महालेखिनीस्तवराजस्तोत्रम् अथवा जगद्व्यापिनीपरब्रह्मणीलेखिनीश्वर्याः दिव्यकवचं Mahalekhini Stavaraja Stotram

(परब्रह्मणीलेखिनीश्वर्याः दिव्यकवचं)॥ विनियोगः ॥ॐ अस्य श्रीमहालेखिनीस्तवराजस्तोत्रमालामहाकवचस्य ।अन्तर्यामी ऋषिः ।अनुष्टुप्छन्दः ।श्रीमत्त्रिपुरसुन्दरी देवता ।वाशिन्याधिदेवताबीजम् ।मध्यदेवता शक्तिः ।रत्नद्वीपं कीलकम् ।श्रीलेखिनीदर्शनसिद्।ह्ध्यर्थे जपे विनियोगः ॥॥ मूलमन्त्रः ॥ॐ ह्रीं श्रीं रत्नद्वीपदर्शिते दर्शय दर्शय मम ।अनेकजन्मसञ्चितसर्वपापजालं छिन्धि छिन्धि ।चेतय चेतय आत्मतत्त्वम् ।मन्त्रयन्त्रब्रह्माण्डविज्ञानं दर्शय दर्शय । हुं फट् स्वाहा ॥॥ ऋष्यादिन्यासः ॥अन्तर्यामिऋषये नमः शिरसि ।अनुष्टुप्छन्दसे नमः मुखे ।श्रीमत्त्रिपुरसुन्दरीदेवतायै नमः हृदि ।वाशिन्याधिदेवताबीजाय नमः गुह्ये ।मध्यदेवताशक्तये नमः पादयोः ।रत्नद्वीपकीलकाय नमः सर्वाङ्गे ॥॥ करन्यासः ॥ॐ ह्रीं श्रीं अङ्गुष्ठाभ्यां नमः ।रत्नद्वीपदर्शिते तर्जनीभ्यां नमः ।दर्शय दर्शय मध्यमाभ्यां नमः ।मम अनेकजन्मसञ्चितसर्वपापजालं छिन्धि छिन्धि अनामिकाभ्यां नमः ।चेतय चेतय आत्मतत्त्वं कनिष्ठिकाभ्यां नमः ।मन्त्रयन्त्रब्रह्माण्डविज्ञानं दर्शय दर्शय ।हुं फट् स्वाहा करतलकरपृष्ठाभ्यां नमः ॥॥ षडङ्गन्यासः ॥ॐ ह्रीं श्रीं रत्नद्वीपदर्शिते दर्शय दर्शय मम हृदयाय नमः ।अनेकजन्मसञ्चितसर्वपापजालं छिन्धि छिन्धि शिरसे स्वाहा ।चेतय चेतय आत्मतत्त्वं शिखायै वषट् ।मन्त्रयन्त्रब्रह्माण्डविज्ञानं दर्शय दर्शय ।कवचाय हुम् ।हुं फट् नेत्रत्रयाय वौषट् ।स्वाहा अस्त्राय फट् ।भूर्भुवःस्वरोमिति दिग्बन्धः ॥॥ ध्यानम् ॥रत्नद्वीपे सुधासिन्धोर्मध्ये चिन्तामणिगृहे ।लेखिनीं चिन्मयीं वन्दे श्रीमतीं त्रिपुरेश्वरीम् ॥दक्षिणे लेखिनीं धार्यां वामे चिन्तामणिं शुभाम् ।मन्दस्मितमुखीं देवीं ध्यायेत् श्रीलेखिनीश्वरिम् ॥अथ स्तोत्रम् ।लेखिनीस्तवराजस्य कवचस्यान्तर्यामी ऋषिः ।छन्दोऽनुष्टुप् समाख्यातं देवता त्रिपुरेश्वरी ॥ १॥

(parabrahmaṇīlekhinīśvaryāḥ divyakavacaṃ)|| viniyogaḥ ||oṃ asya śrīmahālekhinīstavarājastotramālāmahākavacasya |antaryāmī ṛṣiḥ |anuṣṭupchandaḥ |śrīmattripurasundarī devatā |vāśinyādhidevatābījam |madhyadevatā śaktiḥ |ratnadvīpaṃ kīlakam |śrīlekhinīdarśanasid|hdhyarthe jape viniyogaḥ |||| mūlamantraḥ ||oṃ hrīṃ śrīṃ ratnadvīpadarśite darśaya darśaya mama |anekajanmasañcitasarvapāpajālaṃ chindhi chindhi |cetaya cetaya ātmatattvam |mantrayantrabrahmāṇḍavijñānaṃ darśaya darśaya | huṃ phaṭ svāhā |||| ṛṣyādinyāsaḥ ||antaryāmiṛṣaye namaḥ śirasi |anuṣṭupchandase namaḥ mukhe |śrīmattripurasundarīdevatāyai namaḥ hṛdi |vāśinyādhidevatābījāya namaḥ guhye |madhyadevatāśaktaye namaḥ pādayoḥ |ratnadvīpakīlakāya namaḥ sarvāṅge |||| karanyāsaḥ ||oṃ hrīṃ śrīṃ aṅguṣṭhābhyāṃ namaḥ |ratnadvīpadarśite tarjanībhyāṃ namaḥ |darśaya darśaya madhyamābhyāṃ namaḥ |mama anekajanmasañcitasarvapāpajālaṃ chindhi chindhi anāmikābhyāṃ namaḥ |cetaya cetaya ātmatattvaṃ kaniṣṭhikābhyāṃ namaḥ |mantrayantrabrahmāṇḍavijñānaṃ darśaya darśaya |huṃ phaṭ svāhā karatalakarapṛṣṭhābhyāṃ namaḥ |||| ṣaḍaṅganyāsaḥ ||oṃ hrīṃ śrīṃ ratnadvīpadarśite darśaya darśaya mama hṛdayāya namaḥ |anekajanmasañcitasarvapāpajālaṃ chindhi chindhi śirase svāhā |cetaya cetaya ātmatattvaṃ śikhāyai vaṣaṭ |mantrayantrabrahmāṇḍavijñānaṃ darśaya darśaya |kavacāya hum |huṃ phaṭ netratrayāya vauṣaṭ |svāhā astrāya phaṭ |bhūrbhuvaḥsvaromiti digbandhaḥ |||| dhyānam ||ratnadvīpe sudhāsindhormadhye cintāmaṇigṛhe |lekhinīṃ cinmayīṃ vande śrīmatīṃ tripureśvarīm ||dakṣiṇe lekhinīṃ dhāryāṃ vāme cintāmaṇiṃ śubhām |mandasmitamukhīṃ devīṃ dhyāyet śrīlekhinīśvarim ||atha stotram |lekhinīstavarājasya kavacasyāntaryāmī ṛṣiḥ |chando'nuṣṭup samākhyātaṃ devatā tripureśvarī || 1||

वाशिनी बीजरूपा च मध्यदेवता शक्तिका ।रत्नद्वीपं महाकीलं लेखिनीदर्शनाय च ॥ २॥

vāśinī bījarūpā ca madhyadevatā śaktikā |ratnadvīpaṃ mahākīlaṃ lekhinīdarśanāya ca || 2||

ध्यायेन्निरस्तकालं तद्रत्नद्वीपं मनोरमम् ।यत्रानन्दसुधासिन्धुर्लोलवीचिविलासवान् ॥ ३॥

dhyāyennirastakālaṃ tadratnadvīpaṃ manoramam |yatrānandasudhāsindhurlolavīcivilāsavān || 3||

यत्र चिन्तामणीभित्तिर्मुक्ताजालविराजिता ।यत्र कल्पलताः सर्वा नित्यवसन्तशोभिताः ॥ ४॥

yatra cintāmaṇībhittirmuktājālavirājitā |yatra kalpalatāḥ sarvā nityavasantaśobhitāḥ || 4||

यत्र वाशिनिमुख्याश्च वाग्देव्यो मृदुभाषिणः ।यत्र योगिन्य उद्युक्ता रक्षणोत्सुकमानसाः ॥ ५॥

yatra vāśinimukhyāśca vāgdevyo mṛdubhāṣiṇaḥ |yatra yoginya udyuktā rakṣaṇotsukamānasāḥ || 5||

यत्र सिंहासने दिव्ये सहस्रादित्यदीधितौ ।विराजते जगन्माता श्रीमती मन्दहासिनी ॥ ६॥

yatra siṃhāsane divye sahasrādityadīdhitau |virājate jaganmātā śrīmatī mandahāsinī || 6||

मृणालकोमलाङ्गी सा बिम्बाधरविराजिता ।शरच्चन्द्रनिभापाङ्गी नवकुङ्कुमपाटला ॥ ७॥

mṛṇālakomalāṅgī sā bimbādharavirājitā |śaraccandranibhāpāṅgī navakuṅkumapāṭalā || 7||

तस्या आज्ञां समादाय देव्यो दिव्यवपुर्धराः ।आयान्ति भक्तरक्षार्थं प्रेमनिर्भरमानसाः ॥ ८॥

tasyā ājñāṃ samādāya devyo divyavapurdharāḥ |āyānti bhaktarakṣārthaṃ premanirbharamānasāḥ || 8||

तदा चन्द्रशिलासारा शशिबिम्बविलासिनी ।मम मूर्धानमव्यग्रं श्रीजिका परिरक्षतु ॥ ९॥

tadā candraśilāsārā śaśibimbavilāsinī |mama mūrdhānamavyagraṃ śrījikā parirakṣatu || 9||

ब्रह्मरन्ध्रसरोजस्थं दिव्यतेजोविकासकम् ।सुधामेखलिनी देवी शिखादेशेऽवताद् मम ॥ १०॥

brahmarandhrasarojasthaṃ divyatejovikāsakam |sudhāmekhalinī devī śikhādeśe'vatād mama || 10||

ललाटफलकं पातु सिन्दूरारुणभासुरा ।कदम्बकुसुमामोदा मालती मृदुलस्मिता ॥ ११॥

lalāṭaphalakaṃ pātu sindūrāruṇabhāsurā |kadambakusumāmodā mālatī mṛdulasmitā || 11||

भ्रूलताकुञ्जमध्यस्था मधुपाली मनोहरा ।मनोराज्यस्य सीमन्तं माधवी परिरक्षतु ॥ १२॥

bhrūlatākuñjamadhyasthā madhupālī manoharā |manorājyasya sīmantaṃ mādhavī parirakṣatu || 12||

नेत्रयोरिन्दुकल्लोलप्रसन्नद्युतिधारिणी ।कमलाक्षी सुधादृष्टिर्मम दृष्टिं विवर्धयेत् ॥ १३॥

netrayorindukallolaprasannadyutidhāriṇī |kamalākṣī sudhādṛṣṭirmama dṛṣṭiṃ vivardhayet || 13||

दृगन्तसीम्नि गोपाली वेणुनादविमोहिनी ।करुणारससन्दोहं निरन्तरमुदञ्चयेत् ॥ १४॥

dṛgantasīmni gopālī veṇunādavimohinī |karuṇārasasandohaṃ nirantaramudañcayet || 14||

पक्ष्ममालाविलासेषु नीलभृङ्गनिकेतना ।श्यामरेखा सदा पातु सौन्दर्यामृतवर्षिणी ॥ १५॥

pakṣmamālāvilāseṣu nīlabhṛṅganiketanā |śyāmarekhā sadā pātu saundaryāmṛtavarṣiṇī || 15||

कर्णद्वारे कथारत्नप्रवाहप्रेरिका शुभा ।गीतगोपनविदुषी गोपिनी परिरक्षतु ॥ १६॥

karṇadvāre kathāratnapravāhaprerikā śubhā |gītagopanaviduṣī gopinī parirakṣatu || 16||

श्रुतिसारसमुद्धर्त्री श्रुतिमार्गविशारदा ।नादमञ्जरिका देवी कर्णमूलं सदावतु ॥ १७॥

śrutisārasamuddhartrī śrutimārgaviśāradā |nādamañjarikā devī karṇamūlaṃ sadāvatu || 17||

नासावंशे सुगन्धाढ्या पारिजातसुगन्धिनी ।प्राणलक्ष्मीः सदा पातु प्राणमार्गप्रबोधिनी ॥ १८॥

nāsāvaṃśe sugandhāḍhyā pārijātasugandhinī |prāṇalakṣmīḥ sadā pātu prāṇamārgaprabodhinī || 18||

कपोलयोररुणिमा पाटलाम्भोजवासिनी ।लज्जारत्नप्रदा देवी मृदुवृत्तिं प्रयच्छतु ॥ १९॥

kapolayoraruṇimā pāṭalāmbhojavāsinī |lajjāratnapradā devī mṛduvṛttiṃ prayacchatu || 19||

ओष्ठयोरधरामोदा बिम्बफलप्रभोज्ज्वला ।स्मितचन्द्रिकया नित्यं वदनं परिरक्षतु ॥ २०॥

oṣṭhayoradharāmodā bimbaphalaprabhojjvalā |smitacandrikayā nityaṃ vadanaṃ parirakṣatu || 20||

रसनाग्रे सरोजास्या वागमृतप्रवाहिनी ।शब्दब्रह्ममयी देवी जिह्वां मे परिपालयेत् ॥ २१॥

rasanāgre sarojāsyā vāgamṛtapravāhinī |śabdabrahmamayī devī jihvāṃ me paripālayet || 21||

दन्तपङ्क्तौ सुधाशुक्तिमुक्तामालाविभूषिता ।हासज्योत्स्नामयी देवी दन्तराजिमवत्विति ॥ २२॥

dantapaṅktau sudhāśuktimuktāmālāvibhūṣitā |hāsajyotsnāmayī devī dantarājimavatviti || 22||

हनुदेशे हेमरेखा चिबुके चारुचन्द्रिका ।वाक्सौन्दर्यप्रदा देवी सौम्यभावं प्रयच्छतु ॥ २३॥

hanudeśe hemarekhā cibuke cārucandrikā |vāksaundaryapradā devī saumyabhāvaṃ prayacchatu || 23||

ग्रीवायां गीतमाधुर्यधारिणी रागवल्लरी ।कण्ठनालं सदा पातु कोकिलस्वरमञ्जरी ॥ २४॥

grīvāyāṃ gītamādhuryadhāriṇī rāgavallarī |kaṇṭhanālaṃ sadā pātu kokilasvaramañjarī || 24||

स्कन्धयोरम्बरधरा मणिकाञ्चनभूषिता ।धैर्यसम्पत्प्रदा देवी भुजवीर्यं विवर्धयेत् ॥ २५॥

skandhayorambaradharā maṇikāñcanabhūṣitā |dhairyasampatpradā devī bhujavīryaṃ vivardhayet || 25||

बाहुदण्डद्वये पातु जयमालाविभूषणा ।कर्मसिद्धिप्रदा नित्यं विजयश्रीर्मनोरमा ॥ २६॥

bāhudaṇḍadvaye pātu jayamālāvibhūṣaṇā |karmasiddhipradā nityaṃ vijayaśrīrmanoramā || 26||

कूर्परद्वन्द्वमत्युग्रकर्मविघ्नविनाशिनी ।मणिबन्धे मणिज्योतिर्मेखला परिरक्षतु ॥ २७॥

kūrparadvandvamatyugrakarmavighnavināśinī |maṇibandhe maṇijyotirmekhalā parirakṣatu || 27||

करपद्मद्वये पातु पद्महस्तिका शुभा ।रत्नाङ्गुलीयकधरा सौभाग्याम्भोधिवर्धिनी ॥ २८॥

karapadmadvaye pātu padmahastikā śubhā |ratnāṅgulīyakadharā saubhāgyāmbhodhivardhinī || 28||

अङ्गुलीपर्वसु श्रीदा नखराजिषु चन्द्रिका ।स्पर्शतत्त्वस्य रक्षार्थं स्नेहमञ्जरिका शुभा ॥ २९॥

aṅgulīparvasu śrīdā nakharājiṣu candrikā |sparśatattvasya rakṣārthaṃ snehamañjarikā śubhā || 29||

उरसि श्रीनिकुञ्जस्था प्रेमपीयूषवर्षिणी ।हृदम्बुजे ललिता पातु रहस्यानन्ददायिनी ॥ ३०॥

urasi śrīnikuñjasthā premapīyūṣavarṣiṇī |hṛdambuje lalitā pātu rahasyānandadāyinī || 30||

हृत्पद्मकर्णिकामध्ये चिन्मयूखप्रकाशिनी ।श्रीश्रीदेवी सदापातु भक्तिभावप्रवर्धिनी ॥ ३१॥

hṛtpadmakarṇikāmadhye cinmayūkhaprakāśinī |śrīśrīdevī sadāpātu bhaktibhāvapravardhinī || 31||

स्तनयोरमृतापूरपूरितस्वर्णकुम्भयोः ।क्षीरसिन्धुसुता देवी मातृभावं प्रयच्छतु ॥ ३२॥

stanayoramṛtāpūrapūritasvarṇakumbhayoḥ |kṣīrasindhusutā devī mātṛbhāvaṃ prayacchatu || 32||

स्तनाग्रयोररुणिमा बन्धूककुसुमप्रभा ।लज्जामञ्जरिका पातु कोमलत्वं ददातु मे ॥ ३३॥

stanāgrayoraruṇimā bandhūkakusumaprabhā |lajjāmañjarikā pātu komalatvaṃ dadātu me || 33||

पार्श्वयोः पद्मरेणूना मन्दमारुतचालिनी ।सौम्यच्छाया सदापातु शान्तिसञ्चारकारिणी ॥ ३४॥

pārśvayoḥ padmareṇūnā mandamārutacālinī |saumyacchāyā sadāpātu śāntisañcārakāriṇī || 34||

नाभिकूपे जगद्बीजप्ररोहपरमेश्वरी ।नाभिपद्मं सदा पातु विश्वयोनिविलासिनी ॥ ३५॥

nābhikūpe jagadbījaprarohaparameśvarī |nābhipadmaṃ sadā pātu viśvayonivilāsinī || 35||

मणिपूरे महाश्रीश्च सुवर्णाम्बुधिवासिनी ।धैर्यरत्नप्रदा नित्यं वह्नितत्त्वं विवर्धयेत् ॥ ३६॥

maṇipūre mahāśrīśca suvarṇāmbudhivāsinī |dhairyaratnapradā nityaṃ vahnitattvaṃ vivardhayet || 36||

कटिदेशे कलाकाञ्चीझङ्काररवसुन्दरी ।रत्नमेखलिनी पातु लास्यलीलाविलासिनी ॥ ३७॥

kaṭideśe kalākāñcījhaṅkāraravasundarī |ratnamekhalinī pātu lāsyalīlāvilāsinī || 37||

श्रोणीपीठे शशाङ्काभा माणिक्याम्बरधारिणी ।राजराजेश्वरी पातु सौन्दर्यार्णवमध्यगा ॥ ३८॥

śroṇīpīṭhe śaśāṅkābhā māṇikyāmbaradhāriṇī |rājarājeśvarī pātu saundaryārṇavamadhyagā || 38||

स्फिचौ सिन्दूरशोणाङ्गी कोमलाङ्गुलिचालिताम् ।रम्यचामरसेवित्या रमणीया सदावतु ॥ ३९॥

sphicau sindūraśoṇāṅgī komalāṅgulicālitām |ramyacāmarasevityā ramaṇīyā sadāvatu || 39||

गुह्यदेशे महागुह्या कुलकुञ्जनिकेतना ।रहस्यकुसुमामोदा योगमुद्रा सदावतु ॥ ४०॥

guhyadeśe mahāguhyā kulakuñjaniketanā |rahasyakusumāmodā yogamudrā sadāvatu || 40||

योनिमण्डलमध्यस्था विश्वबीजप्रसूर्मही ।कामकल्याणिका पातु सृष्टिरहस्यरूपिणी ॥ ४१॥

yonimaṇḍalamadhyasthā viśvabījaprasūrmahī |kāmakalyāṇikā pātu sṛṣṭirahasyarūpiṇī || 41||

योनिद्वारं सदापातु त्रैलोक्यजननी शुभा ।रत्नगर्भा जगद्धात्री सर्वसिद्धिप्रसूर्मम ॥ ४२॥

yonidvāraṃ sadāpātu trailokyajananī śubhā |ratnagarbhā jagaddhātrī sarvasiddhiprasūrmama || 42||

गर्भाशयं सुधापूर्णं हेमपद्मविभूषितम् ।भुवनाम्भोजनिलया मातृभावेन रक्षतु ॥ ४३॥

garbhāśayaṃ sudhāpūrṇaṃ hemapadmavibhūṣitam |bhuvanāmbhojanilayā mātṛbhāvena rakṣatu || 43||

बीजक्षेत्रं परं दिव्यं मायामुक्तिप्रदायकम् ।आद्यशक्तिः सदा पातु नित्यसृष्टिविधायिनी ॥ ४४॥

bījakṣetraṃ paraṃ divyaṃ māyāmuktipradāyakam |ādyaśaktiḥ sadā pātu nityasṛṣṭividhāyinī || 44||

ऊरुद्वन्द्वे मरालीनां गतिगर्वविनाशिनी ।मृणालरेखिका पातु लावण्यामृतवर्षिणी ॥ ४५॥

ūrudvandve marālīnāṃ gatigarvavināśinī |mṛṇālarekhikā pātu lāvaṇyāmṛtavarṣiṇī || 45||

जानुनी जानकीश्रीश्च भक्तिसौरभवर्षिणी ।तारिणी दुःखसिन्धूनां पारमावहदस्तु मे ॥ ४६॥

jānunī jānakīśrīśca bhaktisaurabhavarṣiṇī |tāriṇī duḥkhasindhūnāṃ pāramāvahadastu me || 46||

जङ्घाद्वये जगन्मोहा नीलोत्पलविलोचना ।सौकुमार्यप्रदा देवी गमनश्रीं प्रयच्छतु ॥ ४७॥

jaṅghādvaye jaganmohā nīlotpalavilocanā |saukumāryapradā devī gamanaśrīṃ prayacchatu || 47||

गुल्फयोरिन्दुलेखा च मञ्जुनूपुरनिःस्वना ।रत्नघण्टारवा पातु शुभमार्गप्रदर्शिनी ॥ ४८॥

gulphayorindulekhā ca mañjunūpuraniḥsvanā |ratnaghaṇṭāravā pātu śubhamārgapradarśinī || 48||

पादपद्मद्वयं पातु पद्महस्ता सरोरुहा ।लक्ष्मीर्लोलालकश्रेणी प्रेमसिन्धुप्रवाहिनी ॥ ४९॥

pādapadmadvayaṃ pātu padmahastā saroruhā |lakṣmīrlolālakaśreṇī premasindhupravāhinī || 49||

पादाङ्गुलीषु कल्याणी मुक्तारश्मिविभूषिता ।भूमिस्पर्शेऽपि मे नित्यं पुण्यवृद्धिं प्रयच्छतु ॥ ५०॥

pādāṅgulīṣu kalyāṇī muktāraśmivibhūṣitā |bhūmisparśe'pi me nityaṃ puṇyavṛddhiṃ prayacchatu || 50||