आर्यतारानमस्कारैकविंशतिस्तोत्रम् Aryataranamaskaraikavimshati Stotram

ॐ नमो भगवत्यै आर्यश्रीएकविंशतितारायै ।नमस्तारे तुरे वीरे क्षणद्युतिनिभेक्षणे ।त्रैलोक्यनाथवक्त्राब्जविकसत्कमलोद्भवे ॥ १॥

oṃ namo bhagavatyai āryaśrīekaviṃśatitārāyai |namastāre ture vīre kṣaṇadyutinibhekṣaṇe |trailokyanāthavaktrābjavikasatkamalodbhave || 1||

नमः शतशरच्चन्द्रसम्पूर्णेव वरानने ।तारासहस्रकिरणैः प्रहसत्किरणोज्ज्वले ॥ २॥

namaḥ śataśaraccandrasampūrṇeva varānane |tārāsahasrakiraṇaiḥ prahasatkiraṇojjvale || 2||

नमः कनकनीलाब्जपाणिपद्मविभूषिते ।दानवीर्यतपःशा(क्षा)न्तितितिक्षाध्यानगोचरे ॥ ३॥

namaḥ kanakanīlābjapāṇipadmavibhūṣite |dānavīryatapaḥśā(kṣā)ntititikṣādhyānagocare || 3||

नमस्तथागतोष्णीषविजयानन्तचारिणि ।शेषपारमिताप्राप्तजिनपुत्रनिषेविते ॥ ४॥

namastathāgatoṣṇīṣavijayānantacāriṇi |śeṣapāramitāprāptajinaputraniṣevite || 4||

नमस्तुतारहुङ्कारपूरिताशादिगन्तरे ।सप्तलोकक्रमाक्रा(न्ते) अशेषकरुणा(णे)क्षणे ॥ ५॥

namastutārahuṅkārapūritāśādigantare |saptalokakramākrā(nte) aśeṣakaruṇā(ṇe)kṣaṇe || 5||

नमः शक्रानलब्रह्ममरुद्विश्वेश्वरार्चिते ।भूतवेतालगन्धर्वगणयक्षपुरस्कृते ॥ ६॥

namaḥ śakrānalabrahmamarudviśveśvarārcite |bhūtavetālagandharvagaṇayakṣapuraskṛte || 6||

नमः स्त्रदिति फट्कार परजत्र(यन्त्र)प्रमर्दिनि ।प्रत्यालीढपदन्यासे शिखी(खि)ज्वालाकुलोज्ज्वले ॥ ७॥

namaḥ straditi phaṭkāra parajatra(yantra)pramardini |pratyālīḍhapadanyāse śikhī(khi)jvālākulojjvale || 7||

नमस्तुरे महाघोरे मालवीरविनाशिनि ।भृकुटीकृतवक्त्राब्जसर्वशत्रुनिसुन्दनी(षूदिनि) ॥ ८॥

namasture mahāghore mālavīravināśini |bhṛkuṭīkṛtavaktrābjasarvaśatrunisundanī(ṣūdini) || 8||

नमः स्त्रीरत्नमुद्राङ्कहृदयाङ्गुलिभूषिते ।भूषिताशेषदिक्चक्रनिकरस्वकराकुले ॥ ९॥

namaḥ strīratnamudrāṅkahṛdayāṅgulibhūṣite |bhūṣitāśeṣadikcakranikarasvakarākule || 9||

नमः प्रमुदिताशेषमुक्ताक्षीरप्रसारिणि ।हसत्प्रहसतुत्तारे मारलोलवशङ्करि ॥ १०॥

namaḥ pramuditāśeṣamuktākṣīraprasāriṇi |hasatprahasatuttāre māralolavaśaṅkari || 10||

नमः समन्तभूपालपत(ट)लाकर्षण(णे)क्षणे ।चरभृकुटिहूङ्कारसर्वापदविमोचनी(चिनि) ॥ ११॥

namaḥ samantabhūpālapata(ṭa)lākarṣaṇa(ṇe)kṣaṇe |carabhṛkuṭihūṅkārasarvāpadavimocanī(cini) || 11||

नमः श्रीखण्डखण्डेन्दु(सु)मुक्ताभरण(णो)ज्ज्वले ।अमिताभजिताभारभासुरे किरणोद्ध्रुवे(द्धुरे) ॥ १२॥

namaḥ śrīkhaṇḍakhaṇḍendu(su)muktābharaṇa(ṇo)jjvale |amitābhajitābhārabhāsure kiraṇoddhruve(ddhure) || 12||

नमः कल्पान्तहुतभुगज्वालामालान्तरे(र)स्थिते ।आलीढमुदि(द्रि)ताबद्धरिपुचक्रविनाशिनी(नि) ॥ १३॥

namaḥ kalpāntahutabhugajvālāmālāntare(ra)sthite |ālīḍhamudi(dri)tābaddharipucakravināśinī(ni) || 13||

नमः करतरा(ला)घाट(त)चरणाहतभूतले ।भृकुटीकृतहुङ्कारसप्तपातालभेदिनी(नि) ॥ १४॥

namaḥ karatarā(lā)ghāṭa(ta)caraṇāhatabhūtale |bhṛkuṭīkṛtahuṅkārasaptapātālabhedinī(ni) || 14||

नमः शिवे शुभे शान्ते शान्तनिर्वाणगोचरे ।स्वाहाप्रणवसंयुक्ते महापातकनाशनी(शिनि) ॥ १५॥

namaḥ śive śubhe śānte śāntanirvāṇagocare |svāhāpraṇavasaṃyukte mahāpātakanāśanī(śini) || 15||

नमः प्रमुदिताबद्धरिगात्रप्रभेदिनि ।दशाक्षरपदन्यासे विद्याहुङ्कारदीपिते ॥ १६॥

namaḥ pramuditābaddharigātraprabhedini |daśākṣarapadanyāse vidyāhuṅkāradīpite || 16||

नम(स्तारे) तुरे पादघातहुङ्कारवीजिते ।मेरुमण्डलकैलाशभुवनत्रयचारिणी(णि) ॥ १७॥

nama(stāre) ture pādaghātahuṅkāravījite |merumaṇḍalakailāśabhuvanatrayacāriṇī(ṇi) || 17||

नमः सुरे स(श)राकारहरिणाङ्ककरे(र)स्थिते ।हरिद्विरुक्तफट्कार(रे) अशेषविषनाशिणी(नि) ॥ १८॥

namaḥ sure sa(śa)rākārahariṇāṅkakare(ra)sthite |haridviruktaphaṭkāra(re) aśeṣaviṣanāśiṇī(ni) || 18||

नमः सुरासुरगणयक्षकिन्नरसेविते ।अबुद्धमुदिताभोगकरी(रि) दुःस्वप्ननाशिनी(नि) ॥ १९॥

namaḥ surāsuragaṇayakṣakinnarasevite |abuddhamuditābhogakarī(ri) duḥsvapnanāśinī(ni) || 19||

नमश्चन्द्रार्कसम्पूर्णनयनद्युतिभास्वरे ।ताराद्विरुक्ततुत्तारे विषमज्वल(र)नाशिनि ॥ २०॥

namaścandrārkasampūrṇanayanadyutibhāsvare |tārādviruktatuttāre viṣamajvala(ra)nāśini || 20||

नमः स्त्रीतत्त्वविन्यासे शिवशक्तिसमन्विते ।ग्रहवेतार(ल)यक्षोष्मनाशिनि प्रवरे तुरे ॥ २१॥

namaḥ strītattvavinyāse śivaśaktisamanvite |grahavetāra(la)yakṣoṣmanāśini pravare ture || 21||

मन्त्रमूलमिदं स्तोत्रं नमस्कारैकविंशतिः(ति) ।यः पठेत्प्रातः(पठेत् प्रयतः) धीमान् देव्याभक्तिसमन्विते(तः) ॥ २२॥

mantramūlamidaṃ stotraṃ namaskāraikaviṃśatiḥ(ti) |yaḥ paṭhetprātaḥ(paṭhet prayataḥ) dhīmān devyābhaktisamanvite(taḥ) || 22||

सायं वा प्रातरुत्थाय स्मरेत् सर्वाभयप्रदम् ।सर्वपापप्रशमनं सर्वदुर्गतिनाशनम् ॥ २३॥

sāyaṃ vā prātarutthāya smaret sarvābhayapradam |sarvapāpapraśamanaṃ sarvadurgatināśanam || 23||

अभिषिक्तो भवेत् तूर्णं सप्तभिर्जिनकोटिभिः ।मासमात्रेण चैवासौ सुखं बौद्धपदं व्रजेत् ॥ २४॥

abhiṣikto bhavet tūrṇaṃ saptabhirjinakoṭibhiḥ |māsamātreṇa caivāsau sukhaṃ bauddhapadaṃ vrajet || 24||

विषं तस्य महाघोरं स्थावरं चाथ जङ्गमम् ।स्मरणान्न पदं याति खादितं पि(पी)तमेव वा ॥ २५॥

viṣaṃ tasya mahāghoraṃ sthāvaraṃ cātha jaṅgamam |smaraṇānna padaṃ yāti khāditaṃ pi(pī)tameva vā || 25||

ग्रहजो(जा)लविषार्तानां परस्त्रीविषनाशनम् ।अन्येषां चैव सत्त्वानां द्विसप्तमभिवर्तितम् ॥ २६॥

grahajo(jā)laviṣārtānāṃ parastrīviṣanāśanam |anyeṣāṃ caiva sattvānāṃ dvisaptamabhivartitam || 26||

पुत्रकामो लभेत् पुत्रं घनकामो लभेद्धनम् ।सर्वकामानवाप्नोति न विघ्नैः प्रतिहन्यते ॥ २७॥

putrakāmo labhet putraṃ ghanakāmo labheddhanam |sarvakāmānavāpnoti na vighnaiḥ pratihanyate || 27||

इति श्रीसम्यक्सम्बुद्धवैलो(रो)चनभाषितं भगवत्यार्यतारादेव्यानमस्कारैकविंशतिनामाष्टोत्तरशतकं बुद्धभाषितं परिसम्पूर्णम् ॥

iti śrīsamyaksambuddhavailo(ro)canabhāṣitaṃ bhagavatyāryatārādevyānamaskāraikaviṃśatināmāṣṭottaraśatakaṃ buddhabhāṣitaṃ parisampūrṇam ||