दुर्गासहस्रनामस्तोत्रम् २ Shri Durga Sahasranama Stotra 2

तन्त्रराजतन्त्रेपूर्वपीठिकाश्रीशिव उवाचशृणु देवि प्रवक्ष्यामि दुर्गानामसहस्रकम् ।यत्प्रसादान्महादेवि चतुर्वर्गफलं लभेत् ॥ १॥

tantrarājatantrepūrvapīṭhikāśrīśiva uvācaśṛṇu devi pravakṣyāmi durgānāmasahasrakam |yatprasādānmahādevi caturvargaphalaṃ labhet || 1||

पठनं श्रवणं चास्य सर्वाशापरिपूरकम् ।धनपुत्रप्रदं चैव बालानां शान्तिकारकम् ॥ २॥

paṭhanaṃ śravaṇaṃ cāsya sarvāśāparipūrakam |dhanaputrapradaṃ caiva bālānāṃ śāntikārakam || 2||

उग्ररोगप्रशमनं ग्रहदोषविनाशनम् ।अकालमृत्युहरणं वाणिज्ये विजयप्रदम् ॥ ३॥

ugrarogapraśamanaṃ grahadoṣavināśanam |akālamṛtyuharaṇaṃ vāṇijye vijayapradam || 3||

विवादे दुर्गमे युद्धे नौकायां शत्रुसङ्कटे ।राजद्वारे महाऽरण्ये सर्वत्र विजयप्रदम् ॥ ४॥

vivāde durgame yuddhe naukāyāṃ śatrusaṅkaṭe |rājadvāre mahā'raṇye sarvatra vijayapradam || 4||

॥ विनियोगः ॥ॐ अस्य श्रीदुर्गासहस्रनाममालामन्त्रस्य श्रीनारद ऋषिः ।गायत्री छन्दः । श्रीदुर्गा देवता । दुं बीजम् । ह्रीं शक्तिः ।ॐ कीलकम् । श्रीदुर्गाप्रीत्यर्थं श्रीदुर्गासहस्रनामपाठे विनियोगः ॥ऋष्यादि न्यासः ।श्रीनारदऋषये नमः शिरसि । गायत्रीछन्दसे नमः मुखे ।श्रीदुर्गादेवतायै नमः हृदये । दुं बीजाय नमः गुह्ये ।ह्रीं शक्तये नमः पादयोः । ॐ कीलकाय नमः नाभौ ।श्रीदुर्गाप्रीत्यर्थं श्रीदुर्गासहस्रनामपाठे विनियोगाय नमः सर्वाङ्गे ॥करन्यासः ।ह्रां ॐ ह्रीं दुं दुर्गायै अङ्गुष्ठाभ्यां नमः ।ह्रीं ॐ ह्रीं दुं दुर्गायै तर्जनीभ्यां स्वाहा ।ह्रूं ॐ ह्रीं दुं दुर्गायै मध्यमाभ्यां वषट् ।ह्रैं ॐ ह्रीं दुं दुर्गायै अनामिकाभ्यां हुम् ।ह्रौं ॐ ह्रीं दुं दुर्गायै कनिष्ठिकाभ्यां वौषट् ।ह्रः ॐ ह्रीं दुं दुर्गायै करतलकरपृष्ठाभ्यां फट् ॥अङ्गन्यासः ।ह्रां ॐ ह्रीं दुं दुर्गायै हृदयाय नमः ।ह्रीं ॐ ह्रीं दुं दुर्गायै शिरसे स्वाहा ।ह्रूं ॐ ह्रीं दुं दुर्गायै शिखायै वषट् ।ह्रैं ॐ ह्रीं दुं दुर्गायै कवचाय हुम् ।ह्रौं ॐ ह्रीं दुं दुर्गायै नेत्रत्रयाय वौषट् ।ह्रः ॐ ह्रीं दुं दुर्गायै अस्त्राय फट् ॥॥ अथ ध्यानम् ॥सिंहस्था शशिशेखरा मरकतप्रख्या चतुर्भिर्भुजैःशङ्खचक्रधनुःशरांश्च दधती नेत्रैस्त्रिभिः शोभिता ।आमुक्ताङ्गदहारकङ्कणरणत्काञ्चीक्वणन्नूपुरादुर्गा दुर्गतिहारिणी भवतु वो रत्नोल्लसत्कुण्डला ॥॥ मानसपूजनम् ॥लं पृथिव्यात्मकं गन्धं कल्पयामि ।हं आकाशात्मकं पुष्पं समर्पयामि ।यं वाय्यात्मकं धूपमाघ्रापयामि ।रं वह्न्यात्मकं दीपं दर्शयामि ।वं अमृतात्मकं नैवेद्यं निवेदयामि ।सं सर्वात्मकं ताम्बूलं निवेदयामि ।॥ मूल पाठम् ॥अथ सहस्रनामस्तोत्रम् ।ॐ श्रीदुर्गा दुर्गतिहरा परिपूर्णा परात्परा ।सर्वोपाधिविनिर्मुक्ता भवभारविनाशिनी ॥ १॥

|| viniyogaḥ ||oṃ asya śrīdurgāsahasranāmamālāmantrasya śrīnārada ṛṣiḥ |gāyatrī chandaḥ | śrīdurgā devatā | duṃ bījam | hrīṃ śaktiḥ |oṃ kīlakam | śrīdurgāprītyarthaṃ śrīdurgāsahasranāmapāṭhe viniyogaḥ ||ṛṣyādi nyāsaḥ |śrīnāradaṛṣaye namaḥ śirasi | gāyatrīchandase namaḥ mukhe |śrīdurgādevatāyai namaḥ hṛdaye | duṃ bījāya namaḥ guhye |hrīṃ śaktaye namaḥ pādayoḥ | oṃ kīlakāya namaḥ nābhau |śrīdurgāprītyarthaṃ śrīdurgāsahasranāmapāṭhe viniyogāya namaḥ sarvāṅge ||karanyāsaḥ |hrāṃ oṃ hrīṃ duṃ durgāyai aṅguṣṭhābhyāṃ namaḥ |hrīṃ oṃ hrīṃ duṃ durgāyai tarjanībhyāṃ svāhā |hrūṃ oṃ hrīṃ duṃ durgāyai madhyamābhyāṃ vaṣaṭ |hraiṃ oṃ hrīṃ duṃ durgāyai anāmikābhyāṃ hum |hrauṃ oṃ hrīṃ duṃ durgāyai kaniṣṭhikābhyāṃ vauṣaṭ |hraḥ oṃ hrīṃ duṃ durgāyai karatalakarapṛṣṭhābhyāṃ phaṭ ||aṅganyāsaḥ |hrāṃ oṃ hrīṃ duṃ durgāyai hṛdayāya namaḥ |hrīṃ oṃ hrīṃ duṃ durgāyai śirase svāhā |hrūṃ oṃ hrīṃ duṃ durgāyai śikhāyai vaṣaṭ |hraiṃ oṃ hrīṃ duṃ durgāyai kavacāya hum |hrauṃ oṃ hrīṃ duṃ durgāyai netratrayāya vauṣaṭ |hraḥ oṃ hrīṃ duṃ durgāyai astrāya phaṭ |||| atha dhyānam ||siṃhasthā śaśiśekharā marakataprakhyā caturbhirbhujaiḥśaṅkhacakradhanuḥśarāṃśca dadhatī netraistribhiḥ śobhitā |āmuktāṅgadahārakaṅkaṇaraṇatkāñcīkvaṇannūpurādurgā durgatihāriṇī bhavatu vo ratnollasatkuṇḍalā |||| mānasapūjanam ||laṃ pṛthivyātmakaṃ gandhaṃ kalpayāmi |haṃ ākāśātmakaṃ puṣpaṃ samarpayāmi |yaṃ vāyyātmakaṃ dhūpamāghrāpayāmi |raṃ vahnyātmakaṃ dīpaṃ darśayāmi |vaṃ amṛtātmakaṃ naivedyaṃ nivedayāmi |saṃ sarvātmakaṃ tāmbūlaṃ nivedayāmi ||| mūla pāṭham ||atha sahasranāmastotram |oṃ śrīdurgā durgatiharā paripūrṇā parātparā |sarvopādhivinirmuktā bhavabhāravināśinī || 1||

कार्यकारणनिर्मुक्ता लीलाविग्रहधारिणी ।सर्वशृङ्गारशोभाढ्या सर्वायुधसमन्विता ॥ २॥

kāryakāraṇanirmuktā līlāvigrahadhāriṇī |sarvaśṛṅgāraśobhāḍhyā sarvāyudhasamanvitā || 2||

सूर्यकोटिसहस्राभा चन्द्रकोटिनिभानना ।गणेशकोटिलावण्या विष्णुकोट्यरिमर्दिनी ॥ ३॥

sūryakoṭisahasrābhā candrakoṭinibhānanā |gaṇeśakoṭilāvaṇyā viṣṇukoṭyarimardinī || 3||

दावाग्निकोटिनलिनी रुद्रकोट्युग्ररूपिणी ।समुद्रकोटिगम्भीरा वायुकोटिमहाबला ॥ ४॥

dāvāgnikoṭinalinī rudrakoṭyugrarūpiṇī |samudrakoṭigambhīrā vāyukoṭimahābalā || 4||

आकाशकोटिविस्तारा यमकोटिभयङ्करी ।मेरुकोटिसमुछ्रया गणकोटिसमृद्धिदा ॥ ५॥

ākāśakoṭivistārā yamakoṭibhayaṅkarī |merukoṭisamuchrayā gaṇakoṭisamṛddhidā || 5||

नमस्या प्रथमा पूज्या सकला अखिलाम्बिका ।महाप्रकृति सर्वात्मा भुक्तिमुक्तिप्रदायिनी ॥ ६॥

namasyā prathamā pūjyā sakalā akhilāmbikā |mahāprakṛti sarvātmā bhuktimuktipradāyinī || 6||

अजन्या जननी जन्या महावृषभवाहिनी ।कर्दमी काश्यपी पद्मा सर्वतीर्थनिवासिनी ॥ ७॥

ajanyā jananī janyā mahāvṛṣabhavāhinī |kardamī kāśyapī padmā sarvatīrthanivāsinī || 7||

भीमेश्वरी भीमनादा भवसागरतारिणी ।सर्वदेवशिरोरत्ननिघृष्टचरणाम्बुजा ॥ ८॥

bhīmeśvarī bhīmanādā bhavasāgaratāriṇī |sarvadevaśiroratnanighṛṣṭacaraṇāmbujā || 8||

स्मरतां सर्वपापघ्नी सर्वकारणकारणा ।सर्वार्थसाधिका माता सर्वमङ्गलमङ्गला ॥ ९॥

smaratāṃ sarvapāpaghnī sarvakāraṇakāraṇā |sarvārthasādhikā mātā sarvamaṅgalamaṅgalā || 9||

पृच्छा पृश्नी महाज्योतिररण्या वनदेवता ।भीतिर्भूतिर्मतिः शक्तिस्तुष्टिः पुष्टिरुषा धृतिः ॥ १०॥

pṛcchā pṛśnī mahājyotiraraṇyā vanadevatā |bhītirbhūtirmatiḥ śaktistuṣṭiḥ puṣṭiruṣā dhṛtiḥ || 10||

उत्तानहस्ता सम्भूतिः वृक्षवल्कलधारिणी ।महाप्रभा महाचण्डी दीप्तास्या उग्रलोचना ॥ ११॥

uttānahastā sambhūtiḥ vṛkṣavalkaladhāriṇī |mahāprabhā mahācaṇḍī dīptāsyā ugralocanā || 11||

महामेघप्रभा विद्या मुक्तकेशी दिगम्बरी ।हसनमुखी साट्टहासा लोलजिह्वा महेश्वरी ॥ १२॥

mahāmeghaprabhā vidyā muktakeśī digambarī |hasanamukhī sāṭṭahāsā lolajihvā maheśvarī || 12||

मुण्डाली अभया दक्षा महाभीमा वरोद्यता ।खड्गमुण्डधरा मुक्तिः कुमुदाऽज्ञाननाशिनी ॥ १३॥

muṇḍālī abhayā dakṣā mahābhīmā varodyatā |khaḍgamuṇḍadharā muktiḥ kumudā'jñānanāśinī || 13||

अम्बालिका महावीर्या शारदा कनकेश्वरी ।परमात्मा परा क्षिप्ता शूलिनी परमेश्वरी ॥ १४॥

ambālikā mahāvīryā śāradā kanakeśvarī |paramātmā parā kṣiptā śūlinī parameśvarī || 14||

महाकालसमासक्ता शिवाशतनिनादिनी ।घोराङ्गी मुण्डमुकुटा श्मशानास्थिकृतासना ॥ १५॥

mahākālasamāsaktā śivāśataninādinī |ghorāṅgī muṇḍamukuṭā śmaśānāsthikṛtāsanā || 15||

महाश्मशाननिलया मणिमण्डपमध्यगा ।पानपात्रधृता खर्वा पन्नगी परदेवता ॥ १६॥

mahāśmaśānanilayā maṇimaṇḍapamadhyagā |pānapātradhṛtā kharvā pannagī paradevatā || 16||

सुगन्धा तारिणी तारा भवानी वनवासिनी ।लम्बोदरी महादीर्घा जटिनी चन्द्रशेखरा ॥ १७॥

sugandhā tāriṇī tārā bhavānī vanavāsinī |lambodarī mahādīrghā jaṭinī candraśekharā || 17||

पराऽम्बा परमाराध्या परेशी ब्रह्मरूपिणी ।देवसेना विश्वगर्भा अग्निजिह्वा चतुर्भुजा ॥ १८॥

parā'mbā paramārādhyā pareśī brahmarūpiṇī |devasenā viśvagarbhā agnijihvā caturbhujā || 18||

महादंष्ट्रा महारात्रिः नीला नीलसरस्वती ।दक्षजा भारती रम्भा महामङ्गलचण्डिका ॥ १९॥

mahādaṃṣṭrā mahārātriḥ nīlā nīlasarasvatī |dakṣajā bhāratī rambhā mahāmaṅgalacaṇḍikā || 19||

रुद्रजा कौशिकी पूता यमघण्टा महाबला ।कादम्बिनी चिदानन्दा क्षेत्रस्था क्षेत्रकर्षिणी ॥ २०॥

rudrajā kauśikī pūtā yamaghaṇṭā mahābalā |kādambinī cidānandā kṣetrasthā kṣetrakarṣiṇī || 20||

पञ्चप्रेतसमारुढा ललिता त्वरिता सती ।भैरवी रूपसम्पन्ना मदनादलनाशिनी ॥ २१॥

pañcapretasamāruḍhā lalitā tvaritā satī |bhairavī rūpasampannā madanādalanāśinī || 21||

जातापहारिणी वार्ता मातृका अष्टमातृका ।अनङ्गमेखला षष्टी हृल्लेखा पर्वतात्मजा ॥ २२॥

jātāpahāriṇī vārtā mātṛkā aṣṭamātṛkā |anaṅgamekhalā ṣaṣṭī hṛllekhā parvatātmajā || 22||

वसुन्धरा धरा धारा विधात्री विन्ध्यवासिनी ।अयोध्या मथुरा काञ्ची महैश्वर्या महोदरी ॥ २३॥

vasundharā dharā dhārā vidhātrī vindhyavāsinī |ayodhyā mathurā kāñcī mahaiśvaryā mahodarī || 23||

कोमला मानदा भव्या मत्स्योदरी महालया ।पाशाङ्कुशधनुर्बाणा लावण्याम्बुधिचन्द्रिका ॥ २४॥

komalā mānadā bhavyā matsyodarī mahālayā |pāśāṅkuśadhanurbāṇā lāvaṇyāmbudhicandrikā || 24||

रक्तवासा रक्तलिप्ता रक्तगन्धविनोदिनी ।दुर्लभा सुलभा मत्स्या माधवी मण्डलेश्वरी ॥ २५॥

raktavāsā raktaliptā raktagandhavinodinī |durlabhā sulabhā matsyā mādhavī maṇḍaleśvarī || 25||

पार्वती अमरी अम्बा महापातकनाशिनी ।नित्यतृप्ता निराभासा अकुला रोगनाशिनी ॥ २६॥

pārvatī amarī ambā mahāpātakanāśinī |nityatṛptā nirābhāsā akulā roganāśinī || 26||

कनकेशी पञ्चरूपा नूपुरा नीलवाहिनी ।जगन्मयी जगद्धात्री अरुणा वारुणी जया ॥ २७॥

kanakeśī pañcarūpā nūpurā nīlavāhinī |jaganmayī jagaddhātrī aruṇā vāruṇī jayā || 27||

हिङ्गुला कोटरा सेना कालिन्दी सुरपूजिता ।रामेश्वरी देवगर्भा त्रिस्रोता अखिलेश्वरी ॥ २८॥

hiṅgulā koṭarā senā kālindī surapūjitā |rāmeśvarī devagarbhā trisrotā akhileśvarī || 28||

ब्रह्माणी वैष्णवी रौद्री महाकालमनोरमा ।गारुडी विमला हंसी योगिनी रतिसुन्दरी ॥ २९॥

brahmāṇī vaiṣṇavī raudrī mahākālamanoramā |gāruḍī vimalā haṃsī yoginī ratisundarī || 29||

कपालिनी महाचण्डा विप्रचित्ता कुमारिका ।ईशानी ईश्वरी ब्राह्मी माहेशी विश्वमोहिनी ॥ ३०॥

kapālinī mahācaṇḍā vipracittā kumārikā |īśānī īśvarī brāhmī māheśī viśvamohinī || 30||

एकवीरा कुलानन्दा कालपुत्री सदाशिवा ।शाकम्भरी नीलवर्णा महिषासुरमर्दिनी ॥ ३१॥

ekavīrā kulānandā kālaputrī sadāśivā |śākambharī nīlavarṇā mahiṣāsuramardinī || 31||

कामदा कामिनी कुल्ला कुरुकुल्ला विरोधिनी ।उग्रा उग्रप्रभा दीप्ता प्रभा दंष्ट्रा मनोजवा ॥ ३२॥

kāmadā kāminī kullā kurukullā virodhinī |ugrā ugraprabhā dīptā prabhā daṃṣṭrā manojavā || 32||

कल्पवृक्षतलासीना श्रीनाथगुरुपादुका ।अव्याजकरुणामूर्तिरानन्दघनविग्रहा ॥ ३३॥

kalpavṛkṣatalāsīnā śrīnāthagurupādukā |avyājakaruṇāmūrtirānandaghanavigrahā || 33||

विश्वरूपा विश्वमाता वज्रिणी वज्रविग्रहा ।अनघा शाङ्करी दिव्या पवित्रा सर्वसाक्षिणी ॥ ३४॥

viśvarūpā viśvamātā vajriṇī vajravigrahā |anaghā śāṅkarī divyā pavitrā sarvasākṣiṇī || 34||

धनुर्बाणगदाहस्ता आयुधा आयुधान्विता ।लोकोत्तरा पद्मनेत्रा योगमाया जटेश्वरी ॥ ३५॥

dhanurbāṇagadāhastā āyudhā āyudhānvitā |lokottarā padmanetrā yogamāyā jaṭeśvarī || 35||

अनुच्चार्या त्रिधा दृप्ता चिन्मयी शिवसुन्दरी ।विश्वेश्वरी महामेधा उच्छिष्टा विस्फुलिङ्गिनी ॥ ३६॥

anuccāryā tridhā dṛptā cinmayī śivasundarī |viśveśvarī mahāmedhā ucchiṣṭā visphuliṅginī || 36||

चिदम्बरी चिदाकारा अणिमा नीलकुन्तला ।दैत्येश्वरी देवमाता महादेवी कुशप्रिया ॥ ३७॥

cidambarī cidākārā aṇimā nīlakuntalā |daityeśvarī devamātā mahādevī kuśapriyā || 37||

सर्वदेवमयी पुष्टा भूष्या भूतपतिप्रिया ।महाकिरातिनी साध्या धर्मज्ञा भीषणानना ॥ ३८॥

sarvadevamayī puṣṭā bhūṣyā bhūtapatipriyā |mahākirātinī sādhyā dharmajñā bhīṣaṇānanā || 38||

उग्रचण्डा श्रीचाण्डाली मोहिनी चण्डविक्रमा ।चिन्तनीया महादीर्घा अमृताऽमृतबान्धवी ॥ ३९॥

ugracaṇḍā śrīcāṇḍālī mohinī caṇḍavikramā |cintanīyā mahādīrghā amṛtā'mṛtabāndhavī || 39||

पिनाकधारिणी शिप्रा धात्री त्रिजगदीश्वरी ।रक्तपा रुधिराक्ताङ्गी रक्तखर्परधारिणी ॥ ४०॥

pinākadhāriṇī śiprā dhātrī trijagadīśvarī |raktapā rudhirāktāṅgī raktakharparadhāriṇī || 40||

त्रिपुरा त्रिकूटा नित्या श्रीनित्या भुवनेश्वरी ।हव्या कव्या लोकगतिर्गायत्री परमा गतिः ॥ ४१॥

tripurā trikūṭā nityā śrīnityā bhuvaneśvarī |havyā kavyā lokagatirgāyatrī paramā gatiḥ || 41||

विश्वधात्री लोकमाता पञ्चमी पितृतृप्तिदा ।कामेश्वरी कामरूपा कामबीजा कलात्मिका ॥ ४२॥

viśvadhātrī lokamātā pañcamī pitṛtṛptidā |kāmeśvarī kāmarūpā kāmabījā kalātmikā || 42||

ताटङ्कशोभिनी वन्द्या नित्यक्लिन्ना कुलेश्वरी ।भुवनेशी महाराज्ञी अक्षरा अक्षरात्मिका ॥ ४३॥

tāṭaṅkaśobhinī vandyā nityaklinnā kuleśvarī |bhuvaneśī mahārājñī akṣarā akṣarātmikā || 43||

अनादिबोधा सर्वज्ञा सर्वा सर्वतरा शुभा ।इच्छाज्ञानक्रियाशक्तिः सर्वाढ्या शर्वपूजिता ॥ ४४॥

anādibodhā sarvajñā sarvā sarvatarā śubhā |icchājñānakriyāśaktiḥ sarvāḍhyā śarvapūjitā || 44||

श्रीमहासुन्दरी रम्या राज्ञी श्रीपरमाम्बिका ।राजराजेश्वरी भद्रा श्रीमत्त्रिपुरसुन्दरी ॥ ४५॥

śrīmahāsundarī ramyā rājñī śrīparamāmbikā |rājarājeśvarī bhadrā śrīmattripurasundarī || 45||

त्रिसन्ध्या इन्दिरा ऐन्द्री अजिता अपराजिता ।भेरुण्डा दण्डिनी घोरा इन्द्राणी च तपस्विनी ॥ ४६॥

trisandhyā indirā aindrī ajitā aparājitā |bheruṇḍā daṇḍinī ghorā indrāṇī ca tapasvinī || 46||

शैलपुत्री चण्डधण्टा कूष्माण्डा ब्रह्मचारिणी ।कात्यायनी स्कन्दमाता कालरात्रिः शुभङ्करी ॥ ४७॥

śailaputrī caṇḍadhaṇṭā kūṣmāṇḍā brahmacāriṇī |kātyāyanī skandamātā kālarātriḥ śubhaṅkarī || 47||

महागौरा सिद्धिदात्री नवदुर्गा नभःस्थिता ।सुनन्दा नन्दिनी कृत्या महाभागा महोज्ज्वला ॥ ४८॥

mahāgaurā siddhidātrī navadurgā nabhaḥsthitā |sunandā nandinī kṛtyā mahābhāgā mahojjvalā || 48||

महाविद्या ब्रह्मविद्या दामिनी तापहारिणी ।उत्थिता उत्पला बाध्या प्रमोदा शुभदोत्तमा ॥ ४९॥

mahāvidyā brahmavidyā dāminī tāpahāriṇī |utthitā utpalā bādhyā pramodā śubhadottamā || 49||

अतुल्या अमूला पूर्णा हंसारूढा हरिप्रिया ।सुलोचना विरूपाक्षी विद्युद्गौरी महार्हणा ॥ ५०॥

atulyā amūlā pūrṇā haṃsārūḍhā haripriyā |sulocanā virūpākṣī vidyudgaurī mahārhaṇā || 50||

काकध्वजा शिवाराध्या शूर्पहस्ता कृशाङ्गिनी ।शुभ्रकेशी कोटराक्षी विधवा पतिघातिनी ॥ ५१॥

kākadhvajā śivārādhyā śūrpahastā kṛśāṅginī |śubhrakeśī koṭarākṣī vidhavā patighātinī || 51||

सर्वसिद्धिकरी दुष्टा क्षुधार्ता शिवभक्षिणी ।वर्गात्मिका त्रिकालज्ञा त्रिवर्गा त्रिदशार्चिता ॥ ५२॥

sarvasiddhikarī duṣṭā kṣudhārtā śivabhakṣiṇī |vargātmikā trikālajñā trivargā tridaśārcitā || 52||

श्रीमती भोगिनी काशी अविमुक्ता गयेश्वरी ।सिद्धाम्बिका सुवर्णाक्षी कोलाम्बा सिद्धयोगिनी ॥ ५३॥

śrīmatī bhoginī kāśī avimuktā gayeśvarī |siddhāmbikā suvarṇākṣī kolāmbā siddhayoginī || 53||

देवज्योतिस्समुद्भूता देवज्योतिस्स्वरूपिणी ।अच्छेद्या अद्भुता तीव्रा व्रतस्था व्रतचारिणी ॥ ५४॥

devajyotissamudbhūtā devajyotissvarūpiṇī |acchedyā adbhutā tīvrā vratasthā vratacāriṇī || 54||

सिद्धिदा धूमिनी तन्वी भ्रामरी रक्तदन्तिका ।स्वस्तिका गगना वाणी जाह्नवी भवभामिनी ॥ ५५॥

siddhidā dhūminī tanvī bhrāmarī raktadantikā |svastikā gaganā vāṇī jāhnavī bhavabhāminī || 55||

पतिव्रता महामोहा मुकुटा मुकुटेश्वरी ।गुह्येश्वरी गुह्यमाता चण्डिका गुह्यकालिका ॥ ५६॥

pativratā mahāmohā mukuṭā mukuṭeśvarī |guhyeśvarī guhyamātā caṇḍikā guhyakālikā || 56||

प्रसूतिराकूतिश्चित्ता चिन्ता देवाहुतिस्त्रयी ।अनुमतिः कुहू राका सिनीवाली त्विषा रसा ॥ ५७॥

prasūtirākūtiścittā cintā devāhutistrayī |anumatiḥ kuhū rākā sinīvālī tviṣā rasā || 57||

सुवर्चा वर्चला शार्वी विकेशा कृष्णपिङ्गला ।स्वप्नावती चित्रलेखा अन्नपूर्णा चतुष्टया ॥ ५८॥

suvarcā varcalā śārvī vikeśā kṛṣṇapiṅgalā |svapnāvatī citralekhā annapūrṇā catuṣṭayā || 58||

पुण्यलभ्या वरारोहा श्यामाङ्गी शशिशेखरा ।हरणी गौतमी मेना यादवा पूर्णिमा उमा ॥ ५९॥

puṇyalabhyā varārohā śyāmāṅgī śaśiśekharā |haraṇī gautamī menā yādavā pūrṇimā umā || 59||

त्रिखण्डा त्रिमुण्डा मान्या भूतमाता भवेश्वरी ।भोगदा स्वर्गदा मोक्षा सुभगा यज्ञरूपिणी ॥ ६०॥

trikhaṇḍā trimuṇḍā mānyā bhūtamātā bhaveśvarī |bhogadā svargadā mokṣā subhagā yajñarūpiṇī || 60||

अन्नदा सर्वसम्पत्तिः सङ्कटा सम्पदा स्मृतिः ।वैदूर्यमुकुटा मेधा सर्वविद्येश्वरेश्वरी ॥ ६१॥

annadā sarvasampattiḥ saṅkaṭā sampadā smṛtiḥ |vaidūryamukuṭā medhā sarvavidyeśvareśvarī || 61||

ब्रह्मानन्दा ब्रह्मदात्री मृडानी कैटभेश्वरी ।अरुन्धती अक्षमाला अस्थिरा ग्राम्यदेवता ॥ ६२॥

brahmānandā brahmadātrī mṛḍānī kaiṭabheśvarī |arundhatī akṣamālā asthirā grāmyadevatā || 62||

वर्णेश्वरी वर्णमाता चिन्तापूर्णी विलक्षणा ।त्रीक्षणा मङ्गला काली वैराटी पद्ममालिनी ॥ ६३॥

varṇeśvarī varṇamātā cintāpūrṇī vilakṣaṇā |trīkṣaṇā maṅgalā kālī vairāṭī padmamālinī || 63||

अमला विकटा मुख्या अविज्ञेया स्वयम्भुवा ।ऊर्जा तारावती वेला मानवी च चतुःस्तनी ॥ ६४॥

amalā vikaṭā mukhyā avijñeyā svayambhuvā |ūrjā tārāvatī velā mānavī ca catuḥstanī || 64||

चतुर्नेत्रा चतुर्हस्ता चतुर्दन्ता चतुर्मुखी ।शतरूपा बहुरूपा अरूपा विश्वतोमुखी ॥ ६५॥

caturnetrā caturhastā caturdantā caturmukhī |śatarūpā bahurūpā arūpā viśvatomukhī || 65||

गरिष्ठा गुर्विणी गुर्वी व्याप्या भौमी च भाविनी ।अजाता सुजाता व्यक्ता अचला अक्षया क्षमा ॥ ६६॥

gariṣṭhā gurviṇī gurvī vyāpyā bhaumī ca bhāvinī |ajātā sujātā vyaktā acalā akṣayā kṣamā || 66||

मारिषा धर्मिणी हर्षा भूतधात्री च धेनुका ।अयोनिजा अजा साध्वी शची क्षेमा क्षयङ्करी ॥ ६७॥

māriṣā dharmiṇī harṣā bhūtadhātrī ca dhenukā |ayonijā ajā sādhvī śacī kṣemā kṣayaṅkarī || 67||

बुद्धिर्लज्जा महासिद्धिः शाक्री शान्तिः क्रियावती ।प्रज्ञा प्रीतिः श्रुतिः श्रद्धा स्वाहा कान्तिर्वपुःस्वधा ॥ ६८॥

buddhirlajjā mahāsiddhiḥ śākrī śāntiḥ kriyāvatī |prajñā prītiḥ śrutiḥ śraddhā svāhā kāntirvapuḥsvadhā || 68||

उन्नतिः सन्नतिः ख्यातिः शुद्धिः स्थितिर्मनस्विनी ।उद्यमा वीरिणी क्षान्तिर्मार्कण्डेयी त्रयोदशी ॥ ६९॥

unnatiḥ sannatiḥ khyātiḥ śuddhiḥ sthitirmanasvinī |udyamā vīriṇī kṣāntirmārkaṇḍeyī trayodaśī || 69||

प्रसिद्धा प्रतिष्ठा व्याप्ता अनसूयाऽऽकृतिर्यमा ।महाधीरा महावीरा भुजङ्गी वलयाकृतिः ॥ ७०॥

prasiddhā pratiṣṭhā vyāptā anasūyā''kṛtiryamā |mahādhīrā mahāvīrā bhujaṅgī valayākṛtiḥ || 70||

हरसिद्धा सिद्धकाली सिद्धाम्बा सिद्धपूजिता ।परानन्दा पराप्रीतिः परातुष्टिः परेश्वरी ॥ ७१॥

harasiddhā siddhakālī siddhāmbā siddhapūjitā |parānandā parāprītiḥ parātuṣṭiḥ pareśvarī || 71||

वक्रेश्वरी चतुर्वक्त्रा अनाथा शिवसाधिका ।नारायणी नादरूपा नादिनी नर्तकी नटी ॥ ७२॥

vakreśvarī caturvaktrā anāthā śivasādhikā |nārāyaṇī nādarūpā nādinī nartakī naṭī || 72||

सर्वप्रदा पञ्चवक्त्रा कामिला कामिका शिवा ।दुर्गमा दुरतिक्रान्ता दुर्ध्येया दुष्परिग्रहा ॥ ७३॥

sarvapradā pañcavaktrā kāmilā kāmikā śivā |durgamā duratikrāntā durdhyeyā duṣparigrahā || 73||

दुर्जया दानवी देवी दैत्यघ्नी दैत्यतापिनी ।ऊर्जस्वती महाबुद्धिः रटन्ती सिद्धदेवता ॥ ७४॥

durjayā dānavī devī daityaghnī daityatāpinī |ūrjasvatī mahābuddhiḥ raṭantī siddhadevatā || 74||

कीर्तिदा प्रवरा लभ्या शरण्या शिवशोभना ।सन्मार्गदायिनी शुद्धा सुरसा रक्तचण्डिका ॥ ७५॥

kīrtidā pravarā labhyā śaraṇyā śivaśobhanā |sanmārgadāyinī śuddhā surasā raktacaṇḍikā || 75||

सुरूपा द्रविणा रक्ता विरक्ता ब्रह्मवादिनी ।अगुणा निर्गुणा गुण्या त्रिगुणा त्रिगुणात्मिका ॥ ७६॥

surūpā draviṇā raktā viraktā brahmavādinī |aguṇā nirguṇā guṇyā triguṇā triguṇātmikā || 76||

उड्डियाना पूर्णशैला कामास्या च जलन्धरी ।श्मशानभैरवी कालभैरवी कुलभैरवी ॥ ७७॥

uḍḍiyānā pūrṇaśailā kāmāsyā ca jalandharī |śmaśānabhairavī kālabhairavī kulabhairavī || 77||

त्रिपुराभैरवीदेवी भैरवी वीरभैरवी ।श्रीमहाभैरवीदेवी सुखदाऽऽनन्दभैरवी ॥ ७८॥

tripurābhairavīdevī bhairavī vīrabhairavī |śrīmahābhairavīdevī sukhadā''nandabhairavī || 78||

मुक्तिदाभैरवीदेवी ज्ञानदाऽऽनन्दभैरवी ।दाक्षायणी दक्षयज्ञनाशिनी नगनन्दिनी ॥ ७९॥

muktidābhairavīdevī jñānadā''nandabhairavī |dākṣāyaṇī dakṣayajñanāśinī naganandinī || 79||

राजपुत्री राजपूज्या भक्तिवश्या सनातनी ।अच्युता चर्चिका माया षोडशी सुरसुन्दरी ॥ ८०॥

rājaputrī rājapūjyā bhaktivaśyā sanātanī |acyutā carcikā māyā ṣoḍaśī surasundarī || 80||

चक्रेशी चक्रिणी चक्रा चक्रराजनिवासिनी ।नायिका यक्षिणी बोधा बोधिनी मुण्डकेश्वरी ॥ ८१॥

cakreśī cakriṇī cakrā cakrarājanivāsinī |nāyikā yakṣiṇī bodhā bodhinī muṇḍakeśvarī || 81||

बीजरूपा चन्द्रभागा कुमारी कपिलेश्वरी ।वृद्धाऽतिवृद्धा रसिका रसना पाटलेश्वरी ॥ ८२॥

bījarūpā candrabhāgā kumārī kapileśvarī |vṛddhā'tivṛddhā rasikā rasanā pāṭaleśvarī || 82||

माहेश्वरी महाऽऽनन्दा प्रबला अबला बला ।व्याघ्राम्बरी महेशानी शर्वाणी तामसी दया ॥ ८३॥

māheśvarī mahā''nandā prabalā abalā balā |vyāghrāmbarī maheśānī śarvāṇī tāmasī dayā || 83||

धरणी धारिणी तृष्णा महामारी दुरत्यया ।रङ्गिनी टङ्किनी लीला महावेगा मखेश्वरी ॥ ८४॥

dharaṇī dhāriṇī tṛṣṇā mahāmārī duratyayā |raṅginī ṭaṅkinī līlā mahāvegā makheśvarī || 84||

जयदा जित्वरा जेत्री जयश्री जयशालिनी ।नर्मदा यमुना गङ्गा वेन्वा वेणी दृषद्वती ॥ ८५॥

jayadā jitvarā jetrī jayaśrī jayaśālinī |narmadā yamunā gaṅgā venvā veṇī dṛṣadvatī || 85||

दशार्णा अलका सीता तुङ्गभद्रा तरङ्गिणी ।मदोत्कटा मयूराक्षी मीनाक्षी मणिकुण्डला ॥ ८६॥

daśārṇā alakā sītā tuṅgabhadrā taraṅgiṇī |madotkaṭā mayūrākṣī mīnākṣī maṇikuṇḍalā || 86||

सुमहा महतां सेव्या मायूरी नारसिंहिका ।बगला स्तम्भिनी पीता पूजिता शिवनायिका ॥ ८७॥

sumahā mahatāṃ sevyā māyūrī nārasiṃhikā |bagalā stambhinī pītā pūjitā śivanāyikā || 87||

वेदवेद्या महारौद्री वेदबाह्या गतिप्रदा ।सर्वशास्त्रमयी आर्या अवाङ्गमनसगोचरा ॥ ८८॥

vedavedyā mahāraudrī vedabāhyā gatipradā |sarvaśāstramayī āryā avāṅgamanasagocarā || 88||

अग्निज्वाला महाज्वाला प्रज्वाला दीप्तजिह्विका ।रञ्जनी रमणी रुद्रा रमणीया प्रभञ्जनी ॥ ८९॥

agnijvālā mahājvālā prajvālā dīptajihvikā |rañjanī ramaṇī rudrā ramaṇīyā prabhañjanī || 89||

वरिष्ठा विशिष्टा शिष्टा श्रेष्ठा निष्ठा कृपावती ।ऊर्ध्वमुखी विशालास्या रुद्रभार्या भयङ्करी ॥ ९०॥

variṣṭhā viśiṣṭā śiṣṭā śreṣṭhā niṣṭhā kṛpāvatī |ūrdhvamukhī viśālāsyā rudrabhāryā bhayaṅkarī || 90||

सिंहपृष्ठसमासीना शिवताण्डवदर्शिनी ।हैमवती पद्मगन्धा गन्धेश्वरी भवप्रिया ॥ ९१॥

siṃhapṛṣṭhasamāsīnā śivatāṇḍavadarśinī |haimavatī padmagandhā gandheśvarī bhavapriyā || 91||

अणुरूपा महासूक्ष्मा प्रत्यक्षा च मखान्तका ।सर्वविद्या रक्तनेत्रा बहुनेत्रा अनेत्रका ॥ ९२॥

aṇurūpā mahāsūkṣmā pratyakṣā ca makhāntakā |sarvavidyā raktanetrā bahunetrā anetrakā || 92||

विश्वम्भरा विश्वयोनिः सर्वाकारा सुदर्शना ।कृष्णाजिनधरा देवी उत्तरा कन्दवासिनी ॥ ९३॥

viśvambharā viśvayoniḥ sarvākārā sudarśanā |kṛṣṇājinadharā devī uttarā kandavāsinī || 93||

प्रकृष्टा प्रहृष्टा हृष्टा चन्द्रसूर्याग्निभक्षिणी ।विश्वेदेवी महामुण्डा पञ्चमुण्डाधिवासिनी ॥ ९४॥

prakṛṣṭā prahṛṣṭā hṛṣṭā candrasūryāgnibhakṣiṇī |viśvedevī mahāmuṇḍā pañcamuṇḍādhivāsinī || 94||

प्रसादसुमुखी गूढा सुमुखा सुमुखेश्वरी ।तत्पदा सत्पदाऽत्यर्था प्रभावती दयावती ॥ ९५॥

prasādasumukhī gūḍhā sumukhā sumukheśvarī |tatpadā satpadā'tyarthā prabhāvatī dayāvatī || 95||

चण्डदुर्गा चण्डीदेवी वनदुर्गा वनेश्वरी ।ध्रुवेश्वरी धुवा ध्रौव्या ध्रुवाराध्या ध्रुवागतिः ॥ ९६॥

caṇḍadurgā caṇḍīdevī vanadurgā vaneśvarī |dhruveśvarī dhuvā dhrauvyā dhruvārādhyā dhruvāgatiḥ || 96||

सच्चिदा सच्चिदानन्दा आपोमयी महासुखा ।वागीशी वाग्भवाऽऽकण्ठवासिनी वह्निसुन्दरी ॥ ९७॥

saccidā saccidānandā āpomayī mahāsukhā |vāgīśī vāgbhavā''kaṇṭhavāsinī vahnisundarī || 97||

गणनाथप्रिया ज्ञानगम्या च सर्वलोकगा ।प्रीतिदा गतिदा प्रेया ध्येया ज्ञेया भयापहा ॥ ९८॥

gaṇanāthapriyā jñānagamyā ca sarvalokagā |prītidā gatidā preyā dhyeyā jñeyā bhayāpahā || 98||

श्रीकरी श्रीधरी सुश्री श्रीविद्या श्रीविभावनी ।श्रीयुता श्रीमतां सेव्या श्रीमूर्तिः स्त्रीस्वरूपिणी ॥ ९९॥

śrīkarī śrīdharī suśrī śrīvidyā śrīvibhāvanī |śrīyutā śrīmatāṃ sevyā śrīmūrtiḥ strīsvarūpiṇī || 99||

अनृता सूनृता सेव्या सर्वलोकोत्तमोत्तमा ।जयन्ती चन्दना गौरी गर्जिनी गगनोपमा ॥ १००॥

anṛtā sūnṛtā sevyā sarvalokottamottamā |jayantī candanā gaurī garjinī gaganopamā || 100||

छिन्नमस्ता महामत्ता रेणुका वनशङ्करी ।ग्राहिका ग्रासिनी देवभूषणा च कपर्दिनी ॥ १०१॥

chinnamastā mahāmattā reṇukā vanaśaṅkarī |grāhikā grāsinī devabhūṣaṇā ca kapardinī || 101||

सुमतिस्तपती स्वस्था हृदिस्था मृगलोचना ।मनोहरा वज्रदेहा कुलेशी कामचारिणी ॥ १०२॥

sumatistapatī svasthā hṛdisthā mṛgalocanā |manoharā vajradehā kuleśī kāmacāriṇī || 102||

रक्ताभा निद्रिता निद्रा रक्ताङ्गी रक्तलोचना ।कुलचण्डा चण्डवक्त्रा चण्डोग्रा चण्डमालिनी ॥ १०३॥

raktābhā nidritā nidrā raktāṅgī raktalocanā |kulacaṇḍā caṇḍavaktrā caṇḍogrā caṇḍamālinī || 103||

रक्तचण्डी रुद्रचण्डी चण्डाक्षी चण्डनायिका ।व्याघ्रास्या शैलजा भाषा वेदार्था रणरङ्गिणी ॥ १०४॥

raktacaṇḍī rudracaṇḍī caṇḍākṣī caṇḍanāyikā |vyāghrāsyā śailajā bhāṣā vedārthā raṇaraṅgiṇī || 104||

बिल्वपत्रकृतावासा तरुणी शिवमोहिनी ।स्थाणुप्रिया करालास्या गुणदा लिङ्गवासिनी ॥ १०५॥

bilvapatrakṛtāvāsā taruṇī śivamohinī |sthāṇupriyā karālāsyā guṇadā liṅgavāsinī || 105||

अविद्या ममता अज्ञा अहन्ता अशुभा कृशा ।महिषघ्नी सुदुष्प्रेक्ष्या तमसा भवमोचनी ॥ १०६॥

avidyā mamatā ajñā ahantā aśubhā kṛśā |mahiṣaghnī suduṣprekṣyā tamasā bhavamocanī || 106||

पुरूहुता सुप्रतिष्ठा रजनी इष्टदेवता ।दुःखिनी कातरा क्षीणा गोमती त्र्यम्बकेश्वरा ॥ १०७॥

purūhutā supratiṣṭhā rajanī iṣṭadevatā |duḥkhinī kātarā kṣīṇā gomatī tryambakeśvarā || 107||

द्वारावती अप्रमेया अव्ययाऽमितविक्रमा ।मायावती कृपामूर्तिः द्वारेशी द्वारवासिनी ॥ १०८॥

dvārāvatī aprameyā avyayā'mitavikramā |māyāvatī kṛpāmūrtiḥ dvāreśī dvāravāsinī || 108||

तेजोमयी विश्वकामा मन्मथा पुष्करावती ।चित्रादेवी महाकाली कालहन्त्री क्रियामयी ॥ १०९॥

tejomayī viśvakāmā manmathā puṣkarāvatī |citrādevī mahākālī kālahantrī kriyāmayī || 109||

कृपामयी कृपाश्रेष्ठा करुणा करुणामयी ।सुप्रभा सुव्रता माध्वी मधुघ्नी मुण्डमर्दिनी ॥ ११०॥

kṛpāmayī kṛpāśreṣṭhā karuṇā karuṇāmayī |suprabhā suvratā mādhvī madhughnī muṇḍamardinī || 110||

उल्लासिनी महोल्लासा स्वामिनी शर्मदायिनी ।श्रीमाता श्रीमहाराज्ञी प्रसन्ना प्रसन्नानना ॥ १११॥

ullāsinī mahollāsā svāminī śarmadāyinī |śrīmātā śrīmahārājñī prasannā prasannānanā || 111||

स्वप्रकाशा महाभूमा ब्रह्मरूपा शिवङ्करी ।शक्तिदा शान्तिदा कर्मफलदा श्रीप्रदायिनी ॥ ११२॥

svaprakāśā mahābhūmā brahmarūpā śivaṅkarī |śaktidā śāntidā karmaphaladā śrīpradāyinī || 112||

प्रियदा धनदा श्रीदा मोक्षदा ज्ञानदा भवा ।भूमानन्दकरी भूमा प्रसीदश्रुतिगोचरा ॥ ११३॥

priyadā dhanadā śrīdā mokṣadā jñānadā bhavā |bhūmānandakarī bhūmā prasīdaśrutigocarā || 113||

रक्तचन्दनसिक्ताङ्गी सिन्दूराङ्कितभालिनी ।स्वच्छन्दशक्तिर्गहना प्रजावती सुखावहा ॥ ११४॥

raktacandanasiktāṅgī sindūrāṅkitabhālinī |svacchandaśaktirgahanā prajāvatī sukhāvahā || 114||

योगेश्वरी योगाराध्या महात्रिशूलधारिणी ।राज्येशी त्रिपुरा सिद्धा महाविभवशालिनी ॥ ११५॥

yogeśvarī yogārādhyā mahātriśūladhāriṇī |rājyeśī tripurā siddhā mahāvibhavaśālinī || 115||

ह्रीङ्कारी शङ्करी सर्वपङ्कजस्था शतश्रुतिः ।निस्तारिणी जगन्माता जगदम्बा जगद्धिता ॥ ११६॥

hrīṅkārī śaṅkarī sarvapaṅkajasthā śataśrutiḥ |nistāriṇī jaganmātā jagadambā jagaddhitā || 116||

साष्टाङ्गप्रणतिप्रीता भक्तानुग्रहकारिणी ।शरणागतदीनार्तपरित्राणपरायणा ॥ ११७॥

sāṣṭāṅgapraṇatiprītā bhaktānugrahakāriṇī |śaraṇāgatadīnārtaparitrāṇaparāyaṇā || 117||

निराश्रयाश्रया दीनतारिणी भक्तवत्सला ।दीनाम्बा दीनशरणा भक्तानामभयङ्करी ॥ ११८॥

nirāśrayāśrayā dīnatāriṇī bhaktavatsalā |dīnāmbā dīnaśaraṇā bhaktānāmabhayaṅkarī || 118||

कृताञ्जलिनमस्कृता स्वयम्भुकुसुमार्चिता ।कौलतर्पणसंप्रीता स्वयम्भाती विभातिनी ॥ ११९॥

kṛtāñjalinamaskṛtā svayambhukusumārcitā |kaulatarpaṇasaṃprītā svayambhātī vibhātinī || 119||

शतशीर्षाऽनन्तशीर्षा श्रीकण्ठार्धशरीरिणी ।जयध्वनिप्रिया कुलभास्करी कुलसाधिका ॥ १२०॥

śataśīrṣā'nantaśīrṣā śrīkaṇṭhārdhaśarīriṇī |jayadhvanipriyā kulabhāskarī kulasādhikā || 120||

अभयवरदहस्ता सर्वानन्दा च संविदा ।पृथिवीधरा विश्वधरा विश्वगर्भा प्रवर्तिका ॥ १२१॥

abhayavaradahastā sarvānandā ca saṃvidā |pṛthivīdharā viśvadharā viśvagarbhā pravartikā || 121||

विश्वमाया विश्वफाला पद्मनाभप्रसूः प्रजा ।महीयसी महामूर्तिः सती राज्ञी भयार्तिहा ॥ १२२॥

viśvamāyā viśvaphālā padmanābhaprasūḥ prajā |mahīyasī mahāmūrtiḥ satī rājñī bhayārtihā || 122||

ब्रह्ममयी विश्वपीठा प्रज्ञाना महिमामयी ।सिंहारूढा वृषारूढा अश्वारूढा अधीश्वरी ॥ १२३॥

brahmamayī viśvapīṭhā prajñānā mahimāmayī |siṃhārūḍhā vṛṣārūḍhā aśvārūḍhā adhīśvarī || 123||

वराभयकरा सर्ववरेण्या विश्वविक्रमा ।विश्वाश्रया महाभूतिः श्रीप्रज्ञादिसमन्विता ॥ १२४॥

varābhayakarā sarvavareṇyā viśvavikramā |viśvāśrayā mahābhūtiḥ śrīprajñādisamanvitā || 124||

फलश्रुतिः ।दुर्गानामसहस्राख्यं स्तोत्रं तन्त्रोत्तमोत्तमम् ।पठनात् श्रवणात्सद्यो नरो मुच्येत सङ्कटात् ॥ १२५॥

phalaśrutiḥ |durgānāmasahasrākhyaṃ stotraṃ tantrottamottamam |paṭhanāt śravaṇātsadyo naro mucyeta saṅkaṭāt || 125||

अश्वमेधसहस्राणां वाजपेयस्य कोटयः ।सकृत्पाठेन जायन्ते महामायाप्रसादतः ॥ १२६॥

aśvamedhasahasrāṇāṃ vājapeyasya koṭayaḥ |sakṛtpāṭhena jāyante mahāmāyāprasādataḥ || 126||

य इदं पठति नित्यं देव्यागारे कृताञ्जलिः ।किं तस्य दुर्लभं देवि दिवि भुवि रसातले ॥ १२७॥

ya idaṃ paṭhati nityaṃ devyāgāre kṛtāñjaliḥ |kiṃ tasya durlabhaṃ devi divi bhuvi rasātale || 127||

स दीर्घायुः सुखी वाग्मी निश्चितं पर्वतात्मजे ।श्रद्धयाऽश्रद्धया वापि दुर्गानामप्रसादतः ॥ १२८॥

sa dīrghāyuḥ sukhī vāgmī niścitaṃ parvatātmaje |śraddhayā'śraddhayā vāpi durgānāmaprasādataḥ || 128||

य इदं पठते नित्यं देवीभक्तो मुदान्वितः ।तस्य शत्रुक्षयं याति तथा शक्रसमो भवेत् ॥ १२९॥

ya idaṃ paṭhate nityaṃ devībhakto mudānvitaḥ |tasya śatrukṣayaṃ yāti tathā śakrasamo bhavet || 129||

प्रतिनाम समुच्चार्य स्रोतसि यः प्रपूजयेत् ।षण्मासाभ्यन्तरे देवि निर्धनी धनवान् भवेत् ॥ १३०॥

pratināma samuccārya srotasi yaḥ prapūjayet |ṣaṇmāsābhyantare devi nirdhanī dhanavān bhavet || 130||

वन्ध्या वा काकवन्ध्या वा मृतवत्सा च याऽङ्गना ।अस्य प्रयोगमात्रेण बहुपुत्रवती भवेत् ॥ १३१॥

vandhyā vā kākavandhyā vā mṛtavatsā ca yā'ṅganā |asya prayogamātreṇa bahuputravatī bhavet || 131||

आरोग्यार्थे शतावृत्तिः पुत्रार्थे ह्येकवत्सरम् ।दीप्ताग्निसन्निधौ पाठात् अपापो भवति ध्रुवम् ॥ १३२॥

ārogyārthe śatāvṛttiḥ putrārthe hyekavatsaram |dīptāgnisannidhau pāṭhāt apāpo bhavati dhruvam || 132||

अष्टोत्तरशतेनास्य पुरश्चर्या विधीयते ।कलौ चतुर्गुणं प्रोक्तं पुरश्चरणसिद्धये ॥ १३३॥

aṣṭottaraśatenāsya puraścaryā vidhīyate |kalau caturguṇaṃ proktaṃ puraścaraṇasiddhaye || 133||

जपाकमलपुष्पं च चम्पकं नागकेशरम् ।कदम्बं कुसुमं चापि प्रतिनाम्ना समर्चयेत् ॥ १३४॥

japākamalapuṣpaṃ ca campakaṃ nāgakeśaram |kadambaṃ kusumaṃ cāpi pratināmnā samarcayet || 134||

प्रणवादिनमोऽन्तेन चतुर्थ्यन्तेन मन्त्रवित् ।स्रोतसि पूजयित्वा तु उपहारं समर्पयेत् ॥ १३५॥

praṇavādinamo'ntena caturthyantena mantravit |srotasi pūjayitvā tu upahāraṃ samarpayet || 135||

इच्छाज्ञानक्रियासिद्धिर्निश्चतं गिरिनन्दिनि ।देहान्ते परमं स्थानं यत्सुरैरपि दुर्लभम् ॥ १३६॥

icchājñānakriyāsiddhirniścataṃ girinandini |dehānte paramaṃ sthānaṃ yatsurairapi durlabham || 136||

स यास्यति न सन्देहो श्रीदुर्गानामकीर्तनात् ।भजेद्दुर्गां स्मरेद्दुर्गां जपेद्दुर्गां शिवप्रियाम् ।तत्क्षणात् शिवमाप्नोति सत्यं सत्यं वरानने ॥ १३७॥

sa yāsyati na sandeho śrīdurgānāmakīrtanāt |bhajeddurgāṃ smareddurgāṃ japeddurgāṃ śivapriyām |tatkṣaṇāt śivamāpnoti satyaṃ satyaṃ varānane || 137||

॥ इति तन्त्रराजतन्त्रे श्रीदुर्गासहस्रनामस्तोत्रं सम्पूर्णम् ॥

|| iti tantrarājatantre śrīdurgāsahasranāmastotraṃ sampūrṇam ||