दुर्गाकवचम् ४ Shri Durga Kavacham 4

श्री शिव उवाचशृणु देवि ! प्रवक्ष्यामि अप्रकाश्यं महीतले ।श्रुत्वा पठित्वा कवचं सर्वसिद्धिमवाप्नुयात् ॥ १॥

śrī śiva uvācaśṛṇu devi ! pravakṣyāmi aprakāśyaṃ mahītale |śrutvā paṭhitvā kavacaṃ sarvasiddhimavāpnuyāt || 1||

अथ दुर्गाकवचम् ।पार्वती मस्तकं पातु कपालं जगदम्बिका ।कपालञ्चापि गण्डञ्च दुर्गा पातु महेश्वरि ॥ २॥

atha durgākavacam |pārvatī mastakaṃ pātu kapālaṃ jagadambikā |kapālañcāpi gaṇḍañca durgā pātu maheśvari || 2||

विश्वेश्वरी सदा पातु नेत्रञ्च शिवसुन्दरीकर्णौ नारायणी पातु मुखं नीलसरस्वती ॥ ३॥

viśveśvarī sadā pātu netrañca śivasundarīkarṇau nārāyaṇī pātu mukhaṃ nīlasarasvatī || 3||

कण्ठं मे विजया पातु वक्षोमूलं शिव प्रिया ।नाभिदेशं जगद्धात्री जगदानन्दवल्लभा ॥ ४॥

kaṇṭhaṃ me vijayā pātu vakṣomūlaṃ śiva priyā |nābhideśaṃ jagaddhātrī jagadānandavallabhā || 4||

हृदयं चण्डिका पातु बाहू परमदेवता ।केशांश्च पञ्चमी विद्या सभायां पातु भैरवी ॥ ५॥

hṛdayaṃ caṇḍikā pātu bāhū paramadevatā |keśāṃśca pañcamī vidyā sabhāyāṃ pātu bhairavī || 5||

नित्यानन्दा यशः पातु लिङ्गं लिङ्गेश्वरी सदा ।भवानी पातु मे पुत्रं पत्नीं मे पातु दक्षजा ॥ ६॥

nityānandā yaśaḥ pātu liṅgaṃ liṅgeśvarī sadā |bhavānī pātu me putraṃ patnīṃ me pātu dakṣajā || 6||

कामाख्या देहकमलं पातु नित्यं नभोगतम् ।महाकुण्डलिनी नित्यं पातु मे जठरं शिवा ॥ ७॥

kāmākhyā dehakamalaṃ pātu nityaṃ nabhogatam |mahākuṇḍalinī nityaṃ pātu me jaṭharaṃ śivā || 7||

वह्निजाया सदा यज्ञं पातु कर्म स्वधा पुनः ।अरण्ये विजने पातु दुर्गा देवी रणे वने ।जले पातु जगन्माता देवी त्रिभुवनेश्वरी ॥ ८॥

vahnijāyā sadā yajñaṃ pātu karma svadhā punaḥ |araṇye vijane pātu durgā devī raṇe vane |jale pātu jaganmātā devī tribhuvaneśvarī || 8||

इत्येवं कवचं देवि दुर्ज्ञेयं राजमोहनम् ।जपेन्मत्रं क्षितितले वश्यं याति महीपतिः ॥ ९॥

ityevaṃ kavacaṃ devi durjñeyaṃ rājamohanam |japenmatraṃ kṣititale vaśyaṃ yāti mahīpatiḥ || 9||

पूजया वरया भक्त्या क्रियया च विना शिवे ! ।केवलं जपमात्रेण सिद्।ह्ध्यत्येव न संशयः ॥ १०॥

pūjayā varayā bhaktyā kriyayā ca vinā śive ! |kevalaṃ japamātreṇa sid|hdhyatyeva na saṃśayaḥ || 10||

या पृच्छा ते निगदिता कथिता वरवर्णिनि ! ।इदानीं देवदेवेशि ! किं भूयः श्रोतुमिच्छसि ॥ ११॥

yā pṛcchā te nigaditā kathitā varavarṇini ! |idānīṃ devadeveśi ! kiṃ bhūyaḥ śrotumicchasi || 11||

इति मुण्डमालातन्त्रे पार्वतीश्वरसंवादेषष्ठं पटलान्तर्गतं द्वितीयं श्रीदुर्गाकवचं सम्पूर्णम् ॥ ६॥

iti muṇḍamālātantre pārvatīśvarasaṃvādeṣaṣṭhaṃ paṭalāntargataṃ dvitīyaṃ śrīdurgākavacaṃ sampūrṇam || 6||

श्लोकानि २०२२१२

ślokāni 202212