राजराजेश्वर्यष्टकम् २ राजराजेश्वर्याः स्तुतिः Shri Rajarajeshvari Stuti or Rajarajeshvaryashtakam

ॐ नमः पराशक्तये ।आदिक्षान्त समस्तवर्णविभवा यामातृकारूपिणीमन्त्रवीर्य परामृतरसा स्वादात्सुखदायिनी ।भावव्रात समुद्रगर्भलहरी शब्दार्थतत्त्वव्यापिनीसा मां पातु सरस्वती भगवती श्रीराजराजेश्वरी ॥ १॥

oṃ namaḥ parāśaktaye |ādikṣānta samastavarṇavibhavā yāmātṛkārūpiṇīmantravīrya parāmṛtarasā svādātsukhadāyinī |bhāvavrāta samudragarbhalaharī śabdārthatattvavyāpinīsā māṃ pātu sarasvatī bhagavatī śrīrājarājeśvarī || 1||

वाच्य वाचक सारपूर्ण विभवा देवी षडध्वाश्रयाश्रीचक्रान्तरवह्णिकोण निलयाया बिन्दुमात्रात्मिका ।सूक्ष्मात्सूक्ष्मतरा परामृतमयी नित्यं जगत्तर्पिनीसा मां पातु सरस्वती भगवती श्रीराजराजेश्वरी ॥ २॥

vācya vācaka sārapūrṇa vibhavā devī ṣaḍadhvāśrayāśrīcakrāntaravahṇikoṇa nilayāyā bindumātrātmikā |sūkṣmātsūkṣmatarā parāmṛtamayī nityaṃ jagattarpinīsā māṃ pātu sarasvatī bhagavatī śrīrājarājeśvarī || 2||

पूर्णाहन्त्वविमर्श पावनकरी नित्यं मलक्षालिनीभक्तानां भवभीति भञ्जनकरी हृत्पङ्कजे संस्थिता ।बाह्याभ्यन्तरचारिणी सुरसतो हंसेनया सेवितासा मां पातु सरस्वती भगवती श्रीराजराजेश्वरी ॥ ३॥

pūrṇāhantvavimarśa pāvanakarī nityaṃ malakṣālinībhaktānāṃ bhavabhīti bhañjanakarī hṛtpaṅkaje saṃsthitā |bāhyābhyantaracāriṇī surasato haṃsenayā sevitāsā māṃ pātu sarasvatī bhagavatī śrīrājarājeśvarī || 3||

ऊर्ध्वाधः स्थितनाडिवृन्दविभवे सञ्जीविकामध्यमास्वात्मामर्शन तत्परैश्च सततं भक्तैः खलु प्राप्यते ।मूलाद् ब्रह्मबिलावधितडिदिवया ब्रह्मनाडी स्मृतासा मां पातु सरस्वती भगवती श्रीराजराजेश्वरी ॥ ४॥

ūrdhvādhaḥ sthitanāḍivṛndavibhave sañjīvikāmadhyamāsvātmāmarśana tatparaiśca satataṃ bhaktaiḥ khalu prāpyate |mūlād brahmabilāvadhitaḍidivayā brahmanāḍī smṛtāsā māṃ pātu sarasvatī bhagavatī śrīrājarājeśvarī || 4||

वर्णावर्णनिवर्ण भेद निवहातत्राप्यभेदात्मिकावेदान्तागमतन्त्र सार महिमाषड्।ह्दर्शनोल्लङ्घिनी ।सर्वाचार विचार पालन परायानिर्गता चारकासा मां पातु सरस्वती भगवती श्रीराजराजेश्वरी ॥ ५॥

varṇāvarṇanivarṇa bheda nivahātatrāpyabhedātmikāvedāntāgamatantra sāra mahimāṣaḍ|hdarśanollaṅghinī |sarvācāra vicāra pālana parāyānirgatā cārakāsā māṃ pātu sarasvatī bhagavatī śrīrājarājeśvarī || 5||

ॐ तत्सदितिनामभिर्निगदिता सर्वागमे योगिभिःतत्प्राणान्त विचार्यभक्त निबहैः ह्रीतमिव शष्पवत् ।ऐन्द्रंधाम विहाय क्षीणकलुषैर्मोक्षाय या स्वीकृतासा मां पातु सरस्वती भगवती श्रीराजराजेश्वरी ॥ ६॥

oṃ tatsaditināmabhirnigaditā sarvāgame yogibhiḥtatprāṇānta vicāryabhakta nibahaiḥ hrītamiva śaṣpavat |aindraṃdhāma vihāya kṣīṇakaluṣairmokṣāya yā svīkṛtāsā māṃ pātu sarasvatī bhagavatī śrīrājarājeśvarī || 6||

सौरं ज्योतिरिदमपि परिमितंह्रीतं तथा यत्पदात्ॐइत्येतद्विमर्शनेन सततं सर्वमिदं स्वात्मनि ।रक्तेस्तत्पद प्रेप्सुभिञ्च मुनिभिःस्वस्थै सदास्वीकृतंसा मां पातु सरस्वती भगवती श्रीराजराजेश्वेरी ॥ ७॥

sauraṃ jyotiridamapi parimitaṃhrītaṃ tathā yatpadātoṃityetadvimarśanena satataṃ sarvamidaṃ svātmani |raktestatpada prepsubhiñca munibhiḥsvasthai sadāsvīkṛtaṃsā māṃ pātu sarasvatī bhagavatī śrīrājarājeśverī || 7||

तैस्त्तैर्योगिवरैः सदा कवियशोनक्रं दिनं यत्पदध्यानावस्थित तद् गतेन मनसा प्राप्तं महत् निर्मलम ।मोक्षं भोगं ददाति या प्रभुदिता विद्याधरैर्वन्दितासा मां पातु सरस्वती भगवती श्रीराजराजेश्वरी ॥ ८॥

taisttairyogivaraiḥ sadā kaviyaśonakraṃ dinaṃ yatpadadhyānāvasthita tad gatena manasā prāptaṃ mahat nirmalama |mokṣaṃ bhogaṃ dadāti yā prabhuditā vidyādharairvanditāsā māṃ pātu sarasvatī bhagavatī śrīrājarājeśvarī || 8||

इति श्रीराजराजेश्वर्याः स्तुतिः राजानक विद्याधर विरचिता शुभायास्तु ।इति शिवम् ।

iti śrīrājarājeśvaryāḥ stutiḥ rājānaka vidyādhara viracitā śubhāyāstu |iti śivam |