योगनायिकासहस्रनामस्तोत्रम् अथवा राजराजेश्वरीसहस्रनामस्तोत्रम् Shri Shriyoganayika Or Rajarajeshvari Shahasranama Shtotram

राकारादिरकारान्ताद्याक्षरघटितम् ।राजराजेश्वरी राजरक्षकी राजनर्तकी ।राजविद्या राजपूज्या राजकोशसमृद्धिदा ॥ १॥

rākārādirakārāntādyākṣaraghaṭitam |rājarājeśvarī rājarakṣakī rājanartakī |rājavidyā rājapūjyā rājakośasamṛddhidā || 1||

राजहंसतिरस्कारिगमना राजलोचना ।राज्ञां गुरुवराराध्या राजयुक्तनटाङ्गना ॥ २॥

rājahaṃsatiraskārigamanā rājalocanā |rājñāṃ guruvarārādhyā rājayuktanaṭāṅganā || 2||

राजगर्भा राजकन्दकदलीसक्तमानसा ।राज्ञां कविकुलाख्याता राजरोगनिवारिणी ॥ ३॥

rājagarbhā rājakandakadalīsaktamānasā |rājñāṃ kavikulākhyātā rājaroganivāriṇī || 3||

राजौषधिसुसम्पन्ना राजनीतिविशारदा ।राज्ञां सभालङ्कृताङ्गी राजलक्षणसंयुता ॥ ४॥

rājauṣadhisusampannā rājanītiviśāradā |rājñāṃ sabhālaṅkṛtāṅgī rājalakṣaṇasaṃyutā || 4||

राजद्बला राजवल्ली राजत्तिल्ववनाधिपा ।राजसद्गुणनिर्दिष्टा राजमार्गरथोत्सवा ॥ ५॥

rājadbalā rājavallī rājattilvavanādhipā |rājasadguṇanirdiṣṭā rājamārgarathotsavā || 5||

राजचक्राङ्कितकरा राजांशा राजशासना ।राजत्कृपा राजलक्ष्मीः राजत्कञ्चुकधारिणी ॥ ६॥

rājacakrāṅkitakarā rājāṃśā rājaśāsanā |rājatkṛpā rājalakṣmīḥ rājatkañcukadhāriṇī || 6||

राजाहङ्कारशमना राजकार्यधुरन्धरा ।राजाज्ञा राजमातङ्गी राजयन्त्रकृतार्चना ॥ ७॥

rājāhaṅkāraśamanā rājakāryadhurandharā |rājājñā rājamātaṅgī rājayantrakṛtārcanā || 7||

राजक्रीडा राजवेश्मप्रवेशितनिजाश्रिता ।राजमन्दिरवास्तव्या राजस्त्री राजजागरा ॥ ८॥

rājakrīḍā rājaveśmapraveśitanijāśritā |rājamandiravāstavyā rājastrī rājajāgarā || 8||

राजशापविनिर्मुक्ता राजश्री राजमन्त्रिणी ।राजपुत्री राजमैत्री राजान्तःपुरवासिनी ॥ ९॥

rājaśāpavinirmuktā rājaśrī rājamantriṇī |rājaputrī rājamaitrī rājāntaḥpuravāsinī || 9||

राजपापविनिर्मुक्ता राजर्षिपरिसेविता ।राजोत्तममृगारूढा राज्ञस्तेजःप्रदायिनी ॥ १०॥

rājapāpavinirmuktā rājarṣiparisevitā |rājottamamṛgārūḍhā rājñastejaḥpradāyinī || 10||

राजार्चितपदाम्भोजा राजालङ्कारवेष्टिता ।राजसूयसमाराध्या राजसाहस्रसेविता ॥ ११॥

rājārcitapadāmbhojā rājālaṅkāraveṣṭitā |rājasūyasamārādhyā rājasāhasrasevitā || 11||

राजसन्तापशमनी राजशब्दपरायणा ।राजार्हमणिभूषाढ्या राजच्छृङ्गारनायिका ॥ १२॥

rājasantāpaśamanī rājaśabdaparāyaṇā |rājārhamaṇibhūṣāḍhyā rājacchṛṅgāranāyikā || 12||

राजद्रुमूलसंराजद्विघ्नेशवरदायिनी ।राजपर्वतकौमारी राजशौर्यप्रदायिनी ॥ १३॥

rājadrumūlasaṃrājadvighneśavaradāyinī |rājaparvatakaumārī rājaśauryapradāyinī || 13||

राजाभ्यन्तःसमाराध्या राजमौलिमनस्विनी ।राजमाता राजमाषप्रियार्चितपदाम्बुजा ॥ १४॥

rājābhyantaḥsamārādhyā rājamaulimanasvinī |rājamātā rājamāṣapriyārcitapadāmbujā || 14||

राजारिमर्दिनी राज्ञी राजत्कल्हारहस्तका ।रामचन्द्रसमाराध्या रामा राजीवलोचना ॥ १५॥

rājārimardinī rājñī rājatkalhārahastakā |rāmacandrasamārādhyā rāmā rājīvalocanā || 15||

रावणेशसमाराध्या राकाचन्द्रसमानना ।रात्रिसूक्तजपप्रीता रागद्वेषविवर्जिता ॥ १६॥

rāvaṇeśasamārādhyā rākācandrasamānanā |rātrisūktajapaprītā rāgadveṣavivarjitā || 16||

रिङ्खन्नूपुरपादाब्जा रिट्यादिपरिसेविता ।रिपुसङ्घकुलध्वान्ता रिगमस्वरभूषिता ॥ १७॥

riṅkhannūpurapādābjā riṭyādiparisevitā |ripusaṅghakuladhvāntā rigamasvarabhūṣitā || 17||

रुक्मिणीशसहोद्भूता रुद्राणी रुरुभैरवी ।रुग्घन्त्री रुद्रकोपाग्निशमनी रुद्रसंस्तुता ॥ १८॥

rukmiṇīśasahodbhūtā rudrāṇī rurubhairavī |rugghantrī rudrakopāgniśamanī rudrasaṃstutā || 18||

रुषानिवारिणी रूपलावण्याम्बुधिचन्द्रिका ।रूप्यासनप्रिया रूढा रूप्यचन्द्रशिखामणिः ॥ १९॥

ruṣānivāriṇī rūpalāvaṇyāmbudhicandrikā |rūpyāsanapriyā rūḍhā rūpyacandraśikhāmaṇiḥ || 19||

रेफवर्णगला रेवानदीतीरविहारिणी ।रेणुका रेणुकाराध्या रेवोर्ध्वकृतचक्रिणी ॥ २०॥

rephavarṇagalā revānadītīravihāriṇī |reṇukā reṇukārādhyā revordhvakṛtacakriṇī || 20||

रेणुकेयाख्यकल्पोक्तयजनप्रीतमानसा ।रोमलम्बितविध्यण्डा रोमन्थमुनिसेविता ॥ २१॥

reṇukeyākhyakalpoktayajanaprītamānasā |romalambitavidhyaṇḍā romanthamunisevitā || 21||

रोमावलिसुलावण्यमध्यभागसुशोभिता ।रोचनागरुकस्तूरीचन्दनश्रीविलेपिता ॥ २२॥

romāvalisulāvaṇyamadhyabhāgasuśobhitā |rocanāgarukastūrīcandanaśrīvilepitā || 22||

रोहिणीशकृतोत्तंसा रोहिणीपितृवन्दिता ।रोहिताश्वसुसम्भूता रौहिणेयानुजार्चिता ॥ २३॥

rohiṇīśakṛtottaṃsā rohiṇīpitṛvanditā |rohitāśvasusambhūtā rauhiṇeyānujārcitā || 23||

रौप्यसिंहासनारूढचाक्षुष्मन्मन्त्रविग्रहा ।रौद्रमन्त्राभिषिक्ताङ्गी रौद्रमध्यसमीडिता ॥ २४॥

raupyasiṃhāsanārūḍhacākṣuṣmanmantravigrahā |raudramantrābhiṣiktāṅgī raudramadhyasamīḍitā || 24||

रौरवान्तकरी रौच्यपत्रपुष्पकृतार्चना ।रङ्गलास्यकृतालोला रङ्गवल्ल्याद्यलङ्कृता ॥ २५॥

rauravāntakarī raucyapatrapuṣpakṛtārcanā |raṅgalāsyakṛtālolā raṅgavallyādyalaṅkṛtā || 25||

रञ्जकश्रीसभामध्यगायकान्तरवासिनी ।ललिता लड्डुकप्रीतमानसस्कन्दजन्मभूः ॥ २६॥

rañjakaśrīsabhāmadhyagāyakāntaravāsinī |lalitā laḍḍukaprītamānasaskandajanmabhūḥ || 26||

लकारत्रययुक्तश्रीविद्यामन्त्रकदम्बका ।लक्षणा लक्षणाराध्या लक्षबिल्वार्चनप्रिया ॥ २७॥

lakāratrayayuktaśrīvidyāmantrakadambakā |lakṣaṇā lakṣaṇārādhyā lakṣabilvārcanapriyā || 27||

लज्जाशीला लक्षणज्ञा लकुचान्नकृतादरा ।ललाटनयनार्धाङ्गी लवङ्गत्वक्सुगन्धवाक् ॥ २८॥

lajjāśīlā lakṣaṇajñā lakucānnakṛtādarā |lalāṭanayanārdhāṅgī lavaṅgatvaksugandhavāk || 28||

लाजहोमप्रिया लाक्षागृहे कौन्तेयसेविता ।लाङ्गली लालना लाला लालिका लिङ्गपीठगा ॥ २९॥

lājahomapriyā lākṣāgṛhe kaunteyasevitā |lāṅgalī lālanā lālā lālikā liṅgapīṭhagā || 29||

लिपिव्यष्टिसमष्टिज्ञा लिपिन्यस्त त्रिणेत्रभृत् ।लुङ्गाफलसमासक्ता लुलायासुरघातुकी ॥ ३०॥

lipivyaṣṭisamaṣṭijñā lipinyasta triṇetrabhṛt |luṅgāphalasamāsaktā lulāyāsuraghātukī || 30||

लूतिकापतिसम्पूज्या लूताविस्फोटनाशिनी ।लृलॄवर्णस्वरूपाढ्या लेखिनी लेखकप्रिया ॥ ३१॥

lūtikāpatisampūjyā lūtāvisphoṭanāśinī |lṛlṝvarṇasvarūpāḍhyā lekhinī lekhakapriyā || 31||

लेह्यचोष्यपेयखाद्यभक्ष्यभोज्यादिमप्रिया ।लेपितश्रीचन्दनाङ्गी लैङ्गमार्गप्रपूजिजता ॥ ३२॥

lehyacoṣyapeyakhādyabhakṣyabhojyādimapriyā |lepitaśrīcandanāṅgī laiṅgamārgaprapūjijatā || 32||

लोलम्बिरत्नहाराङ्गी लोलाक्षी लोकवन्दिता ।लोपामुद्रार्चितपदा लोपामुद्रापतीडिता ॥ ३३॥

lolambiratnahārāṅgī lolākṣī lokavanditā |lopāmudrārcitapadā lopāmudrāpatīḍitā || 33||

लोभकामक्रोधमोहमदमात्सर्यवारिता ।लोहजप्रतिमायन्त्रवासिनी लोकरञ्जिनी ॥ ३४॥

lobhakāmakrodhamohamadamātsaryavāritā |lohajapratimāyantravāsinī lokarañjinī || 34||

लोकवेद्या लोलडोलास्थितशम्भुविहारिणी ।लोलजिह्वापरीताङ्गी लोकसंहारकारिणी ॥ ३५॥

lokavedyā lolaḍolāsthitaśambhuvihāriṇī |lolajihvāparītāṅgī lokasaṃhārakāriṇī || 35||

लौकिकीज्याविदूरस्था लङ्केशानसुपूजिता ।लम्पटा लम्बिमालाभिनन्दिता लवलीधरा ॥ ३६॥

laukikījyāvidūrasthā laṅkeśānasupūjitā |lampaṭā lambimālābhinanditā lavalīdharā || 36||

वक्रतुण्डप्रिया वज्रा वधूटी वनवासिनी ।वधूर्वचनसन्तुष्टा वत्सला वटुभैरवी ॥ ३७॥

vakratuṇḍapriyā vajrā vadhūṭī vanavāsinī |vadhūrvacanasantuṣṭā vatsalā vaṭubhairavī || 37||

वटमूलनिवासार्धा वरवीराङ्गनावृता ।वनिता वर्धनी वर्ष्या वरालीरागलोलुपा ॥ ३८॥

vaṭamūlanivāsārdhā varavīrāṅganāvṛtā |vanitā vardhanī varṣyā varālīrāgalolupā || 38||

वलयीकृतमाहेशकरसौवर्णकन्धरा ।वराङ्गी वसुधा वप्रकेलिनी वणिजा(जां)वरा ॥ ३९॥

valayīkṛtamāheśakarasauvarṇakandharā |varāṅgī vasudhā vaprakelinī vaṇijā(jāṃ)varā || 39||

वपुरायितश्रीचक्रा वरदा वरवर्णिनी ।वराहवदनाराध्या वर्णपञ्चदशात्मिका ॥ ४०॥

vapurāyitaśrīcakrā varadā varavarṇinī |varāhavadanārādhyā varṇapañcadaśātmikā || 40||

वसिष्ठार्च्या वल्कलान्तर्हितरम्यस्तनद्वयी ।वशिनी वल्लकी वर्णा वर्षाकालप्रपूजिता ॥ ४१॥

vasiṣṭhārcyā valkalāntarhitaramyastanadvayī |vaśinī vallakī varṇā varṣākālaprapūjitā || 41||

वल्ली वसुदलप्रान्तवृत्तकट्याश्रितादरा ।वर्गा वरवृषारूढा वषण्मन्त्रसुसंज्ञका ॥ ४२॥

vallī vasudalaprāntavṛttakaṭyāśritādarā |vargā varavṛṣārūḍhā vaṣaṇmantrasusaṃjñakā || 42||

वलयाकारवैडूर्यवरकङ्कणभूषणा ।वज्राञ्चितशिरोभूषा वज्रमाङ्गल्यभूषिता ॥ ४३॥

valayākāravaiḍūryavarakaṅkaṇabhūṣaṇā |vajrāñcitaśirobhūṣā vajramāṅgalyabhūṣitā || 43||

वाग्वादिनी वामकेशी वाचस्पतिवरप्रदा ।वादिनी वागधिष्ठात्री वारुणी वायुसेविता ॥ ४४॥

vāgvādinī vāmakeśī vācaspativarapradā |vādinī vāgadhiṣṭhātrī vāruṇī vāyusevitā || 44||

वात्स्यायनसुतन्त्रोक्ता वाणी वाक्यपदार्थजा ।वाद्यघोषप्रिया वाद्यवृन्दारम्भनटोत्सुका ॥ ४५॥

vātsyāyanasutantroktā vāṇī vākyapadārthajā |vādyaghoṣapriyā vādyavṛndārambhanaṭotsukā || 45||

वापीकूपसमीपस्था वार्ताली वामलोचना ।वास्तोष्पतीड्या वामाङ्घ्रिधृतनूपुरशोभिता ॥ ४६॥

vāpīkūpasamīpasthā vārtālī vāmalocanā |vāstoṣpatīḍyā vāmāṅghridhṛtanūpuraśobhitā || 46||

वामा वाराणसीक्षेत्रा वाडवेयवरप्रदा ।वामाङ्गा वाञ्छितफलदात्री वाचालखण्डिता ॥ ४७॥

vāmā vārāṇasīkṣetrā vāḍaveyavarapradā |vāmāṅgā vāñchitaphaladātrī vācālakhaṇḍitā || 47||

वाच्यवाचकवाक्यार्था वामना वाजिवाहना ।वासुकीकण्ठभूषाढ्यवामदेवप्रियाङ्गना ॥ ४८॥

vācyavācakavākyārthā vāmanā vājivāhanā |vāsukīkaṇṭhabhūṣāḍhyavāmadevapriyāṅganā || 48||

विजया विमला विश्वा विग्रहा विधृताङ्कुशा ।विनोदवनवास्तव्या विभक्ताण्डा विधीडिता ॥ ४९॥

vijayā vimalā viśvā vigrahā vidhṛtāṅkuśā |vinodavanavāstavyā vibhaktāṇḍā vidhīḍitā || 49||

विक्रमा विषजन्तुघ्नी विश्वामित्रवरप्रदा ।विश्वम्भरा विष्णुशक्तिर्विजिज्ञासाविचक्षणा ॥ ५०॥

vikramā viṣajantughnī viśvāmitravarapradā |viśvambharā viṣṇuśaktirvijijñāsāvicakṣaṇā || 50||