विनायकाष्टकम् १ Vinayaka Ashtakam

एकदन्तमीशपुत्रमाखुवाहमीश्वरंविघ्नसङ्घध्वान्तसूर्यमन्तरायनायकम् ।अच्युताद्यशेषदेवपूजिताङ्घ्रिपङ्कजंविघ्नशैलवज्रिणं विनायकं नमाम्यहम् ॥ १॥

ekadantamīśaputramākhuvāhamīśvaraṃvighnasaṅghadhvāntasūryamantarāyanāyakam |acyutādyaśeṣadevapūjitāṅghripaṅkajaṃvighnaśailavajriṇaṃ vināyakaṃ namāmyaham || 1||

कामरूपधारिणं नागयज्ञसूत्रिणंकुङ्कुमोत्थकायकान्तिशोभितं वराननम् ।काञ्चनाभिभास्वरं च वासवादिवन्दितंविघ्नशैलवज्रिणं विनायकं नमाम्यहम् ॥ २॥

kāmarūpadhāriṇaṃ nāgayajñasūtriṇaṃkuṅkumotthakāyakāntiśobhitaṃ varānanam |kāñcanābhibhāsvaraṃ ca vāsavādivanditaṃvighnaśailavajriṇaṃ vināyakaṃ namāmyaham || 2||

नन्दिवाहनन्दने सुरेन्द्रनाथवन्दितंनन्दिभृङ्गिनन्दनाथनारदादिनृत्यकम् ।नन्दगोपनागराजपूर्वकैर्नमस्कृतंविघ्नशैलवज्रिणं विनायकं नमाम्यहम् ॥ ३॥

nandivāhanandane surendranāthavanditaṃnandibhṛṅginandanāthanāradādinṛtyakam |nandagopanāgarājapūrvakairnamaskṛtaṃvighnaśailavajriṇaṃ vināyakaṃ namāmyaham || 3||

सर्पवेष्टितोदरं च सर्पमालधारिणंशङ्करादिपूजितं शिवात्मजं सुखात्मकम् ।सावधानताकरं सरस्वतीप्रदायकंविघ्नशैलवज्रिणं विनायकं नमाम्यहम् ॥ ४॥

sarpaveṣṭitodaraṃ ca sarpamāladhāriṇaṃśaṅkarādipūjitaṃ śivātmajaṃ sukhātmakam |sāvadhānatākaraṃ sarasvatīpradāyakaṃvighnaśailavajriṇaṃ vināyakaṃ namāmyaham || 4||

विघ्नमत्तनागसिंहमुग्रनेत्रनासिकंविघ्नमेघजालनाशकारिचण्डमारुतम् ।विघ्नदाववह्निवारिवारिवारिवाहकंविघ्नशैलवज्रिणं विनायकं नमाम्यहम् ॥ ५॥

vighnamattanāgasiṃhamugranetranāsikaṃvighnameghajālanāśakāricaṇḍamārutam |vighnadāvavahnivārivārivārivāhakaṃvighnaśailavajriṇaṃ vināyakaṃ namāmyaham || 5||

विघ्नसिन्धुवाडवाग्निमिन्दुखण्डमण्डितंविघ्नगोपमष्टसिद्धियुक्तभक्तसेवितम् ।शूर्पकर्णवक्रतुण्डकुम्भगण्डशोभितंविघ्नशैलवज्रिणं विनायकं नमाम्यहम् ॥ ६॥

vighnasindhuvāḍavāgnimindukhaṇḍamaṇḍitaṃvighnagopamaṣṭasiddhiyuktabhaktasevitam |śūrpakarṇavakratuṇḍakumbhagaṇḍaśobhitaṃvighnaśailavajriṇaṃ vināyakaṃ namāmyaham || 6||

दक्षयक्षपक्षिमुख्यरक्षिताङ्घियुग्मकंभुक्तिमुक्तियुक्तिशान्तियुक्तपूजितं विभुम् ।देवदेववंशवृद्धिसिद्धिसाधकं मुदाविघ्नशैलवज्रिणं विनायकं नमाम्यहम् ॥ ७॥

dakṣayakṣapakṣimukhyarakṣitāṅghiyugmakaṃbhuktimuktiyuktiśāntiyuktapūjitaṃ vibhum |devadevavaṃśavṛddhisiddhisādhakaṃ mudāvighnaśailavajriṇaṃ vināyakaṃ namāmyaham || 7||

देवदैत्ययोगिसिद्धचारणाभिसेवितंसर्पखेटभूजभूतसङ्घसाधुवेष्टितम् ।ईप्सितार्थदायकं विशेषकर्मकारकंविघ्नशैलवज्रिणं विनायकं नमाम्यहम् ॥ ८॥

devadaityayogisiddhacāraṇābhisevitaṃsarpakheṭabhūjabhūtasaṅghasādhuveṣṭitam |īpsitārthadāyakaṃ viśeṣakarmakārakaṃvighnaśailavajriṇaṃ vināyakaṃ namāmyaham || 8||

श्रीविनायकाष्टकं हि शङ्करेण निर्मितंशङ्करस्य सौख्यदं भक्तविघ्ननाशकम् ।ये पठन्ति सादरं समस्तसिद्धिदं स्तवंते त्वभीष्टसिद्धिपात्रभावमाप्नुवन्ति शम् ॥ ९॥

śrīvināyakāṣṭakaṃ hi śaṅkareṇa nirmitaṃśaṅkarasya saukhyadaṃ bhaktavighnanāśakam |ye paṭhanti sādaraṃ samastasiddhidaṃ stavaṃte tvabhīṣṭasiddhipātrabhāvamāpnuvanti śam || 9||

इति विनायकाष्टकं सम्पूर्णम् ।

iti vināyakāṣṭakaṃ sampūrṇam |