आर्यतारास्तुतिः Aryatara Stuti

नमस्तारायै ।सुखदचक्रचारुचूडामणिरुचिरमरीचिसञ्चयप्रचुरशिखाप्रचारपरिचुम्बितचर्चितचरणचन्द्रके ।जगति चराचरेऽपि साचीकृतचकितकृपालुलोचनेस्तुतिवचनोपचारमुचिताचरतिं रचयामि देवि ते ॥ १॥

namastārāyai |sukhadacakracārucūḍāmaṇiruciramarīcisañcayapracuraśikhāpracāraparicumbitacarcitacaraṇacandrake |jagati carācare'pi sācīkṛtacakitakṛpālulocanestutivacanopacāramucitācaratiṃ racayāmi devi te || 1||

नखरकठोरकोटिकुट्टितकरिकटतटपाटनोत्कटाःप्रविकटरुधिरपटलपटपालिता अटवीविलुण्ठकाः ।विकटसटाट्टहासघटितावटतटघटानोद्भटास्त्वज्जुषिझटिति यान्ति सटिनः कुण्ठादपि कुण्ठशक्तिताम् ॥ २॥

nakharakaṭhorakoṭikuṭṭitakarikaṭataṭapāṭanotkaṭāḥpravikaṭarudhirapaṭalapaṭapālitā aṭavīviluṇṭhakāḥ |vikaṭasaṭāṭṭahāsaghaṭitāvaṭataṭaghaṭānodbhaṭāstvajjuṣijhaṭiti yānti saṭinaḥ kuṇṭhādapi kuṇṭhaśaktitām || 2||

मलिनमहाकपोलतलविगलितमदजलमलनविह्वलाःस्खलदलिजालबहलकोलाहललितविलासलासिनः ।विचलितकर्णतालपवनाहतललितविलेपधूलयःपथि न गजाश्चलन्ति कुलशैलतुलास्तव ला(ना)मलालिताः ॥ ३॥

malinamahākapolatalavigalitamadajalamalanavihvalāḥskhaladalijālabahalakolāhalalitavilāsalāsinaḥ |vicalitakarṇatālapavanāhatalalitavilepadhūlayaḥpathi na gajāścalanti kulaśailatulāstava lā(nā)malālitāḥ || 3||

मारुतघातजातरभसोच्छलदनलशिखाकदम्बकप्रतिहतपुरपुरन्ध्रिहाहारवत्वरितदिगन्तभैरवः ।उद्धतधूम्रधूमधूलिधुतबद्धघनान्धकारकंत्वन्नतिनीतिगतिरेति शमं बहुशो हुताशनः ॥ ४॥

mārutaghātajātarabhasocchaladanalaśikhākadambakapratihatapurapurandhrihāhāravatvaritadigantabhairavaḥ |uddhatadhūmradhūmadhūlidhutabaddhaghanāndhakārakaṃtvannatinītigatireti śamaṃ bahuśo hutāśanaḥ || 4||

चलितलतावितानकुटिलोद्गमदुर्गमगहनवर्तिनःसपदि पुरो नरस्य तारेति मनागपि नामधारिणः ।स्फीतफणौघघोरफूत्कारपरिस्फुरतानलस्फुटस्फुरदुरुविस्फुलिङ्गविस्फारिणि फणिनि विषं विनश्यति ॥ ५॥

calitalatāvitānakuṭilodgamadurgamagahanavartinaḥsapadi puro narasya tāreti manāgapi nāmadhāriṇaḥ |sphītaphaṇaughaghoraphūtkāraparisphuratānalasphuṭasphuraduruvisphuliṅgavisphāriṇi phaṇini viṣaṃ vinaśyati || 5||

क्षणकृतकोपकम्पकरकर्षितखरकरवालनिर्मलव्यतिकरकरकरवालविकरालमहाबलभुजार्गलः ।प्रस्थितपथिकनिकटकटविघटनपटुरतिनिष्ठुराशयोभगवति भक्तिवन्तुमुपसर्पति तव न वनेऽपि तस्करः ॥ ६॥

kṣaṇakṛtakopakampakarakarṣitakharakaravālanirmalavyatikarakarakaravālavikarālamahābalabhujārgalaḥ |prasthitapathikanikaṭakaṭavighaṭanapaṭuratiniṣṭhurāśayobhagavati bhaktivantumupasarpati tava na vane'pi taskaraḥ || 6||

योऽपि नरेन्द्रवीरहुङ्कारकचग्रहनिग्रहोग्रहग्रस्त इव रज्जुहिञ्जीरवजर्जरिताङ्गपञ्जरः ।प्रतिपदखनखनायमानमुखरीकृतखरखरशृङ्खलावलिस्त्वच्चरणारविन्दमभिवन्द्य स नन्दति मुक्तबन्धनः ॥ ७॥

yo'pi narendravīrahuṅkārakacagrahanigrahograhagrasta iva rajjuhiñjīravajarjaritāṅgapañjaraḥ |pratipadakhanakhanāyamānamukharīkṛtakharakharaśṛṅkhalāvalistvaccaraṇāravindamabhivandya sa nandati muktabandhanaḥ || 7||

कलकलकलिललोलकल्लोलजलोल्ललत्कालिकानिलास्फालितविपुलबहलवेलाकुलकूलतमालपल्लवात् ।सरभसमकरनिकरखरनखरसुदुस्तरतोऽपि सागरात्तारिणि तरलतारतरतारकमातुरमेत्य रक्षसि ॥ ८॥

kalakalakalilalolakallolajalollalatkālikānilāsphālitavipulabahalavelākulakūlatamālapallavāt |sarabhasamakaranikarakharanakharasudustarato'pi sāgarāttāriṇi taralatārataratārakamāturametya rakṣasi || 8||

सूक्ष्मविरावसारसरघोत्करनिर्भरघोरघर्घरघ्राणाघृणाङ्घ्रिपाण्यस्रविस्रीकृतक्वथितशरीरपञ्जरा ।यत्क्षणमहाप्रसादावेशत्वत्प्रणता तारिणि कामरूपिणातत्क्षणलब्धलोलकिरणमणिकुण्डलमण्डितगण्डमण्डला ॥ ९॥

sūkṣmavirāvasārasaraghotkaranirbharaghoraghargharaghrāṇāghṛṇāṅghripāṇyasravisrīkṛtakvathitaśarīrapañjarā |yatkṣaṇamahāprasādāveśatvatpraṇatā tāriṇi kāmarūpiṇātatkṣaṇalabdhalolakiraṇamaṇikuṇḍalamaṇḍitagaṇḍamaṇḍalā || 9||

यूकविकीर्णशीर्णपटकर्पटकटितटवेष्टनोद्भटःसङ्कटपेट्टपूरमात्रार्जनपरपुरपिण्डतर्कणः ।यदि तव नामकं हृदि करोति हि राक्षसैककःप्रौढवधूविधूतचामीकरखचितविचित्रचामरम् ॥ १०॥

yūkavikīrṇaśīrṇapaṭakarpaṭakaṭitaṭaveṣṭanodbhaṭaḥsaṅkaṭapeṭṭapūramātrārjanaparapurapiṇḍatarkaṇaḥ |yadi tava nāmakaṃ hṛdi karoti hi rākṣasaikakaḥprauḍhavadhūvidhūtacāmīkarakhacitavicitracāmaram || 10||

इति श्रीचन्द्रदासविरचितार्यतारास्तुतिः समाप्ता ॥

iti śrīcandradāsaviracitāryatārāstutiḥ samāptā ||