योगिनीनायिकाकवचम् Yogininayika Kavacham

उन्मत्तभैरव उवाचशृणु कल्याणि मद्वाक्यं कवचं देवदुर्लभम् ।यक्षिणीनायिकानान्तु संक्षेपात्सिद्धिदायकम् ॥ १॥

unmattabhairava uvācaśṛṇu kalyāṇi madvākyaṃ kavacaṃ devadurlabham |yakṣiṇīnāyikānāntu saṃkṣepātsiddhidāyakam || 1||

ज्ञानमात्रेण देवेशि सिद्धिमाप्नोति निश्चितम् ।यक्षिणी स्वयमायाति कवचज्ञानमात्रतः ॥ २॥

jñānamātreṇa deveśi siddhimāpnoti niścitam |yakṣiṇī svayamāyāti kavacajñānamātrataḥ || 2||

सर्वत्र दुर्लभं देवि! डामरेषु प्रकाशितम् ।पठनाद्धारणान्मर्त्यो यक्षिणी वशमानयेत् ॥ ३॥

sarvatra durlabhaṃ devi! ḍāmareṣu prakāśitam |paṭhanāddhāraṇānmartyo yakṣiṇī vaśamānayet || 3||

कवचस्य ऋषिर्गर्गो गायत्रीच्छन्द ईरितम् ।देवता यक्षिणी देवी सर्वसिद्धिप्रदायिनी ॥ ४॥

kavacasya ṛṣirgargo gāyatrīcchanda īritam |devatā yakṣiṇī devī sarvasiddhipradāyinī || 4||

साक्षात्सिद्धिसमृद्।ह्ध्यर्थे विनियोगः प्रकीर्तितः ।ॐ शिरो मे यक्षिणी पातु ललाटं यक्षकन्यका ॥ ५॥

sākṣātsiddhisamṛd|hdhyarthe viniyogaḥ prakīrtitaḥ |oṃ śiro me yakṣiṇī pātu lalāṭaṃ yakṣakanyakā || 5||

मुखं श्रीधनदा पातु कर्णौ मे कुलनायिका ।चक्षुषी वरदा पातु नासिका भक्तवत्सला ॥ ६॥

mukhaṃ śrīdhanadā pātu karṇau me kulanāyikā |cakṣuṣī varadā pātu nāsikā bhaktavatsalā || 6||

केशाग्रं पिङ्गला पातु धनदा श्रीमहेश्वरी ।स्कन्धौ कुलालया पातु गलं मे कमलानना ॥ ७॥

keśāgraṃ piṅgalā pātu dhanadā śrīmaheśvarī |skandhau kulālayā pātu galaṃ me kamalānanā || 7||

किरातिनी सदा पातु भुजयुग्मं जटेश्वरी ।विकृतास्या सदा पातु महावक्रप्रिया मम ॥ ८॥

kirātinī sadā pātu bhujayugmaṃ jaṭeśvarī |vikṛtāsyā sadā pātu mahāvakrapriyā mama || 8||

अस्त्रं हस्ता पातु नित्यं पृष्ठमुदरदेशकम् ।मेरुण्डा माकरी देवी हृदयं देवसम्मता ॥ ९॥

astraṃ hastā pātu nityaṃ pṛṣṭhamudaradeśakam |meruṇḍā mākarī devī hṛdayaṃ devasammatā || 9||

अलङ्कारान्विता पातु मे नितम्बस्थलं दया ।धार्मिका गुह्यदेशं मे पादयुग्मं सुराङ्गना ॥ १०॥

alaṅkārānvitā pātu me nitambasthalaṃ dayā |dhārmikā guhyadeśaṃ me pādayugmaṃ surāṅganā || 10||

शून्यागारे सदा पातु मन्त्रमातास्वरूपिणी ।निष्कलङ्का सदा पातु चाम्बुवत्यखिलां तनुम् ॥ ११॥

śūnyāgāre sadā pātu mantramātāsvarūpiṇī |niṣkalaṅkā sadā pātu cāmbuvatyakhilāṃ tanum || 11||

प्रान्तरे धनदा पातु निजबीजप्रकाशिनी ।लक्ष्मीबीजात्मिका पातु निजबीजप्रकाशिनी ॥ १२॥

prāntare dhanadā pātu nijabījaprakāśinī |lakṣmībījātmikā pātu nijabījaprakāśinī || 12||

लक्ष्मीबीजात्मिका पातु खड्गहस्ता श्मशानके ।शून्यागारे । नदीतीरे महायक्षेशकन्यका ॥ १३॥

lakṣmībījātmikā pātu khaḍgahastā śmaśānake |śūnyāgāre | nadītīre mahāyakṣeśakanyakā || 13||

पातु मां वरदाख्या मे सर्वाङ्गं पातु मोहिनी ।महासङ्कटमध्ये तु सङ्ग्रामे रिपुसञ्चये ॥ १४॥

pātu māṃ varadākhyā me sarvāṅgaṃ pātu mohinī |mahāsaṅkaṭamadhye tu saṅgrāme ripusañcaye || 14||

क्रोधरूपा सदा पातु महादेवनिषेविका ।सर्वत्र सर्वदा पातु भवानी कुलदायिका ॥ १५॥

krodharūpā sadā pātu mahādevaniṣevikā |sarvatra sarvadā pātu bhavānī kuladāyikā || 15||

ॐ इत्येतकवचं देवि महामन्त्रौघविग्रहम् ।अस्यापि स्मरणादेव राजत्वं लभतेऽचिरात् ॥ १६॥

oṃ ityetakavacaṃ devi mahāmantraughavigraham |asyāpi smaraṇādeva rājatvaṃ labhate'cirāt || 16||

पञ्चवर्षसहस्राणि स्थिरो भवति भूतले ।वेदज्ञानी सर्वशास्त्रवेत्ता भवति निश्चितम् ॥ १७॥

pañcavarṣasahasrāṇi sthiro bhavati bhūtale |vedajñānī sarvaśāstravettā bhavati niścitam || 17||

अरण्ये सिद्धिमाप्नोति महाकवचपाठतः ।यक्षिणी कुलविद्या च समायाति सुसिद्धिदा ॥ १८॥

araṇye siddhimāpnoti mahākavacapāṭhataḥ |yakṣiṇī kulavidyā ca samāyāti susiddhidā || 18||

अणिमा लघिमा प्राप्तिः सुखसिद्धिफलं लभेत् ।पठित्वा धारयित्वा च निर्जनेऽरण्यमस्तके ।स्थित्वा जपेल्लक्षमन्त्रमिष्टसिद्धिं लभेन्निशि ॥ १९॥

aṇimā laghimā prāptiḥ sukhasiddhiphalaṃ labhet |paṭhitvā dhārayitvā ca nirjane'raṇyamastake |sthitvā japellakṣamantramiṣṭasiddhiṃ labhenniśi || 19||

भार्या भवति सा देवी महाकवचपाठतः ।योगिनां दुर्लभं देवि किमन्यत् साधनादिकम् ।ग्रहणादेव सिद्धिः स्यान्नात्र कार्या विचारणा ॥ २०॥

bhāryā bhavati sā devī mahākavacapāṭhataḥ |yogināṃ durlabhaṃ devi kimanyat sādhanādikam |grahaṇādeva siddhiḥ syānnātra kāryā vicāraṇā || 20||

इति बृहद्भूतसन्धानडामरे महातन्त्रे योगिनीनायिकाकवचं समाप्तम् ।

iti bṛhadbhūtasandhānaḍāmare mahātantre yoginīnāyikākavacaṃ samāptam |