जयमधुराष्टकम् अथवा मधुराम्बिकाष्टकम् Jaya Madhurashtakam

एकवस्त्रे शिखिज्वालाशिखे पद्मकरे शुभे ।वामे कपालवहने, सर्वाभरणभूषिते ॥ १॥

ekavastre śikhijvālāśikhe padmakare śubhe |vāme kapālavahane, sarvābharaṇabhūṣite || 1||

क्रूरदंष्ट्रे रक्तमाल्ये, अष्टादशभुजान्विते ।मङ्गले कारणे माये , मातरबलरक्षके ॥ २॥

krūradaṃṣṭre raktamālye, aṣṭādaśabhujānvite |maṅgale kāraṇe māye , mātarabalarakṣake || 2||

कुङ्कुमाभे गुणावासे , कुलवृद्धिकरे श्रिये,शूलं डमरुकं चैव बिभ्राणे पाशधारिणि ॥ ३॥

kuṅkumābhe guṇāvāse , kulavṛddhikare śriye,śūlaṃ ḍamarukaṃ caiva bibhrāṇe pāśadhāriṇi || 3||

ओङ्काररूपे चिच्छक्ते, वररूपे वराश्रये ।सुखासने च चामुण्डे, योगाधीश्वरि सुन्दरि ॥ ४॥

oṅkārarūpe cicchakte, vararūpe varāśraye |sukhāsane ca cāmuṇḍe, yogādhīśvari sundari || 4||

सिंहवाहप्रिये देवि, श्यामवर्णे च शाम्भवि ।महाकालि श्मशानस्थे, मातृकामयमण्डले ॥ ५॥

siṃhavāhapriye devi, śyāmavarṇe ca śāmbhavi |mahākāli śmaśānasthe, mātṛkāmayamaṇḍale || 5||

सिरुवाच्चूर्क्षेत्रवासप्रिये शीघ्रवरप्रदे ।पूर्वपुण्यवशाद् दृष्टे, महामङ्गलदर्शिनि ॥ ६॥

siruvāccūrkṣetravāsapriye śīghravaraprade |pūrvapuṇyavaśād dṛṣṭe, mahāmaṅgaladarśini || 6||

ज्योतिर्मये जये कालि, दुःखनाशप्रिये शिवे ।जन्मलाभवरे कान्ते, मधुरे ज्योतिरूपिणि ॥ ७॥

jyotirmaye jaye kāli, duḥkhanāśapriye śive |janmalābhavare kānte, madhure jyotirūpiṇi || 7||

क्लेशनाशिनि सावित्रि, सर्वाभीष्टफलप्रदे ।षोडशानुग्रहे देवि, भक्तानुग्रहकारिणि ॥ ८॥

kleśanāśini sāvitri, sarvābhīṣṭaphalaprade |ṣoḍaśānugrahe devi, bhaktānugrahakāriṇi || 8||

एकमासं शुक्रवारे, सौभाग्यं कालिदर्शनम् ।शुक्रसोमदिनं जप्त्वा, सर्वमङ्गलभाग्यदम् ।अष्ट पूर्णं जपेन्नित्यं, अष्टसिद्धिप्रदं शुभम् ॥ ९॥

ekamāsaṃ śukravāre, saubhāgyaṃ kālidarśanam |śukrasomadinaṃ japtvā, sarvamaṅgalabhāgyadam |aṣṭa pūrṇaṃ japennityaṃ, aṣṭasiddhipradaṃ śubham || 9||

इति जयमधुरश्तकं सम्पूर्णम् ।मधुराम्बिकाष्टकम्मधुर काली अम्मन्

iti jayamadhuraśtakaṃ sampūrṇam |madhurāmbikāṣṭakammadhura kālī amman