मङ्गलाचरणम् १ Mangalacharanam

श्री गणेशाय नमः ॥श्रीगुरुभ्यो नमः ॥स जयति सिन्धुरवदनो देवो यत्पादपङ्कजस्मरणम् ।वासरमणिरिव तमसां राशिं नाशयति विऽघ्नानाम् ॥ १॥

śrī gaṇeśāya namaḥ ||śrīgurubhyo namaḥ ||sa jayati sindhuravadano devo yatpādapaṅkajasmaraṇam |vāsaramaṇiriva tamasāṃ rāśiṃ nāśayati vi'ghnānām || 1||

सुमुखश्चैकदन्तश्च कपिलो गजकर्णकः ।लंबोदरश्च विकटो विघ्ननाशो गणाधिपः ॥ २॥

sumukhaścaikadantaśca kapilo gajakarṇakaḥ |laṃbodaraśca vikaṭo vighnanāśo gaṇādhipaḥ || 2||

धूम्रकेतुर्गणाध्यक्षो भालचन्द्रो गजानानः ।द्वादशैतानि नामानि यः पठेच्छृणुयादपि ॥ ३॥

dhūmraketurgaṇādhyakṣo bhālacandro gajānānaḥ |dvādaśaitāni nāmāni yaḥ paṭhecchṛṇuyādapi || 3||

विद्यारंभे विवाहे च प्रवेशे निर्गमे तथा ।सङ्ग्रामे सङ्कटे चैव विघ्नस्तस्य न जायते ॥ ४॥

vidyāraṃbhe vivāhe ca praveśe nirgame tathā |saṅgrāme saṅkaṭe caiva vighnastasya na jāyate || 4||

शुक्लांबरधरं देवं शशिवर्णं चतुर्भुजम् ।प्रसन्नवदनं ध्यायेत् सर्वाविघ्नोपशान्तये ॥ ५॥

śuklāṃbaradharaṃ devaṃ śaśivarṇaṃ caturbhujam |prasannavadanaṃ dhyāyet sarvāvighnopaśāntaye || 5||

व्यासं वसिष्ठनप्तारं शक्तेः पौत्रमकल्मषम् ।पराशरात्मजं वन्दे शुकतातं तपोनिधिम् ॥ ६॥

vyāsaṃ vasiṣṭhanaptāraṃ śakteḥ pautramakalmaṣam |parāśarātmajaṃ vande śukatātaṃ taponidhim || 6||

व्यासाय विष्णुरूपाय व्यासरूपाय विष्णवे ।नमो वै ब्रह्मनिधये वासिष्ठाय नमो नमः ॥ ७॥

vyāsāya viṣṇurūpāya vyāsarūpāya viṣṇave |namo vai brahmanidhaye vāsiṣṭhāya namo namaḥ || 7||

अचतुर्वदनो ब्रह्मा द्विबाहुरपरो हरिः ।अभाललोचनः शंभुर्भगवान् बादरायणः ॥ ८॥

acaturvadano brahmā dvibāhuraparo hariḥ |abhālalocanaḥ śaṃbhurbhagavān bādarāyaṇaḥ || 8||

इति मङ्गलाचरणं सम्पूर्णम् ॥

iti maṅgalācaraṇaṃ sampūrṇam ||