विनायकस्तुतिः सनकादयकृता Vinayaka Stuti Sanakadayakrita
vināyakastutiḥ sanakādayakṛtā
Vinayaka Stuti Sanakadayakrita (विनायकस्तुतिः सनकादयकृता): a hymn of praise (stuti) to Gaṇeśa. 12 verses in Sanskrit with Devanagari and IAST.
- Stotra
- Stuti
- Gaṇeśa
- Stuti
विनायकस्तुतिः सनकादयकृता
1 / 12
॥ श्रीगणेशाय नमः ॥सनकादय ऊचुः ।नमो विनायकायैव कश्यपप्रियसूनवे ।अदितेर्जठरोत्पन्नब्रह्मचारिन्नमोऽस्तु ते ॥ ४८॥
|| śrīgaṇeśāya namaḥ ||sanakādaya ūcuḥ |namo vināyakāyaiva kaśyapapriyasūnave |aditerjaṭharotpannabrahmacārinnamo'stu te || 48||
गणेशाय सदा मायाधार चैतद्विवर्जित ।भक्त्यधीनाय वै तुभ्यं हेरम्बाय नमो नमः ॥ ४९॥
gaṇeśāya sadā māyādhāra caitadvivarjita |bhaktyadhīnāya vai tubhyaṃ herambāya namo namaḥ || 49||
त्वं ब्रह्म शाश्वतं देव ब्रह्मणां पतिरोजसा ।योगायोगादिभेदेन क्रीडसे नात्र संशयः ॥ ५०॥
tvaṃ brahma śāśvataṃ deva brahmaṇāṃ patirojasā |yogāyogādibhedena krīḍase nātra saṃśayaḥ || 50||
आदिमध्यान्तरूपस्त्वं प्रकृतिः पुरुषस्तथा ।नादानादौ च सूक्ष्मस्त्वं स्थूलरूपो भवान् प्रभो ॥ ५१॥
ādimadhyāntarūpastvaṃ prakṛtiḥ puruṣastathā |nādānādau ca sūkṣmastvaṃ sthūlarūpo bhavān prabho || 51||
सुरासुरमयः साक्षान्नरनागस्वरूपधृक् ।जलस्थलादिभेदेन शोभसे त्वं गजानन ॥ ५२॥
surāsuramayaḥ sākṣānnaranāgasvarūpadhṛk |jalasthalādibhedena śobhase tvaṃ gajānana || 52||
सर्वेभ्यो वर्जितस्त्वं वै मायाहीनस्वरूपधृक् ।मायामायिकरूपं त्वां को जानाति गतिं पराम् ॥ ५३॥
sarvebhyo varjitastvaṃ vai māyāhīnasvarūpadhṛk |māyāmāyikarūpaṃ tvāṃ ko jānāti gatiṃ parām || 53||
कथं स्तुमो गणाधीशं योगाकारमयं सदा ।वेदा न शम्भुमुख्याश्च शक्ताः स्तोतुं कदाचन ॥ ५४॥
kathaṃ stumo gaṇādhīśaṃ yogākāramayaṃ sadā |vedā na śambhumukhyāśca śaktāḥ stotuṃ kadācana || 54||
वयं धन्या वयं धन्या येन प्रत्यक्षतां गतः ।अस्माकं योगिनां ढुण्ढे कुलदेवस्त्वमञ्जसा ॥ ५५॥
vayaṃ dhanyā vayaṃ dhanyā yena pratyakṣatāṃ gataḥ |asmākaṃ yogināṃ ḍhuṇḍhe kuladevastvamañjasā || 55||
इत्युक्त्वा मौनमास्थाय नमामो दण्डवत् स्म तम् ।उवाच नो गणाधीशो भक्तिभावनियन्त्रितः ॥ ५६॥
ityuktvā maunamāsthāya namāmo daṇḍavat sma tam |uvāca no gaṇādhīśo bhaktibhāvaniyantritaḥ || 56||
(फलश्रुतिः)विनायक उवाच ।भवद्भिर्यत्कृतं स्तोत्रं मदीयं योगशान्तिदम् ।भविष्यति महाभागाः पठते शृण्वते सदा ॥ ५७॥
(phalaśrutiḥ)vināyaka uvāca |bhavadbhiryatkṛtaṃ stotraṃ madīyaṃ yogaśāntidam |bhaviṣyati mahābhāgāḥ paṭhate śṛṇvate sadā || 57||
यं यमिच्छति तं तं वै दास्यामि स्तोत्रभावितः ।भवन्तो गाणपत्याश्च भविष्यथ यथा शिवः ॥ ५८॥
yaṃ yamicchati taṃ taṃ vai dāsyāmi stotrabhāvitaḥ |bhavanto gāṇapatyāśca bhaviṣyatha yathā śivaḥ || 58||
इति सनकादयकृता विनायकस्तुतिः सम्पूर्णा ॥॥ मुद्गलपुराणं द्वितीयः खण्डः । अध्यायः २५ । २\।२५ ४८५८॥– ॥ मुद्गलपुराणं द्वितीयः खण्डः । अध्यायः २५ । २।२५ ४८-५८॥
iti sanakādayakṛtā vināyakastutiḥ sampūrṇā |||| mudgalapurāṇaṃ dvitīyaḥ khaṇḍaḥ | adhyāyaḥ 25 | 2\|25 4858||– || mudgalapurāṇaṃ dvitīyaḥ khaṇḍaḥ | adhyāyaḥ 25 | 2|25 48-58||
॥ इति विनायकस्तुतिः सनकादयकृता सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Vinayaka Stuti Sanakadayakrita?
Vinayaka Stuti Sanakadayakrita has 12 verses on this page, each shown with its number, Devanagari text and transliteration, and meaning where available.
Can I read Vinayaka Stuti Sanakadayakrita in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Vinayaka Stuti Sanakadayakrita?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
