देवीवैभवाश्चर्याष्टोत्तरशतदिव्यनामस्तोत्रम् Devivaibhavashcharyashtottarashatadivyanamastotram

अस्य श्री देवीवैभवआश्चर्याष्टोत्तरशतदिव्यनामस्तोत्रमहामन्त्रस्यआनन्दभैरव ऋषिः । अनुष्टुप् छन्दः । श्री आनन्दभैरवीश्रीमहात्रिपुरसुन्दरी देवता ।कूटत्रयेण बीजशक्तिकीलकम् ।मम श्री आनन्दभैरवी श्रीमहात्रिपुरसुन्दरीप्रसादसिद्ध्यर्थे सान्निध्यसिद्ध्यर्थे जपे विनियोगः ।कूटत्रयेण करषडङ्गन्यासः ॥भूर्भुवःसुवरोमिति दिग्बन्धः॥ ध्यानम् ॥क्वणत्काञ्चीदामा करिकलभकुम्भस्तननतापरिक्षीणा मध्ये परिणतशरच्चन्द्रवदना ।धनुर्बाणान् पाशं सृणिमपि दधाना करतलैःपुरस्तादास्तां नः पुरमथितुराहोपुरुषिका ॥ १॥

asya śrī devīvaibhavaāścaryāṣṭottaraśatadivyanāmastotramahāmantrasyaānandabhairava ṛṣiḥ | anuṣṭup chandaḥ | śrī ānandabhairavīśrīmahātripurasundarī devatā |kūṭatrayeṇa bījaśaktikīlakam |mama śrī ānandabhairavī śrīmahātripurasundarīprasādasiddhyarthe sānnidhyasiddhyarthe jape viniyogaḥ |kūṭatrayeṇa karaṣaḍaṅganyāsaḥ ||bhūrbhuvaḥsuvaromiti digbandhaḥ|| dhyānam ||kvaṇatkāñcīdāmā karikalabhakumbhastananatāparikṣīṇā madhye pariṇataśaraccandravadanā |dhanurbāṇān pāśaṃ sṛṇimapi dadhānā karatalaiḥpurastādāstāṃ naḥ puramathiturāhopuruṣikā || 1||

सुधासिन्धोर्मध्ये सुरविटपिवाटीपरिवृतेमणिद्वीपे नीपोपवनवति चिन्तामणिगृहे ।शिवाकारे मञ्चे परमशिवपर्यङ्कनिलयांभजन्ति त्वां धन्याः कतिचन चिदानन्दलहरीम् ॥ २॥

sudhāsindhormadhye suraviṭapivāṭīparivṛtemaṇidvīpe nīpopavanavati cintāmaṇigṛhe |śivākāre mañce paramaśivaparyaṅkanilayāṃbhajanti tvāṃ dhanyāḥ katicana cidānandalaharīm || 2||

॥ पञ्चपूजा ॥लं पृथिव्यात्मिकायै गन्धं समर्पयामि ।हं आकाशात्मिकायै पुष्पैः पूजयामि ।यं वाय्वात्मिकायै धूपमाघ्रापयामि ।रं अग्न्यात्मिकायै दीपं दर्शयामि ।वं अमृतात्मिकायै अमृतं महानैवेद्यं निवेदयामि ।सं सर्वात्मिकायै सर्वोपचारान् समर्पयामि ॥ॐ ऐं ह्रीं श्रींपरमानन्दलहरी परचैतन्यदीपिका ।स्वयंप्रकाशकिरणा नित्यवैभवशालिनी ॥ १॥

|| pañcapūjā ||laṃ pṛthivyātmikāyai gandhaṃ samarpayāmi |haṃ ākāśātmikāyai puṣpaiḥ pūjayāmi |yaṃ vāyvātmikāyai dhūpamāghrāpayāmi |raṃ agnyātmikāyai dīpaṃ darśayāmi |vaṃ amṛtātmikāyai amṛtaṃ mahānaivedyaṃ nivedayāmi |saṃ sarvātmikāyai sarvopacārān samarpayāmi ||oṃ aiṃ hrīṃ śrīṃparamānandalaharī paracaitanyadīpikā |svayaṃprakāśakiraṇā nityavaibhavaśālinī || 1||

विशुद्धकेवलाखण्डसत्यकालात्मरूपिणी ।आदिमध्यान्तरहिता महामायाविलासिनी ॥ २॥

viśuddhakevalākhaṇḍasatyakālātmarūpiṇī |ādimadhyāntarahitā mahāmāyāvilāsinī || 2||

गुणत्रयपरिच्छेत्री सर्वतत्त्वप्रकाशिनी ।स्त्रीपुंसभावरसिका जगत्सर्गादिलंपटा ॥ ३॥

guṇatrayaparicchetrī sarvatattvaprakāśinī |strīpuṃsabhāvarasikā jagatsargādilaṃpaṭā || 3||

अशेषनामरूपादिभेदच्छेदरविप्रभा ।अनादिवासनारूपा वासनोद्यत्प्रपञ्चिका ॥ ४॥

aśeṣanāmarūpādibhedacchedaraviprabhā |anādivāsanārūpā vāsanodyatprapañcikā || 4||

प्रपञ्चोपशमप्रौढा चराचरजगन्मयी ।समस्तजगदाधारा सर्वसञ्जीवनोत्सुका ॥ ५॥

prapañcopaśamaprauḍhā carācarajaganmayī |samastajagadādhārā sarvasañjīvanotsukā || 5||

भक्तचेतोमयानन्तस्वार्थवैभवविभ्रमा ।सर्वाकर्षणवश्यादिसर्वकर्मदुरन्धरा ॥ ६॥

bhaktacetomayānantasvārthavaibhavavibhramā |sarvākarṣaṇavaśyādisarvakarmadurandharā || 6||

विज्ञानपरमानन्दविद्या सन्तानसिद्धिदा ।आयुरारोग्यसौभाग्यबलश्रीकीर्तिभाग्यदा ॥ ७॥

vijñānaparamānandavidyā santānasiddhidā |āyurārogyasaubhāgyabalaśrīkīrtibhāgyadā || 7||

धनधान्यमणीवस्त्रभूषालेपनमाल्यदा ।गृहग्राममहाराज्यसांराज्यसुखदायिनी ॥ ८॥

dhanadhānyamaṇīvastrabhūṣālepanamālyadā |gṛhagrāmamahārājyasāṃrājyasukhadāyinī || 8||

सप्ताङ्गशक्तिसम्पूर्णसार्वभौमफलप्रदा ।ब्रह्मविष्णुशिवेन्द्रादिपदविश्राणनक्षमा ॥ ९॥

saptāṅgaśaktisampūrṇasārvabhaumaphalapradā |brahmaviṣṇuśivendrādipadaviśrāṇanakṣamā || 9||

भुक्तिमुक्तिमहाभक्तिविरक्त्यद्वैतदायिनी ।निग्रहानुग्रहाध्यक्षा ज्ञाननिर्द्वैतदायिनी ॥ १०॥

bhuktimuktimahābhaktiviraktyadvaitadāyinī |nigrahānugrahādhyakṣā jñānanirdvaitadāyinī || 10||

परकायप्रवेशादियोगसिद्धिप्रदायिनी ।शिष्टसञ्जीवनप्रौढा दुष्टसंहारसिद्धिदा ॥ ११॥

parakāyapraveśādiyogasiddhipradāyinī |śiṣṭasañjīvanaprauḍhā duṣṭasaṃhārasiddhidā || 11||

लीलाविनिर्मितानेककोटिब्रह्माण्डमण्डला ।एकानेकात्मिका नानारूपिण्यर्धाङ्गनेश्वरी ॥ १२॥

līlāvinirmitānekakoṭibrahmāṇḍamaṇḍalā |ekānekātmikā nānārūpiṇyardhāṅganeśvarī || 12||

शिवशक्तिमयी नित्यशृङ्गारैकरसप्रिया ।तुष्टा पुष्टापरिच्छिन्ना नित्ययौवनमोहिनी ॥ १३॥

śivaśaktimayī nityaśṛṅgāraikarasapriyā |tuṣṭā puṣṭāparicchinnā nityayauvanamohinī || 13||

समस्तदेवतारूपा सर्वदेवाधिदेवता ।देवर्षिपितृसिद्धादियोगिनीभैरवात्मिका ॥ १४॥

samastadevatārūpā sarvadevādhidevatā |devarṣipitṛsiddhādiyoginībhairavātmikā || 14||

निधिसिद्धिमणीमुद्रा शस्त्रास्त्रायुधभासुरा ।छत्रचामरवादित्रपताकाव्यजनाञ्चिता ॥ १५॥

nidhisiddhimaṇīmudrā śastrāstrāyudhabhāsurā |chatracāmaravāditrapatākāvyajanāñcitā || 15||

हस्त्याश्वरथपादातामात्यसेनासुसेविता ।पुरोहितकुलाचार्यगुरुशिष्यादिसेविता ॥ १६॥

hastyāśvarathapādātāmātyasenāsusevitā |purohitakulācāryaguruśiṣyādisevitā || 16||

सुधासमुद्रमध्योद्यत्सुरद्रुमनिवासिनी ।मणिद्वीपान्तरप्रोद्यत्कदंबवनवासिनी ॥ १७॥

sudhāsamudramadhyodyatsuradrumanivāsinī |maṇidvīpāntaraprodyatkadaṃbavanavāsinī || 17||

चिन्तामणिगृहान्तस्था मणिमण्डपमध्यगा ।रत्नसिंहासनप्रोद्यच्छिवमञ्चाधिशायिनी ॥ १८॥

cintāmaṇigṛhāntasthā maṇimaṇḍapamadhyagā |ratnasiṃhāsanaprodyacchivamañcādhiśāyinī || 18||

सदाशिवमहालिङ्गमूलसंघट्टयोनिका ।अन्योन्यालिङ्गसंघर्षकण्डूसंक्षुब्धमानसा ॥ १९॥

sadāśivamahāliṅgamūlasaṃghaṭṭayonikā |anyonyāliṅgasaṃgharṣakaṇḍūsaṃkṣubdhamānasā || 19||

कलोद्यद्बिन्दुकालिन्यातुर्यनादपरंपरा ।नादान्तानन्दसन्दोहस्वयंव्यक्तवचोऽमृता ॥ २०॥

kalodyadbindukālinyāturyanādaparaṃparā |nādāntānandasandohasvayaṃvyaktavaco'mṛtā || 20||

कामराजमहातन्त्ररहस्याचारदक्षिणा ।मकारपञ्चकोद्भूतप्रौढान्तोल्लाससुन्दरी ॥ २१॥

kāmarājamahātantrarahasyācāradakṣiṇā |makārapañcakodbhūtaprauḍhāntollāsasundarī || 21||

श्रीचक्रराजनिलया श्रीविद्यामन्त्रविग्रहा ।अखण्डसच्चिदानन्दशिवशक्त्यैकरूपिणी ॥ २२॥

śrīcakrarājanilayā śrīvidyāmantravigrahā |akhaṇḍasaccidānandaśivaśaktyaikarūpiṇī || 22||

त्रिपुरा त्रिपुरेशानी महात्रिपुरसुन्दरी ।त्रिपुरावासरसिका त्रिपुराश्रीस्वरूपिणी ॥ २३॥

tripurā tripureśānī mahātripurasundarī |tripurāvāsarasikā tripurāśrīsvarūpiṇī || 23||

महापद्मवनान्तस्था श्रीमत्त्रिपुरमालिनी ।महात्रिपुरसिद्धाम्बा श्रीमहात्रिपुराम्बिका ॥ २४॥

mahāpadmavanāntasthā śrīmattripuramālinī |mahātripurasiddhāmbā śrīmahātripurāmbikā || 24||

नवचक्रक्रमादेवी महात्रिपुरभैरवी ।श्रीमाता ललिता बाला राजराजेश्वरी शिवा ॥ २५॥

navacakrakramādevī mahātripurabhairavī |śrīmātā lalitā bālā rājarājeśvarī śivā || 25||

उत्पत्तिस्थितिसंहारक्रमचक्रनिवासिनी ।अर्धमेर्वात्मचक्रस्था सर्वलोकमहेश्वरी ॥ २६॥

utpattisthitisaṃhārakramacakranivāsinī |ardhamervātmacakrasthā sarvalokamaheśvarī || 26||

वल्मीकपुरमध्यस्था जम्बूवननिवासिनी ।अरुणाचलशृङ्गस्था व्याघ्रालयनिवासिनी ॥ २७॥

valmīkapuramadhyasthā jambūvananivāsinī |aruṇācalaśṛṅgasthā vyāghrālayanivāsinī || 27||

श्रीकालहस्तिनिलया काशीपुरनिवासिनी ।श्रीमत्कैलासनिलया द्वादशान्तमहेश्वरी ॥ २८॥

śrīkālahastinilayā kāśīpuranivāsinī |śrīmatkailāsanilayā dvādaśāntamaheśvarī || 28||

श्रीषोडशान्तमध्यस्था सर्ववेदान्तलक्षिता ।श्रुतिस्मृतिपुराणेतिहासागमकलेश्वरी ॥ २९॥

śrīṣoḍaśāntamadhyasthā sarvavedāntalakṣitā |śrutismṛtipurāṇetihāsāgamakaleśvarī || 29||

भूतभौतिकतन्मात्रदेवताप्राणहृन्मयी ।जीवेश्वरब्रह्मरूपा श्रीगुणाढ्या गुणात्मिका ॥ ३०॥

bhūtabhautikatanmātradevatāprāṇahṛnmayī |jīveśvarabrahmarūpā śrīguṇāḍhyā guṇātmikā || 30||

अवस्थात्रयनिर्मुक्ता वाग्रमोमामहीमयी ।गायत्रीभुवनेशानीदुर्गाकाळ्यादिरूपिणी ॥ ३१॥

avasthātrayanirmuktā vāgramomāmahīmayī |gāyatrībhuvaneśānīdurgākāḷyādirūpiṇī || 31||

मत्स्यकूर्मवराहादिनानारूपविलासिनी ।महायोगीश्वराराध्या महावीरवरप्रदा ॥ ३२॥

matsyakūrmavarāhādinānārūpavilāsinī |mahāyogīśvarārādhyā mahāvīravarapradā || 32||

सिद्धेश्वरकुलाराध्या श्रीमच्चरणवैभवा ॥ ३३॥

siddheśvarakulārādhyā śrīmaccaraṇavaibhavā || 33||

श्रीं ह्रीं ऐं ॐकूटत्रयेण षडाङ्गन्यासः ।भूर्भुवःसुवरोमिति दिग्विमोकः ।पुनर्ध्यानम् ।पुनः पञ्चपूजा ॥

śrīṃ hrīṃ aiṃ oṃkūṭatrayeṇa ṣaḍāṅganyāsaḥ |bhūrbhuvaḥsuvaromiti digvimokaḥ |punardhyānam |punaḥ pañcapūjā ||