राजराजेश्वरी चूर्णिका Shri Rajarajeshvari Churnika

श्रीमत् कमलापुर कनकधराधरवर निरुपम परम पावनमनोहर प्रान्ते, सरसिजभवोपमविश्वंभरामरवर्गगनिग्गलत्ससंभ्रम गुंभानुगुंभ निरन्तरपठ्यमान निखिल निगमागम शास्त्र पुराणेतिहास कथानिर्मलनिनादसमाक्रान्ते ॥ १॥

śrīmat kamalāpura kanakadharādharavara nirupama parama pāvanamanohara prānte, sarasijabhavopamaviśvaṃbharāmaravargaganiggalatsasaṃbhrama guṃbhānuguṃbha nirantarapaṭhyamāna nikhila nigamāgama śāstra purāṇetihāsa kathānirmalaninādasamākrānte || 1||

तत्र प्रवर्द्धितमन्दारमयूरखर्जुरकोविदारजंबीरजंबूनिंबकदंबोदुंबरसालरसालतमालतक्कोलहिन्तालनाळिकेरकदलीक्रमुकमातुलुंगनारंगलवंगबादरीचंपकाशोकपुन्नागागरुचन्दनकुरुवकमरुवकवेलद्राक्षामल्लिकामालतीमाधवीलताशोभायमानपुष्पितफलितललितविविध वनतरुवाटिका मध्यप्रदेशे ॥ २॥

tatra pravarddhitamandāramayūrakharjurakovidārajaṃbīrajaṃbūniṃbakadaṃboduṃbarasālarasālatamālatakkolahintālanāḷikerakadalīkramukamātuluṃganāraṃgalavaṃgabādarīcaṃpakāśokapunnāgāgarucandanakuruvakamaruvakaveladrākṣāmallikāmālatīmādhavīlatāśobhāyamānapuṣpitaphalitalalitavividha vanataruvāṭikā madhyapradeśe || 2||

शुकपिकशारिका निकरमयूर चकोर चक्रवाकभरद्वाजपिंगलटिट्टिभगरुढविहगकुलायन कोलाहलारवपरिपूरिताशे, तत्र सुधारसोपमपानीयकासार स्फुटकलितकुमुदेन्दीवरषण्डसञ्चरन्मराल चक्रवाक कारण्डव प्रमुखजलाण्डजमण्डली शोभायमाने, नन्दनवन कृतबहुमाने ॥ ३॥

śukapikaśārikā nikaramayūra cakora cakravākabharadvājapiṃgalaṭiṭṭibhagaruḍhavihagakulāyana kolāhalāravaparipūritāśe, tatra sudhārasopamapānīyakāsāra sphuṭakalitakumudendīvaraṣaṇḍasañcaranmarāla cakravāka kāraṇḍava pramukhajalāṇḍajamaṇḍalī śobhāyamāne, nandanavana kṛtabahumāne || 3||

चारुचामीकर प्राकारगोपुर वलयिते, सुलळिते,सुस्निग्धविराजित वज्रस्तंभ सहस्रपत्मरागपलफलकजातरूपन्त्रतन निर्मित प्रथममण्तपद्वीतीयमण्टपान्तराळमण्टप मूलमहामण्टपस्थाने,शिल्पिशास्त्रप्रधाने,कलितवज्रवैढूर्यमाणिक्यगोमेतकपुष्परागपत्मरागमरकतनीलमुक्ताप्रवाळाख्यनवरत्नतेजोविराजित बिन्दुत्रिकोण षट्कोणवसुकोण श्रीचक्रस्वरूपभद्रसिंहासनासीने, देवताप्रधाने ॥ ४॥

cārucāmīkara prākāragopura valayite, sulaḷite,susnigdhavirājita vajrastaṃbha sahasrapatmarāgapalaphalakajātarūpantratana nirmita prathamamaṇtapadvītīyamaṇṭapāntarāḷamaṇṭapa mūlamahāmaṇṭapasthāne,śilpiśāstrapradhāne,kalitavajravaiḍhūryamāṇikyagometakapuṣparāgapatmarāgamarakatanīlamuktāpravāḷākhyanavaratnatejovirājita bindutrikoṇa ṣaṭkoṇavasukoṇa śrīcakrasvarūpabhadrasiṃhāsanāsīne, devatāpradhāne || 4||

चरणांगुळिनखमुखरुचिनिचय पराभ्रततारके, श्रीमन्माणिक्यमंजीरमण्डित श्रीपदांबुजद्वये, मीनकेतनमणितुणीरविलासविजयिजंघायुगळे, कनकरंभास्तंभितोरुद्वये,कन्दर्पस्वर्णस्यन्दनपटुतर शकटसन्निभनितंब बिंबे ॥ ५॥

caraṇāṃguḷinakhamukharucinicaya parābhratatārake, śrīmanmāṇikyamaṃjīramaṇḍita śrīpadāṃbujadvaye, mīnaketanamaṇituṇīravilāsavijayijaṃghāyugaḷe, kanakaraṃbhāstaṃbhitorudvaye,kandarpasvarṇasyandanapaṭutara śakaṭasannibhanitaṃba biṃbe || 5||

दिनकरोदयार्धविकसितारविन्दनाभिप्रदेशे,रोमराजीविराजितवळित्रये, भासुरकरभोदरे,जंभासुररिपुकुंभिकुंभसमुज्ज्यंभित शातकुंभकुंभायमानसंभावितपयोधरद्वये, अद्वये, गोवित कुशकलशकक्षद्वयारुणित सूर्य पट्टाभिधानमुक्तामणिप्रोतकञ्चुकविराजमाने, कोमळतरकल्पवल्लीसमानपाशाङ्कुशवराभय मुद्रामुद्रितत्सन्त्सणत्कार विराजितचतुर्भुजे ॥ ६॥

dinakarodayārdhavikasitāravindanābhipradeśe,romarājīvirājitavaḷitraye, bhāsurakarabhodare,jaṃbhāsuraripukuṃbhikuṃbhasamujjyaṃbhita śātakuṃbhakuṃbhāyamānasaṃbhāvitapayodharadvaye, advaye, govita kuśakalaśakakṣadvayāruṇita sūrya paṭṭābhidhānamuktāmaṇiprotakañcukavirājamāne, komaḷatarakalpavallīsamānapāśāṅkuśavarābhaya mudrāmudritatsantsaṇatkāra virājitacaturbhuje || 6||

त्रैलोक्यजैत्रयात्रागमनसुरवरकर बधमंगळसूत्रत्रिमेखाशोभितकण्डरे, नवप्रवालवल्लवपक्वबिंबफलाधरे,निरन्तरकर्पूरतांबूलच्यर्वणारुणितरदनपङ्क्तिद्वये,चन्पकप्रसूनतिलपुष्पसमाननासापुटाग्रोदञ्चितमौक्तिकाभरणे,कर्णावतंसीकृतेन्दिवरविराजितकपोलभागे,अरविन्ददळदीर्घलोचने ॥ ७॥

trailokyajaitrayātrāgamanasuravarakara badhamaṃgaḷasūtratrimekhāśobhitakaṇḍare, navapravālavallavapakvabiṃbaphalādhare,nirantarakarpūratāṃbūlacyarvaṇāruṇitaradanapaṅktidvaye,canpakaprasūnatilapuṣpasamānanāsāpuṭāgrodañcitamauktikābharaṇe,karṇāvataṃsīkṛtendivaravirājitakapolabhāge,aravindadaḷadīrghalocane || 7||

कुसुमशरकोडन्दलेखालङ्कारि मनोहारिभृलतायुगळे,सुलळिताष्टमीचन्द्रलावण्यललाटफलके, कस्तूरिकातिलके,हरिन्मणिद्विरेफावलि प्रकाशकेशपाशे, कनकांगदहारकेयूरनानाविधायुध स्थिरीभृतसौदामिनीतुलितलळितन्त्रतनतन्त्रलते ॥ ८॥

kusumaśarakoḍandalekhālaṅkāri manohāribhṛlatāyugaḷe,sulaḷitāṣṭamīcandralāvaṇyalalāṭaphalake, kastūrikātilake,harinmaṇidvirephāvali prakāśakeśapāśe, kanakāṃgadahārakeyūranānāvidhāyudha sthirībhṛtasaudāminītulitalaḷitantratanatantralate || 8||

काश्यपात्रिभरद्वाजव्यासपराशरमार्कण्डेयविश्वामित्रकण्वकपिलगर्गपुलस्त्यागस्त्यादिसकलमुनिमनोध्यब्रह्म तेजोमये, चिन्मये ॥ ९॥

kāśyapātribharadvājavyāsaparāśaramārkaṇḍeyaviśvāmitrakaṇvakapilagargapulastyāgastyādisakalamunimanodhyabrahma tejomaye, cinmaye || 9||

सेवार्थागतांगवंगकलिंगकांभोजसौवीरसौराष्ट्रमहारष्ट्रमागधनिषधचोलचेरपाण्ड्यपाञ्चालद्रविडद्राविडघोटलाटवराटकर्णाटकास्ड्रभोजकुरुगान्धारविदर्भविज्रुंभबाह्लीकबर्बरकेरळकैकयकोसलशूरसेनच्यवनटङ्कणकोङ्कणमत्स्यमाध्वसैन्धवकाशीभद्राशीऐन्द्रांशीउत्तरगिरिषट्पञ्चाशत्देशादीशादिगन्धर्वहेषारवहीत्कारवरथांगक्रैम्कारभेरीझंकार मदुळध्वनिहुंकारयुक्त चतुरंगसमेत जितसुरराजाधिराजपुंखानुपुंखगमनागमन विशीर्णाभरणाद्ययुत पाटलीवालुकायमान प्रथम मण्टप सन्निधाने ॥ १०॥

sevārthāgatāṃgavaṃgakaliṃgakāṃbhojasauvīrasaurāṣṭramahāraṣṭramāgadhaniṣadhacolacerapāṇḍyapāñcāladraviḍadrāviḍaghoṭalāṭavarāṭakarṇāṭakāsḍrabhojakurugāndhāravidarbhavijruṃbhabāhlīkabarbarakeraḷakaikayakosalaśūrasenacyavanaṭaṅkaṇakoṅkaṇamatsyamādhvasaindhavakāśībhadrāśīaindrāṃśīuttaragiriṣaṭpañcāśatdeśādīśādigandharvaheṣāravahītkāravarathāṃgakraimkārabherījhaṃkāra maduḷadhvanihuṃkārayukta caturaṃgasameta jitasurarājādhirājapuṃkhānupuṃkhagamanāgamana viśīrṇābharaṇādyayuta pāṭalīvālukāyamāna prathama maṇṭapa sannidhāne || 10||

तत्तत् पूजजालक्रियमानार्घ्यपाद्याचमनीयस्नानवस्त्राभरणजलगन्धपुष्पाक्षतधूपदीपनैवेद्यताम्बूलप्रदक्षिणनमस्कारस्तोत्रस्वान्तसन्तोषितवरप्रदानशीले, श्रीबाले ॥ ११॥

tattat pūjajālakriyamānārghyapādyācamanīyasnānavastrābharaṇajalagandhapuṣpākṣatadhūpadīpanaivedyatāmbūlapradakṣiṇanamaskārastotrasvāntasantoṣitavarapradānaśīle, śrībāle || 11||

रम्भोर्वशीमेनकातिलोत्तमाहरिणीघृताचीमञ्जूघोषालंबुसाद्युताफ्सरस्त्री"धिमिन्धिमित"चित्रोपमित्र नर्तनोल्लासावलोकनद्वये, कृत्तिवासःप्रिये,बण्डासुरप्रेरिताखण्डदोर्दुण्ड रक्षोमण्डली खण्डने ॥ १२॥

rambhorvaśīmenakātilottamāhariṇīghṛtācīmañjūghoṣālaṃbusādyutāphsarastrī"dhimindhimita"citropamitra nartanollāsāvalokanadvaye, kṛttivāsaḥpriye,baṇḍāsurapreritākhaṇḍadorduṇḍa rakṣomaṇḍalī khaṇḍane || 12||

निजरांगुळीयकादि मत्स्यकूर्मवराहादि नारायणदशावतारे, हिमवत्कुलाचलराजकन्ये, सर्वलोकमान्ये ॥ १३॥

nijarāṃguḷīyakādi matsyakūrmavarāhādi nārāyaṇadaśāvatāre, himavatkulācalarājakanye, sarvalokamānye || 13||

श्री विद्याधीशरचित चूर्णिकश्रवणपठनानन्दिनांसम्प्रार्थितायुरारोग्यसौन्दर्य विद्याबुद्धि पुत्रपौत्रकळत्रैश्वर्यादि सकलसौख्यप्रदे \,श्रीमत्कमलाम्बिके \! पराशक्ते \!नमस्ते \! नमस्ते \! नमस्ते \!मुक्ताविद्रुम हेमकुण्डलधरा सिंहाधिरूढा शिवा ।रक्तांभोजसमानकान्ति वदना श्रीमत्किरीटान्विता ॥मुक्ताहेमविचित्रहारकटकैः पीतांबरा शङ्करी ।भक्ताभीष्टवरप्रदानचतुरा मांपातु हेमाम्बिका ॥॥ श्री विद्याधीश विरचित श्री राजराजेश्वरी चूर्णिकासमाप्ता ॥

śrī vidyādhīśaracita cūrṇikaśravaṇapaṭhanānandināṃsamprārthitāyurārogyasaundarya vidyābuddhi putrapautrakaḷatraiśvaryādi sakalasaukhyaprade \,śrīmatkamalāmbike \! parāśakte \!namaste \! namaste \! namaste \!muktāvidruma hemakuṇḍaladharā siṃhādhirūḍhā śivā |raktāṃbhojasamānakānti vadanā śrīmatkirīṭānvitā ||muktāhemavicitrahārakaṭakaiḥ pītāṃbarā śaṅkarī |bhaktābhīṣṭavarapradānacaturā māṃpātu hemāmbikā |||| śrī vidyādhīśa viracita śrī rājarājeśvarī cūrṇikāsamāptā ||