राजराजेश्वरीकवचम् अथवा महात्रिपुरसुन्दरीत्रैलोक्यमोहनाख्यकवचम् Shri Rajarajeshvari Kavacham

अथ चतुर्थः पटलःपार्वती उवाचदेवदेव महादेव लोकानां हितकारक ।यत् सूचितं पुरा नाथ किमर्थं न प्रकाशितम् ॥ १॥

atha caturthaḥ paṭalaḥpārvatī uvācadevadeva mahādeva lokānāṃ hitakāraka |yat sūcitaṃ purā nātha kimarthaṃ na prakāśitam || 1||

राजराजेश्वरीदेव्यास्त्रिपुरायाः शुभावहम् ।कवचं यदि मे प्रीतः कथयस्व वृषध्वज ॥ २॥

rājarājeśvarīdevyāstripurāyāḥ śubhāvaham |kavacaṃ yadi me prītaḥ kathayasva vṛṣadhvaja || 2||

ईश्वर उवाचलक्षवारसहस्राणि वारितासि पुनः पुनः ।स्त्रीस्वभावान्महादेवि ! पुनस्त्वं परिपृच्छसि ॥ ३॥

īśvara uvācalakṣavārasahasrāṇi vāritāsi punaḥ punaḥ |strīsvabhāvānmahādevi ! punastvaṃ paripṛcchasi || 3||

अत्यन्तं दुर्लभं गुह्यं कवचं सर्वकामदम् ।तथापि कथयाम्यद्य तव प्रीत्या वरानने ॥ ४॥

atyantaṃ durlabhaṃ guhyaṃ kavacaṃ sarvakāmadam |tathāpi kathayāmyadya tava prītyā varānane || 4||

त्रैलोक्यमोहनं नाम त्रिषु लोकेषु दुर्लभम् ।सर्वसौभाग्यजननं भोगमोक्षफलप्रदम् ॥ ५॥

trailokyamohanaṃ nāma triṣu lokeṣu durlabham |sarvasaubhāgyajananaṃ bhogamokṣaphalapradam || 5||

यत् कृत्वा दानवान् विष्णुर्निजघान सुदारुणान् ।लोकान् वितनुते ब्रह्मा संहर्ताऽहं यतः प्रिये ॥ ६॥

yat kṛtvā dānavān viṣṇurnijaghāna sudāruṇān |lokān vitanute brahmā saṃhartā'haṃ yataḥ priye || 6||

धनाधिपः कुबेरोऽपि यतः सर्वे दिगीश्वराः ।नैतत् परतरं गुह्यं प्रतिजानीहि पार्वति ॥ ७॥

dhanādhipaḥ kubero'pi yataḥ sarve digīśvarāḥ |naitat parataraṃ guhyaṃ pratijānīhi pārvati || 7||

वेदशास्त्रपुराणेषु सारमेतद् वरानने ।पुत्रदारादिसहितं शिरो देयं कथञ्चन ॥ ८॥

vedaśāstrapurāṇeṣu sārametad varānane |putradārādisahitaṃ śiro deyaṃ kathañcana || 8||

न देयं कवचं गुह्यं प्राणैः कण्ठगतैरपि ।शृणु सर्वाङ्गसुभगे दिव्यं कवचमुत्तमम् ॥ ९॥

na deyaṃ kavacaṃ guhyaṃ prāṇaiḥ kaṇṭhagatairapi |śṛṇu sarvāṅgasubhage divyaṃ kavacamuttamam || 9||

राजराजेश्वरीदेव्याः कवचस्य ऋषिः शिवः ।छन्दो विराड् देवता च महात्रिपुरसुन्दरी ॥ १०॥

rājarājeśvarīdevyāḥ kavacasya ṛṣiḥ śivaḥ |chando virāḍ devatā ca mahātripurasundarī || 10||

हंसः शक्तिः पराबीजं रमाबीजं च कीलकम् ।धर्मार्थकाममोक्षेषु विनियोगः प्रकीर्तितः ॥ ११॥

haṃsaḥ śaktiḥ parābījaṃ ramābījaṃ ca kīlakam |dharmārthakāmamokṣeṣu viniyogaḥ prakīrtitaḥ || 11||

त्रिपुरा त्रिविधा पातु मम सर्वार्थसिद्धये ।ऐं क्लीं सौः वदने बाला पातु सर्वार्थसिद्धिदा ॥ १२॥

tripurā trividhā pātu mama sarvārthasiddhaye |aiṃ klīṃ sauḥ vadane bālā pātu sarvārthasiddhidā || 12||

कण्ठं पातु महादेवी श्रीमत्त्रिपुरभैरवी ।हृदयेऽव्यान्महेशानी महात्रिपुरसुन्दरी ॥ १३॥

kaṇṭhaṃ pātu mahādevī śrīmattripurabhairavī |hṛdaye'vyānmaheśānī mahātripurasundarī || 13||

राजराजेश्वरी विद्या षोडशी या महोदया ।ब्रह्मरन्ध्रे सदा पातु कमला परमेश्वरी ॥ १४॥

rājarājeśvarī vidyā ṣoḍaśī yā mahodayā |brahmarandhre sadā pātu kamalā parameśvarī || 14||

गिरिराजसुता देवी पातु नित्यं च शीर्षके ।कामबीजं ललाटेऽव्याद् वाग्बीजं कण्ठदेशके ॥ १५॥

girirājasutā devī pātu nityaṃ ca śīrṣake |kāmabījaṃ lalāṭe'vyād vāgbījaṃ kaṇṭhadeśake || 15||

सौः पातु तथा पार्श्वे प्रणवो बाहुमूलके ।शम्भुप्रिया सदा पातु बाहुदक्षिणसव्ययोः ॥ १६॥

sauḥ pātu tathā pārśve praṇavo bāhumūlake |śambhupriyā sadā pātu bāhudakṣiṇasavyayoḥ || 16||

विष्णुप्रिया सदा पातु मणिबन्धद्वये तथा ।पार्वतीशः करे पातु नेत्रे नक्षत्रवल्लभः ॥ १७॥

viṣṇupriyā sadā pātu maṇibandhadvaye tathā |pārvatīśaḥ kare pātu netre nakṣatravallabhaḥ || 17||

श्रोत्रे रतिप्रियः पातु घ्राणे शक्रः सदाऽवतु ।पृष्ठदेशे सदा पातु पार्वती परमेश्वरी ॥ १८॥

śrotre ratipriyaḥ pātu ghrāṇe śakraḥ sadā'vatu |pṛṣṭhadeśe sadā pātu pārvatī parameśvarī || 18||

ह्रसौः श्वासे च निःश्वासे पातां परमसिद्धिदौ ।कामः कामे सदा पातु पिनाकी लिङ्गगोचरे ॥ १९॥

hrasauḥ śvāse ca niḥśvāse pātāṃ paramasiddhidau |kāmaḥ kāme sadā pātu pinākī liṅgagocare || 19||

पृथ्वी सर्वांशके पातु हृल्लेखा हृदयेऽवतु ।स्तनौ भृगुप्रिया पातु कुक्षौ च स पुरान्तकः ॥ २०॥

pṛthvī sarvāṃśake pātu hṛllekhā hṛdaye'vatu |stanau bhṛgupriyā pātu kukṣau ca sa purāntakaḥ || 20||

नेत्रे वज्रधरः पातु माया वै जठरेऽवतु ।पदद्वन्द्वे च सौः पातु ऐं जिह्वानिलयेऽवतु ॥ २१॥

netre vajradharaḥ pātu māyā vai jaṭhare'vatu |padadvandve ca sauḥ pātu aiṃ jihvānilaye'vatu || 21||

क्लीङ्कारः सर्वदा पातु दन्तौष्ठयोर्वरानने ।शीर्षादिपादपर्यन्तं सर्वाङ्गं भुवनेश्वरी ॥ २२॥

klīṅkāraḥ sarvadā pātu dantauṣṭhayorvarānane |śīrṣādipādaparyantaṃ sarvāṅgaṃ bhuvaneśvarī || 22||

रक्षाहीनं च यत् स्थानं वर्जितं कवचेन तु ।तत् सर्वं परमेशानि ! पातु नित्यं हरिप्रिया ॥ २३॥

rakṣāhīnaṃ ca yat sthānaṃ varjitaṃ kavacena tu |tat sarvaṃ parameśāni ! pātu nityaṃ haripriyā || 23||

आधारे वाग्भवः पातु कामराजो हृदि प्रिये ।शक्तिकूटं तथा पातु भ्रुवोर्मध्ये च पार्वति ॥ २४॥

ādhāre vāgbhavaḥ pātu kāmarājo hṛdi priye |śaktikūṭaṃ tathā pātu bhruvormadhye ca pārvati || 24||

शीर्षे कूटत्रयं पातु ललाटे सर्वमन्त्रकः ।अष्टाविंशतिवर्णेयं मुखवृत्ते सदाऽवतु ॥ २५॥

śīrṣe kūṭatrayaṃ pātu lalāṭe sarvamantrakaḥ |aṣṭāviṃśativarṇeyaṃ mukhavṛtte sadā'vatu || 25||

षोडशीयं महाविद्या ब्रह्मविद्यैव केवला ।भोगमोक्षप्रदा देवी केवलात्मस्वरूपिणी ॥ २६॥

ṣoḍaśīyaṃ mahāvidyā brahmavidyaiva kevalā |bhogamokṣapradā devī kevalātmasvarūpiṇī || 26||

कामेश्वरी ललाटेऽव्यान्मुखेषु भगमालिनी ।दक्षनेत्रे सदा पातु नित्यक्लिन्ना महोदया ॥ २७॥

kāmeśvarī lalāṭe'vyānmukheṣu bhagamālinī |dakṣanetre sadā pātu nityaklinnā mahodayā || 27||

भेरुण्डा वामनेत्रेऽव्यात् कर्णे वै वह्निवासिनी ।महाविद्येश्वरी पातु वामकर्णप्रदेशके ॥ २८॥

bheruṇḍā vāmanetre'vyāt karṇe vai vahnivāsinī |mahāvidyeśvarī pātu vāmakarṇapradeśake || 28||

दक्षनासापुटे पातु शिवदूती महेश्वरी ।वामनासापुटे पातु त्वरिता सर्वसिद्धिदा ॥ २९॥

dakṣanāsāpuṭe pātu śivadūtī maheśvarī |vāmanāsāpuṭe pātu tvaritā sarvasiddhidā || 29||

दक्षगण्डे सदा पातु नित्यं मां कुलसुन्दरी ।त्रैलोक्यविमला पातु वामगण्डप्रदेशके ॥ ३०॥

dakṣagaṇḍe sadā pātu nityaṃ māṃ kulasundarī |trailokyavimalā pātu vāmagaṇḍapradeśake || 30||

ओष्ठे नीलपताकाऽव्यादधरे विजयाऽवतु ।ऊर्ध्वदन्ते सदा पातु देवी मां सर्वमङ्गला ॥ ३१॥

oṣṭhe nīlapatākā'vyādadhare vijayā'vatu |ūrdhvadante sadā pātu devī māṃ sarvamaṅgalā || 31||

अधोदन्तप्रदेशेऽव्यान्नित्यं ज्वालांशुमालिनी ।विचित्रा सर्वदा पातु नित्यं मूर्द्धनि पार्वति ॥ ३२॥

adhodantapradeśe'vyānnityaṃ jvālāṃśumālinī |vicitrā sarvadā pātu nityaṃ mūrddhani pārvati || 32||

आसां प्रधानभूता या महात्रिपुरसुन्दरी ।षोडशी सा सदा पातु मुखे वै परमेश्वरी ॥ ३३॥

āsāṃ pradhānabhūtā yā mahātripurasundarī |ṣoḍaśī sā sadā pātu mukhe vai parameśvarī || 33||

पृष्ठदेशे सदा पान्तु गुरवस्त्रिविधाश्च ते ।पादयोः सर्वदा पातु त्रिपुरा परमेश्वरी ॥ ३४॥

pṛṣṭhadeśe sadā pāntu guravastrividhāśca te |pādayoḥ sarvadā pātu tripurā parameśvarī || 34||

अनुदेशे सदा पातु देवी मां त्रिपुरेश्वरी ।ऊरुद्वये सदा पातु देवी त्रिपुरसुन्दरी ॥ ३५॥

anudeśe sadā pātu devī māṃ tripureśvarī |ūrudvaye sadā pātu devī tripurasundarī || 35||

त्रिपुरवासिनी देवी कटिदेशे सदाऽवतु ।त्रिपुराश्रीश्च मां नित्यं गुह्यदेशे सदाऽवतु ॥ ३६॥

tripuravāsinī devī kaṭideśe sadā'vatu |tripurāśrīśca māṃ nityaṃ guhyadeśe sadā'vatu || 36||

मूलाधारे सदा पातु देवी त्रिपुरमालिनी ।नाभौ त्रिपुरसिद्धाऽव्यात् त्रिपुरा च सदा हृदि ॥ ३७॥

mūlādhāre sadā pātu devī tripuramālinī |nābhau tripurasiddhā'vyāt tripurā ca sadā hṛdi || 37||

ब्रह्मरन्ध्रे सदा पातु महात्रिपुरसुन्दरी ।आसां तु मन्त्रबीजानि प्रोक्तस्थानेषु विन्यसेत् ॥ ३८॥

brahmarandhre sadā pātu mahātripurasundarī |āsāṃ tu mantrabījāni proktasthāneṣu vinyaset || 38||

पाषण्डगणमध्ये तु बुद्धो मां परिरक्षतु ।ब्रह्माऽव्याद् ब्रह्मसंहा[घा]ते शिवो मां योगसिद्धये ॥ ३९॥

pāṣaṇḍagaṇamadhye tu buddho māṃ parirakṣatu |brahmā'vyād brahmasaṃhā[ghā]te śivo māṃ yogasiddhaye || 39||

ज्ञाने मां भास्करः पातु मोक्षे नारायणः प्रभुः ।या शक्तिः सर्वभूतानां विद्याऽविद्येति गीयते ॥ ४०॥

jñāne māṃ bhāskaraḥ pātu mokṣe nārāyaṇaḥ prabhuḥ |yā śaktiḥ sarvabhūtānāṃ vidyā'vidyeti gīyate || 40||

सा शक्तिः सर्वदा पातु स्त्रीपुत्रधनसम्पदि ।अणिमा पश्चिमे पातु लघिमा चोत्तरेऽवतु ॥ ४१॥

sā śaktiḥ sarvadā pātu strīputradhanasampadi |aṇimā paścime pātu laghimā cottare'vatu || 41||

पूर्वतः पातु महिमा ईशित्वा दक्षिणेऽवतु ।वशित्वा वायुनिलये ईशे प्राकाम्यसिद्धिदा ॥ ४२॥

pūrvataḥ pātu mahimā īśitvā dakṣiṇe'vatu |vaśitvā vāyunilaye īśe prākāmyasiddhidā || 42||

भुक्तिसिद्धिस्तथाग्नेये पात्विच्छासिद्धी राक्षसे ।अधः पातु प्राप्तिसिद्धिर्मोक्ष सिद्धिस्तथोर्ध्वके ॥ ४३॥

bhuktisiddhistathāgneye pātvicchāsiddhī rākṣase |adhaḥ pātu prāptisiddhirmokṣa siddhistathordhvake || 43||

ब्रह्माणी सन्ध्ययोः पातु माहेश्वरी दिवाऽवतु ।मध्याह्ने पातु कौमारी रात्रौ च शत्रुवल्लभा ॥ ४४॥

brahmāṇī sandhyayoḥ pātu māheśvarī divā'vatu |madhyāhne pātu kaumārī rātrau ca śatruvallabhā || 44||

ब्राह्मे मुहूर्त्तके पातु वैष्णवी सर्वसिद्धिदा ।निशीथे पातु वाराही चामुण्डा शत्रुविग्रहे ॥ ४५॥

brāhme muhūrttake pātu vaiṣṇavī sarvasiddhidā |niśīthe pātu vārāhī cāmuṇḍā śatruvigrahe || 45||

महोत्साहे महालक्ष्मीः पातु नित्य महेश्वरी ।शीर्षे सङ्क्षोभणी पातु तारिणी हृदयेऽवतु ॥ ४६॥

mahotsāhe mahālakṣmīḥ pātu nitya maheśvarī |śīrṣe saṅkṣobhaṇī pātu tāriṇī hṛdaye'vatu || 46||

आकर्षणी शिखायां तु कवचे पातु वश्यदा । (आकर्षिणी)उन्मादिनी तथा नेत्रे सर्वगात्रे महाङ्कुशा ॥ ४७॥

ākarṣaṇī śikhāyāṃ tu kavace pātu vaśyadā | (ākarṣiṇī)unmādinī tathā netre sarvagātre mahāṅkuśā || 47||

त्रिखण्डा भुजयोः पातु बीजे बीजस्वरूपिणी ।खेचरी पादयोः पातु योनिमुद्रा च सर्वतः ॥ ४८॥

trikhaṇḍā bhujayoḥ pātu bīje bījasvarūpiṇī |khecarī pādayoḥ pātu yonimudrā ca sarvataḥ || 48||

स[का]माकर्षणरूपाऽव्यात् सदाऽऽकर्षणकर्मणि ।बुद्।ह्ध्याकर्षणरूपाऽव्यात् परबुद्धिविकर्षणे ॥ ४९॥

sa[kā]mākarṣaṇarūpā'vyāt sadā''karṣaṇakarmaṇi |bud|hdhyākarṣaṇarūpā'vyāt parabuddhivikarṣaṇe || 49||

अहङ्कारे सदा पातु अहङ्कारविकर्षणी ।शब्दाकर्षणरूपाऽव्याच्छब्दाकर्षणकर्मणि ॥ ५०॥

ahaṅkāre sadā pātu ahaṅkāravikarṣaṇī |śabdākarṣaṇarūpā'vyācchabdākarṣaṇakarmaṇi || 50||