मयूरेश्वरस्तोत्रम् सर्वेकृता Mayureshvara Stotram

श्री गणेशाय नमः ।सर्वे उचुः ।परब्रह्मरूपं चिदानन्दरूपं परेशं सुरेशं गुणाब्धिं गुणेशम् ।गुणातीतमीशं मयूरेशवन्द्यं गणेशं नताः स्मो नताः स्मो नताः स्मः ॥ १॥

śrī gaṇeśāya namaḥ |sarve ucuḥ |parabrahmarūpaṃ cidānandarūpaṃ pareśaṃ sureśaṃ guṇābdhiṃ guṇeśam |guṇātītamīśaṃ mayūreśavandyaṃ gaṇeśaṃ natāḥ smo natāḥ smo natāḥ smaḥ || 1||

(परब्रह्मरूपं चिदानन्दरूपं सदानन्दरूपं सुरेशं परेशम् ।गुणाब्धिं गुणेशं गुणातीतमीशं मयूरेशमाद्यं नताः स्मो नताः स्मः ॥)जगद्वन्द्यमेकं पराकारमेकं गुणानां परं कारणं निर्विकल्पम् ।जगत्पालकं हारकं तारकं तं मयूरेशवन्द्यं नताः स्मो नताः स्मः ॥ २॥

(parabrahmarūpaṃ cidānandarūpaṃ sadānandarūpaṃ sureśaṃ pareśam |guṇābdhiṃ guṇeśaṃ guṇātītamīśaṃ mayūreśamādyaṃ natāḥ smo natāḥ smaḥ ||)jagadvandyamekaṃ parākāramekaṃ guṇānāṃ paraṃ kāraṇaṃ nirvikalpam |jagatpālakaṃ hārakaṃ tārakaṃ taṃ mayūreśavandyaṃ natāḥ smo natāḥ smaḥ || 2||

महादेवसूनुं महादैत्यनाशं महापूरुषं सर्वदा विघ्ननाशम् ।(महेशादिदेवैः सदा सेव्यपादं सदा रक्षकं योगिनां चित्स्वरूपम् ।)सदा भक्तपोषं परं ज्ञानकोशं मयूरेशवन्द्यं नताः स्मो नताः स्मः ॥ ३॥

mahādevasūnuṃ mahādaityanāśaṃ mahāpūruṣaṃ sarvadā vighnanāśam |(maheśādidevaiḥ sadā sevyapādaṃ sadā rakṣakaṃ yogināṃ citsvarūpam |)sadā bhaktapoṣaṃ paraṃ jñānakośaṃ mayūreśavandyaṃ natāḥ smo natāḥ smaḥ || 3||

अनादिं गुणादिं सुरादिं शिवाया महातोषदं सर्वदा सर्ववन्द्यम् ।सुरार्यन्तकं भुक्तिमुक्तिप्रदं तं मयूरेशवन्द्यं नताः स्मो नताः स्मः ॥ ४॥

anādiṃ guṇādiṃ surādiṃ śivāyā mahātoṣadaṃ sarvadā sarvavandyam |surāryantakaṃ bhuktimuktipradaṃ taṃ mayūreśavandyaṃ natāḥ smo natāḥ smaḥ || 4||

परं मायिनं मायिनामप्यगम्यं मुनिध्येयमाकाशकल्पं जनेशम् ।असङ्ख्यावतारं निजाज्ञाननाशं मयूरेशवन्द्यं नताः स्मो नताः स्मः ॥ ५॥

paraṃ māyinaṃ māyināmapyagamyaṃ munidhyeyamākāśakalpaṃ janeśam |asaṅkhyāvatāraṃ nijājñānanāśaṃ mayūreśavandyaṃ natāḥ smo natāḥ smaḥ || 5||

अनेकक्रियाकारकं श्रुत्यगम्यं त्रयीबोधितानेककर्मादिबीजम् ।क्रियासिद्धिहेतुं सुरेन्द्रादिसेव्यं मयूरेशवन्द्यं नताः स्मो नताः स्मः ॥ ६॥

anekakriyākārakaṃ śrutyagamyaṃ trayībodhitānekakarmādibījam |kriyāsiddhihetuṃ surendrādisevyaṃ mayūreśavandyaṃ natāḥ smo natāḥ smaḥ || 6||

महाकालरूपं निमेषादिरूपं कलाकल्परूपं सदागम्यरूपम् ।जनज्ञानहेतुं नृणां सिद्धिदं तं मयूरेशवन्द्यं नताः स्मो नताः स्मः ॥ ७॥

mahākālarūpaṃ nimeṣādirūpaṃ kalākalparūpaṃ sadāgamyarūpam |janajñānahetuṃ nṛṇāṃ siddhidaṃ taṃ mayūreśavandyaṃ natāḥ smo natāḥ smaḥ || 7||

महेशादिदेवैः सदा ध्येयपादं सदा रक्षकं तत्पदानां हतारिम् ।मुदा कामरूपं कृपावारिधिं तं मयूरेशवन्द्यं नताः स्मो नताः स्मः ॥ ८॥

maheśādidevaiḥ sadā dhyeyapādaṃ sadā rakṣakaṃ tatpadānāṃ hatārim |mudā kāmarūpaṃ kṛpāvāridhiṃ taṃ mayūreśavandyaṃ natāḥ smo natāḥ smaḥ || 8||

सदा भक्तिं नाथे प्रणयपरमानन्दसुखदो(सदा भक्तानां त्वं प्रसभपरमानन्दसुखदो (प्रभसपरमानन्दसुखदो))यतस्त्वं लोकानां परमकरुणामाशु तनुषे ।षडूर्मीनां वेगं सुरवर विनाशं नय विभोततो भक्तिः श्लाघ्या तव भजनतोऽनन्यसुखदात् ॥ ९॥ (ततो मुक्तिः, भजनतोऽनन्तसुखदात् )

sadā bhaktiṃ nāthe praṇayaparamānandasukhado(sadā bhaktānāṃ tvaṃ prasabhaparamānandasukhado (prabhasaparamānandasukhado))yatastvaṃ lokānāṃ paramakaruṇāmāśu tanuṣe |ṣaḍūrmīnāṃ vegaṃ suravara vināśaṃ naya vibhotato bhaktiḥ ślāghyā tava bhajanato'nanyasukhadāt || 9|| (tato muktiḥ, bhajanato'nantasukhadāt )

किमस्माभिः स्तोत्रं गजवदन ते शक्यमतुलंविधातुं वा रम्यं गुणनिधिरसि प्रेम जगताम् ।न चास्माकं शक्तिस्तव गुणगणं वर्णितुमहोत्वदीयोऽयं वारां निधिरिव जगत्सर्जनविधिः ॥ १०॥

kimasmābhiḥ stotraṃ gajavadana te śakyamatulaṃvidhātuṃ vā ramyaṃ guṇanidhirasi prema jagatām |na cāsmākaṃ śaktistava guṇagaṇaṃ varṇitumahotvadīyo'yaṃ vārāṃ nidhiriva jagatsarjanavidhiḥ || 10||

फलश्रुतिः ।कः उवाच ।एवं स्तुत्वा पुनस्तेऽमुं प्रार्थयामासुरादरात् ।यदुक्तं ते मयूरेश ! तत्कृतं परमं वचः ॥ ११॥

phalaśrutiḥ |kaḥ uvāca |evaṃ stutvā punaste'muṃ prārthayāmāsurādarāt |yaduktaṃ te mayūreśa ! tatkṛtaṃ paramaṃ vacaḥ || 11||

सर्वेषां सुरसङ्घानामवध्योऽयं हतोऽसुरः ।ततोऽगात् पार्वती तत्र जहृषे चालिलिङ्ग तम् ॥ १२॥

sarveṣāṃ surasaṅghānāmavadhyo'yaṃ hato'suraḥ |tato'gāt pārvatī tatra jahṛṣe cāliliṅga tam || 12||

शिवोऽपि प्रययौ तत्र समालिङ्ग्य तमब्रवीत् ।सम्यक् कृतं त्वया वत्स ! त्रैलोक्यं हर्षनिर्भरम् ॥ १३॥

śivo'pi prayayau tatra samāliṅgya tamabravīt |samyak kṛtaṃ tvayā vatsa ! trailokyaṃ harṣanirbharam || 13||

सिन्धोर्वधः सर्वसुरैरसाध्यो न च ते श्रमः ।पराक्रमवतः सर्वलोकरक्षारतस्य च ॥ १४॥

sindhorvadhaḥ sarvasurairasādhyo na ca te śramaḥ |parākramavataḥ sarvalokarakṣāratasya ca || 14||

चतुर्वेदाऽनिरुप्यस्य सर्वविद्यानिधेरपि ।एवमुक्त्वा गतास्ते तु सर्वे स्वस्थानमादृताः ॥ १५॥

caturvedā'nirupyasya sarvavidyānidherapi |evamuktvā gatāste tu sarve svasthānamādṛtāḥ || 15||

मयूरेशं नमस्कृत्य ततो देवाब्रुवँश्च तम् ।इदं यः पठते स्तोत्रं स कामाँल्लभतेऽखिलान् ॥ १६॥

mayūreśaṃ namaskṛtya tato devābruvam̐śca tam |idaṃ yaḥ paṭhate stotraṃ sa kāmām̐llabhate'khilān || 16||

सहस्रावर्तनात् कारागृहस्थं मोचयेज्जनम् ।अयुतावर्तनान्मर्त्योऽसाध्यं यत् साधयेत् क्षणात् ॥ १७॥

sahasrāvartanāt kārāgṛhasthaṃ mocayejjanam |ayutāvartanānmartyo'sādhyaṃ yat sādhayet kṣaṇāt || 17||

सर्वत्र जयमाप्नोति श्रियं परमदुर्लभाम् ।पुत्रवान्धनवाँश्चैव वशतामखिलं नयेत् ॥ १८॥

sarvatra jayamāpnoti śriyaṃ paramadurlabhām |putravāndhanavām̐ścaiva vaśatāmakhilaṃ nayet || 18||

वरिअतिओन्किमस्माभिः स्तोत्रं सकलसुरतापालक विभोविधेयं विश्वात्मन्नगणितगुणानामधिपते ।न सङ्ख्याता भूमिस्तव गुणगणानां त्रिभुवनेन रूपाणां देव प्रकटय कृपां नोऽसुरहते ॥ १०॥

variationkimasmābhiḥ stotraṃ sakalasuratāpālaka vibhovidheyaṃ viśvātmannagaṇitaguṇānāmadhipate |na saṅkhyātā bhūmistava guṇagaṇānāṃ tribhuvanena rūpāṇāṃ deva prakaṭaya kṛpāṃ no'surahate || 10||

मयूरेशं नमस्कृत्य ततो देवोऽब्रवीच्च तान् ।य इदं पठते स्तोत्रं स कामान् लभतेऽखिलान् ॥ ११॥

mayūreśaṃ namaskṛtya tato devo'bravīcca tān |ya idaṃ paṭhate stotraṃ sa kāmān labhate'khilān || 11||

सर्वत्र जयमाप्नोति मानमायुः श्रियं पराम् ।पुत्रवान् धनसम्पन्नो वश्यतामखिलं नयेत् ॥ १२॥

sarvatra jayamāpnoti mānamāyuḥ śriyaṃ parām |putravān dhanasampanno vaśyatāmakhilaṃ nayet || 12||

सहस्रावर्तनात्कारागृहस्थं मोचयेज्जनम् ।नियुतावर्तनान्मर्त्यो साध्यं यत्साधयेत्क्षणात् ॥ १३॥

sahasrāvartanātkārāgṛhasthaṃ mocayejjanam |niyutāvartanānmartyo sādhyaṃ yatsādhayetkṣaṇāt || 13||

इति श्रीगणेशपुराणे उत्तरखण्डे त्रयोविंशत्युत्तरशततमोऽध्यायेमयूरेश्वरस्तोत्रं सम्पूर्णम् ॥॥ श्रीगणेशपुराणं क्रीडा (उत्तर)खण्डः । अध्यायः १२३ । २\।१२३ ४०५७॥– ॥ श्रीगणेशपुराणं क्रीडा (उत्तर)खण्डः । अध्यायः १२३ । २।१२३ ४०-५७॥

iti śrīgaṇeśapurāṇe uttarakhaṇḍe trayoviṃśatyuttaraśatatamo'dhyāyemayūreśvarastotraṃ sampūrṇam |||| śrīgaṇeśapurāṇaṃ krīḍā (uttara)khaṇḍaḥ | adhyāyaḥ 123 | 2\|123 4057||– || śrīgaṇeśapurāṇaṃ krīḍā (uttara)khaṇḍaḥ | adhyāyaḥ 123 | 2|123 40-57||