दुर्गासप्तशतीसहस्रनामस्तोत्रम् Shri Durga Saptashati Sahasra Nama Stotram

नमस्तस्यै ।ॐ अम्बा कात्यायनी काली कमला करुणामयी ।अतुला कालिका कृष्णा कल्याणी कामरूपिणी ॥ १॥

namastasyai |oṃ ambā kātyāyanī kālī kamalā karuṇāmayī |atulā kālikā kṛṣṇā kalyāṇī kāmarūpiṇī || 1||

अर्धमात्रास्थिता कर्त्री कालातीता कलाघरी ।अनुच्चार्या च कामाक्षी क्रुद्धा कैटभहारिणी ॥ २॥

ardhamātrāsthitā kartrī kālātītā kalāgharī |anuccāryā ca kāmākṣī kruddhā kaiṭabhahāriṇī || 2||

अनायस्तानना ख्यातिः कान्तिरूपाऽतिसुन्दरी ।अम्बिका कामधेनुश्च कामदा चाखिलात्मिका ॥ ३॥

anāyastānanā khyātiḥ kāntirūpā'tisundarī |ambikā kāmadhenuśca kāmadā cākhilātmikā || 3||

अरविन्दस्थिता पद्मा कुञ्जिका करुणा कृतिः ।अरुणा चारूणक्षौमा कुपिताऽरुणलोचना ॥ ४॥

aravindasthitā padmā kuñjikā karuṇā kṛtiḥ |aruṇā cārūṇakṣaumā kupitā'ruṇalocanā || 4||

अखिलदेवपूज्या च कमला कनकाम्बरा ।अलक्ष्मीः कालरात्रिश्च कूष्माण्डा कालरूपिणी ॥ ५॥

akhiladevapūjyā ca kamalā kanakāmbarā |alakṣmīḥ kālarātriśca kūṣmāṇḍā kālarūpiṇī || 5||

अपारा कीर्तिता गौरी कौमारी करुणार्णवा ।अव्याकृता जगन्मूर्तिश्चाविचिन्त्यमहाव्रता ॥ ६॥

apārā kīrtitā gaurī kaumārī karuṇārṇavā |avyākṛtā jaganmūrtiścāvicintyamahāvratā || 6||

अखिलशास्त्रसारा च देवी कारुण्यरूपिणी ।अवतारत्रयाऽसङ्गा दुर्गा कामफलप्रदा ॥ ७॥

akhilaśāstrasārā ca devī kāruṇyarūpiṇī |avatāratrayā'saṅgā durgā kāmaphalapradā || 7||

अतिसाधुमतिर्जाया जयन्ती चापराजिता ।अपराऽतुल्यरूपा च नित्याऽसुरनिबर्हिणी ॥ ८॥

atisādhumatirjāyā jayantī cāparājitā |aparā'tulyarūpā ca nityā'suranibarhiṇī || 8||

असुरवीर्यहन्त्री च नारी कनकभूषणा ।आद्याऽतिहारिरूपा च किरीटिनी कुलेश्वरी ॥ ९॥

asuravīryahantrī ca nārī kanakabhūṣaṇā |ādyā'tihārirūpā ca kirīṭinī kuleśvarī || 9||

अतिसौम्याऽतिरौद्रा च कनकोत्तमभूषणा ।अतिशुद्धगुणाऽभेद्या चानुपमपराक्रमा ॥ १०अयोनिजाऽतिचार्वङ्गी कामिकाऽभीष्टसंश्रया ।विस्तारवदनाऽनन्ता कोपवत्यतिभीषणा ॥ ११॥

atisaumyā'tiraudrā ca kanakottamabhūṣaṇā |atiśuddhaguṇā'bhedyā cānupamaparākramā || 10ayonijā'ticārvaṅgī kāmikā'bhīṣṭasaṃśrayā |vistāravadanā'nantā kopavatyatibhīṣaṇā || 11||

अणिमादिमयूखाप्ता कामिनी चामलानना ।अर्धाम्बिकेशरूपा च कालाभ्राभाऽसिपाशिनी ॥ १२॥

aṇimādimayūkhāptā kāminī cāmalānanā |ardhāmbikeśarūpā ca kālābhrābhā'sipāśinī || 12||

अत्युग्राऽनन्तवीर्या च कपालिन्यतिकोपना ।जयाऽखिलजगन्माता कामेश्वर्यतिमानिनी ॥ १३॥

atyugrā'nantavīryā ca kapālinyatikopanā |jayā'khilajaganmātā kāmeśvaryatimāninī || 13||

अग्निवर्णाऽद्वितीया च कौबेरी चाखिलेश्वरी ।अतिरौद्रावतारा च घोरा चासुरघातिनी ॥ १४॥

agnivarṇā'dvitīyā ca kauberī cākhileśvarī |atiraudrāvatārā ca ghorā cāsuraghātinī || 14||

अज्ञेयाऽपःस्वरूपा च किरीटोल्लिखिताम्बरा ।अर्गलाऽलङ्घ्यवीर्या च ज्वलन्ती चानलात्मिका ॥ १५॥

ajñeyā'paḥsvarūpā ca kirīṭollikhitāmbarā |argalā'laṅghyavīryā ca jvalantī cānalātmikā || 15||

अनजा जननी नन्दा गुह्यध्यानाऽग्निदेवता ।अनघा घोररूपा च नियताऽनाथसंस्तुता ॥ १६॥

anajā jananī nandā guhyadhyānā'gnidevatā |anaghā ghorarūpā ca niyatā'nāthasaṃstutā || 16||

अजा गुह्यतरध्याना चारिसङ्क्षयकारिणी ।अजिताऽन्तर्हिताऽलक्ष्या गुणाश्रयाऽमितप्रभा ॥ १७॥

ajā guhyataradhyānā cārisaṅkṣayakāriṇī |ajitā'ntarhitā'lakṣyā guṇāśrayā'mitaprabhā || 17||

अभिष्टुता दयारूपा चालङ्कृतचतुर्भुजा ।आर्याऽमृतकलाऽविद्या नीलवर्णाञ्जनप्रभा ॥ १८॥

abhiṣṭutā dayārūpā cālaṅkṛtacaturbhujā |āryā'mṛtakalā'vidyā nīlavarṇāñjanaprabhā || 18||

अचिन्त्यचरिताऽमर्त्या जगन्माताऽम्बुजासना ।अष्टादशभुजाऽपर्णा चाभीष्टफलदायिका ॥ १९॥

acintyacaritā'martyā jaganmātā'mbujāsanā |aṣṭādaśabhujā'parṇā cābhīṣṭaphaladāyikā || 19||

अलङ्कृतभुजाऽतीता नन्दजाऽभयहस्तका ।अष्टभुजा जगद्धात्री जगत्त्रयहितैषिणी ॥ २०॥

alaṅkṛtabhujā'tītā nandajā'bhayahastakā |aṣṭabhujā jagaddhātrī jagattrayahitaiṣiṇī || 20||

असमाऽऽनन्दरूपा च प्रथमाऽगोचराऽकला ।अनानन्दस्वरूपाऽपि नवदुर्गाऽष्टमातृका ॥ २१॥

asamā''nandarūpā ca prathamā'gocarā'kalā |anānandasvarūpā'pi navadurgā'ṣṭamātṛkā || 21||

अनामयी ह्यविज्ञाना निराकाराऽविनाशिनी ।अमलाऽब्रह्मरूपा च चण्डी चराचरेश्वरी ॥ २२॥

anāmayī hyavijñānā nirākārā'vināśinī |amalā'brahmarūpā ca caṇḍī carācareśvarī || 22||

अपञ्चभूतरूषा च चन्द्ररेखाविभूषणा ।परमाऽखिलरूपा च चण्डमुण्डविनाशिनी ॥ २३॥

apañcabhūtarūṣā ca candrarekhāvibhūṣaṇā |paramā'khilarūpā ca caṇḍamuṇḍavināśinī || 23||

चेतनाऽवेदरूपा च चण्डिका चण्डविक्रमा ।उर्ध्वमधःस्वरूपा च तिर्यग्रूपा तमोगुणा ॥ २४॥

cetanā'vedarūpā ca caṇḍikā caṇḍavikramā |urdhvamadhaḥsvarūpā ca tiryagrūpā tamoguṇā || 24||

असुरनाशयित्री च चित्राभरणभूषिता ।अदितिर्देवशक्तिश्च दीनत्राणपरायणा ॥ २५॥

asuranāśayitrī ca citrābharaṇabhūṣitā |aditirdevaśaktiśca dīnatrāṇaparāyaṇā || 25||

अभयदा महागौरी महाभयविनाशिनी ।अनादिश्च निराधारा नयनत्रयशोभिता ॥ २६॥

abhayadā mahāgaurī mahābhayavināśinī |anādiśca nirādhārā nayanatrayaśobhitā || 26||

अविचला चतुर्बाहुश्चन्द्रघण्टा च चर्चिका ।एकाऽभेदमयी नैका तुष्टा कल्याणशोभना ॥ २७॥

avicalā caturbāhuścandraghaṇṭā ca carcikā |ekā'bhedamayī naikā tuṣṭā kalyāṇaśobhanā || 27||

गौरीदेहसमुत्पन्ना नीलग्रीवाऽविकारिणी ।कलाकाष्ठादिरूपा च चक्रिणी कृष्णसंस्तुता ॥ २८॥

gaurīdehasamutpannā nīlagrīvā'vikāriṇī |kalākāṣṭhādirūpā ca cakriṇī kṛṣṇasaṃstutā || 28||

कनकोत्तमकान्तिश्च चित्रघण्टाऽघहारिणी ।आद्यवाक्यमयी पूज्या चार्तत्राणपरायणा ॥ २९।

kanakottamakāntiśca citraghaṇṭā'ghahāriṇī |ādyavākyamayī pūjyā cārtatrāṇaparāyaṇā || 29|

आराधिताऽऽत्ममूर्तिश्च तेजोराशिसमुद्भवा ।आदिविद्याऽऽत्मशक्तिश्च तुहिनाचलसंस्थिता ॥ ३०॥

ārādhitā''tmamūrtiśca tejorāśisamudbhavā |ādividyā''tmaśaktiśca tuhinācalasaṃsthitā || 30||

आनन्दविग्रहा तुष्टिस्तारिणी तनुमध्यमा ।आदिः कनकवर्णाभा पूर्णाऽऽनन्दपयोनिधिः ॥ ३१॥

ānandavigrahā tuṣṭistāriṇī tanumadhyamā |ādiḥ kanakavarṇābhā pūrṇā''nandapayonidhiḥ || 31||

ईशाऽऽनन्दमयी ब्राह्मी ब्रह्माणीरूपधारिणी ।वराऽऽपच्छमनी विद्या भद्राऽऽभरणभूषिता ॥ ३२॥

īśā''nandamayī brāhmī brahmāṇīrūpadhāriṇī |varā''pacchamanī vidyā bhadrā''bharaṇabhūṣitā || 32||

इन्दुयोग्यानना चैन्द्री दैत्यवधकृतोद्यमा ।इन्दुशकलभूषा च भवती भक्तवत्सला ॥ ३३॥

induyogyānanā caindrī daityavadhakṛtodyamā |induśakalabhūṣā ca bhavatī bhaktavatsalā || 33||

इन्द्राणी चेन्दुरूपा च प्रातःसूर्यसमप्रभा ।इन्दिरेन्दु किरीटा च रविचन्द्राग्निलोचना ॥ ३४॥

indrāṇī cendurūpā ca prātaḥsūryasamaprabhā |indirendu kirīṭā ca ravicandrāgnilocanā || 34||

उग्रनृसिंहरूपा च गुणत्रयविभाविनी ।ईश्वरी चैकवीरा च गौरीदेहसमुद्भवा ॥ ३५॥

ugranṛsiṃharūpā ca guṇatrayavibhāvinī |īśvarī caikavīrā ca gaurīdehasamudbhavā || 35||

उद्योतिनी महारौद्रा चेन्द्राणीपतिपूजिता ।उमा चेन्दुप्रभा पत्नी परिणामप्रदायिनी ॥ ३६॥

udyotinī mahāraudrā cendrāṇīpatipūjitā |umā cenduprabhā patnī pariṇāmapradāyinī || 36||

ईषद्धासा महादेवी महामाया महेश्वरी ।उन्मदा भीमरूपा च भीमादेवी च भीषणा ॥ ३७॥

īṣaddhāsā mahādevī mahāmāyā maheśvarī |unmadā bhīmarūpā ca bhīmādevī ca bhīṣaṇā || 37||

उत्तमभूषणा लक्ष्मीः लोकेश्वरी च लासिनी ।उदारसंस्तुता बुद्धिर्ब्रह्माणी बोधलक्षणा ॥ ३८॥

uttamabhūṣaṇā lakṣmīḥ lokeśvarī ca lāsinī |udārasaṃstutā buddhirbrahmāṇī bodhalakṣaṇā || 38||

ऋद्धिदात्री रमा रौद्रा रक्तालिप्तपयोधरा ।रक्तबीजवधा रुष्टा चोल्लसद्रत्नकुण्डला ॥ ३९॥

ṛddhidātrī ramā raudrā raktāliptapayodharā |raktabījavadhā ruṣṭā collasadratnakuṇḍalā || 39||

सुकर्मफलजुष्टा च कान्तिभृत्कमलालया ।कौमारीरूपसंस्थाना कौशिकी कान्तिशालिनी ॥ ४०॥

sukarmaphalajuṣṭā ca kāntibhṛtkamalālayā |kaumārīrūpasaṃsthānā kauśikī kāntiśālinī || 40||

कह्लाराबद्धमाला च ललिता कमलासना ।करुणापूरिताक्षी च तथोत्पलविलोचना ॥ ४१॥

kahlārābaddhamālā ca lalitā kamalāsanā |karuṇāpūritākṣī ca tathotpalavilocanā || 41||

रुचिरोत्तमकान्तिश्च खड्गिनी खड्गधारिणी ।घनस्तनी तथोत्तुङ्गस्तनी पीनपयोधरा ॥ ४२॥

rucirottamakāntiśca khaḍginī khaḍgadhāriṇī |ghanastanī tathottuṅgastanī pīnapayodharā || 42||

ध्रुवोर्ध्वकेशिनी धूम्रा धात्री धूम्राक्षमर्दिनी ।धनुर्धरी च दुर्धर्षा दुर्गा च धर्मधारिणी ॥ ४३॥

dhruvordhvakeśinī dhūmrā dhātrī dhūmrākṣamardinī |dhanurdharī ca durdharṣā durgā ca dharmadhāriṇī || 43||

कौशाम्भःक्षरिका लज्जा लोचनत्रयभूषिता ।लक्ष्यालक्ष्यस्वरूपा च लोकख्याता फलप्रदा ॥ ४४॥

kauśāmbhaḥkṣarikā lajjā locanatrayabhūṣitā |lakṣyālakṣyasvarūpā ca lokakhyātā phalapradā || 44||

करालवदना सन्ध्या क्रोधसमाकुला क्षुधा ।सुकामधेनुमूर्तिश्च खड्गादिभृच्च खेचरी ॥ ४५॥

karālavadanā sandhyā krodhasamākulā kṣudhā |sukāmadhenumūrtiśca khaḍgādibhṛcca khecarī || 45||

सौम्या कान्तिप्रतिष्ठा च गदिनी गुहरूपिणी ।गम्भीरान्तः स्मिता सुभ्रूः स्त्रीरत्नं सुमनोहरा ॥ ४६॥

saumyā kāntipratiṣṭhā ca gadinī guharūpiṇī |gambhīrāntaḥ smitā subhrūḥ strīratnaṃ sumanoharā || 46||

गजराजस्थिता सिद्धिः शुद्धा गरुडसंस्थिता ।गुणमयी महावज्रा महाघोरपराक्रमा ॥ ४७॥

gajarājasthitā siddhiḥ śuddhā garuḍasaṃsthitā |guṇamayī mahāvajrā mahāghoraparākramā || 47||

गृहीतोग्रमहाचक्रा गृहीतपरमायुधा ।गृहवृद्धिप्रदा सारा सुपथा गरुडासना ॥ ४८॥

gṛhītogramahācakrā gṛhītaparamāyudhā |gṛhavṛddhipradā sārā supathā garuḍāsanā || 48||

शक्तिर्गजसमारूढा सर्वसौभाग्यदायिनी ।गुह्येश्वरी महाविद्या गुह्यगोप्त्री प्रकीर्तिता ॥ ४९॥

śaktirgajasamārūḍhā sarvasaubhāgyadāyinī |guhyeśvarī mahāvidyā guhyagoptrī prakīrtitā || 49||

सती गम्भीरनाभिश्च चिकितुषी चतुर्भुजा ।गुह्यातिगुह्यगोप्त्री च पूजिता प्रमदोत्तमा ॥ ५०॥

satī gambhīranābhiśca cikituṣī caturbhujā |guhyātiguhyagoptrī ca pūjitā pramadottamā || 50||

घनान्तशशितुल्याभा चिन्मयी चित्रकान्तिभृत् ।चण्डघाती च चामुण्डा सृष्टिश्चित्तकृपामयी ॥ ५१॥

ghanāntaśaśitulyābhā cinmayī citrakāntibhṛt |caṇḍaghātī ca cāmuṇḍā sṛṣṭiścittakṛpāmayī || 51||