दुर्गाष्टकम् ५ Shri Durgashtakam

दुर्गा चण्डि शिवा भवानि गिरिजा कात्यायनी शूलिनीकाली भद्रकपालिनी त्रिनयना विश्वेश्वरी शाङ्करी ।अम्बा शैलसुता सुरार्चितपदा दैत्येन्द्रदर्पापहाचिद्रूपा परदेवता भगवती श्रीदुर्गिका पाहि माम् ॥ १॥

durgā caṇḍi śivā bhavāni girijā kātyāyanī śūlinīkālī bhadrakapālinī trinayanā viśveśvarī śāṅkarī |ambā śailasutā surārcitapadā daityendradarpāpahācidrūpā paradevatā bhagavatī śrīdurgikā pāhi mām || 1||

दुर्गा शुम्भनिषूदिनी मधुमथिनी धूम्रासुरध्वंसिनीचण्डी रक्तविलोचनी रिपुकुलप्रध्वंसिनी भीषणा ।सिंहारूढविराजिता वरकरा भक्तार्तिसंहारिणीचिद्रूपा परदेवता भगवती श्रीदुर्गिका पाहि माम् ॥ २॥

durgā śumbhaniṣūdinī madhumathinī dhūmrāsuradhvaṃsinīcaṇḍī raktavilocanī ripukulapradhvaṃsinī bhīṣaṇā |siṃhārūḍhavirājitā varakarā bhaktārtisaṃhāriṇīcidrūpā paradevatā bhagavatī śrīdurgikā pāhi mām || 2||

दुर्गा वेदमयी परा श्रुतिशिरोवन्द्या सनातन्युमेगायत्री प्रणवात्मिका परमयी विद्येश्वरी निर्मला ।वाणी श्रीरपि मेधिनी धृतिमती श्रद्धा दया शाश्वतीचिद्रूपा परदेवता भगवती श्रीदुर्गिका पाहि माम् ॥ ३॥

durgā vedamayī parā śrutiśirovandyā sanātanyumegāyatrī praṇavātmikā paramayī vidyeśvarī nirmalā |vāṇī śrīrapi medhinī dhṛtimatī śraddhā dayā śāśvatīcidrūpā paradevatā bhagavatī śrīdurgikā pāhi mām || 3||

दुर्गा ब्रह्ममयी हरिप्रणयिनी रुद्रप्रिया सर्वदालक्ष्मीः पद्मविभूषिता कमलजा गौरी च नारायणी ।राधा कृष्णमनोहरा रमणिका सीता च रामप्रियाचिद्रूपा परदेवता भगवती श्रीदुर्गिका पाहि माम् ॥ ४॥

durgā brahmamayī haripraṇayinī rudrapriyā sarvadālakṣmīḥ padmavibhūṣitā kamalajā gaurī ca nārāyaṇī |rādhā kṛṣṇamanoharā ramaṇikā sītā ca rāmapriyācidrūpā paradevatā bhagavatī śrīdurgikā pāhi mām || 4||

दुर्गा शक्तिमयी परात्परतराऽनन्तप्रभा निर्गुणामाया योगनिदा पराशिवतनुर्बिन्दुस्वरूपाम्बिका ।नादान्तस्थितचिन्मयी हृदयगा सर्वेश्वरी सर्वदाचिद्रूपा परदेवता भगवती श्रीदुर्गिका पाहि माम् ॥ ५॥

durgā śaktimayī parātparatarā'nantaprabhā nirguṇāmāyā yoganidā parāśivatanurbindusvarūpāmbikā |nādāntasthitacinmayī hṛdayagā sarveśvarī sarvadācidrūpā paradevatā bhagavatī śrīdurgikā pāhi mām || 5||

दुर्गा शूलगदासिचक्रधनुषां पाशाङ्कुशैर्भासुराखड्गं खेटकशङ्खपद्मममलं बिभ्राणभूषोज्ज्वला ।भक्ताभीष्टफलप्रदा विजयदा सौभाग्यसम्पत्करीचिद्रूपा परदेवता भगवती श्रीदुर्गिका पाहि माम् ॥ ६॥

durgā śūlagadāsicakradhanuṣāṃ pāśāṅkuśairbhāsurākhaḍgaṃ kheṭakaśaṅkhapadmamamalaṃ bibhrāṇabhūṣojjvalā |bhaktābhīṣṭaphalapradā vijayadā saubhāgyasampatkarīcidrūpā paradevatā bhagavatī śrīdurgikā pāhi mām || 6||

दुर्गा भूतपिशाचदानवभयध्वान्तप्रदीपोपमाव्याधिक्षामविनाशिनी ग्रहभयच्छेत्त्री कृपामन्दिरा ।मृत्युद्वारनिवारिणी शरणदा संसारतारिण्युमेचिद्रूपा परदेवता भगवती श्रीदुर्गिका पाहि माम् ॥ ७॥

durgā bhūtapiśācadānavabhayadhvāntapradīpopamāvyādhikṣāmavināśinī grahabhayacchettrī kṛpāmandirā |mṛtyudvāranivāriṇī śaraṇadā saṃsāratāriṇyumecidrūpā paradevatā bhagavatī śrīdurgikā pāhi mām || 7||

दुर्गा सृष्टिविलासकारिणि परा संहारलीलामयीपालन्येकपरायणा त्रिजगतां मातेति विश्रूयसे ।आद्यन्तस्थितिवर्जिता परशिवा पूर्णामृतानन्दिनीचिद्रूपा परदेवता भगवती श्रीदुर्गिका पाहि माम् ॥ ८॥

durgā sṛṣṭivilāsakāriṇi parā saṃhāralīlāmayīpālanyekaparāyaṇā trijagatāṃ māteti viśrūyase |ādyantasthitivarjitā paraśivā pūrṇāmṛtānandinīcidrūpā paradevatā bhagavatī śrīdurgikā pāhi mām || 8||

दुर्गाष्टकमिदं पुण्यं यः पठेद्भक्तिसंयुतः ।तस्य दुर्गा प्रसन्ना स्यात् सर्वाभीष्टफलप्रदा ॥ ९॥

durgāṣṭakamidaṃ puṇyaṃ yaḥ paṭhedbhaktisaṃyutaḥ |tasya durgā prasannā syāt sarvābhīṣṭaphalapradā || 9||

प्रातःकाले शुचिर्भूत्वा मध्याह्ने वा निशामुखे ।यः पठेत्सततं भक्त्या सर्वसौख्यमवाप्नुयात् ॥ १०॥

prātaḥkāle śucirbhūtvā madhyāhne vā niśāmukhe |yaḥ paṭhetsatataṃ bhaktyā sarvasaukhyamavāpnuyāt || 10||

दारिद्र्यं दुःखदौर्भाग्यं रोगशोकभयं तथा ।क्षणेन नाशमायाति दुर्गानामानुकीर्तनात् ॥ ११॥

dāridryaṃ duḥkhadaurbhāgyaṃ rogaśokabhayaṃ tathā |kṣaṇena nāśamāyāti durgānāmānukīrtanāt || 11||

अपुत्रः पुत्रमाप्नोति निर्धनो धनवान्भवेत् ।विद्यार्थी लभते विद्यां जयार्थी विजयी भवेत् ॥ १२॥

aputraḥ putramāpnoti nirdhano dhanavānbhavet |vidyārthī labhate vidyāṃ jayārthī vijayī bhavet || 12||

राजद्वारे सभामध्ये सङ्ग्रामे शत्रुसङ्कटे ।अरण्ये सागरे दुर्गे दुर्गा रक्षति सर्वदा ॥ १३॥

rājadvāre sabhāmadhye saṅgrāme śatrusaṅkaṭe |araṇye sāgare durge durgā rakṣati sarvadā || 13||

गद्यपद्यप्रबन्धेषु वाग्वैभवमवाप्नुयात् ।सभा मध्ये महाप्राज्ञो वादिनां विजयी भवेत् ॥ १४॥

gadyapadyaprabandheṣu vāgvaibhavamavāpnuyāt |sabhā madhye mahāprājño vādināṃ vijayī bhavet || 14||

भूतप्रेतपिशाचाश्च डाकिन्यो योगिनीगणाः ।दूरादेव पलायन्ते स्तोत्रस्यास्य प्रभावतः ॥ १५॥

bhūtapretapiśācāśca ḍākinyo yoginīgaṇāḥ |dūrādeva palāyante stotrasyāsya prabhāvataḥ || 15||

अष्टम्यां नवमीकाले चतुर्दश्यां विशेषतः ।यः पठेद्भावसंयुक्तः सिद्धिमाप्नोति निश्चितम् ॥ १६॥

aṣṭamyāṃ navamīkāle caturdaśyāṃ viśeṣataḥ |yaḥ paṭhedbhāvasaṃyuktaḥ siddhimāpnoti niścitam || 16||

दुर्गाक्षेत्रे नदीतीरे पर्वते वा शिवालये ।पठनादस्य स्तवस्याशु देवी साक्षात्प्रसीदति ॥ १७॥

durgākṣetre nadītīre parvate vā śivālaye |paṭhanādasya stavasyāśu devī sākṣātprasīdati || 17||

अन्ते दुर्गापुरं दिव्यं सिंहासनसमन्वितम् ।प्राप्य देव्याः समीपेऽसौ मोदते नात्र संशयः ॥ १८॥

ante durgāpuraṃ divyaṃ siṃhāsanasamanvitam |prāpya devyāḥ samīpe'sau modate nātra saṃśayaḥ || 18||

इति श्रीदुर्गाष्टकं सम्पूर्णम् ॥

iti śrīdurgāṣṭakaṃ sampūrṇam ||