कालिकाशतनामस्तोत्रम् ककारकूटघटित अथवा आद्याकालिकाशतनामस्तोत्रम् Kararakutaghatitam Kalikashatanamastotram

(महानिर्वाणतन्त्रे सप्तमोल्लासान्तर्गते)अन्यनामानिआद्याकालीस्वरूपाख्यं शतनामस्तोत्रम्ककारकूटस्तवःआद्याकालिकाशतनामस्तोत्रम्श्रीसदाशिव उवाच ।शृणु देवि जगद्वन्द्ये स्तोत्रमेतदमुत्तमम् ।पठनाच्छ्रवणाद्यस्य सर्वसिद्धीश्वरो भवेत् ॥असौभाग्य प्रशमनं सुखसम्पद्विवर्धनम् ।अकालमृत्युहरणं सर्वापद्निवारणम् ॥श्रीमदाद्याकालिकायाः सुखसान्निध्यकारणम् ।स्तवस्यास्य प्रसीदेन त्रिपुरारिरहं प्रिये ॥ (प्रसादेन, शिवे)स्तोत्रस्यास्य ऋषिर्देवि ! सदाशिव उदाह्दृतः ।छन्दोऽनुष्टुब्देवताऽऽद्या कालिका परिकीर्तिता ।धर्मकामार्थमोक्षेषु विनियोगः प्रकीर्त्तितः ॥अथ शतनामस्तोत्रम् ।ॐ अस्य करारकूटघटितं श्रीआद्याकालिकाशतनामस्तोत्रमन्त्रस्यश्रीसदाशिवऋषिः । अनुष्टुप्छन्दः । श्री आद्याकालिका देवता ।धर्मकामार्थमोक्ष सिध्यर्थे जपे विनियोगः ॥ॐ ह्रीँ काली श्रीँ कराली च क्रीँ कल्याणी कलावती ।कमला कलिदर्पघ्नी कपर्दीशकृपान्विता ॥ १॥

(mahānirvāṇatantre saptamollāsāntargate)anyanāmāniādyākālīsvarūpākhyaṃ śatanāmastotramkakārakūṭastavaḥādyākālikāśatanāmastotramśrīsadāśiva uvāca |śṛṇu devi jagadvandye stotrametadamuttamam |paṭhanācchravaṇādyasya sarvasiddhīśvaro bhavet ||asaubhāgya praśamanaṃ sukhasampadvivardhanam |akālamṛtyuharaṇaṃ sarvāpadnivāraṇam ||śrīmadādyākālikāyāḥ sukhasānnidhyakāraṇam |stavasyāsya prasīdena tripurārirahaṃ priye || (prasādena, śive)stotrasyāsya ṛṣirdevi ! sadāśiva udāhdṛtaḥ |chando'nuṣṭubdevatā''dyā kālikā parikīrtitā |dharmakāmārthamokṣeṣu viniyogaḥ prakīrttitaḥ ||atha śatanāmastotram |oṃ asya karārakūṭaghaṭitaṃ śrīādyākālikāśatanāmastotramantrasyaśrīsadāśivaṛṣiḥ | anuṣṭupchandaḥ | śrī ādyākālikā devatā |dharmakāmārthamokṣa sidhyarthe jape viniyogaḥ ||oṃ hrīm̐ kālī śrīm̐ karālī ca krīm̐ kalyāṇī kalāvatī |kamalā kalidarpaghnī kapardīśakṛpānvitā || 1||

कालिका कालमाता च कालानलसमद्युतिः ।कपर्दिनी करालास्या करुणामृतसागरा ॥ २॥

kālikā kālamātā ca kālānalasamadyutiḥ |kapardinī karālāsyā karuṇāmṛtasāgarā || 2||

कृपामयी कृपाधारा कृपापारा कृपागमा ।कृशानुः कपिला कृष्णा कृष्णानन्दविवर्द्धिनी ॥ ३॥

kṛpāmayī kṛpādhārā kṛpāpārā kṛpāgamā |kṛśānuḥ kapilā kṛṣṇā kṛṣṇānandavivarddhinī || 3||

कालरात्रिः कामरूपा कामपाशविमोचिनी । (विमोचनी)कादम्बिनी कलाधारा कलिकल्मषनाशिनी ॥ ४॥

kālarātriḥ kāmarūpā kāmapāśavimocinī | (vimocanī)kādambinī kalādhārā kalikalmaṣanāśinī || 4||

कुमारीपूजनप्रीता कुमारीपूजकालया ।कुमारीभोजनानन्दा कुमारीरूपधारिणी ॥ ५॥

kumārīpūjanaprītā kumārīpūjakālayā |kumārībhojanānandā kumārīrūpadhāriṇī || 5||

कदम्बवनसञ्चारा कदम्बवनवासिनी ।कदम्बपुष्पसन्तोषा कदम्बपुष्पमालिनी ॥ ६॥

kadambavanasañcārā kadambavanavāsinī |kadambapuṣpasantoṣā kadambapuṣpamālinī || 6||

किशोरी कलकण्ठा च कलनादनिनादिनी ।कादम्बरीपानरता तथा कादम्बरीप्रिया ॥ ७॥ (४०)

kiśorī kalakaṇṭhā ca kalanādaninādinī |kādambarīpānaratā tathā kādambarīpriyā || 7|| (40)

कपालपात्रनिरता कङ्कालमाल्यधारिणी ।कमलासनसन्तुष्टा कमलासनवासिनी ॥ ८॥

kapālapātraniratā kaṅkālamālyadhāriṇī |kamalāsanasantuṣṭā kamalāsanavāsinī || 8||

कमलालयमध्यस्था कमलामोदमोदिनी ।कलहंसगतिः क्लैब्यनाशिनी कामरूपिणी ॥ ९॥

kamalālayamadhyasthā kamalāmodamodinī |kalahaṃsagatiḥ klaibyanāśinī kāmarūpiṇī || 9||

कामरूपकृतावासा कामपीठविलासिनी ।कमनीया कल्पलता कमनीयविभूषणा ॥ १०॥

kāmarūpakṛtāvāsā kāmapīṭhavilāsinī |kamanīyā kalpalatā kamanīyavibhūṣaṇā || 10||

कमनीयगुणाराध्या कोमलाङ्गी कृशोदरी ।कारणामृतसन्तोषा कारणानन्दसिद्धिदा ॥ ११॥

kamanīyaguṇārādhyā komalāṅgī kṛśodarī |kāraṇāmṛtasantoṣā kāraṇānandasiddhidā || 11||

कारणानन्दजापेष्टा कारणार्चनहर्षिता ।कारणार्णवसम्मग्ना कारणव्रतपालिनी ॥ १२॥

kāraṇānandajāpeṣṭā kāraṇārcanaharṣitā |kāraṇārṇavasammagnā kāraṇavratapālinī || 12||

कस्तूरीसौरभामोदा कस्तूरीतिलकोज्ज्वला ।कस्तूरीपूजनरता कस्तूरीपूजकप्रिया ॥ १३॥

kastūrīsaurabhāmodā kastūrītilakojjvalā |kastūrīpūjanaratā kastūrīpūjakapriyā || 13||

कस्तूरीदाहजननी कस्तूरीमृगतोषिणी ।कस्तूरीभोजनप्रीता कर्पूरामोदमोदिता ॥ १४॥

kastūrīdāhajananī kastūrīmṛgatoṣiṇī |kastūrībhojanaprītā karpūrāmodamoditā || 14||

कर्पूरमालाभरणा कर्पूरचन्दनोक्षिता ।कर्पूरकारणाह्लादा कर्पूरामृतपायिनी ॥ १५॥

karpūramālābharaṇā karpūracandanokṣitā |karpūrakāraṇāhlādā karpūrāmṛtapāyinī || 15||

कर्पूरसागरस्नाता कर्पूरसागरालया ।कूर्चबीजजपप्रीता कूर्चजापपरायणा ॥ १६॥

karpūrasāgarasnātā karpūrasāgarālayā |kūrcabījajapaprītā kūrcajāpaparāyaṇā || 16||

कुलीना कौलिकाराध्या कौलिकप्रियकारिणी ।कुलाचारा कौतुकिनी कुलमार्गप्रदर्शिनी ॥ १७॥

kulīnā kaulikārādhyā kaulikapriyakāriṇī |kulācārā kautukinī kulamārgapradarśinī || 17||

काशीश्वरी कष्टहर्त्री काशीशवरदायिनी ।काशीश्वरकृतामोदा काशीश्वरमनोरमा ॥ १८॥

kāśīśvarī kaṣṭahartrī kāśīśavaradāyinī |kāśīśvarakṛtāmodā kāśīśvaramanoramā || 18||

कलमञ्जीरचरणा क्वणत्काञ्चीविभूषणा ।काञ्चनाद्रिकृतागारा काञ्चनाचलकौमुदी ॥ १९॥

kalamañjīracaraṇā kvaṇatkāñcīvibhūṣaṇā |kāñcanādrikṛtāgārā kāñcanācalakaumudī || 19||

कामबीजजपानन्दा कामबीजस्वरूपिणी ।कुमतिघ्नी कुलीनार्त्तिनाशिनी कुलकामिनी ॥ २०॥

kāmabījajapānandā kāmabījasvarūpiṇī |kumatighnī kulīnārttināśinī kulakāminī || 20||

क्रीँ ह्रीँ श्रीँ मन्त्रवर्णेन कालकण्टकघातिनी । (१००)इत्याद्याकालिकादेव्याः शतनाम प्रकीर्त्तितम् ।ककारकूटघटितं कालीरूपस्वरूपकम् ॥ २२॥

krīm̐ hrīm̐ śrīm̐ mantravarṇena kālakaṇṭakaghātinī | (100)ityādyākālikādevyāḥ śatanāma prakīrttitam |kakārakūṭaghaṭitaṃ kālīrūpasvarūpakam || 22||

ककारकूटकीर्त्तनफलंपूजाकाले पठेद्यस्तु कालिकाकृतमानसः ।मन्त्रसिद्धिर्भवेदाषु तस्य काली प्रसीदति ॥ १॥

kakārakūṭakīrttanaphalaṃpūjākāle paṭhedyastu kālikākṛtamānasaḥ |mantrasiddhirbhavedāṣu tasya kālī prasīdati || 1||

बुद्धिं विद्याञ्च लभते गुरोरादेशमात्रतः ।धनवान् कीर्तिमान् भूयाद्दानशीलो दयान्वितः ॥ २॥

buddhiṃ vidyāñca labhate gurorādeśamātrataḥ |dhanavān kīrtimān bhūyāddānaśīlo dayānvitaḥ || 2||

पुत्रपौत्रसुखैश्वर्यैर्मोदते साधको भुवि ।भौमावास्यानिशाभागे मपञ्चकसमन्वितः ॥ ३॥

putrapautrasukhaiśvaryairmodate sādhako bhuvi |bhaumāvāsyāniśābhāge mapañcakasamanvitaḥ || 3||

पूजयित्वा महाकालीमाद्यां त्रिभुवनेश्वरीम् ।पठित्वा शतनामानि साक्षात् कालीमयो भवेत् ॥ ४॥

pūjayitvā mahākālīmādyāṃ tribhuvaneśvarīm |paṭhitvā śatanāmāni sākṣāt kālīmayo bhavet || 4||

नासाध्यं विद्यते तस्य त्रिषु लोकेषु किञ्चन ।विद्यायां वाक्पतिः साक्षात् धने धनपतिर्भवेत् ॥ ५॥

nāsādhyaṃ vidyate tasya triṣu lokeṣu kiñcana |vidyāyāṃ vākpatiḥ sākṣāt dhane dhanapatirbhavet || 5||

समुद्र इव गाम्भीर्ये बले च पवनोपमः ।तिग्मांशुरिव दुष्प्रेक्ष्यः शशिवत् शुभदर्शनः ॥ ६॥

samudra iva gāmbhīrye bale ca pavanopamaḥ |tigmāṃśuriva duṣprekṣyaḥ śaśivat śubhadarśanaḥ || 6||

रूपे मूर्तिधरः कामो योषितां हृदयङ्गमः ।सर्वत्र जयमाप्नोति स्तवस्यास्य प्रसादतः ॥ ७॥

rūpe mūrtidharaḥ kāmo yoṣitāṃ hṛdayaṅgamaḥ |sarvatra jayamāpnoti stavasyāsya prasādataḥ || 7||

यं यं कामं पुरस्कृत्य स्तोत्रमेतदुदीरयेत् ।तं तं काममवाप्नोति श्रीमदाद्याप्रसादतः ॥ ८॥

yaṃ yaṃ kāmaṃ puraskṛtya stotrametadudīrayet |taṃ taṃ kāmamavāpnoti śrīmadādyāprasādataḥ || 8||

रणे राजकुले द्यूते विवादे प्राणसङ्कटे ।दस्युग्रस्ते ग्रामदाहे सिंहव्याघ्रावृते तथा ॥ ९॥

raṇe rājakule dyūte vivāde prāṇasaṅkaṭe |dasyugraste grāmadāhe siṃhavyāghrāvṛte tathā || 9||

अरण्ये प्रान्तरे दुर्गे ग्रहराजभयेऽपि वा ।ज्वरदाहे चिरव्याधौ महारोगादिसङ्कुले ॥ १०॥

araṇye prāntare durge graharājabhaye'pi vā |jvaradāhe ciravyādhau mahārogādisaṅkule || 10||

बालग्रहादिरोगे च तथा दुःस्वप्नदर्शने ।दुस्तरे सलिले वापि पोते वातविपद्गते ॥ ११॥

bālagrahādiroge ca tathā duḥsvapnadarśane |dustare salile vāpi pote vātavipadgate || 11||

विचिन्त्य परमां मायामाद्यां कालीं परात्पराम् ।यः पठेच्छतनामानि दृढभक्तिसमन्वितः ॥ १२॥

vicintya paramāṃ māyāmādyāṃ kālīṃ parātparām |yaḥ paṭhecchatanāmāni dṛḍhabhaktisamanvitaḥ || 12||

सर्वापद्भ्यो विमुच्येत देवि सत्यं न संशयः ।न पापेभ्यो भयं तस्य न रोगेभ्यो भयं क्वचित् ॥ १३॥

sarvāpadbhyo vimucyeta devi satyaṃ na saṃśayaḥ |na pāpebhyo bhayaṃ tasya na rogebhyo bhayaṃ kvacit || 13||

सर्वत्र विजयस्तस्य न कुत्रापि पराभवः ।तस्य दर्शनमात्रेण पलायन्ते विपद्गणाः ॥ १४॥

sarvatra vijayastasya na kutrāpi parābhavaḥ |tasya darśanamātreṇa palāyante vipadgaṇāḥ || 14||

स वक्ता सर्वशास्त्राणां स भोक्ता सर्वसम्पदाम् ।स कर्ता जातिधर्माणां ज्ञातीनां प्रभुरेव सः ॥ १५॥

sa vaktā sarvaśāstrāṇāṃ sa bhoktā sarvasampadām |sa kartā jātidharmāṇāṃ jñātīnāṃ prabhureva saḥ || 15||

वाणी तस्य वसेद्वक्त्रे कमला निश्चला गृहे ।तन्नाम्ना मानवाः सर्वे प्रणमन्ति ससम्भ्रमाः ॥ १६॥

vāṇī tasya vasedvaktre kamalā niścalā gṛhe |tannāmnā mānavāḥ sarve praṇamanti sasambhramāḥ || 16||

दृष्ट्या तस्य तृणायन्ते ह्यणिमाद्यष्टसिद्धयः ।आद्याकालीस्वरूपाख्यं शतनाम प्रकीर्तितम् ॥ १७॥

dṛṣṭyā tasya tṛṇāyante hyaṇimādyaṣṭasiddhayaḥ |ādyākālīsvarūpākhyaṃ śatanāma prakīrtitam || 17||

अष्टोत्तरशतावृत्या पुरश्चर्याऽस्य गीयते ।पुरस्क्रियान्वितं स्तोत्रं सर्वाभीष्टफलप्रदम् ॥ १८॥

aṣṭottaraśatāvṛtyā puraścaryā'sya gīyate |puraskriyānvitaṃ stotraṃ sarvābhīṣṭaphalapradam || 18||

शतनामस्तुतिमिमामाद्याकालीस्वरूपिणीम् ।पठेद्वा पाठयेद्वापि शृणुयाच्छ्रावयेदपि ।सर्वपापविनिर्मुक्तो ब्रह्मसायुज्यमाप्नुयात् ॥ १९॥

śatanāmastutimimāmādyākālīsvarūpiṇīm |paṭhedvā pāṭhayedvāpi śṛṇuyācchrāvayedapi |sarvapāpavinirmukto brahmasāyujyamāpnuyāt || 19||

॥ इति महानिर्वाणतन्त्रे सप्तमोल्लासान्तर्गतंकालिकाशतनामस्तोत्रं सम्पूर्णम् ॥

|| iti mahānirvāṇatantre saptamollāsāntargataṃkālikāśatanāmastotraṃ sampūrṇam ||