लेखिनीस्तोत्रम् द्वात्रिंशन्नामावली सहिता Lekhini Stotram with 32 Names with Namavali

भैरव उवाच ।गुह्यानां गुह्यरूपां तां लेखिनीं लेखिकां सदा ।वक्ष्यामि द्वात्रिंशन्नाम्नां स्तोत्रं सिद्धिप्रदं परम् ॥ १॥

bhairava uvāca |guhyānāṃ guhyarūpāṃ tāṃ lekhinīṃ lekhikāṃ sadā |vakṣyāmi dvātriṃśannāmnāṃ stotraṃ siddhipradaṃ param || 1||

तस्य श्रीद्वात्रिंशन्नामस्तोत्रस्य ऋषिः शिवः स्वयं स्मृतः ।अनुष्टुप्छन्द उद्गीतं देवता लिङ्गलेखिनी ॥ २॥

tasya śrīdvātriṃśannāmastotrasya ṛṣiḥ śivaḥ svayaṃ smṛtaḥ |anuṣṭupchanda udgītaṃ devatā liṅgalekhinī || 2||

हकारबीजसंयुक्तं रकारः शक्तिरुच्यते ।ईकारः कीलकं प्रोक्तो बिन्दुरस्त्रं प्रकीर्तितम् ॥ ३॥

hakārabījasaṃyuktaṃ rakāraḥ śaktirucyate |īkāraḥ kīlakaṃ prokto bindurastraṃ prakīrtitam || 3||

लेखभाग्यपरिवर्ताय जपे विनियोगः स्मृतः ।ध्यायेल्लिङ्गालिङ्गिनीं देवीं लेखिनीं लेखिकां पराम् ॥ ४॥

lekhabhāgyaparivartāya jape viniyogaḥ smṛtaḥ |dhyāyelliṅgāliṅginīṃ devīṃ lekhinīṃ lekhikāṃ parām || 4||

चतुर्भुजां दशभुजां महाब्रह्माण्डशासिनीम् ।मुण्डमालावृतां देवीं वीणालेखिनिहस्तिकाम् ॥ ५॥

caturbhujāṃ daśabhujāṃ mahābrahmāṇḍaśāsinīm |muṇḍamālāvṛtāṃ devīṃ vīṇālekhinihastikām || 5||

अथ स्तोत्रम् ।ॐ लेखिनी लीलया लक्ष्या लयातीता लसत्प्रभा ।ललामभूता लोकेशी लोकबीजा लसन्मतिः ॥ ६॥

atha stotram |oṃ lekhinī līlayā lakṣyā layātītā lasatprabhā |lalāmabhūtā lokeśī lokabījā lasanmatiḥ || 6||

लीनतत्त्वा लिपिश्रीशा लक्षणज्ञा लयेश्वरी ।लक्ष्यार्था ललितोदारा लुप्तमायाविभेदिनी ॥ ७॥

līnatattvā lipiśrīśā lakṣaṇajñā layeśvarī |lakṣyārthā lalitodārā luptamāyāvibhedinī || 7||

लेश्यातीता लोकमाता लेखसूत्रप्रवर्तिनी ।लयरेखा लोकसाक्षी लीलामौनप्रकाशिनी ॥ ८॥

leśyātītā lokamātā lekhasūtrapravartinī |layarekhā lokasākṣī līlāmaunaprakāśinī || 8||

लब्धबोधा लिङ्गरहिता लोचनातीतलोचना ।लसद्बोधा लोकगुह्या लीलावर्णप्रसूतिका ॥ ९॥

labdhabodhā liṅgarahitā locanātītalocanā |lasadbodhā lokaguhyā līlāvarṇaprasūtikā || 9||

लोकातीता लयप्रज्ञा लक्षकोटिप्रकाशिनी ।लेखविद्या लब्धसिद्धिर्द्वात्रिंशन्नामभिः स्तुता ॥ १०॥

lokātītā layaprajñā lakṣakoṭiprakāśinī |lekhavidyā labdhasiddhirdvātriṃśannāmabhiḥ stutā || 10||

एतानि नामानि नित्यं यः पठेद्भक्तिसंयुतः ।नामपाठमात्रतोऽस्य पुनर्जन्म न विद्यते ॥ ११॥

etāni nāmāni nityaṃ yaḥ paṭhedbhaktisaṃyutaḥ |nāmapāṭhamātrato'sya punarjanma na vidyate || 11||

श्मशाने राजद्वारे च सङ्ग्रामे शत्रुसङ्कटे ।अरण्ये दुर्गमे मार्गे जयस्तस्य न संशयः ॥ १२॥

śmaśāne rājadvāre ca saṅgrāme śatrusaṅkaṭe |araṇye durgame mārge jayastasya na saṃśayaḥ || 12||

दरिद्रो लभते लक्ष्मीं निराशी लभते श्रियम् ।अकीर्तिर्लभते कीर्तिं मानं लोकेषु विन्दति ॥ १३॥

daridro labhate lakṣmīṃ nirāśī labhate śriyam |akīrtirlabhate kīrtiṃ mānaṃ lokeṣu vindati || 13||

अपुत्रः पुत्रमाप्नोति विद्यार्थी लभते श्रुतिम् ।मूको वाक्पतिरायाति निर्बलो बलवान्भवेत् ॥ १४॥

aputraḥ putramāpnoti vidyārthī labhate śrutim |mūko vākpatirāyāti nirbalo balavānbhavet || 14||

लिङ्गविद्याप्रसादेन लिङ्गसिद्धिः प्रजायते ।अन्तर्बोधः परो यस्य बहिः सिद्धिर्निरन्तरा ॥ १५॥

liṅgavidyāprasādena liṅgasiddhiḥ prajāyate |antarbodhaḥ paro yasya bahiḥ siddhirnirantarā || 15||

भौमामावास्यकाले तु रक्तलेख्येन यत्नतः ।भूर्जपत्रे समालिख्य पूजयेद्गुरुमग्रतः ॥ १६॥

bhaumāmāvāsyakāle tu raktalekhyena yatnataḥ |bhūrjapatre samālikhya pūjayedgurumagrataḥ || 16||

यस्मिन्गृहे प्रतिष्ठाप्य पूजितं भक्तिभावतः ।तत्र श्रीर्निश्चला नित्यं वृद्धिर्भवति सर्वदा ॥ १७॥

yasmingṛhe pratiṣṭhāpya pūjitaṃ bhaktibhāvataḥ |tatra śrīrniścalā nityaṃ vṛddhirbhavati sarvadā || 17||

गुरुं सम्पूज्य विधिवत् जपेन्मन्त्रविदां वरः ।द्वात्रिंशत्सहस्रसङ्ख्यं पुरश्चर्यमुदाहृतम् ॥ १८॥

guruṃ sampūjya vidhivat japenmantravidāṃ varaḥ |dvātriṃśatsahasrasaṅkhyaṃ puraścaryamudāhṛtam || 18||

मोहरात्रौ विशेषेण कालरात्र्यर्धयामिनीम् ।अष्टोत्तरशतावृत्त्या स्तोत्रसिद्धिः प्रजायते ॥ १९॥

moharātrau viśeṣeṇa kālarātryardhayāminīm |aṣṭottaraśatāvṛttyā stotrasiddhiḥ prajāyate || 19||

सिद्धे स्तोत्रे महेशानि वाक्सिद्धिः करसंस्थिता ।अणिमाद्यष्टसिद्धयश्च सेवन्ते तं निरन्तरम् ॥ २०॥

siddhe stotre maheśāni vāksiddhiḥ karasaṃsthitā |aṇimādyaṣṭasiddhayaśca sevante taṃ nirantaram || 20||

महापद्मादिनवनिधयः सम्पदः सकलाः शुभाः ।स्वयमेवोपतिष्ठन्ते प्रसन्नायाः प्रसादतः ॥ २१॥

mahāpadmādinavanidhayaḥ sampadaḥ sakalāḥ śubhāḥ |svayamevopatiṣṭhante prasannāyāḥ prasādataḥ || 21||

यदभीष्टं मनस्यस्य तत्तदाप्नोत्यसंशयम् ।विद्यां राज्यं यशः श्रीं च सौभाग्यं च दिने दिने ॥ २२॥

yadabhīṣṭaṃ manasyasya tattadāpnotyasaṃśayam |vidyāṃ rājyaṃ yaśaḥ śrīṃ ca saubhāgyaṃ ca dine dine || 22||

रहस्याद्रहस्यमेतन्न देयं यस्य कस्यचित् ।परीक्ष्य भक्तिसम्पत्तिं ततः शिष्याय दापयेत् ॥ २३॥

rahasyādrahasyametanna deyaṃ yasya kasyacit |parīkṣya bhaktisampattiṃ tataḥ śiṣyāya dāpayet || 23||

योनिमुद्रां प्रदर्श्याथ दशवारं समाहितः ।पठेदेतन्महास्तोत्रं सर्वपापैः प्रमुच्यते ॥ २४॥

yonimudrāṃ pradarśyātha daśavāraṃ samāhitaḥ |paṭhedetanmahāstotraṃ sarvapāpaiḥ pramucyate || 24||

देहः क्षेत्रं मनो यन्त्रं प्राणो दीपः सनातनः ।भक्तिः पुष्पं गुरुर्धूपः स्वसंवित्परमं हविः ॥ २५॥

dehaḥ kṣetraṃ mano yantraṃ prāṇo dīpaḥ sanātanaḥ |bhaktiḥ puṣpaṃ gururdhūpaḥ svasaṃvitparamaṃ haviḥ || 25||

न वेदैर्न तपोभिर्वा न दानैर्यज्ञकोटिभिः ।यादृशी जायते प्रीतिः स्तोत्रस्यास्य प्रकीर्तनात् ॥ २६॥

na vedairna tapobhirvā na dānairyajñakoṭibhiḥ |yādṛśī jāyate prītiḥ stotrasyāsya prakīrtanāt || 26||

सर्वगोप्यमिदं स्तोत्रं देवैरपि सुदुर्लभम् ।गुह्याद्गुह्यतरं ज्ञेयं सिद्धिदं मोक्षदं परम् ॥ २७॥

sarvagopyamidaṃ stotraṃ devairapi sudurlabham |guhyādguhyataraṃ jñeyaṃ siddhidaṃ mokṣadaṃ param || 27||

इति श्री भैरवभैरवी संवादे लेखिनीद्वात्रिंशन्नामस्तोत्रं सम्पूर्णम् ।अथ नामावलिः ।श्रीलेखिन्यै नमः ।श्रीलीलयायै नमः ।श्रीलक्ष्यायै नमः ।श्रीलयातीतायै नमः ।श्रीलसत्प्रभायै नमः ।श्रीललामभूतायै नमः ।श्रीलोकेश्यै नमः ।श्रीलोकबीजायै नमः ।श्रीलसन्मतै नमः ।श्रीलीनतत्त्वायै नमः । १०श्रीलिपिश्रीशायै नमः ।श्रीलक्षणज्ञायै नमः ।श्रीलयेश्वर्यै नमः ।श्रीलक्ष्यार्थायै नमः ।श्रीललितोदारायै नमः ।श्रीलुप्तमायाविभेदिन्यै नमः ।श्रीलेश्यातीतायै नमः ।श्रीलोकमात्रे नमः ।श्रीलेखसूत्रप्रवर्तिन्यै नमः ।श्रीलयरेखायै नमः । २०श्रीलोकसाक्ष्यै नमः ।श्रीलीलामौनप्रकाशिन्यै नमः ।श्रीलब्धबोधायै नमः ।श्रीलिङ्गरहितायै नमः ।श्रीलोचनातीतलोचनायै नमः ।श्रीलसद्बोधायै नमः ।श्रीलोकगुह्यायै नमः ।श्रीलीलावर्णप्रसूतिकायै नमः ।श्रीलोकातीतायै नमः ।श्रीलयप्रज्ञायै नमः । ३०श्रीलक्षकोटिप्रकाशिन्यै नमः ।श्रीलेखविद्यायै नमः । ३२इति लेखिनीद्वातिंशन्नामावलिः सम्पूर्णा ।

iti śrī bhairavabhairavī saṃvāde lekhinīdvātriṃśannāmastotraṃ sampūrṇam |atha nāmāvaliḥ |śrīlekhinyai namaḥ |śrīlīlayāyai namaḥ |śrīlakṣyāyai namaḥ |śrīlayātītāyai namaḥ |śrīlasatprabhāyai namaḥ |śrīlalāmabhūtāyai namaḥ |śrīlokeśyai namaḥ |śrīlokabījāyai namaḥ |śrīlasanmatai namaḥ |śrīlīnatattvāyai namaḥ | 10śrīlipiśrīśāyai namaḥ |śrīlakṣaṇajñāyai namaḥ |śrīlayeśvaryai namaḥ |śrīlakṣyārthāyai namaḥ |śrīlalitodārāyai namaḥ |śrīluptamāyāvibhedinyai namaḥ |śrīleśyātītāyai namaḥ |śrīlokamātre namaḥ |śrīlekhasūtrapravartinyai namaḥ |śrīlayarekhāyai namaḥ | 20śrīlokasākṣyai namaḥ |śrīlīlāmaunaprakāśinyai namaḥ |śrīlabdhabodhāyai namaḥ |śrīliṅgarahitāyai namaḥ |śrīlocanātītalocanāyai namaḥ |śrīlasadbodhāyai namaḥ |śrīlokaguhyāyai namaḥ |śrīlīlāvarṇaprasūtikāyai namaḥ |śrīlokātītāyai namaḥ |śrīlayaprajñāyai namaḥ | 30śrīlakṣakoṭiprakāśinyai namaḥ |śrīlekhavidyāyai namaḥ | 32iti lekhinīdvātiṃśannāmāvaliḥ sampūrṇā |