ककारादिकालीशतनामस्तोत्रम् १ Kakaradi Kalishatanama Stotram

श्रीदेव्युवाचनमस्ते पार्वतीनाथ विश्वनाथ दयामय ।ज्ञानात् परतरं नास्ति श्रुतं विश्वेश्वर प्रभो ॥ १॥

śrīdevyuvācanamaste pārvatīnātha viśvanātha dayāmaya |jñānāt parataraṃ nāsti śrutaṃ viśveśvara prabho || 1||

दीनवन्धो दयासिन्धो विश्वेश्वर जगत्पते ।इदानीं श्रोतुमिच्छामि गोप्यं परमकारणम् ।रहस्यं कालिकायश्च तारायाश्च सुरोत्तम ॥ २॥

dīnavandho dayāsindho viśveśvara jagatpate |idānīṃ śrotumicchāmi gopyaṃ paramakāraṇam |rahasyaṃ kālikāyaśca tārāyāśca surottama || 2||

श्रीशिव उवाचरहस्यं किं वदिष्यामि पञ्चवक्त्रैर्महेश्वरी ।जिह्वाकोटिसहस्रैस्तु वक्त्रकोटिशतैरपि ॥ ३॥

śrīśiva uvācarahasyaṃ kiṃ vadiṣyāmi pañcavaktrairmaheśvarī |jihvākoṭisahasraistu vaktrakoṭiśatairapi || 3||

वक्तुं न शक्यते तस्य माहात्म्यं वै कथञ्चन ।तस्या रहस्यं गोप्यञ्च किं न जानासि शङ्करी ॥ ४॥

vaktuṃ na śakyate tasya māhātmyaṃ vai kathañcana |tasyā rahasyaṃ gopyañca kiṃ na jānāsi śaṅkarī || 4||

स्वस्यैव चरितं वक्तुं समर्था स्वयमेव हि ।अन्यथा नैव देवेशि ज्ञायते तत् कथञ्चन ॥ ५॥

svasyaiva caritaṃ vaktuṃ samarthā svayameva hi |anyathā naiva deveśi jñāyate tat kathañcana || 5||

कालिकायाः शतं नाम नाना तन्त्रे त्वया श्रुतम् ।रहस्यं गोपनीयञ्च तत्रेऽस्मिन् जगदम्बिके ॥ ६॥

kālikāyāḥ śataṃ nāma nānā tantre tvayā śrutam |rahasyaṃ gopanīyañca tatre'smin jagadambike || 6||

(ॐ) करालवदना काली कामिनी कमला कला ।क्रियावती कोटराक्षी कामाक्ष्या कामसुन्दरी ॥ ७॥

(oṃ) karālavadanā kālī kāminī kamalā kalā |kriyāvatī koṭarākṣī kāmākṣyā kāmasundarī || 7||

कपाला च कराला च काली कात्यायनी कुहुः ।कङ्काला कालदमना करुणा कमलार्च्चिता ॥ ८॥

kapālā ca karālā ca kālī kātyāyanī kuhuḥ |kaṅkālā kāladamanā karuṇā kamalārccitā || 8||

कादम्बरी कालहरा कौतुकी कारणप्रिया ।कृष्णा कृष्णप्रिया कृष्णपूजिता कृष्णवल्लभा ॥ ९॥

kādambarī kālaharā kautukī kāraṇapriyā |kṛṣṇā kṛṣṇapriyā kṛṣṇapūjitā kṛṣṇavallabhā || 9||

कृष्णापराजिता कृष्णप्रिया च कृष्णरूपिनी ।कालिका कालरात्रीश्च कुलजा कुलपण्डिता ॥ १०॥

kṛṣṇāparājitā kṛṣṇapriyā ca kṛṣṇarūpinī |kālikā kālarātrīśca kulajā kulapaṇḍitā || 10||

कुलधर्मप्रिया कामा काम्यकर्मविभूषिता ।कुलप्रिया कुलरता कुलीनपरिपूजिता ॥ ११॥

kuladharmapriyā kāmā kāmyakarmavibhūṣitā |kulapriyā kularatā kulīnaparipūjitā || 11||

कुलज्ञा कमलापूज्या कैलासनगभूषिता ।कूटजा केशिनी काम्या कामदा कामपण्डिता ॥ १२॥

kulajñā kamalāpūjyā kailāsanagabhūṣitā |kūṭajā keśinī kāmyā kāmadā kāmapaṇḍitā || 12||

करालास्या च कन्दर्पकामिनी रूपशोभिता ।कोलम्बका कोलरता केशिनी केशभूषिता ॥ १३॥

karālāsyā ca kandarpakāminī rūpaśobhitā |kolambakā kolaratā keśinī keśabhūṣitā || 13||

केशवस्यप्रिया काशा काश्मीरा केशवार्च्चिता ।कामेश्वरी कामरूपा कामदानविभूषिता ॥ १४॥

keśavasyapriyā kāśā kāśmīrā keśavārccitā |kāmeśvarī kāmarūpā kāmadānavibhūṣitā || 14||

कालहन्त्री कूर्ममांसप्रिया कूर्मादिपूजिता ।कोलिनी करकाकारा करकर्मनिषेविणी ॥ १५॥

kālahantrī kūrmamāṃsapriyā kūrmādipūjitā |kolinī karakākārā karakarmaniṣeviṇī || 15||

कटकेश्वरमध्यस्था कटकी कटकार्च्चिता ।कटप्रिया कटरता कटकर्मनिषेविणी ॥ १६॥

kaṭakeśvaramadhyasthā kaṭakī kaṭakārccitā |kaṭapriyā kaṭaratā kaṭakarmaniṣeviṇī || 16||

कुमारीपूजनरता कुमारीगणसेविता ।कुलाचारप्रिया कौलप्रिया कौलनिषेविणी ॥ १७॥

kumārīpūjanaratā kumārīgaṇasevitā |kulācārapriyā kaulapriyā kaulaniṣeviṇī || 17||

कुलीना कुलधर्मज्ञा कुलभीतिविमर्द्दिनी ।कालधर्मप्रिया काम्यनित्या कामस्वरूपिणी ॥ १८॥

kulīnā kuladharmajñā kulabhītivimarddinī |kāladharmapriyā kāmyanityā kāmasvarūpiṇī || 18||

कामरूपा कामहरा काममन्दिरपूजिता ।कामागारस्वरूपा च कालाख्या कालभूषिता ॥ १९॥

kāmarūpā kāmaharā kāmamandirapūjitā |kāmāgārasvarūpā ca kālākhyā kālabhūṣitā || 19||

क्रियाभक्तिरता काम्यानाञ्चैव कामदायिनी ।कोलपुष्पम्बरा कोला निकोला कालहान्तरा ॥ २०॥

kriyābhaktiratā kāmyānāñcaiva kāmadāyinī |kolapuṣpambarā kolā nikolā kālahāntarā || 20||

कौषिकी केतकी कुन्ती कुन्तलादिविभूषिता ।इत्येवं शृणु चार्वङ्गि रहस्यं सर्वमङ्गलम् ॥ २१॥

kauṣikī ketakī kuntī kuntalādivibhūṣitā |ityevaṃ śṛṇu cārvaṅgi rahasyaṃ sarvamaṅgalam || 21||

फलश्रुतिःयः पठेत् परया भक्त्या स शिवो नात्र संशयः ।शतनामप्रसादेन किं न सिद्धति भूतले ॥ २२॥

phalaśrutiḥyaḥ paṭhet parayā bhaktyā sa śivo nātra saṃśayaḥ |śatanāmaprasādena kiṃ na siddhati bhūtale || 22||

ब्रह्मा विष्णुश्च रुद्रश्च वासवाद्या दिवौकसः ।रहस्यपठनाद्देवि सर्वे च विगतज्वराः ॥ २३॥

brahmā viṣṇuśca rudraśca vāsavādyā divaukasaḥ |rahasyapaṭhanāddevi sarve ca vigatajvarāḥ || 23||

त्रिषु लोकेशु विश्वेशि सत्यं गोप्यमतः परम् ।नास्ति नास्ति महामाये तन्त्रमध्ये कथञ्चन ॥ २४॥

triṣu lokeśu viśveśi satyaṃ gopyamataḥ param |nāsti nāsti mahāmāye tantramadhye kathañcana || 24||

सत्यं वचि महेशानि नातःपरतरं प्रिये ।न गोलोके न वैकुण्ठे न च कैलासमन्दिरे ॥ २५॥

satyaṃ vaci maheśāni nātaḥparataraṃ priye |na goloke na vaikuṇṭhe na ca kailāsamandire || 25||

रात्रिवापि दिवाभागे यदि देवि सुरेश्वरी ।प्रजपेद् भक्तिभावेन रहस्यस्तवमुत्तमम् ॥ २६॥

rātrivāpi divābhāge yadi devi sureśvarī |prajaped bhaktibhāvena rahasyastavamuttamam || 26||

शतनाम प्रसादेन मन्त्रसिद्धिः प्रजायते ।कुजवारे चतुर्द्दश्यां निशाभागे जपेत्तु यः ॥ २७॥

śatanāma prasādena mantrasiddhiḥ prajāyate |kujavāre caturddaśyāṃ niśābhāge japettu yaḥ || 27||

स कृती सर्वशास्त्रज्ञः स कुलीनः सदा शुचिः ।स कुलज्ञः स कालज्ञः स धर्मज्ञो महीतले ॥ २८॥

sa kṛtī sarvaśāstrajñaḥ sa kulīnaḥ sadā śuciḥ |sa kulajñaḥ sa kālajñaḥ sa dharmajño mahītale || 28||

रहस्य पठनात् कोटिपुरश्चरणजं फलम् ।प्राप्नोति देवदेवेशि सत्यं परमसुन्दरी ॥ २९॥

rahasya paṭhanāt koṭipuraścaraṇajaṃ phalam |prāpnoti devadeveśi satyaṃ paramasundarī || 29||

स्तवपाठाद् वरारोहे किं न सिद्धति भूतले ।अणिमाद्यष्टसिद्धिश्च भवेत्येव न संशयः ॥ ३०॥

stavapāṭhād varārohe kiṃ na siddhati bhūtale |aṇimādyaṣṭasiddhiśca bhavetyeva na saṃśayaḥ || 30||

रात्रौ बिल्वतलेऽश्वथ्थमूलेऽपराजितातले ।प्रपठेत् कालिकास्तोत्रं यथाशक्त्या महेश्वरी ॥ ३१॥

rātrau bilvatale'śvaththamūle'parājitātale |prapaṭhet kālikāstotraṃ yathāśaktyā maheśvarī || 31||

शतवारप्रपठनान्मन्त्रसिद्धिर्भवेद्।ह्ध्रूवम् ।नानातन्त्रं श्रुतं देवि मम वक्त्रात् सुरेश्वरी ॥ ३२॥

śatavāraprapaṭhanānmantrasiddhirbhaved|hdhrūvam |nānātantraṃ śrutaṃ devi mama vaktrāt sureśvarī || 32||

मुण्डमालामहामन्त्रं महामन्त्रस्य साधनम् ।भक्त्या भगवतीं दुर्गां दुःखदारिद्र्यनाशिनीम् ॥ ३३॥

muṇḍamālāmahāmantraṃ mahāmantrasya sādhanam |bhaktyā bhagavatīṃ durgāṃ duḥkhadāridryanāśinīm || 33||

संस्मरेद् यो जपेद्।ह्ध्यायेत् स मुक्तो नात्र संशय ।जीवन्मुक्तः स विज्ञेयस्तन्त्रभक्तिपरायणः ॥ ३४॥

saṃsmared yo japed|hdhyāyet sa mukto nātra saṃśaya |jīvanmuktaḥ sa vijñeyastantrabhaktiparāyaṇaḥ || 34||

स साधको महाज्ञानी यश्च दुर्गापदानुगः ।न च भक्तिर्न वाहभक्तिर्न मुक्तिनगनन्दिनि ॥ ३५॥

sa sādhako mahājñānī yaśca durgāpadānugaḥ |na ca bhaktirna vāhabhaktirna muktinaganandini || 35||

विना दुर्गां जगद्धात्री निष्फलं जीवनं भभेत् ।शक्तिमार्गरतो भूत्वा योहन्यमार्गे प्रधावति ॥ ३६॥

vinā durgāṃ jagaddhātrī niṣphalaṃ jīvanaṃ bhabhet |śaktimārgarato bhūtvā yohanyamārge pradhāvati || 36||

न च शाक्तास्तस्य वक्त्रं परिपश्यन्ति शङ्करी ।विना तन्त्राद् विना मन्त्राद् विना यन्त्रान्महेश्वरी ॥ ३७॥

na ca śāktāstasya vaktraṃ paripaśyanti śaṅkarī |vinā tantrād vinā mantrād vinā yantrānmaheśvarī || 37||

न च भुक्तिश्च मुक्तिश्च जायते वरवर्णिनी ।यथा गुरुर्महेशानि यथा च परमो गुरुः ॥ ३८॥

na ca bhuktiśca muktiśca jāyate varavarṇinī |yathā gururmaheśāni yathā ca paramo guruḥ || 38||

तन्त्रावक्ता गुरुः साक्षाद् यथा च ज्ञानदः शिवः ।तन्त्रञ्च तन्त्रवक्तारं निन्दन्ति तान्त्रीकीं क्रियाम् ॥ ३९॥

tantrāvaktā guruḥ sākṣād yathā ca jñānadaḥ śivaḥ |tantrañca tantravaktāraṃ nindanti tāntrīkīṃ kriyām || 39||

ये जना भैरवास्तेषां मांसास्थिचर्वणोद्यताः ।अतएव च तन्त्रज्ञं स निन्दन्ति कदाचन ।न हस्तन्ति न हिंसन्ति न वदन्त्यन्यथा बुधा ॥ ४०॥

ye janā bhairavāsteṣāṃ māṃsāsthicarvaṇodyatāḥ |ataeva ca tantrajñaṃ sa nindanti kadācana |na hastanti na hiṃsanti na vadantyanyathā budhā || 40||

॥ इति मुण्डमालातन्त्रेऽष्टमपटले देवीश्वर संवादेकालीशतनामस्तोत्रं सम्पूर्णम् ॥

|| iti muṇḍamālātantre'ṣṭamapaṭale devīśvara saṃvādekālīśatanāmastotraṃ sampūrṇam ||