पद्मावतीनवरत्रमालिकास्तुतिः Shripadmavatinavaratnamalikastutih

श्रीः ॥श्रीमान् यस्याः प्रियस्सन् सकलमपि जगज्जङ्गमस्थावराद्यंस्वर्भूपातालभेदं विविधविधमहाशिल्पसामर्थ्यसिद्धम् ।रञ्जन् ब्रह्मामरेन्द्रैस्त्रिभुवनजनकः स्तूयते भूरिशो यःसा विष्णोरेकपत्नी त्रिभुवनजननी पातु पद्मावती नः ॥ १॥

śrīḥ ||śrīmān yasyāḥ priyassan sakalamapi jagajjaṅgamasthāvarādyaṃsvarbhūpātālabhedaṃ vividhavidhamahāśilpasāmarthyasiddham |rañjan brahmāmarendraistribhuvanajanakaḥ stūyate bhūriśo yaḥsā viṣṇorekapatnī tribhuvanajananī pātu padmāvatī naḥ || 1||

श्रीशृङ्गारैकदेवीं विधिमुखसुमनःकोटिकोटीरजाग्रद्रत्नज्योत्स्नाप्रसारप्रकटितचरणाम्भोजनीराजितार्चाम् ।गीर्वाणस्त्रैणवाणीपरिफणित महाकीर्ति सौभाग्यभाग्यांहेलानिर्दग्धदैन्यश्रमविषममहारण्यगण्यां नमामि ॥ २॥

śrīśṛṅgāraikadevīṃ vidhimukhasumanaḥkoṭikoṭīrajāgradratnajyotsnāprasāraprakaṭitacaraṇāmbhojanīrājitārcām |gīrvāṇastraiṇavāṇīpariphaṇita mahākīrti saubhāgyabhāgyāṃhelānirdagdhadainyaśramaviṣamamahāraṇyagaṇyāṃ namāmi || 2||

विद्युत्कोटिप्रकाशां विविधमणिगणोन्निद्रसुस्निग्धशोभासम्पत्सम्पूर्णहाराद्यभिनव विभवालङ्क्रियोल्लासिकण्ठाम् ।आद्यां विद्योतमानस्मितरुचिरचितानल्पचन्द्रप्रकाशांपद्मां पद्मायताक्षीं पदनलिननमत्पद्मसद्मां नमामि ॥ ३॥

vidyutkoṭiprakāśāṃ vividhamaṇigaṇonnidrasusnigdhaśobhāsampatsampūrṇahārādyabhinava vibhavālaṅkriyollāsikaṇṭhām |ādyāṃ vidyotamānasmitaruciracitānalpacandraprakāśāṃpadmāṃ padmāyatākṣīṃ padanalinanamatpadmasadmāṃ namāmi || 3||

शश्वत्तस्याः श्रयेऽहं चरणसरसिजं शाङ्गपाणेः पुरन्ध्र्याःस्तोकं यस्याः प्रसादः प्रसरति मनुजे क्रूरदारिद्र्यदग्धे ।सोऽयं सद्योऽनवद्यस्थिरतररुचिरश्रेष्ठभूयिष्ठनव्यस्तव्यप्रासादपङ्क्तिप्रसितबहुविधप्राभवो बोभवीति ॥ ४॥

śaśvattasyāḥ śraye'haṃ caraṇasarasijaṃ śāṅgapāṇeḥ purandhryāḥstokaṃ yasyāḥ prasādaḥ prasarati manuje krūradāridryadagdhe |so'yaṃ sadyo'navadyasthiratararuciraśreṣṭhabhūyiṣṭhanavyastavyaprāsādapaṅktiprasitabahuvidhaprābhavo bobhavīti || 4||

सौन्दर्योद्वेलहेमाम्बुजमहितमहासिंहपीठाश्रयाढ्यांपुष्यन्नीलारविन्दप्रतिमवरकृपापूरसम्पूर्णनेत्राम् ।ज्योत्स्नापीयूषधारावहनवसुषमक्षौमधामोज्ज्वलाङ्गींवन्दे सिद्धेशचेतस्सरसिजनिलयां चक्रिसौभाग्यऋद्धिम् ॥ ५॥

saundaryodvelahemāmbujamahitamahāsiṃhapīṭhāśrayāḍhyāṃpuṣyannīlāravindapratimavarakṛpāpūrasampūrṇanetrām |jyotsnāpīyūṣadhārāvahanavasuṣamakṣaumadhāmojjvalāṅgīṃvande siddheśacetassarasijanilayāṃ cakrisaubhāgyaṛddhim || 5||

संसारक्लेशहन्त्री स्मितरुचिरमुखीं सारशृङ्गारशोभांसर्वैश्वर्यप्रदात्रीं सरसिजनयनां संस्तुतां साधुवृन्दैः ।संसिद्धस्निग्धभावां सुरहितचरितां सिन्धुराजात्मभूतांसेवे सम्भावनीयानुपमितमहिमां सच्चिदानन्दरूपाम् ॥ ६॥

saṃsārakleśahantrī smitaruciramukhīṃ sāraśṛṅgāraśobhāṃsarvaiśvaryapradātrīṃ sarasijanayanāṃ saṃstutāṃ sādhuvṛndaiḥ |saṃsiddhasnigdhabhāvāṃ surahitacaritāṃ sindhurājātmabhūtāṃseve sambhāvanīyānupamitamahimāṃ saccidānandarūpām || 6||

सिद्धस्वर्णोपमानद्युतिलसिततनुं स्निग्धसम्पूर्णचन्द्रव्रीडासम्पादिवक्त्रां तिलसुमविजयोद्योगनिर्निद्रनासाम् ।तादात्वोत्फुल्लनीलाम्बुजहसनचणात्मीयचक्षुः प्रकाशांबालश्रीलप्रवालप्रियसखचरणद्वन्द्वरम्यां भजेऽहम् ॥ ७॥

siddhasvarṇopamānadyutilasitatanuṃ snigdhasampūrṇacandravrīḍāsampādivaktrāṃ tilasumavijayodyoganirnidranāsām |tādātvotphullanīlāmbujahasanacaṇātmīyacakṣuḥ prakāśāṃbālaśrīlapravālapriyasakhacaraṇadvandvaramyāṃ bhaje'ham || 7||

यां देवीं मौनिवर्याः श्रयदमरवधूमौलिमाल्यार्चिन्ताङ्घ्रिंसंसारासारवारांनिधितरतरणेतरणतरिं सर्वदा भावयन्ते ।श्रीकारोत्तुङ्गरत्नप्रचुरितकनकस्निग्धशुद्धान्तलीलांतां शश्वत्पादपद्मश्रयदखिलहृदाह्लादिनीं ह्लादयेऽहम् ॥ ८॥

yāṃ devīṃ maunivaryāḥ śrayadamaravadhūmaulimālyārcintāṅghriṃsaṃsārāsāravārāṃnidhitarataraṇetaraṇatariṃ sarvadā bhāvayante |śrīkārottuṅgaratnapracuritakanakasnigdhaśuddhāntalīlāṃtāṃ śaśvatpādapadmaśrayadakhilahṛdāhlādinīṃ hlādaye'ham || 8||

आकाशाधीशपुत्रीं श्रितजननिवहाधीनचेतःप्रवृत्तिंवन्दे श्रीवेङ्कटेशप्रभुवरमहिषीं दीनचित्तप्रतोषाम् ।पुष्यत्पादारविन्दप्रसृमरसुमहश्शामितस्वाश्रिन्तान्तस्तामिस्रां तत्त्वरूपां शुकपुरनिलयां सर्वसौभाग्यदात्रीम् ॥ ९॥

ākāśādhīśaputrīṃ śritajananivahādhīnacetaḥpravṛttiṃvande śrīveṅkaṭeśaprabhuvaramahiṣīṃ dīnacittapratoṣām |puṣyatpādāravindaprasṛmarasumahaśśāmitasvāśrintāntastāmisrāṃ tattvarūpāṃ śukapuranilayāṃ sarvasaubhāgyadātrīm || 9||

श्रीशेषशर्माभिनवोपक्लृप्ताप्रियेण भक्त्या च समर्पितेयम् ।पद्मावतीमङ्गलकण्ठभूषाविराजतां श्रीनवरत्नमाला ॥ १०॥

śrīśeṣaśarmābhinavopaklṛptāpriyeṇa bhaktyā ca samarpiteyam |padmāvatīmaṅgalakaṇṭhabhūṣāvirājatāṃ śrīnavaratnamālā || 10||

इति श्रीपद्मावतीनवरत्नमालिकास्तुतिः समाप्ता ॥

iti śrīpadmāvatīnavaratnamālikāstutiḥ samāptā ||