श्रीवल्लीभुवनेश्वर्यष्टकम् Shrivallibhuvaneshvaryashtakam

श्रीचित्रापुरवासिनीं वरभवानीशङ्करत्वप्रदांओतप्रोतशिवान्वितां गुरुमयीं गाम्भीर्यसन्तोषधाम् ।हृद्गुह्याङ्कुरकल्पितं गुरुमतं स्रोतायते तां सुधांश्रीवल्लीं भुवनेश्वरीं शिवमयीमैश्वर्यदां तां भजे ॥ १॥

śrīcitrāpuravāsinīṃ varabhavānīśaṅkaratvapradāṃotaprotaśivānvitāṃ gurumayīṃ gāmbhīryasantoṣadhām |hṛdguhyāṅkurakalpitaṃ gurumataṃ srotāyate tāṃ sudhāṃśrīvallīṃ bhuvaneśvarīṃ śivamayīmaiśvaryadāṃ tāṃ bhaje || 1||

चिन्मुद्राङ्कितदक्षिणास्यनिहितां श्रीभाष्यकारश्रियंतां हस्तामलकप्रबोधनकरीं क्षेत्रे स्थितां मातृकाम् ।श्रीवल्ल्युद्भवपुष्पगन्धलहरीं सारस्वतत्रायिकांश्रीवल्लीं भुवनेश्वरीं शिवमयीमैश्वर्यदां तां भजे ॥ २॥

cinmudrāṅkitadakṣiṇāsyanihitāṃ śrībhāṣyakāraśriyaṃtāṃ hastāmalakaprabodhanakarīṃ kṣetre sthitāṃ mātṛkām |śrīvallyudbhavapuṣpagandhalaharīṃ sārasvatatrāyikāṃśrīvallīṃ bhuvaneśvarīṃ śivamayīmaiśvaryadāṃ tāṃ bhaje || 2||

श्रीविद्योदितकौमुदीरसभरां कारुण्यरूपात्मिकांमूर्तीभूय सदा स्थितां गुरुपरिज्ञानाश्रमाश्वासनाम् ।सान्निध्याङ्गणशिष्यरक्षणकरीं वात्सल्यसारास्पदांश्रीवल्लीं भुवनेश्वरीं शिवमयीमैश्वर्यदां तां भजे ॥ ३॥

śrīvidyoditakaumudīrasabharāṃ kāruṇyarūpātmikāṃmūrtībhūya sadā sthitāṃ guruparijñānāśramāśvāsanām |sānnidhyāṅgaṇaśiṣyarakṣaṇakarīṃ vātsalyasārāspadāṃśrīvallīṃ bhuvaneśvarīṃ śivamayīmaiśvaryadāṃ tāṃ bhaje || 3||

तन्वीं रक्तनवार्कवर्णसदृशीं खण्डेन्दुसम्मण्डितांपीनोत्तुङ्गकुचद्वयीं कुटिकटीं त्र्यक्षां सदा सुस्मिताम् ।पाशाभीतिवरैश्वराङ्कुशधरां श्रीपर्णपादां परांश्रीवल्लीं भुवनेश्वरीं शिवमयीमैश्वर्यदां तां भजे ॥ ४॥

tanvīṃ raktanavārkavarṇasadṛśīṃ khaṇḍendusammaṇḍitāṃpīnottuṅgakucadvayīṃ kuṭikaṭīṃ tryakṣāṃ sadā susmitām |pāśābhītivaraiśvarāṅkuśadharāṃ śrīparṇapādāṃ parāṃśrīvallīṃ bhuvaneśvarīṃ śivamayīmaiśvaryadāṃ tāṃ bhaje || 4||

श्रीमच्छङ्करसद्गुरुर्गणपतिर्वातात्मजः क्षेत्रपःप्रासादे विलसन्ति भूरि सदये नित्यस्थिते ह्रींमयि ।युष्मत्स्नेहकटाक्षसौम्यकिरणा रक्षन्ति दोग्ध्रीकुलंश्रीवल्लीं भुवनेश्वरीं शिवमयीमैश्वर्यदां तां भजे ॥ ५॥

śrīmacchaṅkarasadgururgaṇapatirvātātmajaḥ kṣetrapaḥprāsāde vilasanti bhūri sadaye nityasthite hrīṃmayi |yuṣmatsnehakaṭākṣasaumyakiraṇā rakṣanti dogdhrīkulaṃśrīvallīṃ bhuvaneśvarīṃ śivamayīmaiśvaryadāṃ tāṃ bhaje || 5||

गोप्त्रीं वत्ससुरक्षिणीं मठगृहे भक्तप्रजाकर्षिणींयात्रादिव्यकरीं विमर्शकलया तां साधके संस्थिताम् ।प्रायश्चित्तजपादिकर्मकनितां ज्ञानेश्वरीमम्बिकांश्रीवल्लीं भुवनेश्वरीं शिवमयीमैश्वर्यदां तां भजे ॥ ६॥

goptrīṃ vatsasurakṣiṇīṃ maṭhagṛhe bhaktaprajākarṣiṇīṃyātrādivyakarīṃ vimarśakalayā tāṃ sādhake saṃsthitām |prāyaścittajapādikarmakanitāṃ jñāneśvarīmambikāṃśrīvallīṃ bhuvaneśvarīṃ śivamayīmaiśvaryadāṃ tāṃ bhaje || 6||

श्रीसारस्वतगेयपेयजननीं ज्ञानादिविद्याप्रदांलोके भक्तसुगुप्तितारणकरीं कार्पण्यदोषापहाम् ।आर्यत्वप्रविकासलासनकरीं हृत्पद्मविद्युत्प्रभांश्रीवल्लीं भुवनेश्वरीं शिवमयीमैश्वर्यदां तां भजे ॥ ७॥

śrīsārasvatageyapeyajananīṃ jñānādividyāpradāṃloke bhaktasuguptitāraṇakarīṃ kārpaṇyadoṣāpahām |āryatvapravikāsalāsanakarīṃ hṛtpadmavidyutprabhāṃśrīvallīṃ bhuvaneśvarīṃ śivamayīmaiśvaryadāṃ tāṃ bhaje || 7||

क्षुद्रा मे भुवनेश्वरि स्तुतिकथा किं वा मुखे ते स्मितंयाऽसि त्वं पदवर्णवाक्यजननी वर्णैः कथं वर्ण्यताम् ।वासस्ते मम मानसे गुरुकृपे नित्यम् भवेत् पावनिनान्या मे भुवनेश्वरि प्रशमिका नान्या गतिर्ह्रींमयि ॥ ८॥

kṣudrā me bhuvaneśvari stutikathā kiṃ vā mukhe te smitaṃyā'si tvaṃ padavarṇavākyajananī varṇaiḥ kathaṃ varṇyatām |vāsaste mama mānase gurukṛpe nityam bhavet pāvaninānyā me bhuvaneśvari praśamikā nānyā gatirhrīṃmayi || 8||

इति श्रीसद्योजात शङ्कराश्रमस्वामिविरचितंश्रीवल्लीभुवनेश्वर्यष्टकं सम्पूर्णम् ।

iti śrīsadyojāta śaṅkarāśramasvāmiviracitaṃśrīvallībhuvaneśvaryaṣṭakaṃ sampūrṇam |