दुर्गाकवचम् ३ Shri Durga Kavacham 3

श्रीदेव्युवाचपुरा श्रुतं महादेव ! शवसाधनमेव च ।श्मशानसाधनं नाथ ! श्रुतं परममादरात् ॥ १॥

śrīdevyuvācapurā śrutaṃ mahādeva ! śavasādhanameva ca |śmaśānasādhanaṃ nātha ! śrutaṃ paramamādarāt || 1||

न स्त्रोतं कवचं नाथ ! श्रुतं न शवसाधने ।कवचेन महादेव ! स्तोत्रेणैव च शङ्कर ! ।कथं सिद्धिर्भवेद् देव ! क्षिप्रं तद् ब्रूहि साम्प्रतम् ॥ २॥

na strotaṃ kavacaṃ nātha ! śrutaṃ na śavasādhane |kavacena mahādeva ! stotreṇaiva ca śaṅkara ! |kathaṃ siddhirbhaved deva ! kṣipraṃ tad brūhi sāmpratam || 2||

शिव उवाचशृणु देवि! वरारोहे ! दुर्गे ! परमसुन्दरि ! ।सिद्।ह्ध्यर्थे विनियोगः स्यात् शङ्करस्य नियन्त्रणात् ॥ ३॥

śiva uvācaśṛṇu devi! varārohe ! durge ! paramasundari ! |sid|hdhyarthe viniyogaḥ syāt śaṅkarasya niyantraṇāt || 3||

अथ दुर्गाकवचम् ।सिद्धिं सिद्धेश्वरी पातु मस्तकं पातु कालिका ।कपालं कामिनी भालं पातु नेत्रं नगेश्वरी ॥ ४॥

atha durgākavacam |siddhiṃ siddheśvarī pātu mastakaṃ pātu kālikā |kapālaṃ kāminī bhālaṃ pātu netraṃ nageśvarī || 4||

कर्णौ विश्वेश्वरी पातु हृदयं जगदम्बिका ।काली सदा पातु मुखं जिह्वां नीलसरस्वती ॥ ५॥

karṇau viśveśvarī pātu hṛdayaṃ jagadambikā |kālī sadā pātu mukhaṃ jihvāṃ nīlasarasvatī || 5||

करौ करालवदना पातु नित्यं सुरेश्वरी ।दन्तं गुह्यं नखं नाभिं पातु नित्यं हिमात्मजा ॥ ६॥

karau karālavadanā pātu nityaṃ sureśvarī |dantaṃ guhyaṃ nakhaṃ nābhiṃ pātu nityaṃ himātmajā || 6||

नारायणी कपोलञ्च गण्डागण्डं सदैव तु ।केशं में भद्रकाली च दुर्गा पातु सुरेश्वरी ॥ ७॥

nārāyaṇī kapolañca gaṇḍāgaṇḍaṃ sadaiva tu |keśaṃ meṃ bhadrakālī ca durgā pātu sureśvarī || 7||

पुत्रान् रक्षतु मे चण्डी धनं पातु धनेश्वरी ।स्तनौ विश्वेश्वरी पातु सर्वाङ्गं जगदीश्वरी ॥ ८॥

putrān rakṣatu me caṇḍī dhanaṃ pātu dhaneśvarī |stanau viśveśvarī pātu sarvāṅgaṃ jagadīśvarī || 8||

उग्रतारा सदा पातु महानीलसरस्वती ।पातु जिह्वां महामाया पृष्ठं में जगदम्बिका ॥ ९॥

ugratārā sadā pātu mahānīlasarasvatī |pātu jihvāṃ mahāmāyā pṛṣṭhaṃ meṃ jagadambikā || 9||

हरप्रिया पातु नित्यं श्मशाने जगदीश्वरी ।सर्वान् पातु च सर्वाणी सदा रक्षतु चण्डिका ॥ १०॥

harapriyā pātu nityaṃ śmaśāne jagadīśvarī |sarvān pātu ca sarvāṇī sadā rakṣatu caṇḍikā || 10||

कात्यायनी कुलं पातु सदा च शववाहिनी ।घोरदंष्ट्रा करालास्या पार्वती पातु सर्वदा ॥ ११॥

kātyāyanī kulaṃ pātu sadā ca śavavāhinī |ghoradaṃṣṭrā karālāsyā pārvatī pātu sarvadā || 11||

कमला पातु बाह्यं मे मन्त्रं मन्त्रेश्वरी तथा ।इत्येवं कवचं देवि देवानामपि दुर्लभम् ॥ १२॥

kamalā pātu bāhyaṃ me mantraṃ mantreśvarī tathā |ityevaṃ kavacaṃ devi devānāmapi durlabham || 12||

यः पठेत् सततं भक्त्या सिद्धिमाप्नोति निश्चितम् ।सिद्धिकाले समुत्पन्ने कवचं प्रपठेत् सुधीः ॥ १३॥

yaḥ paṭhet satataṃ bhaktyā siddhimāpnoti niścitam |siddhikāle samutpanne kavacaṃ prapaṭhet sudhīḥ || 13||

अज्ञात्वा कवचं देवि ! यश्च सिद्धिमुपक्रमः ।स च सिद्धिं न वाप्नोति न मुक्तिं न च सद्गतिम् ॥ १४॥

ajñātvā kavacaṃ devi ! yaśca siddhimupakramaḥ |sa ca siddhiṃ na vāpnoti na muktiṃ na ca sadgatim || 14||

अतएव महामाये ! कवचं सिद्धिकारकम् ।देवानाञ्च नराणाञ्च किन्नराणाञ्च दुर्लभम् ।पठित्वा कवचं चण्डि ! शीघ्र सिद्धिमवाप्नुयात् ॥ १५॥

ataeva mahāmāye ! kavacaṃ siddhikārakam |devānāñca narāṇāñca kinnarāṇāñca durlabham |paṭhitvā kavacaṃ caṇḍi ! śīghra siddhimavāpnuyāt || 15||

महोत्पाते महादुःखे महाविपदि सङ्कटे ।प्रपठेत् कवचं देवि ! पठित्वा मोक्षमाप्नुयात् ॥ १६॥

mahotpāte mahāduḥkhe mahāvipadi saṅkaṭe |prapaṭhet kavacaṃ devi ! paṭhitvā mokṣamāpnuyāt || 16||

शून्यागारे श्मशाने ना कामरूपे कामरूपे महाघटे ।स्ववामामन्दिरे कालेऽप्यथवा काममन्दिरे ।मन्त्री मन्त्रं जपेद् बुद्।ह्ध्या भक्त्या परमया युतः ॥ १७॥

śūnyāgāre śmaśāne nā kāmarūpe kāmarūpe mahāghaṭe |svavāmāmandire kāle'pyathavā kāmamandire |mantrī mantraṃ japed bud|hdhyā bhaktyā paramayā yutaḥ || 17||

मूले दले फले वाप्यनले कालेऽनिलेऽनले ।जले पठेत् प्राणबुद्।ह्ध्या मनसा साधकोत्तमः ॥ १८॥

mūle dale phale vāpyanale kāle'nile'nale |jale paṭhet prāṇabud|hdhyā manasā sādhakottamaḥ || 18||

इति श्रीमुण्डमालातन्त्रे षष्ठं पटलान्तर्गतं दुर्गाकवचं सम्पूर्णम् ।

iti śrīmuṇḍamālātantre ṣaṣṭhaṃ paṭalāntargataṃ durgākavacaṃ sampūrṇam |