महाविद्याकवचम् Mahavidya Kavacham

शृणुदेवि प्रवक्ष्यामि कवचं सर्वसिद्धिदम् ।आद्याया महाविद्यायाः सर्वाभीष्टफलप्रदम् ॥ १॥

śṛṇudevi pravakṣyāmi kavacaṃ sarvasiddhidam |ādyāyā mahāvidyāyāḥ sarvābhīṣṭaphalapradam || 1||

कवचस्य ऋषिर्देवी सदाशिव इतीरितः ।छन्दोऽनुष्टुप् देवता च महाविद्या प्रकीर्तितः ॥ २॥

kavacasya ṛṣirdevī sadāśiva itīritaḥ |chando'nuṣṭup devatā ca mahāvidyā prakīrtitaḥ || 2||

धर्मार्थकाममोक्षाणां विनियोगश्च साधने ॥ ३॥

dharmārthakāmamokṣāṇāṃ viniyogaśca sādhane || 3||

ऐंकारः पातु शीर्षे मां कामबीजं तथा हृदि ।रमाबीजं सदापातु नाभौ गुह्ये च पादयोः ॥ ४॥

aiṃkāraḥ pātu śīrṣe māṃ kāmabījaṃ tathā hṛdi |ramābījaṃ sadāpātu nābhau guhye ca pādayoḥ || 4||

ललाटे सुन्दरी पातु उग्रा मां कण्ठदेशतः ।भगमाला सर्वगात्रे लिङ्गे चैतन्यरूपिणी ॥ ५॥

lalāṭe sundarī pātu ugrā māṃ kaṇṭhadeśataḥ |bhagamālā sarvagātre liṅge caitanyarūpiṇī || 5||

पूर्वे मां पातु वाराही ब्रह्माणी दक्षिणे तथा ।उत्तरे वैष्णवी पातु चेन्द्राणी पश्चिमेऽवतु ॥ ६॥

pūrve māṃ pātu vārāhī brahmāṇī dakṣiṇe tathā |uttare vaiṣṇavī pātu cendrāṇī paścime'vatu || 6||

माहेश्वरी च आग्नेयां नैरृते कमला तथावायव्यां पातु कौमारी चामुण्डा ईशकेऽवतु ॥ ७॥ वर् ऐशनेऽवतु

māheśvarī ca āgneyāṃ nairṛte kamalā tathāvāyavyāṃ pātu kaumārī cāmuṇḍā īśake'vatu || 7|| var aiśane'vatu

इदं कवचमज्ञात्वा महाविद्याञ्च यो जपेत् ।न फलं जायते तस्य कल्पकोटिशतैरपि ॥ ८॥

idaṃ kavacamajñātvā mahāvidyāñca yo japet |na phalaṃ jāyate tasya kalpakoṭiśatairapi || 8||

इति श्रीरुद्रयामले महाविद्याकवचं सम्पूर्णम् ॥

iti śrīrudrayāmale mahāvidyākavacaṃ sampūrṇam ||