प्रत्यङ्गिरासहस्रनामस्तोत्रम् Shripratyangira Shahasranamastotra

श्रीरुद्रयामलतन्त्रे दशविद्यारहस्येईश्वर उवाच ।शृणु देवि प्रवक्ष्यामि साम्प्रतं त्वत्पुरःसरम् ।सहस्रनाम परमं प्रत्यङ्गिरायाः सिद्धये ॥सहस्रनामपाठे यः सर्वत्र विजयी भवेत् ।पराभवो न चास्यास्ति सभायां वासने रणे ॥तथा तुष्टा भवेद्देवी प्रत्यङ्गिरास्य पाठतः ।यथा भवति देवेशि साधकः शिव एव हि ॥अश्वमेधसहस्राणि वाजपेयस्य कोटयः ।सकृत्पाठेन जायन्ते प्रसन्ना यत्परा भवेत् ॥भैरवोऽस्य ऋषिश्छन्दोऽनुष्टुप् देवि समीरिता ।प्रत्यङ्गिरा विनियोगः स्यात्सर्वसम्पत्ति हेतवे ॥सर्वकार्येषु संसिद्धिः सर्वसम्पत्तिदा भवेत् ।एवं ध्यात्वा पठेद्देवीं यदीछेदात्मनो हितम् ॥अथ ध्यानम् ।आशाम्बरा मुक्तकचा घनच्छविर्ध्येया सचर्मासिकरा विभूषणा ।दंष्ट्रोग्रवक्त्रा ग्रसिताहिता त्वया प्रत्यङ्गिरा शङ्करतेजसेरिता ॥ॐ अस्य श्रीप्रत्यङ्गिरासहस्रनाममहामन्त्रस्य\,भैरव ऋषिः\, अनुष्टुप् छन्दः\, श्रीप्रत्यङ्गिरा देवता\,ह्रीं बीजं\, श्रीं शक्तिः\, स्वाहा कीलकंमम सर्वकार्यसिद्धयर्थे विद्यासिद्ध्यर्थे नामपारायणे विनियोगः ।ॐ देवी प्रत्यङ्गिरा सेव्या शिरसा शशिशेखरा ।समाऽसमा धर्मिणी च समस्तसुरशेमुषी ॥ १॥

śrīrudrayāmalatantre daśavidyārahasyeīśvara uvāca |śṛṇu devi pravakṣyāmi sāmprataṃ tvatpuraḥsaram |sahasranāma paramaṃ pratyaṅgirāyāḥ siddhaye ||sahasranāmapāṭhe yaḥ sarvatra vijayī bhavet |parābhavo na cāsyāsti sabhāyāṃ vāsane raṇe ||tathā tuṣṭā bhaveddevī pratyaṅgirāsya pāṭhataḥ |yathā bhavati deveśi sādhakaḥ śiva eva hi ||aśvamedhasahasrāṇi vājapeyasya koṭayaḥ |sakṛtpāṭhena jāyante prasannā yatparā bhavet ||bhairavo'sya ṛṣiśchando'nuṣṭup devi samīritā |pratyaṅgirā viniyogaḥ syātsarvasampatti hetave ||sarvakāryeṣu saṃsiddhiḥ sarvasampattidā bhavet |evaṃ dhyātvā paṭheddevīṃ yadīchedātmano hitam ||atha dhyānam |āśāmbarā muktakacā ghanacchavirdhyeyā sacarmāsikarā vibhūṣaṇā |daṃṣṭrogravaktrā grasitāhitā tvayā pratyaṅgirā śaṅkaratejaseritā ||oṃ asya śrīpratyaṅgirāsahasranāmamahāmantrasya\,bhairava ṛṣiḥ\, anuṣṭup chandaḥ\, śrīpratyaṅgirā devatā\,hrīṃ bījaṃ\, śrīṃ śaktiḥ\, svāhā kīlakaṃmama sarvakāryasiddhayarthe vidyāsiddhyarthe nāmapārāyaṇe viniyogaḥ |oṃ devī pratyaṅgirā sevyā śirasā śaśiśekharā |samā'samā dharmiṇī ca samastasuraśemuṣī || 1||

सर्वसम्पत्तिजननी समदा सिन्धुसेविनी ।शम्भुसीमन्तिनी सोमाराध्या च वसुधा रसा ॥ २॥

sarvasampattijananī samadā sindhusevinī |śambhusīmantinī somārādhyā ca vasudhā rasā || 2||

रसा रसवती वेला वन्या च वनमालिनी ।वनजाक्षी वनचरी वनी वनविनोदिनी ॥ ३॥

rasā rasavatī velā vanyā ca vanamālinī |vanajākṣī vanacarī vanī vanavinodinī || 3||

वेगिनी वेगदा वेगबला स्थानबलाधिका ।कला कलाप्रिया कौलि कोमला कालकामिनी ॥ ४॥

veginī vegadā vegabalā sthānabalādhikā |kalā kalāpriyā kauli komalā kālakāminī || 4||

कमला कमलास्या च कमलस्था कलावती ।कुलीना कुटिला कान्ता कोकिला कुलभाषिणी ॥ ५॥

kamalā kamalāsyā ca kamalasthā kalāvatī |kulīnā kuṭilā kāntā kokilā kulabhāṣiṇī || 5||

कीरकेलिः कला काली कपालिन्यपि कालिका ।केशिनी च कुशावर्ता कौशाम्बी केशवप्रिया ॥ ६॥

kīrakeliḥ kalā kālī kapālinyapi kālikā |keśinī ca kuśāvartā kauśāmbī keśavapriyā || 6||

काशी काशापहा कांशीसङ्काशा केशदायिनी ।कुण्डली कुण्डलीस्था च कुण्डलाङ्गदमण्डिता ॥ ७॥

kāśī kāśāpahā kāṃśīsaṅkāśā keśadāyinī |kuṇḍalī kuṇḍalīsthā ca kuṇḍalāṅgadamaṇḍitā || 7||

कुशापाशी कुमुदिनी कुमुदप्रीतिवर्धिनी ।कुन्दप्रिया कुन्दरुचिः कुरङ्गमदमोदिनी ॥ ८॥

kuśāpāśī kumudinī kumudaprītivardhinī |kundapriyā kundaruciḥ kuraṅgamadamodinī || 8||

कुरङ्गनयना कुन्दा कुरुवृन्दाभिनन्दिनी ।कुसुम्भकुसुमा किञ्चित्क्वणत्किङ्किणिका कटुः ॥ ९॥

kuraṅganayanā kundā kuruvṛndābhinandinī |kusumbhakusumā kiñcitkvaṇatkiṅkiṇikā kaṭuḥ || 9||

कठोरा करणा कण्ठा कौमुदी कम्बुकण्ठिनी ।कपर्दिनी कपटिनी कठिनी कालकण्ठिका ॥ १०॥

kaṭhorā karaṇā kaṇṭhā kaumudī kambukaṇṭhinī |kapardinī kapaṭinī kaṭhinī kālakaṇṭhikā || 10||

किब्रुहस्ता कुमारी च कुरुन्दा कुसुमप्रिया ।कुञ्जरस्था कुञ्जरता कुम्भिकुम्भस्तनद्वया ॥ ११॥

kibruhastā kumārī ca kurundā kusumapriyā |kuñjarasthā kuñjaratā kumbhikumbhastanadvayā || 11||

कुम्भिका करभोरुश्च कदलीदलशालिनी ।कुपिता कोटरस्था च कङ्काली कन्दशेखरा ॥ १२॥

kumbhikā karabhoruśca kadalīdalaśālinī |kupitā koṭarasthā ca kaṅkālī kandaśekharā || 12||

एकान्तवासिनी किञ्चित्कम्पमानशिरोरुहा ।कादम्बरी कदम्बस्था कुङ्कुमी प्रेमधारिणी ॥ १३॥

ekāntavāsinī kiñcitkampamānaśiroruhā |kādambarī kadambasthā kuṅkumī premadhāriṇī || 13||

कुटुम्बिनी प्रियायुक्ता क्रतुः क्रतुकरी क्रिया ।कात्यायनी कृत्तिका च कार्तिकेयप्रवर्तिनी ॥ १४॥

kuṭumbinī priyāyuktā kratuḥ kratukarī kriyā |kātyāyanī kṛttikā ca kārtikeyapravartinī || 14||

कामपत्नी कामधात्री कामेशी कामवन्दिता ।कामरूपा कामगतिः कामाक्षी काममोहिता ॥ १५॥

kāmapatnī kāmadhātrī kāmeśī kāmavanditā |kāmarūpā kāmagatiḥ kāmākṣī kāmamohitā || 15||

खड्गिनी खेचरी खञ्जा खञ्जरीटेक्षणा खला ।खरगा खरनासा च खरास्या खेलनप्रिया ॥ १६॥

khaḍginī khecarī khañjā khañjarīṭekṣaṇā khalā |kharagā kharanāsā ca kharāsyā khelanapriyā || 16||

खरांशुः खेटिनी खट्वा खरखट्वाङ्गधारिणी ।खलखण्डिनि विख्यातिः खण्डिता खण्डवी स्थिरा ॥ १७॥

kharāṃśuḥ kheṭinī khaṭvā kharakhaṭvāṅgadhāriṇī |khalakhaṇḍini vikhyātiḥ khaṇḍitā khaṇḍavī sthirā || 17||

खण्डप्रिया खण्डखाद्या सेन्दुखण्डा च खञ्जनी ।गङ्गा गोदावरी गौरी गोमत्यापि च गौतमी ॥ १८॥

khaṇḍapriyā khaṇḍakhādyā sendukhaṇḍā ca khañjanī |gaṅgā godāvarī gaurī gomatyāpi ca gautamī || 18||

गया गौर्गजी गगना गारुडी गरुडध्वजा ।गीता गीतप्रिया गोत्रा गोत्रक्षयकरी गदा ॥ १९॥

gayā gaurgajī gaganā gāruḍī garuḍadhvajā |gītā gītapriyā gotrā gotrakṣayakarī gadā || 19||

गिरिभूपालदुहिता गोगा गोकुलवर्धिनी ।घनस्तनी घनरुचिर्घनोरुर्घननिःस्वना ॥ २०॥

giribhūpāladuhitā gogā gokulavardhinī |ghanastanī ghanarucirghanorurghananiḥsvanā || 20||

घूत्कारिणी घूतकरी घुघूकपरिवारिता ।घण्टानादप्रिया घण्टा घनाघोटप्रवाहिनी ॥ २१॥

ghūtkāriṇī ghūtakarī ghughūkaparivāritā |ghaṇṭānādapriyā ghaṇṭā ghanāghoṭapravāhinī || 21||

घोररूपा च घोरा च घूनीप्रीति घनाञ्जनी ।घृताची घनमुष्टिश्च घटाघण्टा घटामृता ॥ २२॥

ghorarūpā ca ghorā ca ghūnīprīti ghanāñjanī |ghṛtācī ghanamuṣṭiśca ghaṭāghaṇṭā ghaṭāmṛtā || 22||

घटास्या घटानादा च घातपातनिवारिणी ।चञ्चरीका चकोरी च चामुण्डा चीरधारिणी ॥ २३॥

ghaṭāsyā ghaṭānādā ca ghātapātanivāriṇī |cañcarīkā cakorī ca cāmuṇḍā cīradhāriṇī || 23||

चातुरी चपला चारुश्चला चेला चलाचला ।चतुश्चिरन्तना चाका चिया चामीकरच्छविः ॥ २४॥

cāturī capalā cāruścalā celā calācalā |catuścirantanā cākā ciyā cāmīkaracchaviḥ || 24||

चापिनी चपला चम्पूश्चित्तचिन्तामणिश्चिता ।चातुर्वर्ण्यमयी चञ्चच्चौरा चापा चमत्कृतिः ॥ २५॥

cāpinī capalā campūścittacintāmaṇiścitā |cāturvarṇyamayī cañcaccaurā cāpā camatkṛtiḥ || 25||

चक्रवर्ति वधूश्चक्रा चक्राङ्गा चक्रमोदिनी ।चेतश्चरी चित्तवृत्तिरचेता चेतनाप्रदा ॥ २६॥

cakravarti vadhūścakrā cakrāṅgā cakramodinī |cetaścarī cittavṛttiracetā cetanāpradā || 26||

चाम्पेयी चम्पकप्रीतिश्चण्डी चण्डालवासिनी । (चप्रिया चक्रिका)चिरञ्जीवितदाचित्ता तरुमूलनिवासिनी ॥ २७॥

cāmpeyī campakaprītiścaṇḍī caṇḍālavāsinī | (capriyā cakrikā)cirañjīvitadācittā tarumūlanivāsinī || 27||

छुरिका छत्रमध्यस्था छिद्रा छेदकरी छिदा ।छुच्छुन्दरीपलप्रीतिः छुन्दरीभनिभस्वना ॥ २८॥

churikā chatramadhyasthā chidrā chedakarī chidā |chucchundarīpalaprītiḥ chundarībhanibhasvanā || 28||

छलिनी छलवच्छिन्ना छिटिका छेककृत्तथा ।छद्मिनी छान्दसी छाया छायाकृच्छादिरित्यपि ॥ २९॥

chalinī chalavacchinnā chiṭikā chekakṛttathā |chadminī chāndasī chāyā chāyākṛcchādirityapi || 29||

जया च जयदा जातिर्जृम्भिणी जामलायुता ।जयापुष्पप्रिया जाया जाप्या जाप्यजगज्जनिः ॥ ३०॥

jayā ca jayadā jātirjṛmbhiṇī jāmalāyutā |jayāpuṣpapriyā jāyā jāpyā jāpyajagajjaniḥ || 30||

जम्बूप्रिया जयस्था च जङ्गमा जङ्गमप्रिया ।जन्तुर्जन्तुप्रधाना च जरत्कर्णा जरद्गवा ॥ ३१॥

jambūpriyā jayasthā ca jaṅgamā jaṅgamapriyā |janturjantupradhānā ca jaratkarṇā jaradgavā || 31||

जातीप्रिया जीवनस्था जीमूतसदृशच्छविः ।जन्या जनहिता जाया जम्भजम्भिलशालिनी ॥ ३२॥

jātīpriyā jīvanasthā jīmūtasadṛśacchaviḥ |janyā janahitā jāyā jambhajambhilaśālinī || 32||

जवदा जववद्वाहा जमानी ज्वरहा ज्वरी ।झञ्झा नीलमयी झञ्झाझणत्कारकराचला ॥ ३३॥

javadā javavadvāhā jamānī jvarahā jvarī |jhañjhā nīlamayī jhañjhājhaṇatkārakarācalā || 33||

झिंटीशा झस्यकृत् झम्पा यमत्रासनिवारिणी ।टङ्कारस्था टङ्कधरा टङ्कारकारणा टसी ॥ ३४॥ वर् टकारस्था

jhiṃṭīśā jhasyakṛt jhampā yamatrāsanivāriṇī |ṭaṅkārasthā ṭaṅkadharā ṭaṅkārakāraṇā ṭasī || 34|| var ṭakārasthā

ठकुरा ठीकृतिश्चैव ठिण्ठीरवसनावृता ।ठण्ठा नीलमयी ठण्ठा ठणत्कारकरा ठसा ॥ ३५॥

ṭhakurā ṭhīkṛtiścaiva ṭhiṇṭhīravasanāvṛtā |ṭhaṇṭhā nīlamayī ṭhaṇṭhā ṭhaṇatkārakarā ṭhasā || 35||

डाकिनी डामरा चैव डिण्डिमध्वनिनादिनी ।ढक्काप्रियस्वना ढक्कातपिनी तापिनी तथा ॥ ३६॥

ḍākinī ḍāmarā caiva ḍiṇḍimadhvaninādinī |ḍhakkāpriyasvanā ḍhakkātapinī tāpinī tathā || 36||

तरुणी तुन्दिला तुन्दा तामसी च तपःप्रिया ।ताम्रा ताम्राम्बरा ताली तालीदलविभूषणा ॥ ३७॥

taruṇī tundilā tundā tāmasī ca tapaḥpriyā |tāmrā tāmrāmbarā tālī tālīdalavibhūṣaṇā || 37||

तुरङ्गा त्वरिता तोता तोतला तादिनी तुला ।तापत्रयहरा तारा तालकेशी तमालिनी ॥ ३८॥

turaṅgā tvaritā totā totalā tādinī tulā |tāpatrayaharā tārā tālakeśī tamālinī || 38||

तमालदलवच्छाया तालस्वनवती तमी ।तामसी च तमिस्रा च तीव्रा तीव्रपराक्रमा ॥ ३९॥

tamāladalavacchāyā tālasvanavatī tamī |tāmasī ca tamisrā ca tīvrā tīvraparākramā || 39||

तटस्थातिलतैलाक्ता तारिणी तपनद्युतिः ।तिलोत्तमा तिलककृत्तारकाधीशशेखरा ॥ ४०॥

taṭasthātilatailāktā tāriṇī tapanadyutiḥ |tilottamā tilakakṛttārakādhīśaśekharā || 40||

तिलपुष्पप्रिया तारा तारकेशकुटुम्बिनी ।स्थाणुपत्नी स्थितिकरी स्थलस्था स्थलवर्धिनी ॥ ४१॥

tilapuṣpapriyā tārā tārakeśakuṭumbinī |sthāṇupatnī sthitikarī sthalasthā sthalavardhinī || 41||

स्थितिस्थैर्या स्थविष्ठा च स्थावतिः स्थूलविग्रहा ।दन्तिनी दण्डिनी दीना दरिद्रा दीनवत्सला ॥ ४२॥

sthitisthairyā sthaviṣṭhā ca sthāvatiḥ sthūlavigrahā |dantinī daṇḍinī dīnā daridrā dīnavatsalā || 42||

देवी देववधूर्दैत्यदमिनी दन्तभूषणा ।दयावती दमवती दमदा दाडिमस्तनी ॥ ४३॥

devī devavadhūrdaityadaminī dantabhūṣaṇā |dayāvatī damavatī damadā dāḍimastanī || 43||

दन्दशूकनिभा दैत्यदारिणी देवताऽऽनना ।दोलाक्रीडा दयालुश्च दम्पती देवतामयी ॥ ४४॥

dandaśūkanibhā daityadāriṇī devatā''nanā |dolākrīḍā dayāluśca dampatī devatāmayī || 44||

दशा दीपस्थिता दोषा दोषहा दोषकारिणी ।दुर्गा दुर्गार्तिशमनी दुर्गमा दुर्गवासिनी ॥ ४५॥

daśā dīpasthitā doṣā doṣahā doṣakāriṇī |durgā durgārtiśamanī durgamā durgavāsinī || 45||

दुर्गन्धनाशिनी दुःस्था दुःस्वप्नशमकारिणी ।दुर्वारा दुन्दुभिध्वाना दूरगा दूरवासिनी ॥ ४६॥

durgandhanāśinī duḥsthā duḥsvapnaśamakāriṇī |durvārā dundubhidhvānā dūragā dūravāsinī || 46||

दरदा दरहा दात्री दयादा दुहिता दशा ।धुरन्धरा धुरीणा च धौरेयी धनदायिनी ॥ ४७॥

daradā darahā dātrī dayādā duhitā daśā |dhurandharā dhurīṇā ca dhaureyī dhanadāyinī || 47||

धीरा धीराधरित्री च धर्मदा धीरमानसा ।धनुर्धरा च धमिनी धूर्ता धूर्तपरिग्रहा ॥ ४८॥

dhīrā dhīrādharitrī ca dharmadā dhīramānasā |dhanurdharā ca dhaminī dhūrtā dhūrtaparigrahā || 48||

धूमवर्णा धूमपाना धूमला धूममोदिनी ।नलिनी नन्दनी नन्दा नन्दिनी नन्दबालिका ॥ ४९॥

dhūmavarṇā dhūmapānā dhūmalā dhūmamodinī |nalinī nandanī nandā nandinī nandabālikā || 49||

नवीना नर्मदा नर्मी नेमिर्नियमनिश्चया ।निर्मला निगमाचरा निम्नगा नग्निका निमिः ॥ ५०॥

navīnā narmadā narmī nemirniyamaniścayā |nirmalā nigamācarā nimnagā nagnikā nimiḥ || 50||

नाला निरन्तरा निघ्नी निर्लेपा निर्गुणा नतिः ।नीलग्रीवा निरीहा च निरञ्जनजनी नवी ॥ ५१॥

nālā nirantarā nighnī nirlepā nirguṇā natiḥ |nīlagrīvā nirīhā ca nirañjanajanī navī || 51||

नवनीतप्रिया नारी नरकार्णवतारिणी ।नारायणी निराकारा निपुणा निपुणप्रिया ॥ ५२॥

navanītapriyā nārī narakārṇavatāriṇī |nārāyaṇī nirākārā nipuṇā nipuṇapriyā || 52||

निशा निद्रा नरेन्द्रस्था नमिता नमितापि च ।निर्गुण्डिका च निर्गुण्डा निर्मांसा नासिकाभिधा ॥ ५३॥

niśā nidrā narendrasthā namitā namitāpi ca |nirguṇḍikā ca nirguṇḍā nirmāṃsā nāsikābhidhā || 53||

पताकिनी पताका च पलप्रीतिर्यशश्विनी ।पीना पीनस्तना पत्नी पवनाशनशायिनी ॥ ५४॥

patākinī patākā ca palaprītiryaśaśvinī |pīnā pīnastanā patnī pavanāśanaśāyinī || 54||

परा पराकला पाका पाककृत्यरतिप्रिया ।पवनस्था सुपवना तापसी प्रीतिवर्धिनी ॥ ५५॥

parā parākalā pākā pākakṛtyaratipriyā |pavanasthā supavanā tāpasī prītivardhinī || 55||

पशुवृद्धिकरी पुष्टिः पोषणी पुष्पवर्धिनी ।पुष्पिणी पुस्तककरा पुन्नागतलवासिनी ॥ ५६॥

paśuvṛddhikarī puṣṭiḥ poṣaṇī puṣpavardhinī |puṣpiṇī pustakakarā punnāgatalavāsinī || 56||

पुरन्दरप्रिया प्रीतिः पुरमार्गनिवासिनी ।पेशा पाशकरा पाशबन्धहा पांशुलापशुः ॥ ५७॥

purandarapriyā prītiḥ puramārganivāsinī |peśā pāśakarā pāśabandhahā pāṃśulāpaśuḥ || 57||

पटः पटाशा परशुधारिणी पाशिनी तथा ।पापघ्नी पतिपत्नी च पतिताऽपतितापि च ॥ ५८॥

paṭaḥ paṭāśā paraśudhāriṇī pāśinī tathā |pāpaghnī patipatnī ca patitā'patitāpi ca || 58||

पिशाची च पिशाचघ्नी पिशिताशनतोषिता ।पानदा पानपात्रा च पानदानकरोद्यता ॥ ५९॥

piśācī ca piśācaghnī piśitāśanatoṣitā |pānadā pānapātrā ca pānadānakarodyatā || 59||

पेषा प्रसिद्धिः पीयूषा पूर्णा पूर्णमनोरथा ।पतद्गर्भा पतद्गात्रा पौनःपुण्यपिवापुरा ॥ ६०॥

peṣā prasiddhiḥ pīyūṣā pūrṇā pūrṇamanorathā |patadgarbhā patadgātrā paunaḥpuṇyapivāpurā || 60||

पङ्किला पङ्कमग्ना च पामीपा पञ्जरस्थिता ।पञ्चमा पञ्चयामा च पञ्चता पञ्चमप्रिया ॥ ६१॥

paṅkilā paṅkamagnā ca pāmīpā pañjarasthitā |pañcamā pañcayāmā ca pañcatā pañcamapriyā || 61||

पञ्चमुद्रा पुण्डरीका पिङ्गला पिङ्गलोचना ।प्रियङ्गुमञ्जरी पिण्डी पण्डिता पाण्डुरप्रभा ॥ ६२॥

pañcamudrā puṇḍarīkā piṅgalā piṅgalocanā |priyaṅgumañjarī piṇḍī paṇḍitā pāṇḍuraprabhā || 62||

प्रेतासना प्रियालुस्था पाण्डुघ्नी पीतसापहा ।फलिनी फलदात्री च फलश्री फणिभूषणा ॥ ६३॥

pretāsanā priyālusthā pāṇḍughnī pītasāpahā |phalinī phaladātrī ca phalaśrī phaṇibhūṣaṇā || 63||

फूत्कारकारिणी स्फारा फुल्ला फुल्लाम्बुजासना ।फिरङ्गहा स्फीतमतिः स्फितिः स्फीतिकरी तथा ॥ ६४॥

phūtkārakāriṇī sphārā phullā phullāmbujāsanā |phiraṅgahā sphītamatiḥ sphitiḥ sphītikarī tathā || 64||

वनमाया बलारातिर्बलिनी बलवर्धिनी ।वेणुवाद्या वनचरी वीरा बीजमयी अपि ॥ ६५॥

vanamāyā balārātirbalinī balavardhinī |veṇuvādyā vanacarī vīrā bījamayī api || 65||

विद्या विद्याप्रदा विद्याबोधिनी वेददायिनी ।बुधमाता च बुद्धा च वनमालावती वरा ॥ ६६॥

vidyā vidyāpradā vidyābodhinī vedadāyinī |budhamātā ca buddhā ca vanamālāvatī varā || 66||

वरदा वारुणी वीणा वीणावादनतत्परा ।विनोदिनी विनोदस्था वैष्णवी विष्णुवल्लभा ॥ ६७॥

varadā vāruṇī vīṇā vīṇāvādanatatparā |vinodinī vinodasthā vaiṣṇavī viṣṇuvallabhā || 67||

विद्या वैद्यचिकित्सा च विवशा विश्वविश्रुता ।वितन्द्रा विह्वला वेला विरावा विरतिर्वरा ॥ ६८॥

vidyā vaidyacikitsā ca vivaśā viśvaviśrutā |vitandrā vihvalā velā virāvā viratirvarā || 68||

विविधार्ककरा वीरा बिम्बोष्ठी बिम्बवत्सला ।विन्ध्यस्था वीरवन्द्या च वरीयानपराचवित् ॥ ६९॥

vividhārkakarā vīrā bimboṣṭhī bimbavatsalā |vindhyasthā vīravandyā ca varīyānaparācavit || 69||

वेदान्तवेद्या वैद्या च वेदस्य विजयप्रदा ।विरोधवर्धिनी वन्ध्या वन्ध्याबन्धनिवारिणी ॥ ७०॥

vedāntavedyā vaidyā ca vedasya vijayapradā |virodhavardhinī vandhyā vandhyābandhanivāriṇī || 70||

भगिनी भगमाला च भवानी भयभाविनी ।भीमा भीमानना भैमी भङ्गुरा भीमदर्शना ॥ ७१॥

bhaginī bhagamālā ca bhavānī bhayabhāvinī |bhīmā bhīmānanā bhaimī bhaṅgurā bhīmadarśanā || 71||

भिल्ली भल्लधरा भीरुर्भेरुण्डी भीर्भयापहा ।भगसर्पिण्यपि भगा भगरूपा भगालया ॥ ७२॥

bhillī bhalladharā bhīrurbheruṇḍī bhīrbhayāpahā |bhagasarpiṇyapi bhagā bhagarūpā bhagālayā || 72||

भगासना भगामोदा भेरी भङ्काररञ्जिता ।भीषणा भीषणारावा भगवत्यपि भूषणा ॥ ७३॥

bhagāsanā bhagāmodā bherī bhaṅkārarañjitā |bhīṣaṇā bhīṣaṇārāvā bhagavatyapi bhūṣaṇā || 73||

भारद्वाजी भोगदात्री भवघ्नी भूतिभूषणा ।भूतिदा भूमिदात्री च भूपतित्वप्रदायिनी ॥ ७४॥

bhāradvājī bhogadātrī bhavaghnī bhūtibhūṣaṇā |bhūtidā bhūmidātrī ca bhūpatitvapradāyinī || 74||

भ्रमरी भ्रामरी नीला भूपालमुकुटस्थिता ।मत्ता मनोहरमना मानिनी मोहनी मही ॥ ७५॥ वर् भामिनी

bhramarī bhrāmarī nīlā bhūpālamukuṭasthitā |mattā manoharamanā māninī mohanī mahī || 75|| var bhāminī

महालक्ष्मीर्मदक्षीबा मदीय मदिरालया ।मदोद्धता मतङ्गस्था माधवी मधुमादिनी ॥ ७६॥

mahālakṣmīrmadakṣībā madīya madirālayā |madoddhatā mataṅgasthā mādhavī madhumādinī || 76||

मेधा मेधाकरी मेध्या मध्या मध्यवयस्थिता ।मद्यपा मांसला मत्स्यमोदिनी मैथुनोद्धता ॥ ७७॥

medhā medhākarī medhyā madhyā madhyavayasthitā |madyapā māṃsalā matsyamodinī maithunoddhatā || 77||

मुद्रा मुद्रावती माता माया महिम मन्दिरा ।महामाया महाविद्या महामारी महेश्वरी ॥ ७८॥

mudrā mudrāvatī mātā māyā mahima mandirā |mahāmāyā mahāvidyā mahāmārī maheśvarī || 78||

महादेववधूर्मान्या मधुरा वीरमण्डला ।मेदस्विनी मीलदश्रीर्महिषासुरमर्दिनी ॥ ७९॥

mahādevavadhūrmānyā madhurā vīramaṇḍalā |medasvinī mīladaśrīrmahiṣāsuramardinī || 79||

मण्डपस्था मठस्था च मदिरागमगर्विता ।मोक्षदा मुण्डमाला च माला मालाविलासिनी ॥ ८०॥

maṇḍapasthā maṭhasthā ca madirāgamagarvitā |mokṣadā muṇḍamālā ca mālā mālāvilāsinī || 80||

मातङ्गिनी च मातङ्गी मतङ्गतनयापि च ।मधुस्रवा मधुरसा मधूककुसुमप्रिया ॥ ८१॥

mātaṅginī ca mātaṅgī mataṅgatanayāpi ca |madhusravā madhurasā madhūkakusumapriyā || 81||

यामिनी यामिनीनाथभूषा यावकरञ्जिता ।यवाङ्कुरप्रिया माया यवनी यवनाधिपा ॥ ८२॥

yāminī yāminīnāthabhūṣā yāvakarañjitā |yavāṅkurapriyā māyā yavanī yavanādhipā || 82||

यमघ्नी यमकन्या च यजमानस्वरूपिणी ।यज्ञा यज्वा यजुर्यज्वा यशोनिकरकारिणी ॥ ८३॥

yamaghnī yamakanyā ca yajamānasvarūpiṇī |yajñā yajvā yajuryajvā yaśonikarakāriṇī || 83||

यज्ञसूत्रप्रदा ज्येष्ठा यज्ञकर्मकरी तथा ।यशस्विनी यकारस्था यूपस्तम्भनिवासिनी ॥ ८४॥

yajñasūtrapradā jyeṣṭhā yajñakarmakarī tathā |yaśasvinī yakārasthā yūpastambhanivāsinī || 84||

रञ्जिता राजपत्नी च रमा रेखा रवेरणी ।रजोवती रजश्चित्रा रजनी रजनीपतिः ॥ ८५॥

rañjitā rājapatnī ca ramā rekhā raveraṇī |rajovatī rajaścitrā rajanī rajanīpatiḥ || 85||

रागिणी राज्यनीराज्या राज्यदा राज्यवर्धिनी ।राजन्वती राजनीतिस्तथा रजतवासिनी ॥ ८६॥

rāgiṇī rājyanīrājyā rājyadā rājyavardhinī |rājanvatī rājanītistathā rajatavāsinī || 86||

रमणी रमणीया च रामा रामावती रतिः ।रेतोवती रतोत्साहा रोगहृद्रोगकारिणी ॥ ८७॥

ramaṇī ramaṇīyā ca rāmā rāmāvatī ratiḥ |retovatī ratotsāhā rogahṛdrogakāriṇī || 87||

रङ्गा रङ्गवती रागा रागज्ञा रागकृद्रणा ।रञ्जिका रञ्जिकारञ्जा रञ्जिनी रक्तलोचना ॥ ८८॥

raṅgā raṅgavatī rāgā rāgajñā rāgakṛdraṇā |rañjikā rañjikārañjā rañjinī raktalocanā || 88||

रक्तचर्मधरा रञ्जा रक्तस्था रक्तवादिनी ।रम्भा रम्भाफलप्रीति रम्भोरु राघवप्रिया ॥ ८९॥

raktacarmadharā rañjā raktasthā raktavādinī |rambhā rambhāphalaprīti rambhoru rāghavapriyā || 89||

रङ्गभृद्रङ्गमधुरा रोदसी रोदसीग्रहा ।रोधकृद्रोधहन्त्री च रोगभृद्रोगशायिनी ॥ ९०॥

raṅgabhṛdraṅgamadhurā rodasī rodasīgrahā |rodhakṛdrodhahantrī ca rogabhṛdrogaśāyinī || 90||

वन्दी वदिस्तुता बन्धा बन्धूककुसुमाधरा ।वन्दीत्रा वन्दितामाता विन्दुरा वैन्दवीविधा ॥ ९१॥

vandī vadistutā bandhā bandhūkakusumādharā |vandītrā vanditāmātā vindurā vaindavīvidhā || 91||

विङ्कि विङ्कपला विङ्का विङ्कस्था विङ्कवत्सला ।वदिर्विलग्ना विप्रा च विधिर्विधिकरी विधा ॥ ९२॥

viṅki viṅkapalā viṅkā viṅkasthā viṅkavatsalā |vadirvilagnā viprā ca vidhirvidhikarī vidhā || 92||

शङ्खिनी शङ्खवलया शङ्खमालावती शमी ।शङ्खपात्राशिनी शङ्खाशङ्खा शङ्खगला शशी ॥ ९३॥

śaṅkhinī śaṅkhavalayā śaṅkhamālāvatī śamī |śaṅkhapātrāśinī śaṅkhāśaṅkhā śaṅkhagalā śaśī || 93||

शंवी शरावती श्यामा श्यामाङ्गी श्यामलोचना ।श्मशानस्था श्मशाना च श्मशानस्थलभूषणा ॥ ९४॥

śaṃvī śarāvatī śyāmā śyāmāṅgī śyāmalocanā |śmaśānasthā śmaśānā ca śmaśānasthalabhūṣaṇā || 94||

शमदा शमहन्त्री च शाकिनी शङ्कुशेखरा ।शान्तिः शान्तिप्रदा शेषा शेषस्था शेषदायिनी ॥ ९५॥

śamadā śamahantrī ca śākinī śaṅkuśekharā |śāntiḥ śāntipradā śeṣā śeṣasthā śeṣadāyinī || 95||

शेमुषी शोषिणी शीरी शौरिः शौर्या शरा शिरिः ।शापहा शापहानीशा शम्पा शपथदायिनी ॥ ९६॥

śemuṣī śoṣiṇī śīrī śauriḥ śauryā śarā śiriḥ |śāpahā śāpahānīśā śampā śapathadāyinī || 96||

शृङ्गिणी शृङ्गपलभुक् शङ्करी शङ्करी च या ।शङ्का शङ्कापहा संस्था शाश्वती शीतला शिवा ॥ ९७॥

śṛṅgiṇī śṛṅgapalabhuk śaṅkarī śaṅkarī ca yā |śaṅkā śaṅkāpahā saṃsthā śāśvatī śītalā śivā || 97||

शिवस्था शवभुक्ता च शववर्णा शिवोदरी ।शायिनी शावशयना शिंशपा शिशुपालिनी ॥ ९८॥

śivasthā śavabhuktā ca śavavarṇā śivodarī |śāyinī śāvaśayanā śiṃśapā śiśupālinī || 98||

शवकुण्डलिनी शैवा शङ्करा शिशिरा शिरा ।शवकाञ्ची शवश्रीका शवमाला शवाकृतिः ॥ ९९॥

śavakuṇḍalinī śaivā śaṅkarā śiśirā śirā |śavakāñcī śavaśrīkā śavamālā śavākṛtiḥ || 99||

शयनी शङ्कुवा शक्तिः शन्तनुः शीलदायिनी ।सिन्धुः सरस्वती सिन्धुसुन्दरी सुन्दरानना ॥ १००॥

śayanī śaṅkuvā śaktiḥ śantanuḥ śīladāyinī |sindhuḥ sarasvatī sindhusundarī sundarānanā || 100||

साधुः सिद्धिः सिद्धिदात्री सिद्धा सिद्धसरस्वती ।सन्ततिः सम्पदा सम्पत्संवित्सरतिदायिनी ॥ १०१॥

sādhuḥ siddhiḥ siddhidātrī siddhā siddhasarasvatī |santatiḥ sampadā sampatsaṃvitsaratidāyinī || 101||

सपत्नी सरसा सारा सरस्वतिकरी स्वधा ।सरःसमा समाना च समाराध्या समस्तदा ॥ १०२॥

sapatnī sarasā sārā sarasvatikarī svadhā |saraḥsamā samānā ca samārādhyā samastadā || 102||

समिद्धा समदा सम्मा सम्मोहा समदर्शना ।समितिः समिधा सीमा सवित्री सविधा सती ॥ १०३॥

samiddhā samadā sammā sammohā samadarśanā |samitiḥ samidhā sīmā savitrī savidhā satī || 103||

सवता सवनादारा सावना समरा समी ।सिमिरा सतता साध्वी सघ्रीची च सहायिनी ॥ १०४॥

savatā savanādārā sāvanā samarā samī |simirā satatā sādhvī saghrīcī ca sahāyinī || 104||

हंसी हंसगतिर्हंसा हंसोज्ज्वलनिचोलुयुक् ।हलिनी हलदा हाला हरश्रीर्हरवल्लभा ॥ १०५॥

haṃsī haṃsagatirhaṃsā haṃsojjvalanicoluyuk |halinī haladā hālā haraśrīrharavallabhā || 105||

हेला हेलावती हेषा ह्रेषस्था ह्रेषवर्धिनी ।हन्ता हन्तिर्हता हत्या हा हन्त तापहारिणी ॥ १०६॥

helā helāvatī heṣā hreṣasthā hreṣavardhinī |hantā hantirhatā hatyā hā hanta tāpahāriṇī || 106||

हङ्कारी हन्तकृद्धङ्का हीहा हाता हताहता ।हेमप्रदा हंसवती हारी हातरिसम्मता ॥ १०७॥

haṅkārī hantakṛddhaṅkā hīhā hātā hatāhatā |hemapradā haṃsavatī hārī hātarisammatā || 107||

होरी होत्री होलिका च होमा होमो हविर्हरिः ।हारिणी हरिणीनेत्रा हिमाचलनिवासिनी ॥ १०८॥

horī hotrī holikā ca homā homo havirhariḥ |hāriṇī hariṇīnetrā himācalanivāsinī || 108||

लम्बोदरी लम्बकर्णा लम्बिका लम्बविग्रहा ।लीला लोलावती लोला ललनी लालिता लता ॥ १०९॥ वर् लोका

lambodarī lambakarṇā lambikā lambavigrahā |līlā lolāvatī lolā lalanī lālitā latā || 109|| var lokā

ललामलोचना लोच्या लोलाक्षी लक्षणा लला ।लम्पती लुम्पती लम्पा लोपामुद्रा ललन्तिनी ॥ ११०॥

lalāmalocanā locyā lolākṣī lakṣaṇā lalā |lampatī lumpatī lampā lopāmudrā lalantinī || 110||

लन्तिका लम्बिका लम्बा लघिमा लघुमध्यमा ।लघीयसी लघुदयी लूता लूतानिवारिणी ॥ १११॥

lantikā lambikā lambā laghimā laghumadhyamā |laghīyasī laghudayī lūtā lūtānivāriṇī || 111||

लोमभृल्लोमलोप्ता च लुलुती लुलुसंयती ।लुलायस्था च लहरी लङ्कापुरपुरन्दरी ॥ ११२॥

lomabhṛllomaloptā ca lulutī lulusaṃyatī |lulāyasthā ca laharī laṅkāpurapurandarī || 112||

लक्ष्मीर्लक्ष्मीप्रदा लक्ष्म्या लक्षाबलमतिप्रदा ।क्षुण्णा क्षुपा क्षणा क्षीणा क्षमा क्षान्तिः क्षणावती ॥ ११३॥

lakṣmīrlakṣmīpradā lakṣmyā lakṣābalamatipradā |kṣuṇṇā kṣupā kṣaṇā kṣīṇā kṣamā kṣāntiḥ kṣaṇāvatī || 113||

क्षामा क्षामोदरी क्षीमा क्षौमभृत्क्षत्रियाङ्गना ।क्षया क्षयकरी क्षीरा क्षीरदा क्षीरसागरा ॥ ११४॥

kṣāmā kṣāmodarī kṣīmā kṣaumabhṛtkṣatriyāṅganā |kṣayā kṣayakarī kṣīrā kṣīradā kṣīrasāgarā || 114||

क्षेमङ्करी क्षयकरी क्षयदा क्षणदा क्षतिः ।क्षुरन्ती क्षुद्रिका क्षुद्रा क्षुत्क्षामा क्षरपातका ॥ ११५॥

kṣemaṅkarī kṣayakarī kṣayadā kṣaṇadā kṣatiḥ |kṣurantī kṣudrikā kṣudrā kṣutkṣāmā kṣarapātakā || 115||

॥ फलश्रुतिः ॥मातुः सहस्रनामेदं प्रत्यङ्गिर्या वरप्रदम् ॥ १॥

|| phalaśrutiḥ ||mātuḥ sahasranāmedaṃ pratyaṅgiryā varapradam || 1||

यः पठेत्प्रयतो नित्यं स एव स्यान्महेश्वरः ।अनाचान्तः पठेन्नित्यं दरिद्रो धनदो भवेत् ॥ २॥

yaḥ paṭhetprayato nityaṃ sa eva syānmaheśvaraḥ |anācāntaḥ paṭhennityaṃ daridro dhanado bhavet || 2||

( वर् यः पठेत्प्रयतो नित्यं दरिद्रो धनदो भवेत्)मूकः स्याद्वाक्पतिर्देवि रोगी निरोगतां व्रजेत् ।अपुत्रः पुत्रमाप्नोति त्रिषु लोकेषु विश्रुतम् ॥ ३॥

( var yaḥ paṭhetprayato nityaṃ daridro dhanado bhavet)mūkaḥ syādvākpatirdevi rogī nirogatāṃ vrajet |aputraḥ putramāpnoti triṣu lokeṣu viśrutam || 3||

वन्ध्यापि सूते तनयान् गावश्च बहुदुग्धदाः ।राजानः पादनम्राः स्युस्तस्यदासा इव स्फुटाः ॥ ४॥

vandhyāpi sūte tanayān gāvaśca bahudugdhadāḥ |rājānaḥ pādanamrāḥ syustasyadāsā iva sphuṭāḥ || 4||

अरयः सङ्क्षयं यान्ति मनसा संस्मृता अपि ।दर्शनादेव जायन्ते नरा नार्योऽपि तद्वशाः ॥ ५॥

arayaḥ saṅkṣayaṃ yānti manasā saṃsmṛtā api |darśanādeva jāyante narā nāryo'pi tadvaśāḥ || 5||

कर्ता हर्ता स्वयंवीरो जायते नात्रसंशयः ।यं यं कामयते कामं तं तं प्राप्नोति निश्चितम् ॥ ६॥

kartā hartā svayaṃvīro jāyate nātrasaṃśayaḥ |yaṃ yaṃ kāmayate kāmaṃ taṃ taṃ prāpnoti niścitam || 6||

दुरितं न च तस्यास्ते नास्ति शोकाः कदाचन ।चतुष्पथेऽर्धरात्रे च यः पठेत्साधकोत्तमः ॥ ७॥

duritaṃ na ca tasyāste nāsti śokāḥ kadācana |catuṣpathe'rdharātre ca yaḥ paṭhetsādhakottamaḥ || 7||

एकाकी निर्भयो धीरो दशावर्तं स्तवोत्तमम् ।मनसा चिन्तितं कार्यं तस्य सिधिर्न संशयः ॥ ८॥

ekākī nirbhayo dhīro daśāvartaṃ stavottamam |manasā cintitaṃ kāryaṃ tasya sidhirna saṃśayaḥ || 8||

विना सहस्रनाम्ना यो जपेन्मन्त्रं कदाचन ।न सिद्धो जायते तस्य मन्त्रः कल्पशतैरपि ॥ ९॥

vinā sahasranāmnā yo japenmantraṃ kadācana |na siddho jāyate tasya mantraḥ kalpaśatairapi || 9||

कुजवारे श्मशाने च मध्याह्ने यो जपेदथ ।शतावर्त्या सर्जयेत कर्ता हर्ता नृणामिह ॥ १०॥

kujavāre śmaśāne ca madhyāhne yo japedatha |śatāvartyā sarjayeta kartā hartā nṛṇāmiha || 10||

रोगान्तर्धो निशायान्ते पठितामसि संस्थितः ।सद्यो नीरोगतामेति यदि स्यान्निर्भयस्तदा ॥ ११॥

rogāntardho niśāyānte paṭhitāmasi saṃsthitaḥ |sadyo nīrogatāmeti yadi syānnirbhayastadā || 11||

अर्धरात्रे श्मशाने वा शनिवारे जपेन्मनुम् ।अष्टोत्तरसहस्रं तद्दशवारं जपेत्ततः ॥ १२॥

ardharātre śmaśāne vā śanivāre japenmanum |aṣṭottarasahasraṃ taddaśavāraṃ japettataḥ || 12||

सहस्रनाम चेत्तद्धि तदा याति स्वयं शिवा ।महापवनरूपेण घोरगोमायुनादिनी ॥ १३॥

sahasranāma cettaddhi tadā yāti svayaṃ śivā |mahāpavanarūpeṇa ghoragomāyunādinī || 13||

तदा यदि न भीतिः स्यात्ततो द्रोहीति वा भवेत् ।तदा पशुबलिं दद्यात्स्वयं गृण्हाति चण्डिका ॥ १४॥

tadā yadi na bhītiḥ syāttato drohīti vā bhavet |tadā paśubaliṃ dadyātsvayaṃ gṛṇhāti caṇḍikā || 14||

यथेष्टं च वरं दत्त्वा याति प्रत्यङ्गिरा शिवा ।रोचनागुरुकस्तूरी कर्पूरमदचन्दनः ॥ १५॥

yatheṣṭaṃ ca varaṃ dattvā yāti pratyaṅgirā śivā |rocanāgurukastūrī karpūramadacandanaḥ || 15||

कुङ्कुमप्रथमाभ्यां तु लिखितं भूर्जपत्रके ।शुभनक्षत्रयोगे तु कृत्रिमाकृतसत्क्रियः ॥ १६॥

kuṅkumaprathamābhyāṃ tu likhitaṃ bhūrjapatrake |śubhanakṣatrayoge tu kṛtrimākṛtasatkriyaḥ || 16||

कृतसम्पातनासिद्धिर्धारयेद्दक्षिणे करे ।सहस्रानाम स्वर्णस्थं कण्ठे वापी जितेन्द्रियः ॥ १७॥

kṛtasampātanāsiddhirdhārayeddakṣiṇe kare |sahasrānāma svarṇasthaṃ kaṇṭhe vāpī jitendriyaḥ || 17||

तदा यन्त्रे नमेन्मन्त्री क्रुद्धा सम्म्रियते नरः ।यस्मै ददाति यः स्वस्ति स भवेद्धनदोपमः ॥ १८॥

tadā yantre namenmantrī kruddhā sammriyate naraḥ |yasmai dadāti yaḥ svasti sa bhaveddhanadopamaḥ || 18||

दुष्टश्वापदजन्तूनां न भीः कुत्रापि जायते ।बालकानामिमां रक्षां गर्भिणीनामपि ध्रुवम् ॥ १९॥

duṣṭaśvāpadajantūnāṃ na bhīḥ kutrāpi jāyate |bālakānāmimāṃ rakṣāṃ garbhiṇīnāmapi dhruvam || 19||

मोहनं स्तम्भनाकर्षमारणोच्चाटनानि च ।यन्त्रधारणतो नूनं जायन्ते साधकस्य तु ॥ २०॥

mohanaṃ stambhanākarṣamāraṇoccāṭanāni ca |yantradhāraṇato nūnaṃ jāyante sādhakasya tu || 20||

नीलवस्त्रे विलिखतं ध्वजायां यदि तिष्ठति ।तदा नष्टा भवत्येव प्रचण्डा परिवाहिनी ॥ २१॥

nīlavastre vilikhataṃ dhvajāyāṃ yadi tiṣṭhati |tadā naṣṭā bhavatyeva pracaṇḍā parivāhinī || 21||

एतज्जप्तं महाभस्म ललाटे यदि धारयेत् ।तद्दर्शनत एव स्युः प्राणिनस्तस्य किङ्कराः ॥ २२॥

etajjaptaṃ mahābhasma lalāṭe yadi dhārayet |taddarśanata eva syuḥ prāṇinastasya kiṅkarāḥ || 22||

राजपत्न्योऽपि वशगाः किमन्याः परयोषितः ।एतज्जप्तं पिबेत्तोयं मासैकेन महाकविः ॥ २३॥

rājapatnyo'pi vaśagāḥ kimanyāḥ parayoṣitaḥ |etajjaptaṃ pibettoyaṃ māsaikena mahākaviḥ || 23||

पण्डितश्च महादीक्षो जायते नात्रसंशयः ।शक्तिं सम्पूज्य देवेशि पठेत्स्तोत्रं वरं शुभम् ॥ २४॥

paṇḍitaśca mahādīkṣo jāyate nātrasaṃśayaḥ |śaktiṃ sampūjya deveśi paṭhetstotraṃ varaṃ śubham || 24||

इह लोके सुखम्भुक्त्वा परत्र त्रिदिवं व्रजेत् ।इति नामसहस्रं तु प्रत्यङ्गिरा मनोहरम् ॥ २५॥

iha loke sukhambhuktvā paratra tridivaṃ vrajet |iti nāmasahasraṃ tu pratyaṅgirā manoharam || 25||

गोप्यं गुप्ततमं लोके गोपनीयं स्वयोनिवत् ॥ २६॥

gopyaṃ guptatamaṃ loke gopanīyaṃ svayonivat || 26||

॥ इति श्रीरुद्रयामले तन्त्रे दशविद्यारहस्येश्रीप्रत्यङ्गिरासहस्रनामस्तोत्रं सम्पूर्णम् ॥

|| iti śrīrudrayāmale tantre daśavidyārahasyeśrīpratyaṅgirāsahasranāmastotraṃ sampūrṇam ||