योगिनीस्तोत्रसारम् Yogini Stotrasaram

योगिनीस्तोत्रसारं च श्रवणाद्धारणाद् यतिः ।अप्रकाश्यमिदं रत्नं नृणामिष्टफलप्रदम् ॥ ३१३७॥

yoginīstotrasāraṃ ca śravaṇāddhāraṇād yatiḥ |aprakāśyamidaṃ ratnaṃ nṛṇāmiṣṭaphalapradam || 3137||

यस्य विज्ञानमात्रेण शिवो भवति साधकः ॥ ३१३८॥

yasya vijñānamātreṇa śivo bhavati sādhakaḥ || 3138||

कङ्काली कुलपण्डिता कुलकला कालानला श्यामला ।योगेन्द्रेन्द्रसुराज्यनाथयजिताऽन्या योगिनीं मोक्षदा ।मामेकं कुजडं सुखास्तमधनं हीनं च दीनं खलंयद्येवं परिपालनं करोषि नियतं त्वं त्राहि तामाश्रये ॥ ३१३९॥

kaṅkālī kulapaṇḍitā kulakalā kālānalā śyāmalā |yogendrendrasurājyanāthayajitā'nyā yoginīṃ mokṣadā |māmekaṃ kujaḍaṃ sukhāstamadhanaṃ hīnaṃ ca dīnaṃ khalaṃyadyevaṃ paripālanaṃ karoṣi niyataṃ tvaṃ trāhi tāmāśraye || 3139||

यज्ञेशी शशिशेखरा स्वमपरा हेरम्बयोगास्पदा ।दात्री दानपरा हराहरिहराऽघोरामराशङ्करा ।भद्रे बुद्धिविहीन देहजडितं पूजाजपावर्जितंमामेकार्भमकिञ्चनं यदि सरत्त्वं योगिनी रक्षसि ॥ ३१४०॥

yajñeśī śaśiśekharā svamaparā herambayogāspadā |dātrī dānaparā harāhariharā'ghorāmarāśaṅkarā |bhadre buddhivihīna dehajaḍitaṃ pūjājapāvarjitaṃmāmekārbhamakiñcanaṃ yadi sarattvaṃ yoginī rakṣasi || 3140||

भाव्या भावनतत्परस्य करणा सा चारणा योगिनी ।चन्द्रस्था निजनाथदेहसुगता मन्दारमालावृता ।योगेशी कुलयोगिनी त्वममरा धाराधराच्छादिनीयोगेन्द्रोत्सवरागयागजडिता या मातृसिद्धिस्थिता ॥ ३१४१॥

bhāvyā bhāvanatatparasya karaṇā sā cāraṇā yoginī |candrasthā nijanāthadehasugatā mandāramālāvṛtā |yogeśī kulayoginī tvamamarā dhārādharācchādinīyogendrotsavarāgayāgajaḍitā yā mātṛsiddhisthitā || 3141||

त्वं मां पाहि परेश्वरी सुरतरी श्रीभास्करी योगगंमायापाशविबन्धनं तव कथालापामृतावर्जितम् ।नानाधर्मविवर्जितं कलिकुले संव्याकुलालक्षणंमय्येके यदि दृष्टिपातकमला तत् केवलं मे बलम् ॥ ३१४२॥

tvaṃ māṃ pāhi pareśvarī suratarī śrībhāskarī yogagaṃmāyāpāśavibandhanaṃ tava kathālāpāmṛtāvarjitam |nānādharmavivarjitaṃ kalikule saṃvyākulālakṣaṇaṃmayyeke yadi dṛṣṭipātakamalā tat kevalaṃ me balam || 3142||

मायामयी हृदि यदा मम चित्तलग्नंराज्यं तदा किमु फलं फलसाधनं वा ।इत्याशया भगवती मम शक्तिदेवीभाति प्रिये श्रुतिदले मुखरार्पणं ते ॥ ३१४३॥

māyāmayī hṛdi yadā mama cittalagnaṃrājyaṃ tadā kimu phalaṃ phalasādhanaṃ vā |ityāśayā bhagavatī mama śaktidevībhāti priye śrutidale mukharārpaṇaṃ te || 3143||

या योगिनी सकलयोगसुमन्त्रणाढ्यादेवी महद्गुणमयी करुणानिधाना ।सा मे भयं हरतु वारणमत्तचित्तासंहारिणी भवतु सोदरवक्षहारा ॥ ३१४४॥

yā yoginī sakalayogasumantraṇāḍhyādevī mahadguṇamayī karuṇānidhānā |sā me bhayaṃ haratu vāraṇamattacittāsaṃhāriṇī bhavatu sodaravakṣahārā || 3144||

यदि पठति मनोज्ञो गोरसामीश्वरं योवशयति रिपुवर्गं क्रोधपुञ्जं विहन्ति ।भुवनपवनभक्षो भावुकः स्यात् सुसङ्गीरतिपतिगुणतुल्यो रामचन्द्रो यथेशः ॥ ३१४५॥

yadi paṭhati manojño gorasāmīśvaraṃ yovaśayati ripuvargaṃ krodhapuñjaṃ vihanti |bhuvanapavanabhakṣo bhāvukaḥ syāt susaṅgīratipatiguṇatulyo rāmacandro yatheśaḥ || 3145||

एतत्स्तोत्रं पठेद्यस्तु स भक्तो भवति प्रियः ।मूलपद्मे स्थिरो भूत्त्वा षट्चक्रे राज्यमाप्नुयात् ॥ ३१४६॥

etatstotraṃ paṭhedyastu sa bhakto bhavati priyaḥ |mūlapadme sthiro bhūttvā ṣaṭcakre rājyamāpnuyāt || 3146||

इति श्रीरुद्रयामले उत्तरतन्त्रे महातन्त्रोद्दीपने षट्चक्रप्रकाशेसिद्धिमन्त्रप्रकरणे भैरवभैरवीसंवादे भेदिन्यादिस्तोत्रंनाम एकत्रिंशः पटलः ॥ ३१॥

iti śrīrudrayāmale uttaratantre mahātantroddīpane ṣaṭcakraprakāśesiddhimantraprakaraṇe bhairavabhairavīsaṃvāde bhedinyādistotraṃnāma ekatriṃśaḥ paṭalaḥ || 31||

ऱुद्रयमल उत्तरतन्त्र।

rudrayamala uttaratantra|