दुर्गाध्यानम् १ Shri Durga Dhyanam

सिंहस्था शशिशेखरा मरकतप्रख्यैश्चतुर्भिर्भुजैःशङ्खं चक्रधनुः शरांश्च दधती नेत्रैस्त्रिभिः शोभिता ।आमुक्ताङ्गदहारकङ्कणरणत्काञ्ची रणन्नूपुरादुर्गा दुर्गतिहारिणी भवतु नो रत्नेल्लसत्कुण्डला ॥ १॥

siṃhasthā śaśiśekharā marakataprakhyaiścaturbhirbhujaiḥśaṅkhaṃ cakradhanuḥ śarāṃśca dadhatī netraistribhiḥ śobhitā |āmuktāṅgadahārakaṅkaṇaraṇatkāñcī raṇannūpurādurgā durgatihāriṇī bhavatu no ratnellasatkuṇḍalā || 1||

मातर्मे मधुकैटभघ्नि महिषप्राणापहारोद्यमेहेलानिर्जितधूम्रलोचनवधे हे चण्डमुण्डार्दिनि ।निश्शेषीकृतरक्तबीजदनुजे नित्ये निशुम्भापहेशुम्भध्वंसिनि संहराशु दुरितं दुर्गे नमस्तेऽम्बिके ॥ २॥

mātarme madhukaiṭabhaghni mahiṣaprāṇāpahārodyamehelānirjitadhūmralocanavadhe he caṇḍamuṇḍārdini |niśśeṣīkṛtaraktabījadanuje nitye niśumbhāpaheśumbhadhvaṃsini saṃharāśu duritaṃ durge namaste'mbike || 2||

हेमप्रख्यामिन्दुखण्डार्धमौलिंशङ्खारिष्टाभीतिहस्तां त्रिणेत्राम् ।हेमाब्जस्थां पीतवस्त्रां प्रसन्नांदेवीं दुर्गां दिव्यरूपां नमामि ॥ ३॥

hemaprakhyāmindukhaṇḍārdhamauliṃśaṅkhāriṣṭābhītihastāṃ triṇetrām |hemābjasthāṃ pītavastrāṃ prasannāṃdevīṃ durgāṃ divyarūpāṃ namāmi || 3||

उद्यद्विद्युत्करालाकुलहरिगलसंस्थारिशङ्खासिखेटेष्विष्वासाख्यत्रिशूलानरिगणभयदा तर्जनीं सन्दधाना ।चर्मास्युत्तीर्णदोर्भिः प्रहरणनिपुणाभिर्वृता कन्यकाभिःदद्यात्कार्शानभीष्टान् त्रिणयनललिता चापि कात्यायनी वः ॥ ४॥

udyadvidyutkarālākulaharigalasaṃsthāriśaṅkhāsikheṭeṣviṣvāsākhyatriśūlānarigaṇabhayadā tarjanīṃ sandadhānā |carmāsyuttīrṇadorbhiḥ praharaṇanipuṇābhirvṛtā kanyakābhiḥdadyātkārśānabhīṣṭān triṇayanalalitā cāpi kātyāyanī vaḥ || 4||

अरिशङ्खकृपाणखेटबाणान् सुधनुः शूलककर्तरीं तर्जनीं दधाना ।भजतां महिषोत्तमाङ्गसंस्था नवदूर्वासदृशीश्रियेऽस्तु दुर्गा ॥ ५॥

ariśaṅkhakṛpāṇakheṭabāṇān sudhanuḥ śūlakakartarīṃ tarjanīṃ dadhānā |bhajatāṃ mahiṣottamāṅgasaṃsthā navadūrvāsadṛśīśriye'stu durgā || 5||

इति श्रीदुर्गाध्यानम् ॥आद्दितिओनल्घस्राधीशघटागभस्तिघटिता व्याघ्रासना शीघ्रगासुघ्राणातिघृणाग्रणी घनकचा विघ्नौघनिघ्नात्मिका ।घोराघातविघातिनी घनरवा घण्टास्वनैर्घर्घरादीर्घाक्षा घुसृणान्विताङ्घ्रिरुधिरा दुर्गाघसङ्घं द्यतु ॥ ६॥ श्रीव्रजकिशोरः

iti śrīdurgādhyānam ||ādditionalghasrādhīśaghaṭāgabhastighaṭitā vyāghrāsanā śīghragāsughrāṇātighṛṇāgraṇī ghanakacā vighnaughanighnātmikā |ghorāghātavighātinī ghanaravā ghaṇṭāsvanairghargharādīrghākṣā ghusṛṇānvitāṅghrirudhirā durgāghasaṅghaṃ dyatu || 6|| śrīvrajakiśoraḥ