शक्त्यष्टोत्तरशतदिव्यस्थानीयनामस्तोत्रम् अथवा देवीस्तुती अथवा देवीतीर्थक्षेत्राणि Devistuti or Devi Tirthakshetrani

(गौरी अष्टोत्तरशततीर्थनामस्तोत्रम्)एवमुक्तोऽब्रवीद् दक्षः केषु केषु मयानघे ।तीर्थेषु च त्वं द्रष्टव्या स्तोतव्या कैश्च नामभिः ॥ १॥

(gaurī aṣṭottaraśatatīrthanāmastotram)evamukto'bravīd dakṣaḥ keṣu keṣu mayānaghe |tīrtheṣu ca tvaṃ draṣṭavyā stotavyā kaiśca nāmabhiḥ || 1||

देव्युवाचसर्वदा सर्वभूतेषु द्रष्टव्या सर्वतो भुवि ।सर्वलोकेषु यत् किञ्चिद् रहितं न मया विना ॥ २॥

devyuvācasarvadā sarvabhūteṣu draṣṭavyā sarvato bhuvi |sarvalokeṣu yat kiñcid rahitaṃ na mayā vinā || 2||

तथापि येषु स्थानेषु द्रष्टव्या सिद्धिमीप्सुभिः ।स्मर्तव्या भूतिकामैर्वा तानि वक्ष्यामि तत्त्वतः ॥ ३॥

tathāpi yeṣu sthāneṣu draṣṭavyā siddhimīpsubhiḥ |smartavyā bhūtikāmairvā tāni vakṣyāmi tattvataḥ || 3||

वाराणस्यां विशालाक्षी नैमिषे लिङ्गधारिणी ।प्रयागे ललिता देवी कामाक्षी गन्धमादने ॥ ४॥

vārāṇasyāṃ viśālākṣī naimiṣe liṅgadhāriṇī |prayāge lalitā devī kāmākṣī gandhamādane || 4||

मानसे कुमुदा नाम विश्वकाया तथाम्बरे ।गोमन्ते गोमती नाम मन्दरे कामचारिणी ॥ ५॥

mānase kumudā nāma viśvakāyā tathāmbare |gomante gomatī nāma mandare kāmacāriṇī || 5||

मदोत्कटा चैत्ररथे जयन्ती हस्तिनापुरे ।कान्यकुब्जे तथा गौरी रम्भा मलयपर्वते ॥ ६॥

madotkaṭā caitrarathe jayantī hastināpure |kānyakubje tathā gaurī rambhā malayaparvate || 6||

एकाम्रके कीर्तिमती विश्वा विश्वेश्वरे विदुः ।पुष्करे पुरुहूतेति केदारे मार्गदायिनी ॥ ७॥

ekāmrake kīrtimatī viśvā viśveśvare viduḥ |puṣkare puruhūteti kedāre mārgadāyinī || 7||

नन्दा हिमवतः पृष्ठे गोकर्णे भद्रकर्णिका ।स्थाण्वीश्वरे भवानी तु बिल्वके बिल्वपत्रिका ॥ ८॥

nandā himavataḥ pṛṣṭhe gokarṇe bhadrakarṇikā |sthāṇvīśvare bhavānī tu bilvake bilvapatrikā || 8||

श्रीशैले माधवी नाम भद्रा भद्रेश्चरे तथा ।जया वराहशैले तु कमला कमलालये ॥ ९॥

śrīśaile mādhavī nāma bhadrā bhadreścare tathā |jayā varāhaśaile tu kamalā kamalālaye || 9||

रुद्रकोट्यां च रुद्राणी काली कालञ्जरे गिरौ ।महालिङ्गे तु कपिला मर्कोटे मुकुटेश्वरी ॥ १०॥

rudrakoṭyāṃ ca rudrāṇī kālī kālañjare girau |mahāliṅge tu kapilā markoṭe mukuṭeśvarī || 10||

शालग्रामे महादेवी शिवलिङ्गे जलप्रिया ।मायापुयां कुमारी तु सन्ताने ललिता तथा ॥ ११॥

śālagrāme mahādevī śivaliṅge jalapriyā |māyāpuyāṃ kumārī tu santāne lalitā tathā || 11||

उत्पलाक्षी सहस्राक्षे कमलाक्षे महोत्पला ।गङ्गायां मङ्गला नाम विमला पुरुषोत्तमे ॥ १२॥

utpalākṣī sahasrākṣe kamalākṣe mahotpalā |gaṅgāyāṃ maṅgalā nāma vimalā puruṣottame || 12||

विपाशायाममोघाक्षी पाटला पुण्ड्रवर्धने ।नारायणी सुपार्श्वे तु विकूटे भद्रसुन्दरी ॥ १३॥

vipāśāyāmamoghākṣī pāṭalā puṇḍravardhane |nārāyaṇī supārśve tu vikūṭe bhadrasundarī || 13||

विपुले विपुला नाम कल्याणी मलयाचले ।कोटवी कोटितीर्थे तु सुगन्धा माधवे वने ॥ १४॥

vipule vipulā nāma kalyāṇī malayācale |koṭavī koṭitīrthe tu sugandhā mādhave vane || 14||

गोदाश्रमे त्रिसन्ध्या तु गङ्गाद्वारे रतिप्रिया ।शिवकुण्डे शिवानन्दा नन्दिनी देविकातटे ॥ १५॥

godāśrame trisandhyā tu gaṅgādvāre ratipriyā |śivakuṇḍe śivānandā nandinī devikātaṭe || 15||

रुक्मिणी द्वारवत्यां तु राधा वृन्दावने वने ।देवकी मथुरायां तु पाताले परमेश्वरी ॥ १६॥

rukmiṇī dvāravatyāṃ tu rādhā vṛndāvane vane |devakī mathurāyāṃ tu pātāle parameśvarī || 16||

चित्रकूटे तथा सीता विन्ध्ये विन्ध्यनिवासिनी । वर् विन्ध्याधिवासिनीसह्याद्रावेकवीरा तु हरिश्चन्द्रे तु चन्द्रिका ॥ १७॥

citrakūṭe tathā sītā vindhye vindhyanivāsinī | var vindhyādhivāsinīsahyādrāvekavīrā tu hariścandre tu candrikā || 17||

रमणा रामतीर्थे तु यमुनायां मृगावती ।करवीरे महालक्ष्मीरुमादेवी विनायके ॥ १८॥

ramaṇā rāmatīrthe tu yamunāyāṃ mṛgāvatī |karavīre mahālakṣmīrumādevī vināyake || 18||

अरोगा वैद्यनाथे तु महाकाले महेश्वरी ।अभयेत्युष्णतीर्थेषु चामृता विन्ध्यकन्दरे ॥ १९॥

arogā vaidyanāthe tu mahākāle maheśvarī |abhayetyuṣṇatīrtheṣu cāmṛtā vindhyakandare || 19||

माण्डव्ये माण्डवी नाम स्वाहा माहेश्वरे पुरे ।छागलाण्डे प्रचण्डा तु चण्डिका मकरन्दके ॥ २०॥

māṇḍavye māṇḍavī nāma svāhā māheśvare pure |chāgalāṇḍe pracaṇḍā tu caṇḍikā makarandake || 20||

सोमेश्वरे वरारोहा प्रभासे पुष्करावती ।देवमाता सरस्वत्या पारावारतटे मता ॥ २१॥

someśvare varārohā prabhāse puṣkarāvatī |devamātā sarasvatyā pārāvārataṭe matā || 21||

महालये महाभागा पयोष्ण्यां पिङ्गलेश्वरी ।सिंहिका कृतशौचे तु कार्तिकेये यशस्करी ॥ २२॥

mahālaye mahābhāgā payoṣṇyāṃ piṅgaleśvarī |siṃhikā kṛtaśauce tu kārtikeye yaśaskarī || 22||

उत्पलावर्तके लोला सुभद्रा शोणसङ्गमे ।माता सिद्धपुरे लक्ष्मीरङ्गना भरताश्रमे ॥ २३॥

utpalāvartake lolā subhadrā śoṇasaṅgame |mātā siddhapure lakṣmīraṅganā bharatāśrame || 23||

जालन्धरे विश्वमुखी तारा किष्किन्धपर्वते ।देवदारुवने पुष्टिर्मेधा काश्मीरमण्डले ॥ २४॥

jālandhare viśvamukhī tārā kiṣkindhaparvate |devadāruvane puṣṭirmedhā kāśmīramaṇḍale || 24||

भीमा देवी हिमाद्रौ तु पुष्टिर्विश्वेश्वरे तथा ।कपालमोचने शुद्धिर्माता कायावरोहणे ॥ २५॥

bhīmā devī himādrau tu puṣṭirviśveśvare tathā |kapālamocane śuddhirmātā kāyāvarohaṇe || 25||

शङ्खोद्धारे ध्वनिर्नाम धृतिः पिण्डारके तथा ।काला तु चन्द्रभागायामच्छोदे शिवकारिणी ॥ २६॥

śaṅkhoddhāre dhvanirnāma dhṛtiḥ piṇḍārake tathā |kālā tu candrabhāgāyāmacchode śivakāriṇī || 26||

वेणायाममृता नाम बदर्यामुर्वशी तथा ।औषधी चोत्तरकुरौ कुशद्वीपे कुशोदका ॥ २७॥

veṇāyāmamṛtā nāma badaryāmurvaśī tathā |auṣadhī cottarakurau kuśadvīpe kuśodakā || 27||

मन्मथा हेमकूटे तु मुकुटे सत्यवादिनी ।अश्वत्थे वन्दनीया तु निधिर्वैश्रवणालये ॥ २८॥

manmathā hemakūṭe tu mukuṭe satyavādinī |aśvatthe vandanīyā tu nidhirvaiśravaṇālaye || 28||

गायत्री वेदवदने पार्वती शिवसन्निधौ ।देवलोके तथेन्द्राणी ब्रह्मास्येषु सरस्वती ॥ २९॥

gāyatrī vedavadane pārvatī śivasannidhau |devaloke tathendrāṇī brahmāsyeṣu sarasvatī || 29||

सूर्यबिम्बे प्रभा नाम मातृणां वैष्णवी मता ।अरुन्धती सतीनां तु रामसु च तिलोत्तमा ॥ ३०॥

sūryabimbe prabhā nāma mātṛṇāṃ vaiṣṇavī matā |arundhatī satīnāṃ tu rāmasu ca tilottamā || 30||

चित्ते ब्रह्मकला नाम शक्तिः सर्वशरीरिणाम् ।एतदुद्देशतः प्रोक्तं नामाष्टशतमुत्तमम् ॥ ३१॥

citte brahmakalā nāma śaktiḥ sarvaśarīriṇām |etaduddeśataḥ proktaṃ nāmāṣṭaśatamuttamam || 31||

अष्टोत्तरं च तीर्थानां शतमेतदुदाहृतम् ।यः स्मरेच्छृणुयाद् वापि सर्वपापैः प्रमुच्यते ॥ ३२॥

aṣṭottaraṃ ca tīrthānāṃ śatametadudāhṛtam |yaḥ smarecchṛṇuyād vāpi sarvapāpaiḥ pramucyate || 32||

एषु तीर्थेषु यः कृत्वा स्नानं पश्यति मां नरः ।सर्वपापविनिर्मुक्तः कल्पं शिवपुरे वसेत् ॥ ३३॥

eṣu tīrtheṣu yaḥ kṛtvā snānaṃ paśyati māṃ naraḥ |sarvapāpavinirmuktaḥ kalpaṃ śivapure vaset || 33||

यस्तु मत्परमं कालं करोत्येतेषु मानवः ।स भित्त्वा ब्रह्मसदनं पदमभ्येति शाङ्करम् ॥ ३४॥

yastu matparamaṃ kālaṃ karotyeteṣu mānavaḥ |sa bhittvā brahmasadanaṃ padamabhyeti śāṅkaram || 34||

नाम्नामष्टशतं यस्तु श्रावयेच्छिवसन्निधौ ।तृतीयायामथाष्टम्यां बहुपुत्रो भवेन्नरः ॥ ३५॥

nāmnāmaṣṭaśataṃ yastu śrāvayecchivasannidhau |tṛtīyāyāmathāṣṭamyāṃ bahuputro bhavennaraḥ || 35||

गोदाने श्राद्धदाने वा अन्यहनि वा बुधः ।देवार्चनविधौ विद्वान् पठन् ब्रह्माधिगच्छति ॥ ३६॥

godāne śrāddhadāne vā anyahani vā budhaḥ |devārcanavidhau vidvān paṭhan brahmādhigacchati || 36||

इति मत्स्यपुराणे त्रयोदशोऽध्याये देवीस्तुतिः समाप्ता ।श्रीशक्त्यष्टोत्तरशतदिव्यस्थानीयनामस्तोत्रम्गौरी अष्टोत्तरशततीर्थनामस्तोत्रम्मत्स्यपुराण १३/२४

iti matsyapurāṇe trayodaśo'dhyāye devīstutiḥ samāptā |śrīśaktyaṣṭottaraśatadivyasthānīyanāmastotramgaurī aṣṭottaraśatatīrthanāmastotrammatsyapurāṇa 13/24