विघ्नेश्वरंनमामि Vighneshvaram Ganesham Gaurisutam Namami

(गणेशम्)विघ्नेश्वरं गणेशं गौरीसुतं नमामि ।लम्बोदरं सदा त्वां कल्याणकं भजामि ॥ १॥

(gaṇeśam)vighneśvaraṃ gaṇeśaṃ gaurīsutaṃ namāmi |lambodaraṃ sadā tvāṃ kalyāṇakaṃ bhajāmi || 1||

कुर्मो वयं न पूजां जानीमहे न भक्तिंयाचेकृपान्त्वदीयां ते मन्दिरे न यामि ॥ २॥

kurmo vayaṃ na pūjāṃ jānīmahe na bhaktiṃyācekṛpāntvadīyāṃ te mandire na yāmi || 2||

हे ! देव ! बुद्धिदाता स्वामी ददासि सिद्धीः,किं मे न मङ्गलं ते छायातले वसामि ॥ ३॥

he ! deva ! buddhidātā svāmī dadāsi siddhīḥ,kiṃ me na maṅgalaṃ te chāyātale vasāmi || 3||

नो त्वत्समो जगत्यां सर्वाधिपो गणानाम्,देवाधिदेवपुत्रं विद्याधरं व्रजामि ॥ ४॥

no tvatsamo jagatyāṃ sarvādhipo gaṇānām,devādhidevaputraṃ vidyādharaṃ vrajāmi || 4||

चिन्ता न मे यदाऽयं नौवाहको गणेशः,संसारसागरं तं जाने ध्रुवं तरामि ॥ ५॥

cintā na me yadā'yaṃ nauvāhako gaṇeśaḥ,saṃsārasāgaraṃ taṃ jāne dhruvaṃ tarāmi || 5||

कार्येषु मे सहायः स्यान्मोदकप्रियो वै,दाता विराजते सोऽहं केवलं कृषामि ॥ ६॥

kāryeṣu me sahāyaḥ syānmodakapriyo vai,dātā virājate so'haṃ kevalaṃ kṛṣāmi || 6||

गौरीमहेश गेहे मज्जन्मजात निष्ठागोपी गणेशमाता तच्छावको भवामि ॥ ७॥

gaurīmaheśa gehe majjanmajāta niṣṭhāgopī gaṇeśamātā tacchāvako bhavāmi || 7||

गौरीज ! प्रार्थनेयं श्रव्या त्वया मदीया,मन्त्रं विशालकाये कर्णे हृदोच्चरामि ॥ ८॥

gaurīja ! prārthaneyaṃ śravyā tvayā madīyā,mantraṃ viśālakāye karṇe hṛdoccarāmi || 8||

पश्यामि नैव तोयं ह्यर्घ्यं ददानि तुभ्यम्,नाथ ! प्रसीद तस्मादश्रूणि वाहयामि ॥ ९॥

paśyāmi naiva toyaṃ hyarghyaṃ dadāni tubhyam,nātha ! prasīda tasmādaśrūṇi vāhayāmi || 9||

प्रेमप्रसूनयुक्तां त्वामर्पयामि मालांत्वत्पादयोर्रजतच्छीर्षे मुदा धरामि ॥ १०॥

premaprasūnayuktāṃ tvāmarpayāmi mālāṃtvatpādayorrajatacchīrṣe mudā dharāmi || 10||

प्रेम शङ्कर शर्मा

prema śaṅkara śarmā