥ || 6||

नो तत्त्वावगमस्पृहा न विपुलायासः सतां सङ्गतौनो तत्तन्निगमागमोक्तविविधानुष्ठाननिष्ठापि च ।येषां तेऽपि जनाः पतङ्गतनये भित्त्वा पितुर्मण्डलंसोदर्यं च वधीर्य ते सुकृतिनो ब्रह्मात्मतां बिभ्रति ॥ ७॥

no tattvāvagamaspṛhā na vipulāyāsaḥ satāṃ saṅgatauno tattannigamāgamoktavividhānuṣṭhānaniṣṭhāpi ca |yeṣāṃ te'pi janāḥ pataṅgatanaye bhittvā piturmaṇḍalaṃsodaryaṃ ca vadhīrya te sukṛtino brahmātmatāṃ bibhrati || 7||

वक्तुं ते महिमानमस्मि न विभुर्लोके विकुण्ठोऽप्यलंकंसारातिकुटुम्बिनि प्रकटयत्प्रीतिं परं कुण्ठिताम् ।यद्वेदैरपि मृग्यमाणमनिशं तद्ब्रह्म मातर्यतस्त्वत्कूलस्थनिकुञ्जमञ्जुवलयक्रोडेषु विक्रीडति ॥ ८॥

vaktuṃ te mahimānamasmi na vibhurloke vikuṇṭho'pyalaṃkaṃsārātikuṭumbini prakaṭayatprītiṃ paraṃ kuṇṭhitām |yadvedairapi mṛgyamāṇamaniśaṃ tadbrahma mātaryatastvatkūlasthanikuñjamañjuvalayakroḍeṣu vikrīḍati || 8||

इति श्रीयमुनाष्टकं सम्पूर्णम् ।

iti śrīyamunāṣṭakaṃ sampūrṇam |