काली शान्तिस्तोत्रम् Kali Shanti Stotram

काली काली महाकालि कालिके पापहारिणि ।धर्ममोक्षप्रदे देवि गुह्यकालि नमोऽस्तुते ॥ १॥

kālī kālī mahākāli kālike pāpahāriṇi |dharmamokṣaprade devi guhyakāli namo'stute || 1||

सङ्ग्रामे विजयं देहि धनं देहि सदा गृहे ।धर्मकामार्थसम्पत्तिं देहि कालि नमोऽस्तुते ॥ २॥

saṅgrāme vijayaṃ dehi dhanaṃ dehi sadā gṛhe |dharmakāmārthasampattiṃ dehi kāli namo'stute || 2||

उल्कामुखि ललज्जिह्वे घोररावे भगप्रिये ।श्मशानवासिनि प्रेते शवमांसप्रियेऽनघे ॥ ३॥

ulkāmukhi lalajjihve ghorarāve bhagapriye |śmaśānavāsini prete śavamāṃsapriye'naghe || 3||

अरण्य चारिणि शिवे कुलद्रव्यमयीश्वरि ।प्रसन्नाभव देवेशि भक्तस्य मम कालिके ॥ ४॥

araṇya cāriṇi śive kuladravyamayīśvari |prasannābhava deveśi bhaktasya mama kālike || 4||

शुभानि सन्तु कौलानां नश्यन्तु द्वेषकारकाः ।निन्दाकरा क्षयं पान्तुये च हास्य प्रकुर्वते ॥ ५॥

śubhāni santu kaulānāṃ naśyantu dveṣakārakāḥ |nindākarā kṣayaṃ pāntuye ca hāsya prakurvate || 5||

ये द्विषन्ति जुगुप्सन्ते ये निन्दन्ति हसन्ति ये ।येऽसूयन्ते च शङ्कन्ते मिथ्येति प्रवदन्ति ये ॥ ६॥

ye dviṣanti jugupsante ye nindanti hasanti ye |ye'sūyante ca śaṅkante mithyeti pravadanti ye || 6||

ते डाकिनीमुखे यान्तु सदारसुतबान्धवाः ।पिबत्वं शोणितं तस्य चामुण्डा मांसमत्तु च ॥ ७॥

te ḍākinīmukhe yāntu sadārasutabāndhavāḥ |pibatvaṃ śoṇitaṃ tasya cāmuṇḍā māṃsamattu ca || 7||

आस्थीनिचर्वयन्त्वस्य योगिनी भैरवीगणाः ।यानिन्दागमतन्त्रादौ या शक्तिषु कुलेषु या ॥ ८॥

āsthīnicarvayantvasya yoginī bhairavīgaṇāḥ |yānindāgamatantrādau yā śaktiṣu kuleṣu yā || 8||

कुलमार्गेषु या निन्दा सा निन्दा तव कालिके ।त्वन्निन्दाकारिणां शास्त्री त्वमेव परमेश्वरि ॥ ९॥

kulamārgeṣu yā nindā sā nindā tava kālike |tvannindākāriṇāṃ śāstrī tvameva parameśvari || 9||

न वेदं न तपो दानं नोपवासादिकं व्रतम् ।चान्द्रायणादि कृच्छं च न किञ्चिन्मानयाम्यहम् ॥ १०॥

na vedaṃ na tapo dānaṃ nopavāsādikaṃ vratam |cāndrāyaṇādi kṛcchaṃ ca na kiñcinmānayāmyaham || 10||

किन्तु त्वच्चरणाम्भोज सेवां जाने शिवाज्ञया ।त्वदर्चा कुर्वतो देवि निन्दापि सफला मम ॥ ११॥

kintu tvaccaraṇāmbhoja sevāṃ jāne śivājñayā |tvadarcā kurvato devi nindāpi saphalā mama || 11||

राज्यं तस्य प्रतिष्ठा च लक्ष्मीस्तस्य सदा स्थिरा ।तस्य प्रभुत्वं सामर्थ्यं यस्य त्वं मस्तकोपरि ॥ १२॥

rājyaṃ tasya pratiṣṭhā ca lakṣmīstasya sadā sthirā |tasya prabhutvaṃ sāmarthyaṃ yasya tvaṃ mastakopari || 12||

धन्योऽहं कृतकृत्योऽहं सफलं जीवतं मम ।यस्य त्वच्चरणद्वन्दे मनो निविशते सदा ॥ १३॥

dhanyo'haṃ kṛtakṛtyo'haṃ saphalaṃ jīvataṃ mama |yasya tvaccaraṇadvande mano niviśate sadā || 13||

दैत्याः विनाशमायान्तु क्षयं यान्तु च दानवाः ।नश्यन्तु प्रेतकूष्माण्डा राक्षसा असुरास्तथा ॥ १४॥

daityāḥ vināśamāyāntu kṣayaṃ yāntu ca dānavāḥ |naśyantu pretakūṣmāṇḍā rākṣasā asurāstathā || 14||

पिशाच भूत वेतालां क्षेत्रपाला विनायकाः ।गुह्यकाः घोणकाश्चैव विलीयन्ता सहस्रधा ॥ १५॥

piśāca bhūta vetālāṃ kṣetrapālā vināyakāḥ |guhyakāḥ ghoṇakāścaiva vilīyantā sahasradhā || 15||

भारुण्डा जम्भकाः स्कान्दाः प्रमथाः पितरस्तथा ।योगिन्यो मातरश्चापि डाकिन्यः पूतनास्तथा ॥ १६॥

bhāruṇḍā jambhakāḥ skāndāḥ pramathāḥ pitarastathā |yoginyo mātaraścāpi ḍākinyaḥ pūtanāstathā || 16||

भस्मीभवन्तु सपदि त्वत् प्रसादात् सुरेश्वरि ।दिवाचरा रात्रिचरा ये च सन्ध्याचरा अपि ॥ १७॥

bhasmībhavantu sapadi tvat prasādāt sureśvari |divācarā rātricarā ye ca sandhyācarā api || 17||

शाखाचरा वनचराः कन्दराशैलचारिणः ।द्वेष्टारो ये जलचरा गुहाबिलचरा अपि ॥ १८॥

śākhācarā vanacarāḥ kandarāśailacāriṇaḥ |dveṣṭāro ye jalacarā guhābilacarā api || 18||

स्मरणादेव ते सर्वे खण्डखण्डा भवन्तु ते ।सर्पानागा यातुधाना दस्युमायाविनस्तथा ॥ १९॥

smaraṇādeva te sarve khaṇḍakhaṇḍā bhavantu te |sarpānāgā yātudhānā dasyumāyāvinastathā || 19||

हिंसका विद्विषो निन्दाकरा ये कुलदूषकाः ।मारणोच्चाटनोन्मूल द्वेष मोहन कारकाः ॥ २०॥

hiṃsakā vidviṣo nindākarā ye kuladūṣakāḥ |māraṇoccāṭanonmūla dveṣa mohana kārakāḥ || 20||

कृत्याभिचारकर्तारः कौलविश्वासघातकाः ।त्वत्प्रसादाज्जगद्धात्रि निधनं यान्तु तेऽखिलाः ॥ २१॥

kṛtyābhicārakartāraḥ kaulaviśvāsaghātakāḥ |tvatprasādājjagaddhātri nidhanaṃ yāntu te'khilāḥ || 21||

नवग्रहाः सतिथयो नक्षत्राणि च राशयः ।सङ्क्रान्तयोऽब्दा मासाश्च ऋतवो द्वे तथायने ॥ २२॥

navagrahāḥ satithayo nakṣatrāṇi ca rāśayaḥ |saṅkrāntayo'bdā māsāśca ṛtavo dve tathāyane || 22||

कलाकाष्ठामुहुर्ताश्च पक्षाहोरात्रयस्तथा ।मन्वतराणि कल्पाश्च युगानि युगसन्धयः ॥ २३॥

kalākāṣṭhāmuhurtāśca pakṣāhorātrayastathā |manvatarāṇi kalpāśca yugāni yugasandhayaḥ || 23||

देवलाकाः लोकपालाःपितरो वह्नयस्तथा ।अध्वरा निधयो वेदाः पुराणागमसंहिता ॥ २४॥

devalākāḥ lokapālāḥpitaro vahnayastathā |adhvarā nidhayo vedāḥ purāṇāgamasaṃhitā || 24||

एते मया कार्तिता ये ये चान्ये नानुकीर्तिताः ।आज्ञया गुह्यकाल्यास्ते मम कुर्वन्तु मङ्गलम् ॥ २५॥

ete mayā kārtitā ye ye cānye nānukīrtitāḥ |ājñayā guhyakālyāste mama kurvantu maṅgalam || 25||

भवन्तु सर्वदा सौम्याः सर्वकालं सुखावहाः ।आरोग्यं सर्वदा मेऽस्तु युद्धे चैवापराजयः ॥ २६॥

bhavantu sarvadā saumyāḥ sarvakālaṃ sukhāvahāḥ |ārogyaṃ sarvadā me'stu yuddhe caivāparājayaḥ || 26||

दुःखहानिः सदैवास्तां विघ्ननाशः पदे पदे ।अकालमृत्यु दारिद्र्यं बन्धनं नृपतेर्भयम् ॥ २७॥

duḥkhahāniḥ sadaivāstāṃ vighnanāśaḥ pade pade |akālamṛtyu dāridryaṃ bandhanaṃ nṛpaterbhayam || 27||

गुह्यकाल्याः प्रसादेन न कदापि भवेन्मम ।सन्त्विन्द्रियाणि सुस्थानि शान्तिः कुशलमस्तु मे ॥ २८॥

guhyakālyāḥ prasādena na kadāpi bhavenmama |santvindriyāṇi susthāni śāntiḥ kuśalamastu me || 28||

वाञ्छाप्तिर्मनसः सौख्यं कल्याणं सुप्रजास्तथा ।बलं विक्तं यशः कान्तिवृद्धिर्विद्या महोदयः ॥ २९॥

vāñchāptirmanasaḥ saukhyaṃ kalyāṇaṃ suprajāstathā |balaṃ viktaṃ yaśaḥ kāntivṛddhirvidyā mahodayaḥ || 29||

दीर्घायुरप्रधृष्यत्वं वीर्यं सामर्थ्यमेव च ।विनाशो द्वेषकर्तृणां कौलिकानां महोन्नतिः ।जायतां शान्तिपाठेन कुलवर्त्म धृतात्मनाम् ॥ ३०॥

dīrghāyurapradhṛṣyatvaṃ vīryaṃ sāmarthyameva ca |vināśo dveṣakartṛṇāṃ kaulikānāṃ mahonnatiḥ |jāyatāṃ śāntipāṭhena kulavartma dhṛtātmanām || 30||

इति काल्याः शान्तिस्तोत्रं सम्पूर्णम् ।

iti kālyāḥ śāntistotraṃ sampūrṇam |