षट्त्रिंशन्नवमल्लिकास्तवः Hymn in praise of Goddess Tripurasundari in 36 verses

या माता सदसद्विलक्षणपरासंवित्स्वरूपा सदाजाग्रत्स्वप्नसुषुप्तिवृत्तिविलसत्स्फूर्तिः परा वैखरी ।इच्छादित्रयधर्मिणी परगुहाहन्ताप्रकाशात्मिकातां नौमि त्रिपुरां परापरमयीं स्वानन्दसंवित्तये ॥ १॥

yā mātā sadasadvilakṣaṇaparāsaṃvitsvarūpā sadājāgratsvapnasuṣuptivṛttivilasatsphūrtiḥ parā vaikharī |icchāditrayadharmiṇī paraguhāhantāprakāśātmikātāṃ naumi tripurāṃ parāparamayīṃ svānandasaṃvittaye || 1||

यां मूलाम्बुजकर्णिकाप्रविलसत्कामाख्यपीठे परांसोमार्कानलदीप्तिमक्षरतनुं बालां विमर्शात्मिकाम् ।ध्यायन्तः सहसा भजन्ति कवितापाण्डित्यमत्यद्भुतंतां नौमि त्रिपुरां परापरमयीं स्वानन्दसंवित्तये ॥ २॥

yāṃ mūlāmbujakarṇikāpravilasatkāmākhyapīṭhe parāṃsomārkānaladīptimakṣaratanuṃ bālāṃ vimarśātmikām |dhyāyantaḥ sahasā bhajanti kavitāpāṇḍityamatyadbhutaṃtāṃ naumi tripurāṃ parāparamayīṃ svānandasaṃvittaye || 2||

यामम्भोजमृणालतन्तुसुतनुं विद्युत्सहस्रप्रभांकूजन्तीं कुलकुण्डखेलनपरां प्राणानिलोद्योजनीम् ।ओड्याणे परिचिन्तयन्ति कृतिनः पीयूषवर्षाप्तयेतां नौमि त्रिपुरां परापरमयीं स्वानन्दसंवित्तये ॥ ३॥

yāmambhojamṛṇālatantusutanuṃ vidyutsahasraprabhāṃkūjantīṃ kulakuṇḍakhelanaparāṃ prāṇānilodyojanīm |oḍyāṇe paricintayanti kṛtinaḥ pīyūṣavarṣāptayetāṃ naumi tripurāṃ parāparamayīṃ svānandasaṃvittaye || 3||

यां स्मृत्वा मणिपूरके रविनिभे रौद्रे कृशान्वालयेपश्यन्तीं पदवाक्यपद्यरचनापाण्डित्यसंवर्धिनीम् ।वक्त्राम्भोरुहसौधनर्तननटीं पश्यन्ति शैवाः सदातां नौमि त्रिपुरां परापरमयीं स्वानन्दसंवित्तये ॥ ४॥

yāṃ smṛtvā maṇipūrake ravinibhe raudre kṛśānvālayepaśyantīṃ padavākyapadyaracanāpāṇḍityasaṃvardhinīm |vaktrāmbhoruhasaudhanartananaṭīṃ paśyanti śaivāḥ sadātāṃ naumi tripurāṃ parāparamayīṃ svānandasaṃvittaye || 4||

यां ध्यायन्ति विधूतपापहृदया हृत्पुण्डरीकाम्बरेनिर्दोषारुणरत्नदीपतुलितां प्रज्ञानसीमन्तिनीम् ।संलब्धुं सकलात्मिकां परमनःकायप्रवेशाक्रियांतां नौमि त्रिपुरां परापरमयीं स्वानन्दसंवित्तये ॥ ५॥

yāṃ dhyāyanti vidhūtapāpahṛdayā hṛtpuṇḍarīkāmbarenirdoṣāruṇaratnadīpatulitāṃ prajñānasīmantinīm |saṃlabdhuṃ sakalātmikāṃ paramanaḥkāyapraveśākriyāṃtāṃ naumi tripurāṃ parāparamayīṃ svānandasaṃvittaye || 5||

यां जालन्धरबन्धनोर्ध्वगमनां चक्रे विशुद्धौ शरज्ज्योत्स्नाकाशनिभे स्वराक्षरलसद्द्व्यष्टाब्जपत्रान्विते ।ध्यायन्त्यात्मसुखानुभूतिममलां लब्धुं चिरञ्जीवितांतां नौमि त्रिपुरां परापरमयीं स्वानन्दसंवित्तये ॥ ६॥

yāṃ jālandharabandhanordhvagamanāṃ cakre viśuddhau śarajjyotsnākāśanibhe svarākṣaralasaddvyaṣṭābjapatrānvite |dhyāyantyātmasukhānubhūtimamalāṃ labdhuṃ cirañjīvitāṃtāṃ naumi tripurāṃ parāparamayīṃ svānandasaṃvittaye || 6||

यां पश्यन्ति पुराणपुण्यलसिकाः श्रीदेशिकाज्ञाधराभ्रूमध्यद्विदलाम्बुजप्रविलसच्चान्द्रीकलां शाश्वतीम् ।नित्यानन्दसुधासमुद्रलहरीक्रीडानुभूत्यै सदातां नौमि त्रिपुरां परापरमयीं स्वानन्दसंवित्तये ॥ ७॥

yāṃ paśyanti purāṇapuṇyalasikāḥ śrīdeśikājñādharābhrūmadhyadvidalāmbujapravilasaccāndrīkalāṃ śāśvatīm |nityānandasudhāsamudralaharīkrīḍānubhūtyai sadātāṃ naumi tripurāṃ parāparamayīṃ svānandasaṃvittaye || 7||

यां पार्श्वस्थितहंसवर्णविलसद्बिन्दौ त्रिवर्णात्मिकांप्रद्युम्नीयकलामयीं निजसुखोद्बोधप्रसादोदयाम् ।सिद्धान्तार्थरता जितेन्द्रियकणा ध्यायन्त्यभेदाय वैतां नौमि त्रिपुरां परापरमयीं स्वानन्दसंवित्तये ॥ ८॥

yāṃ pārśvasthitahaṃsavarṇavilasadbindau trivarṇātmikāṃpradyumnīyakalāmayīṃ nijasukhodbodhaprasādodayām |siddhāntārtharatā jitendriyakaṇā dhyāyantyabhedāya vaitāṃ naumi tripurāṃ parāparamayīṃ svānandasaṃvittaye || 8||

यामर्धेन्दुसरोरुहेऽर्धशशभृद्रूपे हिमांशुप्रभेपश्यन्त्यात्मसुखाय विस्वनमयीं तत्तन्त्रसङ्ख्यालवैः ।हृल्लेखामनुपारगा नियमितप्राणादिसर्वेन्द्रियाःतां नौमि त्रिपुरां परापरमयीं स्वानन्दसंवित्तये ॥ ९॥

yāmardhendusaroruhe'rdhaśaśabhṛdrūpe himāṃśuprabhepaśyantyātmasukhāya visvanamayīṃ tattantrasaṅkhyālavaiḥ |hṛllekhāmanupāragā niyamitaprāṇādisarvendriyāḥtāṃ naumi tripurāṃ parāparamayīṃ svānandasaṃvittaye || 9||

रोधिन्यम्बुरुहे त्रिकोणरुचिरे ज्योत्स्नानिभे सर्वदाद्वात्रिंशल्लवमाननिस्वनवहां पश्यन्ति यां खेचरीम् ।मायाक्रीडनपेशलानिजपदानन्दाप्तयेऽप्यद्भुतंतां नौमि त्रिपुरां परापरमयीं स्वानन्दसंवित्तये ॥ १०॥

rodhinyamburuhe trikoṇarucire jyotsnānibhe sarvadādvātriṃśallavamānanisvanavahāṃ paśyanti yāṃ khecarīm |māyākrīḍanapeśalānijapadānandāptaye'pyadbhutaṃtāṃ naumi tripurāṃ parāparamayīṃ svānandasaṃvittaye || 10||

नादाब्जे वरपद्मरागमणियष्ट्या स्पर्धमानां परांगच्छन्तीं शिवधाम षोडशलवध्यानात्मिकां संविदा ।तारानायकभानुसङ्गरसिकाः पश्यन्ति मुद्रान्विताःतां नौमि त्रिपुरां परापरमयीं स्वानन्दसंवित्तये ॥ ११॥

nādābje varapadmarāgamaṇiyaṣṭyā spardhamānāṃ parāṃgacchantīṃ śivadhāma ṣoḍaśalavadhyānātmikāṃ saṃvidā |tārānāyakabhānusaṅgarasikāḥ paśyanti mudrānvitāḥtāṃ naumi tripurāṃ parāparamayīṃ svānandasaṃvittaye || 11||

नादान्तेऽष्टलवध्वनिप्रकटितां विद्युच्छटाभासुरांयां सव्यस्थितबिन्दुलाङ्गलमिवा स्वं रूपमाबिभ्रतीम् ।यान्तीमूर्ध्वकुलं यमादिनिरताः पश्यन्त्यखण्डाप्तयेतां नौमि त्रिपुरां परापरमयीं स्वानन्दसंवित्तये ॥ १२॥

nādānte'ṣṭalavadhvaniprakaṭitāṃ vidyucchaṭābhāsurāṃyāṃ savyasthitabindulāṅgalamivā svaṃ rūpamābibhratīm |yāntīmūrdhvakulaṃ yamādiniratāḥ paśyantyakhaṇḍāptayetāṃ naumi tripurāṃ parāparamayīṃ svānandasaṃvittaye || 12||

तिर्यग्बिन्दुयुगस्य वामविचरद्रेखामये निर्मलेशक्त्यब्जे तरुणार्करोचिषि च यां पश्यन्ति लक्षेक्षणाः ।स्वानन्दाय चतुर्लवस्वनमयीं श्रीपादुकागामिनींतां नौमि त्रिपुरां परापरमयीं स्वानन्दसंवित्तये ॥ १३॥

tiryagbinduyugasya vāmavicaradrekhāmaye nirmaleśaktyabje taruṇārkarociṣi ca yāṃ paśyanti lakṣekṣaṇāḥ |svānandāya caturlavasvanamayīṃ śrīpādukāgāminīṃtāṃ naumi tripurāṃ parāparamayīṃ svānandasaṃvittaye || 13||

बिन्द्वाश्लिष्टकृशानुकोणतनुमत्यां व्यापिकायां सदाबालोष्णांशुरुचौ परां लवयुगध्यानात्मिकां संविदम् ।यां पश्यन्ति मनीषिणः कुलवधूपादाब्जरेणूद्वहाःतां नौमि त्रिपुरां परापरमयीं स्वानन्दसंवित्तये ॥ १४॥

bindvāśliṣṭakṛśānukoṇatanumatyāṃ vyāpikāyāṃ sadābāloṣṇāṃśurucau parāṃ lavayugadhyānātmikāṃ saṃvidam |yāṃ paśyanti manīṣiṇaḥ kulavadhūpādābjareṇūdvahāḥtāṃ naumi tripurāṃ parāparamayīṃ svānandasaṃvittaye || 14||

ऊर्ध्वाधोविलसत्सुबिन्दुयुतरेखाम्भोरुहे निर्मलेसूर्याभे समनेतिनाम्नि लवनिस्वानात्मिकां चेतनाम् ।यां पश्यन्त्यमनस्कयोगविभवायान्तर्मुखाराधकाःतां नौमि त्रिपुरां परापरमयीं स्वानन्दसंवित्तये ॥ १५॥

ūrdhvādhovilasatsubinduyutarekhāmbhoruhe nirmalesūryābhe samanetināmni lavanisvānātmikāṃ cetanām |yāṃ paśyantyamanaskayogavibhavāyāntarmukhārādhakāḥtāṃ naumi tripurāṃ parāparamayīṃ svānandasaṃvittaye || 15||

उन्मन्यम्बुरुहे द्विषडदिनमणिज्योतिर्मये चिन्मयींबिन्द्वाधारसमुल्लसत्सरलसद्रेखामये योगिनः ।यां पश्यन्त्यणिमादिविघ्नदलने धीधैर्यविज्ञानिनःतां नौमि त्रिपुरां परापरमयीं स्वानन्दसंवित्तये ॥ १६॥

unmanyamburuhe dviṣaḍadinamaṇijyotirmaye cinmayīṃbindvādhārasamullasatsaralasadrekhāmaye yoginaḥ |yāṃ paśyantyaṇimādivighnadalane dhīdhairyavijñāninaḥtāṃ naumi tripurāṃ parāparamayīṃ svānandasaṃvittaye || 16||

यां धात्रादिविहीनधामरसिकां ज्ञात्रादिविश्रान्तिकाम्आत्मारामपरायणश्रुतिशिरोमौनार्थरूपां शिवाम् ।निर्द्वन्द्वात्मपरायणा अनुभवन्त्यानन्दसीमातिगाःतां नौमि त्रिपुरां परापरमयीं स्वानन्दसंवित्तये ॥ १७॥

yāṃ dhātrādivihīnadhāmarasikāṃ jñātrādiviśrāntikāmātmārāmaparāyaṇaśrutiśiromaunārtharūpāṃ śivām |nirdvandvātmaparāyaṇā anubhavantyānandasīmātigāḥtāṃ naumi tripurāṃ parāparamayīṃ svānandasaṃvittaye || 17||

यामाबालबुधाज्ञगोपविदिताहंरूपिणीं सर्वदासर्वोपप्लवमुक्तधामरमणीं स्वानन्दलीलावतीम् ।निस्त्रैगुण्यपरापरेतररसाः स्वेनैव पश्यन्त्यहोतां नौमि त्रिपुरां परापरमयीं स्वानन्दसंवित्तये ॥ १८॥

yāmābālabudhājñagopaviditāhaṃrūpiṇīṃ sarvadāsarvopaplavamuktadhāmaramaṇīṃ svānandalīlāvatīm |nistraiguṇyaparāparetararasāḥ svenaiva paśyantyahotāṃ naumi tripurāṃ parāparamayīṃ svānandasaṃvittaye || 18||

यां प्रज्ञेति वदन्ति केचिदितरे सद्रूपिणीत्यादिमांशून्यं केचिदजेति केचिदपरे जाड्यात्मिकेत्यद्भुतम् ।जाड्याजाड्यमयीति केचिदितरे तद्ब्रह्म सर्वात्मकंतां नौमि त्रिपुरां परापरमयीं स्वानन्दसंवित्तये ॥ १९॥

yāṃ prajñeti vadanti keciditare sadrūpiṇītyādimāṃśūnyaṃ kecidajeti kecidapare jāḍyātmiketyadbhutam |jāḍyājāḍyamayīti keciditare tadbrahma sarvātmakaṃtāṃ naumi tripurāṃ parāparamayīṃ svānandasaṃvittaye || 19||

या काष्ठा परमा गतिः परमभूदस्पन्दिनी स्पन्दिनीसृष्ट्वादौ निखिलं चराचरमिदं स्वस्मिन् प्रवेश्येच्छया ।क्रीडत्येकरसात्मिकापि बहुधा भातीव या सर्वगातां नौमि त्रिपुरां परापरमयीं स्वानन्दसंवित्तये ॥ २०॥

yā kāṣṭhā paramā gatiḥ paramabhūdaspandinī spandinīsṛṣṭvādau nikhilaṃ carācaramidaṃ svasmin praveśyecchayā |krīḍatyekarasātmikāpi bahudhā bhātīva yā sarvagātāṃ naumi tripurāṃ parāparamayīṃ svānandasaṃvittaye || 20||

याहम्प्रत्ययसाक्षिणी जगदुपादानं च निष्कारणंयावस्थात्रयवर्जितापि सकलावस्थात्मिका संविदा ।या भोक्तृत्वविलक्षणापि सततं भोक्त्री प्रमोदान्निजात्तां नौमि त्रिपुरां परापरमयीं स्वानन्दसंवित्तये ॥ २१॥

yāhampratyayasākṣiṇī jagadupādānaṃ ca niṣkāraṇaṃyāvasthātrayavarjitāpi sakalāvasthātmikā saṃvidā |yā bhoktṛtvavilakṣaṇāpi satataṃ bhoktrī pramodānnijāttāṃ naumi tripurāṃ parāparamayīṃ svānandasaṃvittaye || 21||

सर्वानुग्रहधर्मिणी स्वयमभूत् सादाख्यधर्मेण यालोकानां परमेश्वरी किल तिरोधानेन धर्मेण या ।या नाशस्थितिसृष्टिधर्मविभवै रुद्रादिमूर्त्यात्मिकातां नौमि त्रिपुरां परापरमयीं स्वानन्दसंवित्तये ॥ २२॥

sarvānugrahadharmiṇī svayamabhūt sādākhyadharmeṇa yālokānāṃ parameśvarī kila tirodhānena dharmeṇa yā |yā nāśasthitisṛṣṭidharmavibhavai rudrādimūrtyātmikātāṃ naumi tripurāṃ parāparamayīṃ svānandasaṃvittaye || 22||

या सोमार्कमहीजलाग्निमरुदाकाशात्मदेहैः सदासर्वं विश्वमिदं दधत्यापि परं निर्देहलेपाद्भुतम् ।या वेदागमशास्त्रमूलगुरुरप्यव्याजमौनात्मिकातां नौमि त्रिपुरां परापरमयीं स्वानन्दसंवित्तये ॥ २३॥

yā somārkamahījalāgnimarudākāśātmadehaiḥ sadāsarvaṃ viśvamidaṃ dadhatyāpi paraṃ nirdehalepādbhutam |yā vedāgamaśāstramūlagururapyavyājamaunātmikātāṃ naumi tripurāṃ parāparamayīṃ svānandasaṃvittaye || 23||

सूक्ष्मात् सूक्ष्मतमा विभोर्विभुतमा या मध्यमा सर्वदाश्रोत्रादेः श्रवणादिरात्मनि चिदाभासो मतौ प्रेरिका ।विश्वो जाग्रति तैजसः परमभूत् स्वप्ने सुषुप्तौ सुखंतां नौमि त्रिपुरां परापरमयीं स्वानन्दसंवित्तये ॥ २४॥

sūkṣmāt sūkṣmatamā vibhorvibhutamā yā madhyamā sarvadāśrotrādeḥ śravaṇādirātmani cidābhāso matau prerikā |viśvo jāgrati taijasaḥ paramabhūt svapne suṣuptau sukhaṃtāṃ naumi tripurāṃ parāparamayīṃ svānandasaṃvittaye || 24||

निर्दोषा सकलान्तरङ्गरमणीयाप्यद्भुतं निष्क्रियाया सर्वेन्द्रियकर्मकर्त्र्यपि सतां पाशाष्टकच्छेदिनी ।निर्लोभा निखिलप्रपञ्चममताहन्तात्मिकाप्यद्वयीतां नौमि त्रिपुरां परापरमयीं स्वानन्दसंवित्तये ॥ २५॥

nirdoṣā sakalāntaraṅgaramaṇīyāpyadbhutaṃ niṣkriyāyā sarvendriyakarmakartryapi satāṃ pāśāṣṭakacchedinī |nirlobhā nikhilaprapañcamamatāhantātmikāpyadvayītāṃ naumi tripurāṃ parāparamayīṃ svānandasaṃvittaye || 25||

अध्वातीतचरित्रवत्यपि सतां सन्मार्गसन्दर्शिनीया पूजाविमुखी नृणां निजपदार्चायां नियन्त्री परम् ।सर्वाहङ्कृतिरूपिणी नतजनाहङ्कारविच्छेदिनीतां नौमि त्रिपुरां परापरमयीं स्वानन्दसंवित्तये ॥ २६॥

adhvātītacaritravatyapi satāṃ sanmārgasandarśinīyā pūjāvimukhī nṛṇāṃ nijapadārcāyāṃ niyantrī param |sarvāhaṅkṛtirūpiṇī natajanāhaṅkāravicchedinītāṃ naumi tripurāṃ parāparamayīṃ svānandasaṃvittaye || 26||

या पञ्चाननमञ्चमध्यविलसत्कामेश्वराङ्कस्थितानित्या पूजितपादपद्मयुगला नित्योत्सवाह्लादिनी ।सर्वानन्दगृहोज्ज्वला गुरुकृपापीयूषट्टग्गोचरातां नौमि त्रिपुरां परापरमयीं स्वानन्दसंवित्तये ॥ २७॥

yā pañcānanamañcamadhyavilasatkāmeśvarāṅkasthitānityā pūjitapādapadmayugalā nityotsavāhlādinī |sarvānandagṛhojjvalā gurukṛpāpīyūṣaṭṭaggocarātāṃ naumi tripurāṃ parāparamayīṃ svānandasaṃvittaye || 27||

नैष्कर्म्या स्वयमप्यहो निजकृपापात्रस्य यत् सञ्चितंप्रारब्धम् क्षपयत्यनन्यगतिकं तं याकरोद्देवताम् ।निर्धर्मिण्यपि सर्वदा निजनतायानन्ददायिन्यहोतां नौमि त्रिपुरां परापरमयीं स्वानन्दसंवित्तये ॥ २८॥

naiṣkarmyā svayamapyaho nijakṛpāpātrasya yat sañcitaṃprārabdham kṣapayatyananyagatikaṃ taṃ yākaroddevatām |nirdharmiṇyapi sarvadā nijanatāyānandadāyinyahotāṃ naumi tripurāṃ parāparamayīṃ svānandasaṃvittaye || 28||

या ब्रह्माण्डजगत्प्रसूरपि सदा तारुण्यवत्यद्भुतंसर्वैश्वर्यरतापि गर्वमदमात्सर्यादिहीना परम् ।त्रैलोक्येश्वरराज्ञ्यपि श्रितजनैर्दत्तं प्रगृह्णात्यहोतां नौमि त्रिपुरां परापरमयीं स्वानन्दसंवित्तये ॥ २९॥

yā brahmāṇḍajagatprasūrapi sadā tāruṇyavatyadbhutaṃsarvaiśvaryaratāpi garvamadamātsaryādihīnā param |trailokyeśvararājñyapi śritajanairdattaṃ pragṛhṇātyahotāṃ naumi tripurāṃ parāparamayīṃ svānandasaṃvittaye || 29||

या भक्तोत्तमचेतसश्चपलतां हन्त्री कुरङ्गेक्षणाचित्रं कामरिपोर्मनश्चपलतां दात्री स्वरूपेण च ।मोहं हन्ति नतस्य मन्दहसितैर्मोहं विधत्ते विभोःतां नौमि त्रिपुरां परापरमयीं स्वानन्दसंवित्तये ॥ ३०॥

yā bhaktottamacetasaścapalatāṃ hantrī kuraṅgekṣaṇācitraṃ kāmaripormanaścapalatāṃ dātrī svarūpeṇa ca |mohaṃ hanti natasya mandahasitairmohaṃ vidhatte vibhoḥtāṃ naumi tripurāṃ parāparamayīṃ svānandasaṃvittaye || 30||

यस्याः पद्मदलायताक्षिकरुणापात्राणि वाण्यादयस्तत्तत्कार्यपरा भवन्ति कृतिनो ब्रह्मेन्द्ररुद्रादयः ।यस्याः पादसरोजसेवनपरा नन्दन्त्यहो सिद्धयःतां नौमि त्रिपुरां परापरमयीं स्वानन्दसंवित्तये ॥ ३१॥

yasyāḥ padmadalāyatākṣikaruṇāpātrāṇi vāṇyādayastattatkāryaparā bhavanti kṛtino brahmendrarudrādayaḥ |yasyāḥ pādasarojasevanaparā nandantyaho siddhayaḥtāṃ naumi tripurāṃ parāparamayīṃ svānandasaṃvittaye || 31||

दिव्यश्रीचरणारविन्दविगलत्पीयूषसर्पिः प्लुतंज्ञानाग्नौ सुमनःस्रुचा जडमिदं दृश्यं तपःसंस्कृतम् ।यस्यै भक्तिसतीसमन्वितबुधा जुह्वत्यजस्रं परंतां नौमि त्रिपुरां परापरमयीं स्वानन्दसंवित्तये ॥ ३२॥

divyaśrīcaraṇāravindavigalatpīyūṣasarpiḥ plutaṃjñānāgnau sumanaḥsrucā jaḍamidaṃ dṛśyaṃ tapaḥsaṃskṛtam |yasyai bhaktisatīsamanvitabudhā juhvatyajasraṃ paraṃtāṃ naumi tripurāṃ parāparamayīṃ svānandasaṃvittaye || 32||

या शृङ्गाररसोपदेशनगुरुः श्रीकामजेतुः सदाकारुण्यामृतवृष्टिपूर्णजलमुक् श्रीनीलकण्ठप्रिया ।पञ्चेषोर्विजयश्रियो ध्वजपटी या शान्तिसीमानटीतां नौमि त्रिपुरां परापरमयीं स्वानन्दसंवित्तये ॥ ३३॥

yā śṛṅgārarasopadeśanaguruḥ śrīkāmajetuḥ sadākāruṇyāmṛtavṛṣṭipūrṇajalamuk śrīnīlakaṇṭhapriyā |pañceṣorvijayaśriyo dhvajapaṭī yā śāntisīmānaṭītāṃ naumi tripurāṃ parāparamayīṃ svānandasaṃvittaye || 33||

विद्योद्यानमरालिका परशिवोत्सङ्गोल्लसच्छारिकामेनापुण्यसुपञ्जराश्रितशुकी कात्यातनी याम्बिका ।श्रीपाण्ड्येश्वरकीर्तिकल्पलतिका काञ्चीपुरीनायिकातां नौमि त्रिपुरां परापरमयीं स्वानन्दसंवित्तये ॥ ३४॥

vidyodyānamarālikā paraśivotsaṅgollasacchārikāmenāpuṇyasupañjarāśritaśukī kātyātanī yāmbikā |śrīpāṇḍyeśvarakīrtikalpalatikā kāñcīpurīnāyikātāṃ naumi tripurāṃ parāparamayīṃ svānandasaṃvittaye || 34||

लोकानां परमौषधं भगवदध्वंसाय विद्याप्तयेमूकानाममृताब्धिवीचिकवितापाण्डित्यसीमाप्तये ।निस्त्रैगुण्यपरात्परस्य मदनोद्रेकाय चित्रं च यातां नौमि त्रिपुरां परापरमयीं स्वानन्दसंवित्तये ॥ ३५॥

lokānāṃ paramauṣadhaṃ bhagavadadhvaṃsāya vidyāptayemūkānāmamṛtābdhivīcikavitāpāṇḍityasīmāptaye |nistraiguṇyaparātparasya madanodrekāya citraṃ ca yātāṃ naumi tripurāṃ parāparamayīṃ svānandasaṃvittaye || 35||

नित्यैश्वर्यवती महागुणवती सत्पुत्रसम्पद्वतीसत्सौभाग्यवती पतिप्रियवती प्राज्ञेश्वरी पार्वती ।सत्सौन्दर्यवती शिवव्रतवती साध्वी च या शाश्वतीतां नौमि त्रिपुरां परापरमयीं स्वानन्दसंवित्तये ॥ ३६॥

nityaiśvaryavatī mahāguṇavatī satputrasampadvatīsatsaubhāgyavatī patipriyavatī prājñeśvarī pārvatī |satsaundaryavatī śivavratavatī sādhvī ca yā śāśvatītāṃ naumi tripurāṃ parāparamayīṃ svānandasaṃvittaye || 36||

षट्त्रिंशन्नवमल्लिकास्रजमिमां त्यागेशपादार्पितांप्रज्ञासूत्रसुगुम्भितां गुरुकृपानन्दामृताप्लाविताम् ।यो धत्ते हृदि मूर्ध्नि निश्चलधिया श्रोत्रेण वाचाथवातस्मै दास्यति देवता शिवपदं सत्पुत्रसम्पत्सुखम् ॥ ३७॥

ṣaṭtriṃśannavamallikāsrajamimāṃ tyāgeśapādārpitāṃprajñāsūtrasugumbhitāṃ gurukṛpānandāmṛtāplāvitām |yo dhatte hṛdi mūrdhni niścaladhiyā śrotreṇa vācāthavātasmai dāsyati devatā śivapadaṃ satputrasampatsukham || 37||

इत्यानन्दनाथपादपपद्मोपजीविना काश्यपगोत्रोत्पन्नेनान्ध्रेणत्यागराजनाम्ना विरचितः षट्त्रिंशन्नवमल्लिकास्तवः सम्पूर्णः ।

ityānandanāthapādapapadmopajīvinā kāśyapagotrotpannenāndhreṇatyāgarājanāmnā viracitaḥ ṣaṭtriṃśannavamallikāstavaḥ sampūrṇaḥ |