वरदराजस्तोत्रम् २ Shri Varadaraja Shtotram

दद्यान्मे देवराजो वितरतु भगवान् मङ्गलं मङ्गलानामावासो हस्तिशैले मणिमयशिखरे शेखरो दीप्यमानः ।लक्ष्मीनाथो दयालुर्विधिमुखविबुधैर्वन्दितश्रीपदाब्जःसर्वेषामिष्टदाता स्मितमधुरमुखः श्रीनिधिर्लोकनाथः ॥ १॥

dadyānme devarājo vitaratu bhagavān maṅgalaṃ maṅgalānāmāvāso hastiśaile maṇimayaśikhare śekharo dīpyamānaḥ |lakṣmīnātho dayālurvidhimukhavibudhairvanditaśrīpadābjaḥsarveṣāmiṣṭadātā smitamadhuramukhaḥ śrīnidhirlokanāthaḥ || 1||

हस्त्यद्रौ पुण्यकोट्यां विलसितममलं वत्सलं देवराजंशेषाद्यैः सूरिसङ्घैर्नतपदकमलं लोकानाथं दयालुम् ।पारावारप्रसूतापदकमललसल्लाक्षया लक्षिताङ्गंवेदान्ते पाश्चरात्रे प्रविदितविभवं वन्दिषीय क्षमाब्धिम् ॥ २॥

hastyadrau puṇyakoṭyāṃ vilasitamamalaṃ vatsalaṃ devarājaṃśeṣādyaiḥ sūrisaṅghairnatapadakamalaṃ lokānāthaṃ dayālum |pārāvāraprasūtāpadakamalalasallākṣayā lakṣitāṅgaṃvedānte pāścarātre praviditavibhavaṃ vandiṣīya kṣamābdhim || 2||

तीरे श्रीवेगवत्या विलसति विमलैरुत्तरे पुण्यकोट्यांसर्वाभीष्टप्रदाता प्रवरगुणनिधिर्देवरजो मुकुन्दः ।वेदान्तेषु प्रसिद्धः सरसिजनयनो भासमानप्रभावःदिव्यं कल्याणमाद्यं दिशतु मम पदं वत्सलः स्वाश्रितानाम् ॥ ३॥

tīre śrīvegavatyā vilasati vimalairuttare puṇyakoṭyāṃsarvābhīṣṭapradātā pravaraguṇanidhirdevarajo mukundaḥ |vedānteṣu prasiddhaḥ sarasijanayano bhāsamānaprabhāvaḥdivyaṃ kalyāṇamādyaṃ diśatu mama padaṃ vatsalaḥ svāśritānām || 3||

अनन्तगरुडादिभिः प्रणतपादपद्मो रमास्तनस्तबकचञ्चलो वरादराजभृङ्गः सदा ।मुदा मम हृदम्बुजे रमतु हस्तिशैलाभुर्नितान्तललिताननः कमलदिवयनेत्रोज्ज्वलः ॥ ४॥

anantagaruḍādibhiḥ praṇatapādapadmo ramāstanastabakacañcalo varādarājabhṛṅgaḥ sadā |mudā mama hṛdambuje ramatu hastiśailābhurnitāntalalitānanaḥ kamaladivayanetrojjvalaḥ || 4||

सुवर्णमकुटोज्ज्वलं सुभगदिव्यनीलालकंललाटफलकोल्लसत्तिलकपुण्ड्रन्दीप्राननम् ।विचित्रमणिभूषणज्वलितनीलगात्रप्रभंभजे करिगिरीश्वरं वरदराजमत्युज्ज्वलम् ॥ ५॥

suvarṇamakuṭojjvalaṃ subhagadivyanīlālakaṃlalāṭaphalakollasattilakapuṇḍrandīprānanam |vicitramaṇibhūṣaṇajvalitanīlagātraprabhaṃbhaje karigirīśvaraṃ varadarājamatyujjvalam || 5||

रथाङ्गजलजाङ्कुशध्वजसरोजरेखादिभिःस्वलङ्कृतलौ बहिर्विलसदिन्द्रनीलप्रभौ ।विकासिकमलोपमौ विविधरत्नभूषोज्ज्वलौकरीशचरणौ भजे सकलभक्तसौख्यप्रदौ ॥ ६॥

rathāṅgajalajāṅkuśadhvajasarojarekhādibhiḥsvalaṅkṛtalau bahirvilasadindranīlaprabhau |vikāsikamalopamau vividharatnabhūṣojjvalaukarīśacaraṇau bhaje sakalabhaktasaukhyapradau || 6||

सुकल्पकतरुश्रिया तुलितदिव्यजङ्घोज्ज्वलंकनत्प्रभककुत्समज्वलितभास्वदूरुप्रभम् ।कटीतटसमुल्लसत्सुभगदिव्यपीताम्बरंभजे करिगिरीश्वरं वरदमब्जनीलप्रभम् ॥ ७॥

sukalpakataruśriyā tulitadivyajaṅghojjvalaṃkanatprabhakakutsamajvalitabhāsvadūruprabham |kaṭītaṭasamullasatsubhagadivyapītāmbaraṃbhaje karigirīśvaraṃ varadamabjanīlaprabham || 7||

सनाभिकनकप्रभज्वलितयज्ञसूत्रोज्ज्वलंमणीन्द्रकमलालसद्विपुलदिव्यवक्षःस्थलम् ।करीन्द्रकरसन्निभस्फुरितवृत्तबाहोज्ज्वलंभजे करिगिरीश्वरं विलसदसभूषोज्ज्वलम् ॥ ८॥

sanābhikanakaprabhajvalitayajñasūtrojjvalaṃmaṇīndrakamalālasadvipuladivyavakṣaḥsthalam |karīndrakarasannibhasphuritavṛttabāhojjvalaṃbhaje karigirīśvaraṃ vilasadasabhūṣojjvalam || 8||

लसद्गलसमुज्ज्वलस्फटिकरत्नहारोज्ज्वलंविलास्यधरपल्लवप्रभवदिव्यमन्दस्मितम् ।सुफालतलमुन्नसं नमितसुन्दरभ्रूयुगंभजे करिगिरीश्वरं विकचपद्मनेत्रोज्ज्वलम् ॥ ९॥

lasadgalasamujjvalasphaṭikaratnahārojjvalaṃvilāsyadharapallavaprabhavadivyamandasmitam |suphālatalamunnasaṃ namitasundarabhrūyugaṃbhaje karigirīśvaraṃ vikacapadmanetrojjvalam || 9||

सुनीलघनसन्निभं सुभगदिव्यरत्नाढ्यकस्फुरन्मकुटशोभितं कनकदिव्यभूषोज्ज्वलम् ।दयागुणपयोनिधिं दरदलत्सरोजाननंभजे करिगिरीश्वरं वरदराजमत्यद्भुतम् ॥ १०॥

sunīlaghanasannibhaṃ subhagadivyaratnāḍhyakasphuranmakuṭaśobhitaṃ kanakadivyabhūṣojjvalam |dayāguṇapayonidhiṃ daradalatsarojānanaṃbhaje karigirīśvaraṃ varadarājamatyadbhutam || 10||

अव्यादव्याजबन्धुर्दिवि भुवि जगतां वेदशास्त्रप्रशस्तःलोकानामाभिमुख्ये त्वभिमतवरदो देवदेवाधिराजः ।भक्तानां दोषभोग्यः करिगिरिशिखरप्रोल्लसत्कल्पवृक्षःसंसाराब्धौ निमग्नं मदनपरवशं दुर्दशं दुगुणं माम् ॥ ११॥

avyādavyājabandhurdivi bhuvi jagatāṃ vedaśāstrapraśastaḥlokānāmābhimukhye tvabhimatavarado devadevādhirājaḥ |bhaktānāṃ doṣabhogyaḥ karigiriśikharaprollasatkalpavṛkṣaḥsaṃsārābdhau nimagnaṃ madanaparavaśaṃ durdaśaṃ duguṇaṃ mām || 11||

मेघश्यामः कृपालुः करिगिरिशिखरप्रोज्ज्वलत्पारिजातःपद्माक्षः पद्मपाणिः सरसिजवदनः सर्ववेदान्तवेद्यः ।मुक्तादामप्रभास्वन्मणिवरकमलावन्सजाज्वल्यवक्षाःपित्रादिर्बन्धुवर्गो मम किल विविधः पातु मां देवराजः ॥ १२॥

meghaśyāmaḥ kṛpāluḥ karigiriśikharaprojjvalatpārijātaḥpadmākṣaḥ padmapāṇiḥ sarasijavadanaḥ sarvavedāntavedyaḥ |muktādāmaprabhāsvanmaṇivarakamalāvansajājvalyavakṣāḥpitrādirbandhuvargo mama kila vividhaḥ pātu māṃ devarājaḥ || 12||

अब्जानाथः पदाब्जप्रणतजननिधिः प्रज्वलत्कौस्तुभादिश्रीभूषादीप्रगात्रः प्रवरगुणनिधिर्नीलमेघप्रभाभः ।सर्वज्ञः सर्वधाता शकनबलयुतः सत्यसङ्कल्पमानोभूतानामादिबन्धुः करिगिरिवरदः पातु मां देवराजः ॥ १३॥

abjānāthaḥ padābjapraṇatajananidhiḥ prajvalatkaustubhādiśrībhūṣādīpragātraḥ pravaraguṇanidhirnīlameghaprabhābhaḥ |sarvajñaḥ sarvadhātā śakanabalayutaḥ satyasaṅkalpamānobhūtānāmādibandhuḥ karigirivaradaḥ pātu māṃ devarājaḥ || 13||

असारं संसारं धिगशुचिमलजं हृदय मेनिराबाधं नित्यं कमलनयनं शेषशयनम् ।करीशं कन्दर्पप्रभममलकल्याणगुणकंमुरारिं लोकेशं मधुमथनमाद्यं भज हरिम् ॥ १४॥

asāraṃ saṃsāraṃ dhigaśucimalajaṃ hṛdaya menirābādhaṃ nityaṃ kamalanayanaṃ śeṣaśayanam |karīśaṃ kandarpaprabhamamalakalyāṇaguṇakaṃmurāriṃ lokeśaṃ madhumathanamādyaṃ bhaja harim || 14||

जगन्नाथं नाथं भज हृदय नाथं प्रणामतामानाथं मानाथं कमलभववन्द्यं गुणनिधिम् ।पयः पारावारप्रभववदनं पद्मचरणंमदीशं हस्तीशं मदनशततुल्यं मुरभिदम् ॥ १५॥

jagannāthaṃ nāthaṃ bhaja hṛdaya nāthaṃ praṇāmatāmānāthaṃ mānāthaṃ kamalabhavavandyaṃ guṇanidhim |payaḥ pārāvāraprabhavavadanaṃ padmacaraṇaṃmadīśaṃ hastīśaṃ madanaśatatulyaṃ murabhidam || 15||

करीशं लोकेशं कमलचरणं भक्तरमणमुमेशब्रह्मेन्द्रप्रमुखसुरसङ्घस्तुतपदम् ।घनाभं श्रीनाभिप्रविलसितसूत्रोज्ज्वलतनुंभजेयं देवेश शुभगुणसुधाम्भोनिधिमहम् ॥ १६॥

karīśaṃ lokeśaṃ kamalacaraṇaṃ bhaktaramaṇamumeśabrahmendrapramukhasurasaṅghastutapadam |ghanābhaṃ śrīnābhipravilasitasūtrojjvalatanuṃbhajeyaṃ deveśa śubhaguṇasudhāmbhonidhimaham || 16||

रथाङ्गं श्रीशार्ङ्घं प्रणतजनरक्षार्थममलोहरिः शङ्खं खड्गं सततमपि बिभ्रन्मुररिपुः ।गरिष्ठश्रेष्ठानां करिगिरिलसन् कल्पकतरुर्वरिष्टं कल्याणं दिशतु मम वात्सल्यजलधिः ॥ १७॥

rathāṅgaṃ śrīśārṅghaṃ praṇatajanarakṣārthamamalohariḥ śaṅkhaṃ khaḍgaṃ satatamapi bibhranmuraripuḥ |gariṣṭhaśreṣṭhānāṃ karigirilasan kalpakatarurvariṣṭaṃ kalyāṇaṃ diśatu mama vātsalyajaladhiḥ || 17||

कलानाथःक्षीरप्रभवलसदास्यस्मितरुचिर्दयासिन्धुर्बन्धुर्मम तु करिशैलोज्ज्वलतरुः ।जगन्नाथो दिव्यस्फटिकमकुटप्रोज्ज्वलतनुःमम क्षेमं दद्यादतुलगुणवात्सल्यजलधिः ॥ १८॥

kalānāthaḥkṣīraprabhavalasadāsyasmitarucirdayāsindhurbandhurmama tu kariśailojjvalataruḥ |jagannātho divyasphaṭikamakuṭaprojjvalatanuḥmama kṣemaṃ dadyādatulaguṇavātsalyajaladhiḥ || 18||

विधोशाधीशानो विनतजनताकल्पकतरुःकरीशः पद्मेशः परमपुरुषो वत्सलतरः ।सुशीलो देवेशः कमलनयनः सौम्यवदनःमम क्षेमं दद्यादतुलमहिमा भक्तरमणः ॥ १९॥

vidhośādhīśāno vinatajanatākalpakataruḥkarīśaḥ padmeśaḥ paramapuruṣo vatsalataraḥ |suśīlo deveśaḥ kamalanayanaḥ saumyavadanaḥmama kṣemaṃ dadyādatulamahimā bhaktaramaṇaḥ || 19||

सदामारामोराः करिगिरिशिरोभूषणवरःदयापारावारः परमपुरुषो मङ्गलनिधिः ।गुणानां पाथोधिः सुभगसुलभोदारचरणोमन क्षेमं दद्यादतुलमहिमा भक्तरमणः ॥ २०॥

sadāmārāmorāḥ karigiriśirobhūṣaṇavaraḥdayāpārāvāraḥ paramapuruṣo maṅgalanidhiḥ |guṇānāṃ pāthodhiḥ subhagasulabhodāracaraṇomana kṣemaṃ dadyādatulamahimā bhaktaramaṇaḥ || 20||

सकलभुवननाथः सर्वबन्धुर्दयालुर्विमलमधुरमन्दस्मेरवक्त्त्रारविन्दः ।कलशजलधिकन्याप्राणनाथो मुकुन्दःप्रणतवरदराजः पातु मां देवराजः ॥ २१॥

sakalabhuvananāthaḥ sarvabandhurdayālurvimalamadhuramandasmeravakttrāravindaḥ |kalaśajaladhikanyāprāṇanātho mukundaḥpraṇatavaradarājaḥ pātu māṃ devarājaḥ || 21||

इति श्रीवरदराजस्तोत्रं सम्पूर्णम् ।

iti śrīvaradarājastotraṃ sampūrṇam |