alternate Shri Saubhagya Kavacha Stotram

॥ पूर्वपीठिका ॥कैलासशिखरे रम्ये सुखासीनं सुरार्चितंगिरीशं गिरिजा स्तुत्वा स्तोत्रैर्वेदान्तपारगैः ।प्रणम्य परया भक्त्या तमपृच्छत् कृताञ्जलिःरहस्यं रक्षणं किं वा सर्वसम्पत्करं वद ॥श्रीशिवोवाचशृणु देवि! प्रवक्ष्यामि यस्मात् त्वं परिपृच्छसियस्य श्रवणमात्रेण भवभीतिर्न जायते ।एतत् सौभाग्यकवच रहस्यातिरहस्यकंसौभाग्यकवचं देवि! शृणु सौभाग्यदायकम् ॥विनियोगःअस्य श्रीसौभाग्यकवचस्तोत्रस्य श्रीआनन्दभैरव ऋषिः ।अनुष्टुप् छन्दः । श्रीसौभाग्यसुन्दरी देवता । ॐ क्लीं सौः बीजम् ।ह्रीं क्लीं शक्तिः । आं ह्रीं क्रों कीलकम् ।सर्वसौभाग्यसिद्।ह्ध्यर्थे पाठे विनियोगः ॥ऋष्यादिन्यासःशिरसि श्रीआनन्दभैरवाय ऋषये नमः । मुखे अनुष्टुप्छन्दसे नमः ।हृदि श्रीसौभाग्यसुन्दरीदेवतायै नमः । गुह्ये ॐ क्लीं सौः बीजाय नमः ।पादयोः ह्रीं क्लीं शक्तये नमः । नाभौ आं ह्रीं क्रों कीलकाय नमः ।सर्वाङ्गे सर्वसौभाग्यसिद्।ह्ध्यर्थे पाठे विनियोगाय नमः ।षडङ्गन्यासःकरन्यासःऐं अङ्गुष्ठाभ्यां नमः ।क्लीं तर्जनीभ्यां नमः ।सौः मध्यमाभ्यां नमः ।ऐं अनामिकाभ्यां नमः ।क्लीं कनिष्ठिकाभ्यां नमः ।सौः करतलकरपृष्ठाभ्यां नमः ॥अङ्गन्यासःऐं हृदयाय नमः ।क्लीं शिरसे स्वाहा ।सौः शिखायै वषट ।ऐं कवचाय हुं ।क्लीं नेत्रत्रयाय वौषट् ।सौः अस्त्राय फट् ॥ध्यानंऐहिकपरफलदात्रीमैशानीं मनसि भावये मुद्राम् ।ऐन्दवकलावतंसामैश्वर्यस्फुरणपरिणतिं जगताम् ॥ १॥

|| pūrvapīṭhikā ||kailāsaśikhare ramye sukhāsīnaṃ surārcitaṃgirīśaṃ girijā stutvā stotrairvedāntapāragaiḥ |praṇamya parayā bhaktyā tamapṛcchat kṛtāñjaliḥrahasyaṃ rakṣaṇaṃ kiṃ vā sarvasampatkaraṃ vada ||śrīśivovācaśṛṇu devi! pravakṣyāmi yasmāt tvaṃ paripṛcchasiyasya śravaṇamātreṇa bhavabhītirna jāyate |etat saubhāgyakavaca rahasyātirahasyakaṃsaubhāgyakavacaṃ devi! śṛṇu saubhāgyadāyakam ||viniyogaḥasya śrīsaubhāgyakavacastotrasya śrīānandabhairava ṛṣiḥ |anuṣṭup chandaḥ | śrīsaubhāgyasundarī devatā | oṃ klīṃ sauḥ bījam |hrīṃ klīṃ śaktiḥ | āṃ hrīṃ kroṃ kīlakam |sarvasaubhāgyasid|hdhyarthe pāṭhe viniyogaḥ ||ṛṣyādinyāsaḥśirasi śrīānandabhairavāya ṛṣaye namaḥ | mukhe anuṣṭupchandase namaḥ |hṛdi śrīsaubhāgyasundarīdevatāyai namaḥ | guhye oṃ klīṃ sauḥ bījāya namaḥ |pādayoḥ hrīṃ klīṃ śaktaye namaḥ | nābhau āṃ hrīṃ kroṃ kīlakāya namaḥ |sarvāṅge sarvasaubhāgyasid|hdhyarthe pāṭhe viniyogāya namaḥ |ṣaḍaṅganyāsaḥkaranyāsaḥaiṃ aṅguṣṭhābhyāṃ namaḥ |klīṃ tarjanībhyāṃ namaḥ |sauḥ madhyamābhyāṃ namaḥ |aiṃ anāmikābhyāṃ namaḥ |klīṃ kaniṣṭhikābhyāṃ namaḥ |sauḥ karatalakarapṛṣṭhābhyāṃ namaḥ ||aṅganyāsaḥaiṃ hṛdayāya namaḥ |klīṃ śirase svāhā |sauḥ śikhāyai vaṣaṭa |aiṃ kavacāya huṃ |klīṃ netratrayāya vauṣaṭ |sauḥ astrāya phaṭ ||dhyānaṃaihikaparaphaladātrīmaiśānīṃ manasi bhāvaye mudrām |aindavakalāvataṃsāmaiśvaryasphuraṇapariṇatiṃ jagatām || 1||

क्लीबत्वदैत्यहन्त्री क्लिन्नमनस्कां महेश्वराश्लिष्टाम् ।क्लृप्तजनेष्टकर्त्रीं कल्पितलोकप्रभां नमामि कलाम् ॥ २॥

klībatvadaityahantrī klinnamanaskāṃ maheśvarāśliṣṭām |klṛptajaneṣṭakartrīṃ kalpitalokaprabhāṃ namāmi kalām || 2||

सौभाग्यदिव्यकनिधिं सौरभकचवृन्दविचलदलिमालाम् ।सौशील्यशेषतल्पां सौन्दर्यविभामञ्जरीं कलये ॥ ३॥

saubhāgyadivyakanidhiṃ saurabhakacavṛndavicaladalimālām |sauśīlyaśeṣatalpāṃ saundaryavibhāmañjarīṃ kalaye || 3||

पाशपाणि सृणिपाणि भावये चापपाणि शरपाणि दैवतम् ।यत्प्रभापटलपाटलं जगत् पद्मरागमणिमण्डपायते ॥ ४॥

pāśapāṇi sṛṇipāṇi bhāvaye cāpapāṇi śarapāṇi daivatam |yatprabhāpaṭalapāṭalaṃ jagat padmarāgamaṇimaṇḍapāyate || 4||

हेमाद्रौ हेमपीठस्थितामखिलसुरैरीड्यमानां विराजत् ।पुष्पेष्विष्वासपाशाङ्कुशकरकमलां रक्तवेषातिरक्ताम् ॥ ५॥

hemādrau hemapīṭhasthitāmakhilasurairīḍyamānāṃ virājat |puṣpeṣviṣvāsapāśāṅkuśakarakamalāṃ raktaveṣātiraktām || 5||

दिक्षूद्यद्भिश्चतुर्भिर्मणिमयकलशैः पञ्चशक्त्याञ्चितैः स्व ।भ्रष्टैः क्लृप्ताभिषेकां भजत भगवतीं भूतिदामन्त्ययामे ॥ ६॥

dikṣūdyadbhiścaturbhirmaṇimayakalaśaiḥ pañcaśaktyāñcitaiḥ sva |bhraṣṭaiḥ klṛptābhiṣekāṃ bhajata bhagavatīṃ bhūtidāmantyayāme || 6||

कवचस्तोत्रंशिखाग्रं सततं पातु मम त्रिपुरसुन्दरी ।शिरः कामेश्वरी नित्या तत्पूर्वं भगमालिनी ॥ १॥

kavacastotraṃśikhāgraṃ satataṃ pātu mama tripurasundarī |śiraḥ kāmeśvarī nityā tatpūrvaṃ bhagamālinī || 1||

नित्यक्लिन्नाऽवताद्दक्षं भेरुण्डा तस्य पश्चिमम् ।वह्निवासिन्यवेद् वामं मुखं विद्येश्वरी तथा ॥ २॥

nityaklinnā'vatāddakṣaṃ bheruṇḍā tasya paścimam |vahnivāsinyaved vāmaṃ mukhaṃ vidyeśvarī tathā || 2||

शिवदूती ललाटं मे त्वरिता तस्य दक्षिणम् ।तद्वामपार्श्वमवतात् तथैव कुलसुन्दरी ॥ ३॥

śivadūtī lalāṭaṃ me tvaritā tasya dakṣiṇam |tadvāmapārśvamavatāt tathaiva kulasundarī || 3||

नित्या पातु भ्रुवोर्मध्यं भ्रुवं नीलपताकिनी ।वामभ्रुवं तु विजया नयनं सर्वमङ्गला ॥ ४॥

nityā pātu bhruvormadhyaṃ bhruvaṃ nīlapatākinī |vāmabhruvaṃ tu vijayā nayanaṃ sarvamaṅgalā || 4||

ज्वालामालिन्यक्षि वामं चित्रा रक्षतु पक्ष्मणी ।दक्षश्रोत्रं महानित्या वामं पातु महोद्यमा ॥ ५॥

jvālāmālinyakṣi vāmaṃ citrā rakṣatu pakṣmaṇī |dakṣaśrotraṃ mahānityā vāmaṃ pātu mahodyamā || 5||

दक्षं वामं च वटुका कपोलौ क्षेत्रपालिका ।दक्षनासापुटं दुर्गा तदन्यं तु भारती ॥ ६॥

dakṣaṃ vāmaṃ ca vaṭukā kapolau kṣetrapālikā |dakṣanāsāpuṭaṃ durgā tadanyaṃ tu bhāratī || 6||

नासिकाग्रं सदा पातु महालक्ष्मीर्निरन्तरम् ।अणिमा दक्षकटिं महिमा च तदन्यकम् ॥ ७॥

nāsikāgraṃ sadā pātu mahālakṣmīrnirantaram |aṇimā dakṣakaṭiṃ mahimā ca tadanyakam || 7||

दक्षगण्डं च गरिमा लघिमा चोत्तरं तथा ।ऊर्ध्वोष्ठकं प्राप्तिसिद्धिः प्राकाम्यमधरोष्ठकम् ॥ ८॥

dakṣagaṇḍaṃ ca garimā laghimā cottaraṃ tathā |ūrdhvoṣṭhakaṃ prāptisiddhiḥ prākāmyamadharoṣṭhakam || 8||

ईशित्वमूर्ध्वदन्तांश्च ह्यधोदन्तान् वशित्वकम् ।रससिद्धिश्च रसनां मोक्षसिद्धिश्च तालुकम् ॥ ९॥

īśitvamūrdhvadantāṃśca hyadhodantān vaśitvakam |rasasiddhiśca rasanāṃ mokṣasiddhiśca tālukam || 9||

तालुमूलद्वयं ब्राह्मीमाहेश्वर्यौ च रक्षताम् ।कौमारी चिबुकं पातु तदधः पातु वैष्णवी ॥ १०॥

tālumūladvayaṃ brāhmīmāheśvaryau ca rakṣatām |kaumārī cibukaṃ pātu tadadhaḥ pātu vaiṣṇavī || 10||

कण्ठं रक्षतु वाराही चैन्द्राणी रक्षतादधः ।कृकाटिकां तु चामुण्डा महालक्ष्मीस्तु सर्वतः ॥ ११॥

kaṇṭhaṃ rakṣatu vārāhī caindrāṇī rakṣatādadhaḥ |kṛkāṭikāṃ tu cāmuṇḍā mahālakṣmīstu sarvataḥ || 11||

सर्वसङ्क्षोभिणीमुद्रा स्कन्धं रक्षतु दक्षिणम् ।तदन्यं द्राविणीमुद्रा पायादंसद्वयं क्रमात् ॥ १२॥

sarvasaṅkṣobhiṇīmudrā skandhaṃ rakṣatu dakṣiṇam |tadanyaṃ drāviṇīmudrā pāyādaṃsadvayaṃ kramāt || 12||

आकर्षणी वश्यमुद्रा चोन्मादिन्यथ दक्षिणम् ।भुजं महाङ्कुशा वामं खेचरी दक्षकक्षकम् ॥ १३॥

ākarṣaṇī vaśyamudrā conmādinyatha dakṣiṇam |bhujaṃ mahāṅkuśā vāmaṃ khecarī dakṣakakṣakam || 13||

वामकक्षं बीजमुद्रा योनिमुद्रा तु दक्षिणम् ।लसत् त्रिखण्डिनीमुद्रा वामभागं प्रपालयेत् ॥ १४॥

vāmakakṣaṃ bījamudrā yonimudrā tu dakṣiṇam |lasat trikhaṇḍinīmudrā vāmabhāgaṃ prapālayet || 14||

श्रीकामाकर्षिणी नित्या रक्षताद् दक्षकूर्परम् ।कूर्परं वाममवतात् सा बुद्।ह्ध्याकर्षिणी तथा ॥ १५॥

śrīkāmākarṣiṇī nityā rakṣatād dakṣakūrparam |kūrparaṃ vāmamavatāt sā bud|hdhyākarṣiṇī tathā || 15||

अहङ्काराकर्षिणी तु प्रकाण्डं पातु दक्षिणम् ।शब्दाकर्षिणिका वामं स्पर्शाकर्षिणिकाऽवतु ॥ १६॥

ahaṅkārākarṣiṇī tu prakāṇḍaṃ pātu dakṣiṇam |śabdākarṣiṇikā vāmaṃ sparśākarṣiṇikā'vatu || 16||

प्रकोष्ठं दक्षिणं पातु रूपाकर्षिणिकेतरम् ।रसाकर्षिणिका पातु मणिबन्धं च दक्षिणम् ॥ १७॥

prakoṣṭhaṃ dakṣiṇaṃ pātu rūpākarṣiṇiketaram |rasākarṣiṇikā pātu maṇibandhaṃ ca dakṣiṇam || 17||

गन्धाकर्षिणिका वामं चित्ताकर्षिणिकाऽवतु ।करभं दक्षिणं धैर्याकर्षिणी पातु वामकम् ॥ १८॥

gandhākarṣiṇikā vāmaṃ cittākarṣiṇikā'vatu |karabhaṃ dakṣiṇaṃ dhairyākarṣiṇī pātu vāmakam || 18||

स्मृत्याकर्षिण्यसौ वामं नामाकर्षिणिकेतरम् ।बीजाकर्षिणिका पायात् सततं दक्षिणाङ्गुलीः ॥ १९॥

smṛtyākarṣiṇyasau vāmaṃ nāmākarṣiṇiketaram |bījākarṣiṇikā pāyāt satataṃ dakṣiṇāṅgulīḥ || 19||

आत्माकर्षिणिका त्वन्या अमृताकर्षिणी नखान् ।शरीराकर्षिणी वामनखान् रक्षतु सर्वदा ॥ २०॥

ātmākarṣiṇikā tvanyā amṛtākarṣiṇī nakhān |śarīrākarṣiṇī vāmanakhān rakṣatu sarvadā || 20||

अनङ्गकुसुमा शक्तिः पातु दक्षिणस्तनोपरि ।अनङ्गमेखला चान्यस्तनोर्ध्वमभिरक्षतु ॥ २१॥

anaṅgakusumā śaktiḥ pātu dakṣiṇastanopari |anaṅgamekhalā cānyastanordhvamabhirakṣatu || 21||

अनङ्गमदना दक्षस्तनं तच्चूचुकं पुनः ।रक्षतादनिशं देवी ह्यनङ्गःमदनातुरा ॥ २२॥

anaṅgamadanā dakṣastanaṃ taccūcukaṃ punaḥ |rakṣatādaniśaṃ devī hyanaṅgaḥmadanāturā || 22||

अनङ्गरेखा वामं तु वक्षोज तस्य चूचुकम् ।अनङ्गवेगिनी क्रोडमनङ्गास्याङ्कुशाऽवतु ॥ २३॥

anaṅgarekhā vāmaṃ tu vakṣoja tasya cūcukam |anaṅgaveginī kroḍamanaṅgāsyāṅkuśā'vatu || 23||

अनङ्गमालिनी पायाद् वक्षःस्थलमहर्निशम् ।सर्वसङ्क्षोभिणी शक्तिर्हृत् सर्वद्राविणी परा ॥ २४॥

anaṅgamālinī pāyād vakṣaḥsthalamaharniśam |sarvasaṅkṣobhiṇī śaktirhṛt sarvadrāviṇī parā || 24||

कुक्षिं सर्वाकर्षिणी तु पातु पार्श्वं च दक्षिणम् ।आह्लादिनी वामपार्श्वं मध्यं सम्मोहिनी चिरम् ॥ २५॥

kukṣiṃ sarvākarṣiṇī tu pātu pārśvaṃ ca dakṣiṇam |āhlādinī vāmapārśvaṃ madhyaṃ sammohinī ciram || 25||

सा सर्वस्तम्भिनी पृष्ठं नाभिं वै सर्वजृम्भिणी ।वशङ्करी वस्तिदेशं सर्वरञ्जिनी मे कटिम् ॥ २६॥

sā sarvastambhinī pṛṣṭhaṃ nābhiṃ vai sarvajṛmbhiṇī |vaśaṅkarī vastideśaṃ sarvarañjinī me kaṭim || 26||

सा तु सर्वोन्मादिनी मे पायाज्जघनमण्डलम् ।सर्वार्थसाधिनी शक्तिः नितम्बं रक्षतान्मम ॥ २७॥

sā tu sarvonmādinī me pāyājjaghanamaṇḍalam |sarvārthasādhinī śaktiḥ nitambaṃ rakṣatānmama || 27||

दक्षस्फिचं सदा पातु सर्वसम्पत्तिपूरिणी ।सर्वमन्त्रमयी शक्तिः पातु वामस्फिचं मम ॥ २८॥

dakṣasphicaṃ sadā pātu sarvasampattipūriṇī |sarvamantramayī śaktiḥ pātu vāmasphicaṃ mama || 28||

पायात् कुकुन्दरद्वन्द्वं सर्वद्वन्द्वक्षयङ्करी ।सर्वसिद्धिप्रदा देवी पातु दक्षिण वङ्क्षणम् ॥ २९॥

pāyāt kukundaradvandvaṃ sarvadvandvakṣayaṅkarī |sarvasiddhipradā devī pātu dakṣiṇa vaṅkṣaṇam || 29||

सर्वसम्पत्प्रदा देवी पातु मे वामवङ्क्षणम् ।सर्वप्रियङ्करी देवी गुह्यं रक्षतु मे सदा ॥ ३०॥

sarvasampatpradā devī pātu me vāmavaṅkṣaṇam |sarvapriyaṅkarī devī guhyaṃ rakṣatu me sadā || 30||

मेढ्रं रक्षतु मे देवी सर्वमङ्गलकारिणी ।सर्वकामप्रदा देवी पातु मुष्कं तु दक्षिणम् ॥ ३१॥

meḍhraṃ rakṣatu me devī sarvamaṅgalakāriṇī |sarvakāmapradā devī pātu muṣkaṃ tu dakṣiṇam || 31||

पायात् तदन्यमुष्कं तु सर्वदुःखविमोचिनी ।सर्वमृत्युप्रशमनी देवी पातु गुदं मम ॥ ३२॥

pāyāt tadanyamuṣkaṃ tu sarvaduḥkhavimocinī |sarvamṛtyupraśamanī devī pātu gudaṃ mama || 32||

पातु देवी गुह्यमध्यं सर्वविघ्ननिवारिणी ।सर्वाङ्गसुन्दरी देवी रक्षताद् दक्षसक्थिकम् ॥ ३३॥

pātu devī guhyamadhyaṃ sarvavighnanivāriṇī |sarvāṅgasundarī devī rakṣatād dakṣasakthikam || 33||

वामसक्थितलं पायात् सर्वसौभाग्यदायिनी ।अष्ठीवं मम सर्वज्ञा देवी रक्षतु दक्षिणम् ॥ ३४॥

vāmasakthitalaṃ pāyāt sarvasaubhāgyadāyinī |aṣṭhīvaṃ mama sarvajñā devī rakṣatu dakṣiṇam || 34||

वामाष्ठीवं सर्वशक्तिः देवी पातु युगं मम ।सर्वैश्वर्यप्रदा देवी दक्षजानुं सदाऽवतु ॥ ३५॥

vāmāṣṭhīvaṃ sarvaśaktiḥ devī pātu yugaṃ mama |sarvaiśvaryapradā devī dakṣajānuṃ sadā'vatu || 35||

सर्वज्ञानमयी देवी जानुमन्यं ममावतात् ।अव्याद् देवी दक्षजङ्गां सर्वव्याधिविनाशिनी ॥ ३६॥

sarvajñānamayī devī jānumanyaṃ mamāvatāt |avyād devī dakṣajaṅgāṃ sarvavyādhivināśinī || 36||

तदन्यां पातु देवी सा सर्वाधारस्वरूपिणी ।सर्वपापहरा देवी गुल्फं रक्षतु दक्षिणम् ॥ ३७॥

tadanyāṃ pātu devī sā sarvādhārasvarūpiṇī |sarvapāpaharā devī gulphaṃ rakṣatu dakṣiṇam || 37||

सर्वानन्दमयी देवी वामगुल्फं सदाऽवतु ।पार्ष्णि मे दक्षिणं पायात् सर्वरक्षास्वरूपिणी ॥ ३८॥

sarvānandamayī devī vāmagulphaṃ sadā'vatu |pārṣṇi me dakṣiṇaṃ pāyāt sarvarakṣāsvarūpiṇī || 38||

अव्यात् सदा सदा पार्ष्णि सर्वेप्सितफलप्रदा ।दक्षाङ्घ्रिपार्श्वं वशिनी पूर्वं वाग्देवता मम ॥ ३९॥

avyāt sadā sadā pārṣṇi sarvepsitaphalapradā |dakṣāṅghripārśvaṃ vaśinī pūrvaṃ vāgdevatā mama || 39||

सर्वं कामेश्वरी चोर्ध्वमधो वाग्देवता मम ।मोदिनी प्रपदं पातु विमला दक्षिणेतरे ॥ ४०॥

sarvaṃ kāmeśvarī cordhvamadho vāgdevatā mama |modinī prapadaṃ pātu vimalā dakṣiṇetare || 40||

अङ्गुलीररुणा पातु दक्षपादनखोज्ज्वला ।तदन्या जयिनी पातु सदा सर्वेश्वरी मम ॥ ४१॥

aṅgulīraruṇā pātu dakṣapādanakhojjvalā |tadanyā jayinī pātu sadā sarveśvarī mama || 41||

दक्षवामपादतलं कौलिनी देवता मम ।कुर्वन्तु जृम्भणा बाणाः त्रैलोक्याकर्षणं मम ॥ ४२॥

dakṣavāmapādatalaṃ kaulinī devatā mama |kurvantu jṛmbhaṇā bāṇāḥ trailokyākarṣaṇaṃ mama || 42||

मोहं संहरतादिक्षुकोदण्डं भृङ्गमौविकम् ।करोतु सततं पाशी वशीकरणमद्भुतम् ॥ ४३॥

mohaṃ saṃharatādikṣukodaṇḍaṃ bhṛṅgamauvikam |karotu satataṃ pāśī vaśīkaraṇamadbhutam || 43||

विदध्यादङ्कुशं नित्यं स्तम्भनं शत्रुसङ्कटे ।पीठं मे कामरूपाख्यं पातु कामान्तिकं मनः ॥ ४४॥

vidadhyādaṅkuśaṃ nityaṃ stambhanaṃ śatrusaṅkaṭe |pīṭhaṃ me kāmarūpākhyaṃ pātu kāmāntikaṃ manaḥ || 44||

पूर्णं पूर्णगिरेः पीठं कान्तिं मे जनयेत् सदा ।जालन्धरमन्यजालन्धरपीठं मे रक्षतु ॥ ४५॥

pūrṇaṃ pūrṇagireḥ pīṭhaṃ kāntiṃ me janayet sadā |jālandharamanyajālandharapīṭhaṃ me rakṣatu || 45||

सायुज्ये नियतां प्रज्ञां श्रीपीठं श्रीकरं मम ।कामेश्वरी त्वात्मतत्त्वं रक्षेद् वज्रेश्वरी तथा ॥ ४६॥

sāyujye niyatāṃ prajñāṃ śrīpīṭhaṃ śrīkaraṃ mama |kāmeśvarī tvātmatattvaṃ rakṣed vajreśvarī tathā || 46||

विद्यातत्त्वं शैवतत्त्वं पायाछ्रीभगमालिनी ।कामं विद्यान्महाशत्रूनमृतार्णवमानसम् ॥ ४७॥

vidyātattvaṃ śaivatattvaṃ pāyāchrībhagamālinī |kāmaṃ vidyānmahāśatrūnamṛtārṇavamānasam || 47||

क्रोधं क्रोधापहा हन्यान्मन्युं पैताम्बुजासनम् ।लोभं चिदासनं हन्याद् देव्यात्मामृतरूपभाक् ॥ ४८॥

krodhaṃ krodhāpahā hanyānmanyuṃ paitāmbujāsanam |lobhaṃ cidāsanaṃ hanyād devyātmāmṛtarūpabhāk || 48||

मोहं संहरताच्चक्रं मदं मन्त्रासनं मम ।मात्सर्यं नाशयेन्नित्यं मम सान्ध्यासनं तथा ॥ ४९॥

mohaṃ saṃharatāccakraṃ madaṃ mantrāsanaṃ mama |mātsaryaṃ nāśayennityaṃ mama sāndhyāsanaṃ tathā || 49||

आधारं त्रिपुरा रक्षेत् स्वाधिष्ठानं पुरेश्वरी ।मणिपूरं मणिद्योता पायात् त्रिपुरसुन्दरी ॥ ५०॥

ādhāraṃ tripurā rakṣet svādhiṣṭhānaṃ pureśvarī |maṇipūraṃ maṇidyotā pāyāt tripurasundarī || 50||

अव्यादनाहतं भव्या नित्यं त्रिपुरवासिनी ।विशुद्धिं त्रिपुरा श्रीश्च आज्ञां त्रिपुरमालिनी ॥ ५१॥

avyādanāhataṃ bhavyā nityaṃ tripuravāsinī |viśuddhiṃ tripurā śrīśca ājñāṃ tripuramālinī || 51||

इडां मे त्रिपुरसिद्धा त्रिपुरा चापि पिङ्गलाम् ।सुषुम्नां पातु मे नित्या पायात् त्रिपुरभैरवी ॥ ५२॥

iḍāṃ me tripurasiddhā tripurā cāpi piṅgalām |suṣumnāṃ pātu me nityā pāyāt tripurabhairavī || 52||

त्रैलोक्यमोहनं चक्रं रोमकूपांश्च रक्षतु ।सर्वाशापूरकं चक्रं सप्तधातूँश्च रक्षतु ॥ ५३॥

trailokyamohanaṃ cakraṃ romakūpāṃśca rakṣatu |sarvāśāpūrakaṃ cakraṃ saptadhātūm̐śca rakṣatu || 53||

सर्वसङ्क्षोभण चक्रं प्राणाद्यं वायुपञ्चकम् ।सौभाग्यदायकं चक्रं नागाद्यनिलपञ्चकम् ॥ ५४॥

sarvasaṅkṣobhaṇa cakraṃ prāṇādyaṃ vāyupañcakam |saubhāgyadāyakaṃ cakraṃ nāgādyanilapañcakam || 54||

सर्वार्थसाधकं चक्रं कारणानां चतुष्टयम् ।सर्वरक्षाकरं चक्रं रक्षतान्मे गुणत्रयम् ॥ ५५॥

sarvārthasādhakaṃ cakraṃ kāraṇānāṃ catuṣṭayam |sarvarakṣākaraṃ cakraṃ rakṣatānme guṇatrayam || 55||

सर्वरोगहरं चक्रं पायात् पुर्यष्टकं मम ।सर्वसिद्धिप्रदं चकमव्यान्मे कोशपञ्चकम् ॥ ५६॥

sarvarogaharaṃ cakraṃ pāyāt puryaṣṭakaṃ mama |sarvasiddhipradaṃ cakamavyānme kośapañcakam || 56||

सर्वानन्दमयं चक्रं यशः कीर्तिं च रक्षतु ।सौन्दर्यं मन्मथः पायाद् धृतिश्चापि रतिं मम ॥ ५७॥

sarvānandamayaṃ cakraṃ yaśaḥ kīrtiṃ ca rakṣatu |saundaryaṃ manmathaḥ pāyād dhṛtiścāpi ratiṃ mama || 57||

प्रीतिं मे पातु या प्रीतिः रूपं पातु वसन्तकः ।सङ्कल्पं कल्पकोद्यानं महालक्ष्मी श्रियं मम ॥ ५८॥

prītiṃ me pātu yā prītiḥ rūpaṃ pātu vasantakaḥ |saṅkalpaṃ kalpakodyānaṃ mahālakṣmī śriyaṃ mama || 58||

कान्तिं कपालिनी रक्षेत् मन्दिरं मणिमण्डपः ।पुत्रान् शङ्खयनिधिः पायाद् भार्यां पद्मनिधिस्तथा ॥ ५९॥

kāntiṃ kapālinī rakṣet mandiraṃ maṇimaṇḍapaḥ |putrān śaṅkhayanidhiḥ pāyād bhāryāṃ padmanidhistathā || 59||

मार्गे क्षेमङ्करी रक्षेत् मातङ्गी मुकुटं तथा ।योगिनी प्रकटाद्यास्ता नवद्वाराणि पान्तु मे ॥ ६०॥

mārge kṣemaṅkarī rakṣet mātaṅgī mukuṭaṃ tathā |yoginī prakaṭādyāstā navadvārāṇi pāntu me || 60||

भोजने मामन्नपूर्णा मातङ्गी क्रीडनेऽवतात् ।वने रक्षतु मां दुर्गा जाग्रती दुष्टनिग्रहे ॥ ६१॥

bhojane māmannapūrṇā mātaṅgī krīḍane'vatāt |vane rakṣatu māṃ durgā jāgratī duṣṭanigrahe || 61||

त्रिधाऽहङ्कारनैष्ठुर्यदोषत्रयं मलत्रयम् ।डाकिन्यो योगिनीमुख्याः संहरन्तु ममानिशम् ॥ ६२॥

tridhā'haṅkāranaiṣṭhuryadoṣatrayaṃ malatrayam |ḍākinyo yoginīmukhyāḥ saṃharantu mamāniśam || 62||

इच्छाशक्तिर्गुरोर्भक्तिं पातु मे ज्ञानमात्मनि ।ज्ञानशक्तिः क्रियाशक्तिर्वैराग्यविषयेष्वपि ॥ ६३॥

icchāśaktirgurorbhaktiṃ pātu me jñānamātmani |jñānaśaktiḥ kriyāśaktirvairāgyaviṣayeṣvapi || 63||

हृत्पद्मकर्णिकामध्ये ह्रीङ्कारी परिरक्षतु ।वैखरी श्रवणं पातु मध्यमा मननं पुनः ॥ ६४॥

hṛtpadmakarṇikāmadhye hrīṅkārī parirakṣatu |vaikharī śravaṇaṃ pātu madhyamā mananaṃ punaḥ || 64||

योगं रक्षतु पश्यन्ती साक्षात् ज्ञानपरा मम ।ब्रह्माणी जागृतं पातु शयानं वैष्णवी तथा ॥ ६५॥

yogaṃ rakṣatu paśyantī sākṣāt jñānaparā mama |brahmāṇī jāgṛtaṃ pātu śayānaṃ vaiṣṇavī tathā || 65||

सुषुप्तौ चण्डिका पातु तुर्या मे मोहकारिणी ।सदा मां भैरवी पातु जगद्भरणपण्डिता ॥ ६६॥

suṣuptau caṇḍikā pātu turyā me mohakāriṇī |sadā māṃ bhairavī pātu jagadbharaṇapaṇḍitā || 66||

चरणाम्भोरुहानन्दपरामृतरसेरिता ।प्लाविनी कुण्डली पूर्णा अन्तरान्तं सदाऽवतात् ॥ ६७॥

caraṇāmbhoruhānandaparāmṛtaraseritā |plāvinī kuṇḍalī pūrṇā antarāntaṃ sadā'vatāt || 67||

अष्टदिक्षु महेन्द्राद्या सायुधाः पान्तु सर्वदा ।पायादूर्ध्वा दिशं ब्रह्मा विष्णुश्चक्रायुधोप्यधः ॥ ६८॥

aṣṭadikṣu mahendrādyā sāyudhāḥ pāntu sarvadā |pāyādūrdhvā diśaṃ brahmā viṣṇuścakrāyudhopyadhaḥ || 68||

अनावृत्तानि स्थानानि कवचेन तु यानि मे ।तानि सर्वाणि रक्षन्तु शिवाद्या गुरवः सदा ॥ ६९॥

anāvṛttāni sthānāni kavacena tu yāni me |tāni sarvāṇi rakṣantu śivādyā guravaḥ sadā || 69||

फलश्रुतिः ।एतत् सौभाग्यकवचं शाङ्करं यस्तु पाठयेत् ।त्रिसन्ध्यं यः पठेद् भक्त्या शृणुयाद् वा समाहितः ॥ १॥

phalaśrutiḥ |etat saubhāgyakavacaṃ śāṅkaraṃ yastu pāṭhayet |trisandhyaṃ yaḥ paṭhed bhaktyā śṛṇuyād vā samāhitaḥ || 1||

तस्य शीघ्रेण सिध्यन्ति सिद्धयस्त्वणिमादयः ।गुटिकापादुकाद्यष्टसिद्धयः सम्भवन्ति च ॥ २॥

tasya śīghreṇa sidhyanti siddhayastvaṇimādayaḥ |guṭikāpādukādyaṣṭasiddhayaḥ sambhavanti ca || 2||

वश्यादीन्यष्टकर्माणि योगश्चाष्टाङ्गसंयुतः ।ब्रह्माविष्णुगिरीशेन्द्रकन्दर्परतिभिः सह ॥ ३॥

vaśyādīnyaṣṭakarmāṇi yogaścāṣṭāṅgasaṃyutaḥ |brahmāviṣṇugirīśendrakandarparatibhiḥ saha || 3||

विचरन्ते तदखिलान् सिद्धगन्धर्वसेविताः ।तस्य स्मरणमात्रेण ग्रहभूतपिशाचकाः ॥ ४॥

vicarante tadakhilān siddhagandharvasevitāḥ |tasya smaraṇamātreṇa grahabhūtapiśācakāḥ || 4||

कीटवत् प्रपलायन्ते कष्माण्डा भैरवादयः ।तस्याङ्घ्रितोयपतनात् प्रशाम्यति महारुजाः ॥ ५॥

kīṭavat prapalāyante kaṣmāṇḍā bhairavādayaḥ |tasyāṅghritoyapatanāt praśāmyati mahārujāḥ || 5||

तत्पादकमलासक्तरजोलेशाभिमर्शनात् ।वश्यं भवति शीघ्रेण त्रैलोक्यं सचराचरम् ।आबालमहिलाभूपाः किमु मायाविमोहिताः ॥ ६॥

tatpādakamalāsaktarajoleśābhimarśanāt |vaśyaṃ bhavati śīghreṇa trailokyaṃ sacarācaram |ābālamahilābhūpāḥ kimu māyāvimohitāḥ || 6||

॥ इति वामकेश्वरन्तन्त्रे नित्याषोडशिकार्णवे श्रीसौभाग्यकवचम् ॥

|| iti vāmakeśvarantantre nityāṣoḍaśikārṇave śrīsaubhāgyakavacam ||