आर्यासाहस्री Arya Sahasri

। बि वेङ्कटरामभट्टः विरचिता ।अतिसुखिनि सुन्दराङ्गि श्रितजनमन्दारवल्लरि श्यामे ।भारति कमलजजाये विद्यां बुद्धिं समुज्ज्वलां दिश मे ॥ १॥

| bi veṅkaṭarāmabhaṭṭaḥ viracitā |atisukhini sundarāṅgi śritajanamandāravallari śyāme |bhārati kamalajajāye vidyāṃ buddhiṃ samujjvalāṃ diśa me || 1||

असदशसम्पद्भरिते शुभगुरुराजत्वकीर्तिबोधमयि ।श्रीमातरखिलमातः स्तोतारं मां पुनीहि हे ललिते ॥ २॥

asadaśasampadbharite śubhagururājatvakīrtibodhamayi |śrīmātarakhilamātaḥ stotāraṃ māṃ punīhi he lalite || 2||

अखिलजनमोदहेतोर्देवीश्वरि हे शिवे महाराज्ञि ।मायाप्रकटितरूपे रूपत्रयभाविते नमो ललिते ॥ ३॥

akhilajanamodahetordevīśvari he śive mahārājñi |māyāprakaṭitarūpe rūpatrayabhāvite namo lalite || 3||

अतिगुरुमहिमापूर्णे राज्ञां साम्राज्यदायिनी त्वमसि ।गतिमतिदात्रि नमस्ते नादश्रीर्नादकोविदे पाहि ॥ ४॥

atigurumahimāpūrṇe rājñāṃ sāmrājyadāyinī tvamasi |gatimatidātri namaste nādaśrīrnādakovide pāhi || 4||

अमृतांशुमौलिजाये ! हेमासनसुस्थिता महाकल्पा ।सुखिनि सुखास्पदधाम्नि प्रणमन्तं त्वां सदैव मां पाहि ॥ ५॥

amṛtāṃśumaulijāye ! hemāsanasusthitā mahākalpā |sukhini sukhāspadadhāmni praṇamantaṃ tvāṃ sadaiva māṃ pāhi || 5||

अमलकरचित्कलाञ्चज्योतिर्मुख्याङ्कुरात् समुद्भूते ।भूरिमहिम्ना भरिते देवि सुरानन्ददात्रि मां पाहि ॥ ६॥

amalakaracitkalāñcajyotirmukhyāṅkurāt samudbhūte |bhūrimahimnā bharite devi surānandadātri māṃ pāhi || 6||

असुरगणमखिलमनिशं हन्तुं जातासि देवकार्यार्थम् ।अहमिति धीरूपाग्नेः कण्डाद्ब्रह्माण्डजननि मां पाहि ॥ ७॥

asuragaṇamakhilamaniśaṃ hantuṃ jātāsi devakāryārtham |ahamiti dhīrūpāgneḥ kaṇḍādbrahmāṇḍajanani māṃ pāhi || 7||

अयुताधिकरविदीप्ते पूर्वाम्बुधिशैलतुङ्गशिखराग्रे ।उद्यद्भानुसहस्रप्रभया विभ्राजिते नमो ललिते ॥ ८॥

ayutādhikaravidīpte pūrvāmbudhiśailatuṅgaśikharāgre |udyadbhānusahasraprabhayā vibhrājite namo lalite || 8||

अखिलामरजनयित्री सुगुणैः स्वैरेव शोभितं ललितम् ।पाशं दधासि या त्वं सा त्वं मामम्ब पालयेरनिशम् ॥ ९॥

akhilāmarajanayitrī suguṇaiḥ svaireva śobhitaṃ lalitam |pāśaṃ dadhāsi yā tvaṃ sā tvaṃ māmamba pālayeraniśam || 9||

अयि परुषपाशहस्ते पुण्ड्राङ्कुशराजमानकरकमले ।पुरुषार्थदायिपाणे भारति वाग्देवते नमो ललिते ॥ १०॥

ayi paruṣapāśahaste puṇḍrāṅkuśarājamānakarakamale |puruṣārthadāyipāṇe bhārati vāgdevate namo lalite || 10||

अतिसुखदरूपमनिशं दधती हस्तेङ्कुशं सदा महसा ।विभ्राजमानमूर्ते ललिते मामम्ब सन्ततं पाहि ॥ ११॥

atisukhadarūpamaniśaṃ dadhatī hasteṅkuśaṃ sadā mahasā |vibhrājamānamūrte lalite māmamba santataṃ pāhi || 11||

अमलज्ञानाकारे मानसरूपेक्षुदण्डकोदण्डे ।ग्रन्थिषु धृतषट्चक्रे ललिते मामम्ब सादरं पाहि ॥ १२॥

amalajñānākāre mānasarūpekṣudaṇḍakodaṇḍe |granthiṣu dhṛtaṣaṭcakre lalite māmamba sādaraṃ pāhi || 12||

अभिनवचम्पकसुमसमनासादण्डेभिराममुखकमले ।शुभकरि करुणामूर्ते मातर्ललिते नमोस्तु ते सततम् ॥ १३॥

abhinavacampakasumasamanāsādaṇḍebhirāmamukhakamale |śubhakari karuṇāmūrte mātarlalite namostu te satatam || 13||

अरुणरुचिपूरमज्जद्ब्रह्माण्डाखण्डमण्डलोल्लसिते ।करुणामसृणापाङ्गे मातर्मां पाहि सन्ततं ललिते ॥ १४॥

aruṇarucipūramajjadbrahmāṇḍākhaṇḍamaṇḍalollasite |karuṇāmasṛṇāpāṅge mātarmāṃ pāhi santataṃ lalite || 14||

अयि नीलकेशपाशे चाम्पेयाशोकललितपुन्नागैः ।सौगन्धिकेन रचितं माल्यं दधतीं नमामि देवि त्वाम् ॥ १५॥

ayi nīlakeśapāśe cāmpeyāśokalalitapunnāgaiḥ |saugandhikena racitaṃ mālyaṃ dadhatīṃ namāmi devi tvām || 15||

अतिरुचिरपद्मरागप्रत्युप्तस्वर्णरचितकेयूरे ।दरहासभूषितास्ये मातर्मां देवि सन्ततं पाहि ॥ १६॥

atirucirapadmarāgapratyuptasvarṇaracitakeyūre |darahāsabhūṣitāsye mātarmāṃ devi santataṃ pāhi || 16||

अतिसुरभिमगमदाञ्चत्फाले कोटीरमञ्जुलाभरणे ।दुष्टसुरारिवधाय व्यापतनानाविधायुधे शिवे पाहि ॥ १७॥

atisurabhimagamadāñcatphāle koṭīramañjulābharaṇe |duṣṭasurārivadhāya vyāpatanānāvidhāyudhe śive pāhi || 17||

अमलतरसुन्दराननमन्दिरमाङ्गल्यतोरणभृकुटि ।सुभ्रूगणपरिवारे धीरे मां पाहि सन्ततं ललिते ॥ १८॥

amalatarasundarānanamandiramāṅgalyatoraṇabhṛkuṭi |subhrūgaṇaparivāre dhīre māṃ pāhi santataṃ lalite || 18||

अतिदुर्भरतरजघने दरलीलासक्तमीनरुचिराक्षि ।अयि सुन्दराङ्गि मातर्मातस्त्वां चिन्तये सदा हदये ॥ १९॥

atidurbharatarajaghane daralīlāsaktamīnarucirākṣi |ayi sundarāṅgi mātarmātastvāṃ cintaye sadā hadaye || 19||

अमलतरतारकालिज्योतिर्न्यक्कारिनासिकाभरणे ।कुमुदवनबन्धुवदने गुणवति मां पाहि ते नमो ललिते ॥ २०॥

amalataratārakālijyotirnyakkārināsikābharaṇe |kumudavanabandhuvadane guṇavati māṃ pāhi te namo lalite || 20||

असुरकम्बकदम्बप्रसवसुकर्णावतंसवत्कर्णे ।कमलापतिसहजाते जाते प्रीता भवाम्ब मयि ललिते ॥ २१॥

asurakambakadambaprasavasukarṇāvataṃsavatkarṇe |kamalāpatisahajāte jāte prītā bhavāmba mayi lalite || 21||

अमलतररुचिमहोज्वलताङ्कीभूतरविशशङ्कयुते ।अमरकुलसेविताङ्घ्रे नित्यं मां पाहि वत्सले ललिते ॥ २२॥

amalatararucimahojvalatāṅkībhūtaraviśaśaṅkayute |amarakulasevitāṅghre nityaṃ māṃ pāhi vatsale lalite || 22||

अमलसुधाकरलाञ्छनसन्निभमगनाभिपङ्कवत्फाले ।कमलजवदननिवासे तावकमङ्घ्रिद्वयं मुदा वन्दे ॥ २३॥

amalasudhākaralāñchanasannibhamaganābhipaṅkavatphāle |kamalajavadananivāse tāvakamaṅghridvayaṃ mudā vande || 23||

अमलतरपद्मरागादर्शतिरस्कारकारिसुकपोले ।अतुलास्यहास्यलास्ये कमलाक्षि त्राहि जनमिमं सरले ॥ २४॥

amalatarapadmarāgādarśatiraskārakārisukapole |atulāsyahāsyalāsye kamalākṣi trāhi janamimaṃ sarale || 24||

अभिनवविद्रुमशोभापरिभविदन्तच्छदेन सङ्कलिते ।शुभगुणगणसंवलिते श्रीपतिवन्द्येम्ब पाहि मां ललिते ॥ २५॥

abhinavavidrumaśobhāparibhavidantacchadena saṅkalite |śubhaguṇagaṇasaṃvalite śrīpativandyemba pāhi māṃ lalite || 25||

अतिविमलसाधुविद्याप्राङ्कुररूपद्विजद्विपङ्कियुते ।मतिमति विधिहरिमान्ये त्वं कुरु कारुण्यमयि मयीह भृशम् ॥ २६॥

ativimalasādhuvidyāprāṅkurarūpadvijadvipaṅkiyute |matimati vidhiharimānye tvaṃ kuru kāruṇyamayi mayīha bhṛśam || 26||

अमलतरनागवल्लीकर्पूरक्रमुकसौरभादेव ।आह्लादयन्त्यशेषाशांस्त्वं जयसि शोभया देवि ॥ २७॥

amalataranāgavallīkarpūrakramukasaurabhādeva |āhlādayantyaśeṣāśāṃstvaṃ jayasi śobhayā devi || 27||

अमतस्यन्दिवचोभिस्त्रपयन्ती कच्छपीं निजां वीणाम् ।मधुरालापैरपि पिकमम्बुजनयने त्वमेव मां पाहि ॥ २८॥

amatasyandivacobhistrapayantī kacchapīṃ nijāṃ vīṇām |madhurālāpairapi pikamambujanayane tvameva māṃ pāhi || 28||

अनलाक्षमात्मरमणं मन्दस्मितपूरलीनहदयं तम् ।विदधास्यजस्रमाराद् धीरा त्वं पाहि शैलजे सततम् ॥ २९॥

analākṣamātmaramaṇaṃ mandasmitapūralīnahadayaṃ tam |vidadhāsyajasramārād dhīrā tvaṃ pāhi śailaje satatam || 29||

असदृशनिजचिबुकश्रीशोभितकम्बुद्युतिस्फुरत्कण्ठि ।कुसुमायुधमदहारिणि मातर्मां पाहि विजितकलकण्ठि ॥ ३०॥

asadṛśanijacibukaśrīśobhitakambudyutisphuratkaṇṭhi |kusumāyudhamadahāriṇi mātarmāṃ pāhi vijitakalakaṇṭhi || 30||

अमलेन्दुधरनिबद्धश्रीमन्माङ्गल्यसूत्रवत्कण्ठि ।कमलाक्षाब्जजवन्द्ये पार्वति माङ्गल्यदात्रि मां पाहि ॥ ३१॥

amalendudharanibaddhaśrīmanmāṅgalyasūtravatkaṇṭhi |kamalākṣābjajavandye pārvati māṅgalyadātri māṃ pāhi || 31||

अनघकनकाङ्गदाढ्ये श्रीमद्भुजदण्डमण्डिते महिते ।कनकगिरिचापधर्तुर्भर्तर्वाचि स्थितेम्ब मां पाहि ॥ ३२॥

anaghakanakāṅgadāḍhye śrīmadbhujadaṇḍamaṇḍite mahite |kanakagiricāpadharturbhartarvāci sthitemba māṃ pāhi || 32||

अनघमणिघटितहेमग्रीवाचिन्ताकमौक्तिकाभरणे ।विनयनतमस्तकं मां पालय दीनं च शमय मदमोहौ ॥ ३३॥

anaghamaṇighaṭitahemagrīvācintākamauktikābharaṇe |vinayanatamastakaṃ māṃ pālaya dīnaṃ ca śamaya madamohau || 33||

अभिमतनिजपतिहर्षस्फुरितानर्घाश्मनिस्तुयोरोजे ।अभिजनपूजितचरणे नतिरियमयि तेस्तु चरणयोर्देवि ॥ ३४॥

abhimatanijapatiharṣasphuritānarghāśmanistuyoroje |abhijanapūjitacaraṇe natiriyamayi testu caraṇayordevi || 34||

अवनम्रनाभिरूपावालजरोमालिफलककुचयुगले ।अवहितभुवनत्राणे शम्भोः प्राणाधिकेम्ब मां पाहि ॥ ३५॥

avanamranābhirūpāvālajaromāliphalakakucayugale |avahitabhuvanatrāṇe śambhoḥ prāṇādhikemba māṃ pāhi || 35||

अवहितरोमावल्या सूचितवल्लद्वलग्नशुभदेशे ।अविनयमम्ब मदीयं जहि सुरसन्तोषभाग्यमयकोशे ॥ ३६॥

avahitaromāvalyā sūcitavalladvalagnaśubhadeśe |avinayamamba madīyaṃ jahi surasantoṣabhāgyamayakośe || 36||

अतिघनवक्षोरुहयोर्वहनायाबद्धवलिमहादशने ।गतिरसि मतिरसि सततं मम माता त्वमेव मां पाहि ॥ ३७॥

atighanavakṣoruhayorvahanāyābaddhavalimahādaśane |gatirasi matirasi satataṃ mama mātā tvameva māṃ pāhi || 37||

अरुणारुणकौसुम्भश्रीमद्वासःश्रियाढ्यकटिभागे ।कुरु मां तव करुणायाः पात्रं गोत्रं मनश्च पावय मे ॥ ३८॥

aruṇāruṇakausumbhaśrīmadvāsaḥśriyāḍhyakaṭibhāge |kuru māṃ tava karuṇāyāḥ pātraṃ gotraṃ manaśca pāvaya me || 38||

अगणितमणिकिङ्किणिकारशनादाम्ना विराजतेद्रिसुते ।नगवरकुलमणिदीपे दिश मम काव्याङ्गनाकपामम्ब ॥ ३९॥

agaṇitamaṇikiṅkiṇikāraśanādāmnā virājatedrisute |nagavarakulamaṇidīpe diśa mama kāvyāṅganākapāmamba || 39||

अनलाक्षपाणिपद्मद्वयवेद्या परुषसुरभिललिताङ्गी ।जनयित्री लोकानां मयि कुरु करुणां स्वभावसुरभितनो ॥ ४०॥

analākṣapāṇipadmadvayavedyā paruṣasurabhilalitāṅgī |janayitrī lokānāṃ mayi kuru karuṇāṃ svabhāvasurabhitano || 40||

अनघद्युतिमाणिक्यस्फुरितकिरीटाभजानुयुग्मयुते ।अनुनय मयि कुरु वाणि त्वयि तु मयि त्वं दयस्व हे ललिते ॥ ४१॥

anaghadyutimāṇikyasphuritakirīṭābhajānuyugmayute |anunaya mayi kuru vāṇi tvayi tu mayi tvaṃ dayasva he lalite || 41||

अहिरिपुमणिकतमन्मथतूणीराकारजानुयुगलाढ्ये ।महितगुणराजमाने मम मनसि त्वं वसाम्ब हरवेद्ये ॥ ४२॥

ahiripumaṇikatamanmathatūṇīrākārajānuyugalāḍhye |mahitaguṇarājamāne mama manasi tvaṃ vasāmba haravedye || 42||

अतिपीनगूढगुल्फे मतिमति मत्याश्रये सतां सततम् ।कतिनां समितिषु कुरु मां सुमतिं सम्भावितं च हे ललिते ॥ ४३॥

atipīnagūḍhagulphe matimati matyāśraye satāṃ satatam |katināṃ samitiṣu kuru māṃ sumatiṃ sambhāvitaṃ ca he lalite || 43||

अयि कमठपष्ठविजयिप्रपदद्वयराजमानपदकमले ।नियतिनियामकजाये सपदि कपां धेहि मयि निजे ललिते ॥ ४४॥

ayi kamaṭhapaṣṭhavijayiprapadadvayarājamānapadakamale |niyatiniyāmakajāye sapadi kapāṃ dhehi mayi nije lalite || 44||

अरुणनखदीप्तिमज्जज्जनहदयध्वान्तनाशसुप्रीते ।करुणामसणापाङ्गे जननि त्वामाश्रयाम्यहं सततम् ॥ ४५॥

aruṇanakhadīptimajjajjanahadayadhvāntanāśasuprīte |karuṇāmasaṇāpāṅge janani tvāmāśrayāmyahaṃ satatam || 45||

अयि पदयुगलज्योतिर्न्यक्कृतपाथोजवनरुचे महसा ।नियमितदीप्तिमदे त्वं जयसि हि दीप्त्यास्व मयि तथा महसा ॥ ४६॥

ayi padayugalajyotirnyakkṛtapāthojavanaruce mahasā |niyamitadīptimade tvaṃ jayasi hi dīptyāsva mayi tathā mahasā || 46||

अविरतमपि शिञ्जाने मणिमयपादाङ्गदे दधानेम्ब ।भवभयहारिणि तारिणि संसाराम्भोनिधेः सदा पाहि ॥ ४७॥

aviratamapi śiñjāne maṇimayapādāṅgade dadhānemba |bhavabhayahāriṇi tāriṇi saṃsārāmbhonidheḥ sadā pāhi || 47||

अनुपमहंसवधूटीं जित्वा गत्या विराजमानेम्ब ।अनुचरचरचरमेनं तव शिवजाये पुनीहि मामम्ब ॥ ४८॥

anupamahaṃsavadhūṭīṃ jitvā gatyā virājamānemba |anucaracaracaramenaṃ tava śivajāye punīhi māmamba || 48||

अभिनवहेमसवर्णे देवि महारूपशेवधे सविधे ।जयति च सवर्णसिंही त्वं मां पायाश्च सिंहसंहनना ॥ ४९॥

abhinavahemasavarṇe devi mahārūpaśevadhe savidhe |jayati ca savarṇasiṃhī tvaṃ māṃ pāyāśca siṃhasaṃhananā || 49||

आभरणराजिकान्त्या निजतनुदीप्त्यावतारुणच्छाया ।सौभगपरिपूर्णा त्वं सुभगं कुरु मां दयासुधावष्ट्या ॥ ५०॥

ābharaṇarājikāntyā nijatanudīptyāvatāruṇacchāyā |saubhagaparipūrṇā tvaṃ subhagaṃ kuru māṃ dayāsudhāvaṣṭyā || 50||