गणेशकवचं मुद्गलकृतम् Mudgalakritam Ganesha Kavacham

मुनिरुवाच ।ध्यायेत् सिंहगतं विनायकममुं दिग्बाहुमाद्ये युगे (वन्दे सिंहगतं)त्रेतायान्तु मयूरवाहनमिमं षड्बाहुकं सिद्धिदम् ।द्वापारे तु गजाननं युगभुजं रक्ताङ्गरागं विभुंतुर्ये तु द्विभुजं सिताङ्गरुचिरं सर्वार्थदं सर्वदा ॥ १८॥

muniruvāca |dhyāyet siṃhagataṃ vināyakamamuṃ digbāhumādye yuge (vande siṃhagataṃ)tretāyāntu mayūravāhanamimaṃ ṣaḍbāhukaṃ siddhidam |dvāpāre tu gajānanaṃ yugabhujaṃ raktāṅgarāgaṃ vibhuṃturye tu dvibhujaṃ sitāṅgaruciraṃ sarvārthadaṃ sarvadā || 18||

विनायकः शिखां पातु परमात्मा परात्परः ।अतिसुन्दरकायस्तु मस्तकं सुमहोत्कटः ॥ १९॥

vināyakaḥ śikhāṃ pātu paramātmā parātparaḥ |atisundarakāyastu mastakaṃ sumahotkaṭaḥ || 19||

ललाटं काश्यपः पातु भ्रूयुगन्तु महोदरः ।नयने भालचन्द्रस्तु गजास्यत्वोष्ठपल्लवौ ॥ २०॥

lalāṭaṃ kāśyapaḥ pātu bhrūyugantu mahodaraḥ |nayane bhālacandrastu gajāsyatvoṣṭhapallavau || 20||

जिह्वां पातु गणक्रीडश्चिबुकं गिरिजासुतः ।वाचं विनायकः पातु दन्तान् रक्षतु दुर्मुखः ॥ २१॥

jihvāṃ pātu gaṇakrīḍaścibukaṃ girijāsutaḥ |vācaṃ vināyakaḥ pātu dantān rakṣatu durmukhaḥ || 21||

श्रवणौ पाशपाणिस्तु नासिकां चिन्तितार्थदः ।गणेशस्तु मुखं कण्ठं पातु देवो गणञ्जयः ॥ २२॥

śravaṇau pāśapāṇistu nāsikāṃ cintitārthadaḥ |gaṇeśastu mukhaṃ kaṇṭhaṃ pātu devo gaṇañjayaḥ || 22||

स्कन्धौ पातु गजस्कन्धः स्तनौ विघ्नविनाशनः ।हृदयं गणनाथस्तु हेरम्बो जठरं महान् ॥ २३॥

skandhau pātu gajaskandhaḥ stanau vighnavināśanaḥ |hṛdayaṃ gaṇanāthastu herambo jaṭharaṃ mahān || 23||

धराधरः पातु पार्श्वे पृष्ठं विघ्नहरः शुभः ।लिङ्गं गुह्यं सदा पातु वक्रतुण्डो महाबलः ॥ २४॥

dharādharaḥ pātu pārśve pṛṣṭhaṃ vighnaharaḥ śubhaḥ |liṅgaṃ guhyaṃ sadā pātu vakratuṇḍo mahābalaḥ || 24||

गणक्रीडो जानुजङ्घे ऊरुमङ्गलमूर्तिमान् ।एकदन्तो महाबुद्धिः पादौ गुल्फौ सदाऽवतु ॥ २५॥

gaṇakrīḍo jānujaṅghe ūrumaṅgalamūrtimān |ekadanto mahābuddhiḥ pādau gulphau sadā'vatu || 25||

क्षिप्रप्रसादनो बाहू पाणी आशाप्रपूरकः ।अङ्गुलीश्च नखान् पातु पद्महस्तोऽरिनाशनः ॥ २६॥

kṣipraprasādano bāhū pāṇī āśāprapūrakaḥ |aṅgulīśca nakhān pātu padmahasto'rināśanaḥ || 26||

सर्वाङ्गानि मयूरेशो विश्वव्यापी सदाऽवतु ।अनुक्तमपि यत् स्थानं धूम्रकेतुः सदाऽवतु ॥ २७॥

sarvāṅgāni mayūreśo viśvavyāpī sadā'vatu |anuktamapi yat sthānaṃ dhūmraketuḥ sadā'vatu || 27||

आमोदस्त्वग्रतः पातु प्रमोदः पृष्ठतोऽवतु ।प्राच्यां रक्षतु बुद्धीश आग्नेय्यां सिद्धिदायकः ॥ २८॥

āmodastvagrataḥ pātu pramodaḥ pṛṣṭhato'vatu |prācyāṃ rakṣatu buddhīśa āgneyyāṃ siddhidāyakaḥ || 28||

दक्षिणस्यामुमापुत्रो नैरृत्यां तु गणेश्वरः ।प्रतीच्यां विघ्नहर्ताऽव्याद् वायव्यां गजकर्णकः ॥ २९॥

dakṣiṇasyāmumāputro nairṛtyāṃ tu gaṇeśvaraḥ |pratīcyāṃ vighnahartā'vyād vāyavyāṃ gajakarṇakaḥ || 29||

कौबेर्य्यां निधिपः पायादीशान्यामीशनन्दनः ।दिवाऽव्यादेकदन्तस्तु रात्रौ सन्ध्यासु विघ्नहृत् ॥ ३०॥

kauberyyāṃ nidhipaḥ pāyādīśānyāmīśanandanaḥ |divā'vyādekadantastu rātrau sandhyāsu vighnahṛt || 30||

राक्षसासुरवेतालग्रहभूतपिशाचतः ।पाशाङ्कुशधरः पातु रजः सत्त्वं तमः स्मृतिम् ॥ ३१॥

rākṣasāsuravetālagrahabhūtapiśācataḥ |pāśāṅkuśadharaḥ pātu rajaḥ sattvaṃ tamaḥ smṛtim || 31||

ज्ञानं धर्मञ्च लक्ष्मीञ्च लज्जां कीर्तिं दयां कुलम् ।वपुर्धनं चधान्यं चगृहान् दारान् सुतान् सखीन् ॥ ३२॥

jñānaṃ dharmañca lakṣmīñca lajjāṃ kīrtiṃ dayāṃ kulam |vapurdhanaṃ cadhānyaṃ cagṛhān dārān sutān sakhīn || 32||

सर्वायुधधरः पौत्रान् मयूरेशोऽवतात् सदा ।कपिलोऽजाविकं पातु गवाश्वं विकटोऽवतु ॥ ३३॥

sarvāyudhadharaḥ pautrān mayūreśo'vatāt sadā |kapilo'jāvikaṃ pātu gavāśvaṃ vikaṭo'vatu || 33||

भूर्जपत्रे लिखित्वेदं यः कण्ठे धारयेत् सुधीः ।न भयं जायते तस्य यक्षरक्षः पिशाचतः ॥ ३४॥

bhūrjapatre likhitvedaṃ yaḥ kaṇṭhe dhārayet sudhīḥ |na bhayaṃ jāyate tasya yakṣarakṣaḥ piśācataḥ || 34||

त्रिसन्ध्यं जपते यस्तु वज्रसारतनुर्भवेत् ।यात्राकाले पठेद् यस्तु निर्विघ्नेन फलं लभेत् ॥ ३५॥

trisandhyaṃ japate yastu vajrasāratanurbhavet |yātrākāle paṭhed yastu nirvighnena phalaṃ labhet || 35||

युद्धकाले पठेद्यस्तु विजयं प्राप्नुयाद् ध्रुवम् ।मारणोच्चाटनाकर्षस्तम्भमोहनकर्मणि ॥ ३६॥

yuddhakāle paṭhedyastu vijayaṃ prāpnuyād dhruvam |māraṇoccāṭanākarṣastambhamohanakarmaṇi || 36||

सप्तवारं पठेद् यस्तु दिनानामेकविंशतिम् ।तत् तत् फलमवाप्नोति साधको नात्र संशयः ॥ ३७॥

saptavāraṃ paṭhed yastu dinānāmekaviṃśatim |tat tat phalamavāpnoti sādhako nātra saṃśayaḥ || 37||

एकविंशतिवारञ्च पठेत् तावद् दिनानि यः ।कारागृहगतं सद्यो राज्ञा वध्यं चमोचयेत् ॥ ३८॥

ekaviṃśativārañca paṭhet tāvad dināni yaḥ |kārāgṛhagataṃ sadyo rājñā vadhyaṃ camocayet || 38||

राजदर्शनवेलायां पठेदेतत् त्रिवारतः ।स राजानं वशं नीत्वा प्रकृतिं चसभां जयेत् ॥ ३९॥

rājadarśanavelāyāṃ paṭhedetat trivārataḥ |sa rājānaṃ vaśaṃ nītvā prakṛtiṃ casabhāṃ jayet || 39||

इदं गणेशकवचं मुद्गलेन समीरितम् ।कश्यपाय च तेनाऽथ माण्डव्याय महर्षये ॥ ४०॥

idaṃ gaṇeśakavacaṃ mudgalena samīritam |kaśyapāya ca tenā'tha māṇḍavyāya maharṣaye || 40||

मह्यं स प्राह कृपया कवचं सर्वसिद्धिदम् ।न देयं भक्तिहीनाय देयं श्रद्धावते शुभम् ॥सर्वरक्षाकरं सर्वमनःकामप्रपूरकम् ॥ ४१॥

mahyaṃ sa prāha kṛpayā kavacaṃ sarvasiddhidam |na deyaṃ bhaktihīnāya deyaṃ śraddhāvate śubham ||sarvarakṣākaraṃ sarvamanaḥkāmaprapūrakam || 41||

अनेनास्य कृता रक्षा न बाधाऽस्य भवेत् क्वचित् ।राक्षसासुरवेतालदैत्यदानवसम्भवा ॥ ४२॥

anenāsya kṛtā rakṣā na bādhā'sya bhavet kvacit |rākṣasāsuravetāladaityadānavasambhavā || 42||

इति श्रीगणेशपुराणान्तर्गतं मुद्गलकृतं गणेशकवचं सम्पूर्णम् ।॥ श्रीगणेशपुराणं क्रीडा (उत्तर)खण्डः । अध्यायः ८५ । २\।८५ १८४२॥– ॥ श्रीगणेशपुराणं क्रीडा (उत्तर)खण्डः । अध्यायः ८५ । २।८५ १८-४२॥

iti śrīgaṇeśapurāṇāntargataṃ mudgalakṛtaṃ gaṇeśakavacaṃ sampūrṇam ||| śrīgaṇeśapurāṇaṃ krīḍā (uttara)khaṇḍaḥ | adhyāyaḥ 85 | 2\|85 1842||– || śrīgaṇeśapurāṇaṃ krīḍā (uttara)khaṇḍaḥ | adhyāyaḥ 85 | 2|85 18-42||