देव्यष्टकम् Devyashtakam

श्रीगणेशाय नमः ।महादेवीं महाशक्तिं भवानीं भववल्लभाम् ।भवार्तिभञ्जनकरीं वन्दे त्वां लोकमातरम् ॥ १॥

śrīgaṇeśāya namaḥ |mahādevīṃ mahāśaktiṃ bhavānīṃ bhavavallabhām |bhavārtibhañjanakarīṃ vande tvāṃ lokamātaram || 1||

भक्तप्रियां भक्तिगम्यां भक्तानां कीर्तिवर्धिकाम् ।भवप्रियां सतीं देवीं वन्दे त्वां भक्तवत्सलाम् ॥ २॥

bhaktapriyāṃ bhaktigamyāṃ bhaktānāṃ kīrtivardhikām |bhavapriyāṃ satīṃ devīṃ vande tvāṃ bhaktavatsalām || 2||

अन्नपूर्णां सदापूर्णां पार्वतीं पर्वपूजिताम् ।महेश्वरीं वृषारूढां वन्दे त्वां परमेश्वरीम् ॥ ३॥

annapūrṇāṃ sadāpūrṇāṃ pārvatīṃ parvapūjitām |maheśvarīṃ vṛṣārūḍhāṃ vande tvāṃ parameśvarīm || 3||

कालरात्रिं महारात्रिं मोहरात्रिं जनेश्वरीम् ।शिवकान्तां शम्भुशक्तिं वन्दे त्वां जननीमुमाम् ॥ ४॥

kālarātriṃ mahārātriṃ moharātriṃ janeśvarīm |śivakāntāṃ śambhuśaktiṃ vande tvāṃ jananīmumām || 4||

जगत्कर्त्रीं जगद्धात्रीं जगत्संहारकारिणीम् ।मुनिभिः संस्तुतां भद्रां वन्दे त्वां मोक्षदायिनीम् ॥ ५॥

jagatkartrīṃ jagaddhātrīṃ jagatsaṃhārakāriṇīm |munibhiḥ saṃstutāṃ bhadrāṃ vande tvāṃ mokṣadāyinīm || 5||

देवदुःखहरामम्बां सदा देवसहायकाम् ।मुनिदेवैः सदासेव्यां वन्दे त्वां देवपूजिताम् ॥ ६॥

devaduḥkhaharāmambāṃ sadā devasahāyakām |munidevaiḥ sadāsevyāṃ vande tvāṃ devapūjitām || 6||

त्रिनेत्रां शङ्करीं गौरीं भोगमोक्षप्रदां शिवाम् ।महामायां जगद्बीजां वन्दे त्वां जगदीश्वरीम् ॥ ७॥

trinetrāṃ śaṅkarīṃ gaurīṃ bhogamokṣapradāṃ śivām |mahāmāyāṃ jagadbījāṃ vande tvāṃ jagadīśvarīm || 7||

शरणागतजीवानां सर्वदुःखविनाशिनीम् ।सुखसम्पत्करां नित्यां वन्दे त्वां प्रकृतिं पराम् ॥ ८॥

śaraṇāgatajīvānāṃ sarvaduḥkhavināśinīm |sukhasampatkarāṃ nityāṃ vande tvāṃ prakṛtiṃ parām || 8||

शरणागतजीवानां सर्वदुःखविनाशिनीम् ।सुखसम्पत्करां नित्यां वन्दे त्वां प्रकृतिं पराम् ॥ ९॥

śaraṇāgatajīvānāṃ sarvaduḥkhavināśinīm |sukhasampatkarāṃ nityāṃ vande tvāṃ prakṛtiṃ parām || 9||

देव्यष्टकमिदं पुण्यं योगानन्देन निर्मितम् ।यः पठेद्भक्तिभावेन लभते स परं सुखम् ॥ १०॥

devyaṣṭakamidaṃ puṇyaṃ yogānandena nirmitam |yaḥ paṭhedbhaktibhāvena labhate sa paraṃ sukham || 10||

इति योगानन्दविरचितं श्रीदेव्यष्टकं सम्पूर्णम् ॥

iti yogānandaviracitaṃ śrīdevyaṣṭakaṃ sampūrṇam ||