यमुनाष्टकम् ८ Shri Yamunashtakam 8

व्रजाधिराजनन्दनाम्बुदाभगात्रवन्दनानुलेपगन्धवाहिनीं भवाब्धिबीजदाहिनीम् ।जगत्त्रये यशस्विनीं लसत्सुधीपयस्विनींभजे कलिन्दनन्दिनीं दुरन्तमोहमञ्जरीम् ॥ १॥

vrajādhirājanandanāmbudābhagātravandanānulepagandhavāhinīṃ bhavābdhibījadāhinīm |jagattraye yaśasvinīṃ lasatsudhīpayasvinīṃbhaje kalindanandinīṃ durantamohamañjarīm || 1||

रसैकसीमराधिकापदाब्जभक्तिसाधिकांतदङ्गरागपिञ्जरप्रभातपुञ्जमञ्जुलाम् ।स्वरोचिषातिमञ्जुलां कृताजनाधिगञ्जनांभजे कलिन्दनन्दिनीं दुरन्तमोहमञ्जरीम् ॥ २॥

rasaikasīmarādhikāpadābjabhaktisādhikāṃtadaṅgarāgapiñjaraprabhātapuñjamañjulām |svarociṣātimañjulāṃ kṛtājanādhigañjanāṃbhaje kalindanandinīṃ durantamohamañjarīm || 2||

व्रजेन्द्रसूनुराधिकाहृदि प्रपूर्णमानयोर्महारसाब्धिपूरयोरिवातितीव्रवेगतः ।बहिः समुच्छलन्नवप्रवाहरूपिणीमहंभजे कलिन्दनन्दिनीं दुरन्तमोहमञ्जरीम् ॥ ३॥

vrajendrasūnurādhikāhṛdi prapūrṇamānayormahārasābdhipūrayorivātitīvravegataḥ |bahiḥ samucchalannavapravāharūpiṇīmahaṃbhaje kalindanandinīṃ durantamohamañjarīm || 3||

विचित्ररत्नबद्धसत्तटद्वयश्रियोज्ज्वलांविचित्रहंससारसाद्यनन्तपक्षिसङ्कुलाम् ।विचित्रहैममेखलां कृतातिदीनपालनांभजे कलिन्दनन्दिनीं दुरन्तमोहमञ्जरीम् ॥ ४॥

vicitraratnabaddhasattaṭadvayaśriyojjvalāṃvicitrahaṃsasārasādyanantapakṣisaṅkulām |vicitrahaimamekhalāṃ kṛtātidīnapālanāṃbhaje kalindanandinīṃ durantamohamañjarīm || 4||

वहन्तिकां प्रियां हरेर्महाकृपास्वरूपिणींविशुद्धभक्तिमुज्ज्वलां परे रसात्मिकां विदुः ।सुधास्रुतिं त्वलौकिकीं परेशवर्णरूपिणींभजे कलिन्दनन्दिनीं दुरन्तमोहमञ्जरीम् ॥ ५॥

vahantikāṃ priyāṃ harermahākṛpāsvarūpiṇīṃviśuddhabhaktimujjvalāṃ pare rasātmikāṃ viduḥ |sudhāsrutiṃ tvalaukikīṃ pareśavarṇarūpiṇīṃbhaje kalindanandinīṃ durantamohamañjarīm || 5||

सुरेन्द्रवृन्दवन्द्यया रसादधिष्ठते वनेसदोपलब्धिमाधवाद्भुतौकसद्।ह्रसोन्मदाम् ।अतीव विह्वलामिवोच्चलत्तरङ्गदोर्लतांभजे कलिन्दनन्दिनीं दुरन्तमोहमञ्जरीम् ॥ ६॥

surendravṛndavandyayā rasādadhiṣṭhate vanesadopalabdhimādhavādbhutaukasad|hrasonmadām |atīva vihvalāmivoccalattaraṅgadorlatāṃbhaje kalindanandinīṃ durantamohamañjarīm || 6||

प्रफुल्लपङ्कजाननां लसन्नवोत्पलेक्षणांरथाङ्गनामयुग्मकस्तनीमुदारहंसकाम् ।नितम्बचारुरोधसं हरेः प्रियां रसोज्ज्वलांभजे कलिन्दनन्दिनीं दुरन्तमोहमञ्जरीम् ॥ ७॥

praphullapaṅkajānanāṃ lasannavotpalekṣaṇāṃrathāṅganāmayugmakastanīmudārahaṃsakām |nitambacārurodhasaṃ hareḥ priyāṃ rasojjvalāṃbhaje kalindanandinīṃ durantamohamañjarīm || 7||

समस्तवेदमस्तकैरगम्यवैभवां सदामहामुनीन्द्रनारदादिभिः सदैव भाविताम् ।अतुल्यपामरैरपि श्रितां पुमर्थसारदांभजे कलिन्दनन्दिनीं दुरन्तमोहमञ्जरीम् ॥ ८॥

samastavedamastakairagamyavaibhavāṃ sadāmahāmunīndranāradādibhiḥ sadaiva bhāvitām |atulyapāmarairapi śritāṃ pumarthasāradāṃbhaje kalindanandinīṃ durantamohamañjarīm || 8||

य एतदष्टकं बुधस्त्रिकालमाद्रितः पठेत्कलिन्दनन्दिनीं हृदा विचिन्त्य विश्ववन्दिताम् ।इहैव राधिकापतेः पदाब्जभक्तिमुत्तमाम्अवाप्य स ध्रुवं भवेत्परत्र तुष्टयानुगः ॥इति श्रीमद्धितहरिवंशचन्द्रगोस्वामिना विरचितंयमुनाष्टकं सम्पूर्णम् ।

ya etadaṣṭakaṃ budhastrikālamādritaḥ paṭhetkalindanandinīṃ hṛdā vicintya viśvavanditām |ihaiva rādhikāpateḥ padābjabhaktimuttamāmavāpya sa dhruvaṃ bhavetparatra tuṣṭayānugaḥ ||iti śrīmaddhitaharivaṃśacandragosvāminā viracitaṃyamunāṣṭakaṃ sampūrṇam |