मनोभीष्टस्तोत्रम् अथवा भुवनेश्वर्यष्टकम् Manobhishtastotram or Shri Bhuvaneshvari Ashtakam

भुवनेश्वरीं नमस्यामो भक्तकल्पद्रुमां सदा ।वरदां कामदां शान्तां कृष्णातीरनिवासिनीम् ॥ १॥

bhuvaneśvarīṃ namasyāmo bhaktakalpadrumāṃ sadā |varadāṃ kāmadāṃ śāntāṃ kṛṣṇātīranivāsinīm || 1||

सर्वसिद्धिप्रदे देवि भुक्तिमुक्तिप्रदे शुभे ।भुवनेश्वरी महाकालि मनोभीष्ट प्रदायिनी ॥ २॥

sarvasiddhiprade devi bhuktimuktiprade śubhe |bhuvaneśvarī mahākāli manobhīṣṭa pradāyinī || 2||

सर्वाभयप्रदे देवि सर्वदुष्टविनाशिनि ।भुवनेश्वरी महाकालि मनोभीष्ट प्रदायिनी ॥ ३॥

sarvābhayaprade devi sarvaduṣṭavināśini |bhuvaneśvarī mahākāli manobhīṣṭa pradāyinī || 3||

सर्व क्लेशहरे देवि (श्री)महाविष्णुस्वरूपिणी ।भुवनेश्वरी महाकालि मनोभीष्ट प्रदायिनी ॥ ४॥

sarva kleśahare devi (śrī)mahāviṣṇusvarūpiṇī |bhuvaneśvarī mahākāli manobhīṣṭa pradāyinī || 4||

अन्तर्यामिस्वरूपेण स्थिते सर्वत्र सर्वगे ।भुवनेश्वरी महाकालि मनोभीष्ट प्रदायिनी ॥ ५॥

antaryāmisvarūpeṇa sthite sarvatra sarvage |bhuvaneśvarī mahākāli manobhīṣṭa pradāyinī || 5||

भवनाश करे देवि भवभेषजदायिनी ।भुवनेश्वरी महाकालि मनोभीष्ट प्रदायिनी ॥ ६॥

bhavanāśa kare devi bhavabheṣajadāyinī |bhuvaneśvarī mahākāli manobhīṣṭa pradāyinī || 6||

अविद्यापटलध्वंसि महानन्देऽभयप्रदे ।भुवनेश्वरी महाकालि मनोभीष्ट प्रदायिनी ॥ ७॥

avidyāpaṭaladhvaṃsi mahānande'bhayaprade |bhuvaneśvarī mahākāli manobhīṣṭa pradāyinī || 7||

संसारतरणोपाये निर्जरैरूपसेविते ।भुवनेश्वरी महाकालि मनोभीष्ट प्रदायिनी ॥ ८॥

saṃsārataraṇopāye nirjarairūpasevite |bhuvaneśvarī mahākāli manobhīṣṭa pradāyinī || 8||

जय जय अम्बिके सिद्धप्रदे । अभिष्टदायिनी मुक्तिप्रदे ।अभयप्रदे भक्तकामदे । महानन्दे भवानी ।सर्वव्यापके विष्णुरूपिणी । महाकाली दुःखहारिणी ।अज्ञानपटलध्वंसकारिणी । देवी मृडानी सर्वगे ॥

jaya jaya ambike siddhaprade | abhiṣṭadāyinī muktiprade |abhayaprade bhaktakāmade | mahānande bhavānī |sarvavyāpake viṣṇurūpiṇī | mahākālī duḥkhahāriṇī |ajñānapaṭaladhvaṃsakāriṇī | devī mṛḍānī sarvage ||