कालिकास्तोत्रम् १ अथवा जगदम्बिकास्तोत्रम् Kalika Stotram 1

श्रीगणेशाय नमः ॥दधन्नैरन्तर्यादपि मलिनचर्यां सपदि यत्सपर्यां पश्यन्सन् विशतु सुरपुर्यां नरपशुः ।भटान्वर्यान् वीर्यासमहरदसूर्यान् समिति याजगद्धुर्या काली मम मनसि कुर्यान्निवसतिम् ॥ १॥

śrīgaṇeśāya namaḥ ||dadhannairantaryādapi malinacaryāṃ sapadi yatsaparyāṃ paśyansan viśatu surapuryāṃ narapaśuḥ |bhaṭānvaryān vīryāsamaharadasūryān samiti yājagaddhuryā kālī mama manasi kuryānnivasatim || 1||

लसन्नासामुक्ता निजचरणभक्तावनविधौसमुद्युक्ता रक्ताम्बुरुहदृगलक्ताधरपुटा ।अपि व्यक्ताऽव्यक्तायमनियमसक्ताशयशयाजगद्धुर्या काली मम मनसि कुर्यान्निवसतिम् ॥ २॥

lasannāsāmuktā nijacaraṇabhaktāvanavidhausamudyuktā raktāmburuhadṛgalaktādharapuṭā |api vyaktā'vyaktāyamaniyamasaktāśayaśayājagaddhuryā kālī mama manasi kuryānnivasatim || 2||

रणत्सन्मञ्जीरा खलदमनधीराऽतिरुचिरस्फुरद्विद्युच्चीरा सुजनझषनीरायिततनुः ।विराजत्कोटीरा विमलतरहीरा भरणभृत्जगद्धुर्या काली मम मनसि कुर्यान्निवसतिम् ॥ ३॥

raṇatsanmañjīrā khaladamanadhīrā'tirucirasphuradvidyuccīrā sujanajhaṣanīrāyitatanuḥ |virājatkoṭīrā vimalatarahīrā bharaṇabhṛtjagaddhuryā kālī mama manasi kuryānnivasatim || 3||

वसाना कौशेयं कमलनयना चन्द्रवदनादधाना कारुण्यं विपुलजघना कुन्दरदना ।पुनाना पापाद्या सपदि विधुनाना भवभयंजगद्धुर्या काली मम मनसि कुर्यान्निवसतिम् ॥ ४॥

vasānā kauśeyaṃ kamalanayanā candravadanādadhānā kāruṇyaṃ vipulajaghanā kundaradanā |punānā pāpādyā sapadi vidhunānā bhavabhayaṃjagaddhuryā kālī mama manasi kuryānnivasatim || 4||

रधूत्तंसप्रेक्षारणरणिकया मेरुशिखरात्समागाद्या रागाज्झटिति यमुनागाधिपमसौ ।नगादीशप्रेष्ठा नगपतिसुता निर्जरनुताजगद्धुर्या काली मम मनसि कुर्यान्निवसतिम् ॥ ५॥

radhūttaṃsaprekṣāraṇaraṇikayā meruśikharātsamāgādyā rāgājjhaṭiti yamunāgādhipamasau |nagādīśapreṣṭhā nagapatisutā nirjaranutājagaddhuryā kālī mama manasi kuryānnivasatim || 5||

विलसन्नवरत्नमालिका कुटिलश्यामलकुन्तलालिका ।नवकुङ्कुमभव्यभालिकाऽवतु सा मां सुखकृद्धि कालिका ॥ ६॥

vilasannavaratnamālikā kuṭilaśyāmalakuntalālikā |navakuṅkumabhavyabhālikā'vatu sā māṃ sukhakṛddhi kālikā || 6||

यमुनाचलद्दमुना दुःखदवस्य देहिनाम् ।अमुना यदि वीक्षिता सकृच्छमु नानाविधमातनोत्यहो ॥ ७॥

yamunācaladdamunā duḥkhadavasya dehinām |amunā yadi vīkṣitā sakṛcchamu nānāvidhamātanotyaho || 7||

अनुभूति सतीप्राणपरित्राणपरायणा ।देवैः कृतसपर्या सा काली कुर्याच्छुभानि नः ॥ ८॥

anubhūti satīprāṇaparitrāṇaparāyaṇā |devaiḥ kṛtasaparyā sā kālī kuryācchubhāni naḥ || 8||

य इदं कालिकास्तोत्रं पठेत्तु प्रयतः शुचिः ।देवीसायुज्यभुक् चेह सर्वान्कामानवाप्नुयात् ॥ ९॥

ya idaṃ kālikāstotraṃ paṭhettu prayataḥ śuciḥ |devīsāyujyabhuk ceha sarvānkāmānavāpnuyāt || 9||

इति कालिकास्तोत्रं सम्पूर्णम् ॥जगदम्बिकास्तोत्रम्

iti kālikāstotraṃ sampūrṇam ||jagadambikāstotram